( جنين الجن ) الفصل الاول ( الطمع ) ؟
جنين الجن
الفصل الاول ( الطمع ):
لن اكتب لكم في بادئ الأمر أيتها مقدمات ساقوم بشرح ما حدث معي شخصيا
انا طاهر سليمان الحسيني يتيم ماوش حد و لا صحاب معنديش حاجه في الدنيا كلها غير اختي الصغيرة أنا شخص عادي جدا
ومش بس كدا طالب في كلية أداب المرحلة التانية او سنة تانية مش عارف أوصفلك بالظبط بس زي كل سنة بتعدي عليا
اخلص امتحانات وبنزل ادور علي شغل .
لما كنت في تانية ثانوي لقيت شغل اون لاين علي موقع اسمه سر الارض الموقع باختصار شديد عبارة عن انك بتعمل حاجات بمقابل مادي بصور حد بوصل حاجات من غير ماشوف محتوها ايه وحاجات تانية كتير عدت عليا أجازة تانية وكان معايا مبلغ كويس يكفني مصاريف المدرسة شاملة الدروس و المصاريف الشخصية كمان لمده سنه وكان الشغل بسيط وساعات بيكون صعب فضلت علي الحال ده لمدة سنتين و دخلت كلية اداب وبردو كنت مكمل في الشغل علي الموقع ده والموقع ده في طبعا تقييم والحمدلله كنت لمده السنتين
واخد تقييم عالي جدا تقسيم التقييم والرتب في الموقع كالاتي اولا هاوي ثانيا مبتدئ ثالثا متمرس رابعا محترف خامسا خبير سادسا أسطوري سابعا تنين ثامنا إله و طبعا انا مش بؤمن بالكلام ده بس مش دي المشكلة انا كنت في المرتبة السادسة وكل التقيمات اللي تخصني ممتاز أو فوق الممتاز وده شئ كويس جدا .
عدت سنة أولي عليا وكنت باخد طلبات من بره مصر من اشخاص تقيميها تنين و أسطوري وسنة تانية ابتدت الاجازة روحت اشتغل زي كل سنة ولاول مره في خلال تلت سنين يوصلني طلب من شخص رتبته إله و طبعا مكنتش مصدق فرحت جدا والمبلغ المالي كان لا يصدق قبل ما تفتح تقرير الطلب بتشوف المقابل للطلب ده و انا المبلغ اللي شفته افتكرت إن الطلب صعب جدا وعلي قد ما فرحت علي قد ما فقدت الامل فيه و كنت في صراع داخلي بيني وبين نفسي و في الاخر الطمع كسب.
و فتحت التقرير و اول ما شفت التقرير او المطلوب اتصدمت صدمة كبيرة المطلوب كالاتي هو اني ادخل البيت المهجور اللي في العنوان المذكور بتوقيت 8 صباحا وهنزل للدور الارضي اللي في البيت وادور علي كتاب لونه احمر دموي ومرسوم عليه قرد بقرون و هاخد الكتاب
وهابعته علي العنوان التاني و ألاهم اني ادخل و أخرج قبل 8:20 صباحا يعني قدامي ربع ساعة بس ادور فيها علي الكتاب واربع دقايق اخرج فيها من بعد ما دخلت حسيت الموضوع سهل و بسيط جدا بالنسبة للمبلغ المعروض و استغربت وقلت ازاااي وصوتي كان عالي جدا وانا في الشارع 200000 دولار عشان اعمل كده الصراحة انا اول فكرة جاتلي انهم كدابين وهايخطافوني هناك و ها يعذبوني زي ما بيعذبوا الناس في الديب ويب وبعدها رجعت قولت طب ازاي وهما كاتبين الدفع مقدم 100000 يعني 50% مقدم
فكرت مع نفسي بصوت عالي وقلت كده كده خربانة يا نعيش عيشة فل يا نموت إحنا الكل …..
وضحكت ومشيت كان المطلوب تنفيذ الطلب في اليوم و السنة المرفقة في التقرير وهو يوم واحد وتوقيت واحد ومش مسموح باي يوم تاني او اي غلطة .. وقررت اني اتحرك.
يتبع…….
