السفاح المجهول الجزء الاول

السفاح المجهول 

احنا كنا ساكنين في منطقة كانت مشهورة بالفلل و القصور القديمة 

في المربع السكني اللي كنا ساكنين فيه كان فيه كان فيه فيلا وسط البيوت و المهم كنت في يوم بلعب انا و اصحابي كرة ولما كان صاحبي بيلعب شاط الكرة بقوة كسر زجاج الشباك و الكرة دخلت جوا الفيلا 

دخلت الفلا المهجورة دي عشان نجيب الكرة انا و اصدقائي و مفيش اي رعب في الموضوع و دخلنا جوا الزرع الميت بتاع الفيلا نجيب الكرة لكن قبل ما ندخل الفيلا شمينا ريحة و حشة جدا جاية من جوا الفيلا اول مرة

 نشمها في المكان و افتكرنا انه ممكن يكون كلب او قطة ميته 

و لما دخلت جوا الفيلا 

صاحبي دخل و انا دخلت وراه الجو طبعا ظلام و كنا ماسكين الكشافات و كنت لسة هطلع الدور اللي فوق لقيت صاحبي عمال يصوت و يجعر و يدبدب في الارض و عمال يجري و مش عارف يروح فين من كتر التوتر 

انا افتكرته بيعمل فيا مقلب انا ببص حواليا مش شايف اي حاجة فاقتنعت انه بيعمل مقلب لحد ما هو نط و جري برا الفلا و انا فضلت واقف مستنيه يدخل تاني لان مفيش اي حاجة لكن في ركن من الفلا فيه حاجات

 علي الارض فبدات اقرب كدا و انا ماسك الفلاش و اتصدمت من اللي انا شوفته 

لان اللي انا شوفته كان جثة مرمية علي الارض

دا غير كدا المكان كان مليان حشرات و الجثة راسها مقطوعة الجثة كانت مش باين تفاصيلها طبعا لانها متحلله و انا مقدرتش استحمل المنظر او الريحة و جريت علي برا ورا صاحبي 

مفوقتش غير و انا برا و البوليس و موجود و الاسعاف و المنطقة كلها و السكان واقفين حوالين الفيلا كانت دي اول جريمة قتل حصلت غريبة في المنطقة اللي عمل كدا منعرفش مين و ليه اصلا هي مش تجارة

 اعضاء  دي كانت جريمة قتل سمعت المنطقة كلها لكن مفيش اسبوع او اسبوعين و نفس الجريمة اتكررت تاني بنفس الشكل و بنفس المنطقة 

كان فيه حاجة مشتركة في الجريمتين و هي 

ان اللي قتلهم مش بياخد اي عضو هو بيقطع راسها و بياخد  حاجة خفيفة يعني لكن حاجة مش مفهومة للشرطة اللي كانت بتحقق في الجريمة دي 

و نفس الموضوع اتكرر ضحية ورا التانية ورا التالت 

و الكلام دا كله في المربع بتاعنا بس و البوليس مش عارف يوصل للمجرم فقفل كل مداخل  و مخارج المكان عشان يكونوا عارفين اللي بيدخل و يخرج و مع ذلك كانت الجرايم بردو بتحصل 

السفاح اللي كان بيقتل الناس كان من جوا المنطقة 

فهنا ابويا قرر انه ياخدنا كلنا و نخرج برا المنطقة دي مؤقتا لحد ما يعرفوا السفاح و يقبضوا عليه ليكون احنا اللي علينا الدور و مش بس احنا دا معظم الجيران بردو سابوا المكان و كان فيه ناس لكن فكل عمارة ممكن

 تلاقي شقة او اتنين 

و ابويا قرر اننا نروح نعيش مع عمي مؤقتا عمي دا كان مسافر السعودية و كان بيجي مصر كل سنة مثلا و كان عنده شقتين مفتوحين علي بعض في الدور الخامس و ابويا كلم عمي و عزلنا و رحنا هناك كلنا و

 ماخدناش كل حاجة معانا سيبنا حاجات هناك لكن 

فيه بوكس انا نسيته هناك مهم و مش عارف ارجع للسفاح تاني ازاي 

و انا لو قولت لابويا ارجع هناك هيحبسني في البيت و في يوم كنت برا قولت اروح اجيبه بسرعة و فعلا رحت هناك اخر النهار لكن كان الليل ليل و عرفت فعلا ان معظم الناس مشيت فضلت اتمشي و اتلفت حوالي 

انا ماشي مرعوب لحد ما وصلت و رحت هناك سمعت صوت جاي من الشقة اللي فوقنا و دي كانت شقة يحي صاحبي فقولت اطلع اسلم عليه و لما طلعت كان الباب مفتح سنة بسيطة و شوفت منه

جثة متعلقة و راسها مقطوعةو شايف ظل حد واقف ورا الباب 

ا انا بنزل بالراحة التليفون رن نزلت جري علي تحت و ليقت حد بيجري ورايا 

و عمال يقرب مني 

وخلاص قربت اخرج من المنطقة التيفون بتاعي وقع و انا طبعا سيبته و جريت لقيت محدش بيجري خلاص وقف و انا ركبت مواصلات و روحت علي البيت 

لكن كانت المفاجاة لما روحت ……………………..