هل تؤمن بزواج الجن من الانس ؟

لطيفة نظمي الفنانة التي تزوجت من جن وحملت منه!...

من أغرب القصص اللي ممكن تقراها عن ممثلة اسمها لطيفة نظمي... ولدت في يوم 6 ديسمبر سنة 1898 لأسرة فقيرة من إحدى قرى دمياط... أبوها كان شغال في الصيد... اجره يا دوب كان يكفيهم أكل وشرب ...
لطيفة لم تكمل تعليم بسبب الفقر... لكنها قدرت انها تعلم نفسها بقراءة المجلات القديمة اللي كانت مكتوبة باللغة الانجليزية ... لحد ما قدرت تتعلم الانجليزي باتقان ...

لطيفة كانت بتحلم انها تكون فنانة مشهورة لكن ده مكنش هيحصل طول ما هي في قريتها بدمياط... فعشان كده سافرت للقاهرة من وهي صغيرة وعاشت مع خالها الفقير اللي كان عنده عشر أطفال... ولما عاشت معاهم حست بالمعاناة اللي عايشين فيها زي ما كانت عايشة مع ابوها في فقر...
فهنا فقررت انها تساعد مرات خالها في تربية العيال وكمان عشان تعمل مقابل طعامها...

لطيفة كانت بتحب تقرا المجلات وفي يوم لقيت إعلان للفنان عزيز عيد يبحث عن فنانات يشتغلوا معاه في مسرحية جديدة ليه... فقررت لطيفة انها تقدم في المسابقة دي وفعلا نجحت في المسابقة والاختيار وقع عليها... واشتغلت في أول مسرحية... ومن هنا كان طريقها للفن... اشتغلت لطيفة في أكتر من مسرحية لحد ما شافها الفنان الكبير يوسف وهبي واعجب جدا موهبتها وقرر يضمها في فريقه التمثيلي... عشان يكون من هنا الظهور الابرز للممثلة لطيفة في عالم الفن... اشتغلت مع الفنان يوسف وهبي في مسرحيات وافلام كتير... و اجرها بدأ يعلى اكتر... واشترت شقة خاصة بيها في عمارة بقلب القاهرة... وقسمت اجرها على تلاته... نص كانت ترسله الي خالها والنص التاني لابوها وامها في دمياط... والنص التالت ليها...

لطيفة خلاص الحظ لعب معاها... لكن للأسف ماكنتش تعرف ان ينتظرها مصير مرعب جدا في الشقة اللي اشترتها؟!
لطيفة في يوم كانت رجعه من شغلها الصبح قابلت واحد يحاول يفتح شقته... ومن هنا دار حديث بينهم و اتعرفت عليه... وكان دكتور ... واعجب بيها ... وهي كمان اعجبت بيه... والاعجاب اتحول لجواز بسرعة...

جوزها الدكتور كان شخص غريب جدا؟ كان طول الليل مش موجود في البيت... ولا يرجع الا بالنهار... واصلا لطيفة مكنتش مهتمة بده لانها كانت مشغولة جدا في مسيرتها الفنية... لكن لما كانوا يتقبلوا صدفة بالنهار كانت بتسال ليه طول النهار قاعد ف البيت؟ وطول الليل مختفي ؟ فيقول مشغول في شغلي... واوقات كتير كان بيبات في شغلة... لحد ما اختفى جوزها لمدة اسبوعين كاملين! لم يظهر خلالهم... فقررت لطيفة انها تسأل عنه... بس تسأل عنه فين وهي أصلا متعرفش مكان شغل ليه؟ سألت في المستشفيات عن اسمه ولم تعثر علي اي حد بأسم جوزها في ولا مستشفى من مستشفيات القاهرة...

وعندما وصل الامر انها لن تعثر له علي أي أثر قررت انها تدخل مكتبه اللي كان على طول مقفول ومحدش يدخله غيره... ولما دخلت وفضلت تدور لقيت درج المكتب مقفول فقررت انها تفتحه... كسرته... ولما فتحته لقيت اللي مكانش يخطر على بالها ابدا؟ لقيت ورق كتير مكتوب فيه كلام غريب جدا أشبه ب التعاويذ السحرية! ولقيت كمان قائمة مكتوب فيها اسماء ستات وعناوين لمحل اقامتهم... هنا قررت انها تسأل وتدور على الستات دي... ف كانت الصدمة! كل ما كانت تدور على ست وتوصل عنوانها تلاقي انها ماتت مقتولة!...
لطيفة حرفيا انصدمت! و مبقتش عارفه تعمل ايه؟ هي كانت عايشة مع مين؟
لطيفة حكت لصديقه ليها... ولما حكت لها قالت لها يلا بينا نروح لشيخ ونشوف ايه حكاية الورق ده... ولما راحو للشيخ رده كان صادم؟ قالها ان المكتوب في الورق ده طلاسم سحر أسود و طلاسم خطيرة كمان... وكمان قالها إن اللي مكتوب ده طلاسم من عالم الجن!... واللي كاتبها جن قوي و حذرها من التعامل معاه! لأنه مؤذي ومش يبعد عنها غير وهي مقتولة! وكمان قالها ان النوع ده من الجن يخاف من حاجتين وهما الليل وصوت الأذان... وعشان كده مكنش يظهر غير بالنهار ويختفي في الليل!...

فهنا لطيفة قالت للشيخ ده ان صاحب الطلاسم ده جوزها تزوجته من فترة صغيرة و مكنش يظهر غير بالنهار ويختفي في الليل!... فهنا الشيخ قالها لازم تهربي منه لأن جوزك جن و مش يبعد عنك غير وانتي ميته زي ما شوفتي في الستات اللي مكتوب اسماءهم في القائمة... دول كلهم ستات تزوجهم وقتلهم... و مصيرك هيكون زيهم!...

لطيفة سمعت الكلام ده وراحت على الفنان يوسف وهبي وحكت له كل حاجة... فأخذها يوسف وهبي وراحوا للشرطة يبلغوا لكن الشرطة ماقدرتش تساعدهم... لطيفة روحت بيتها واشترت اسطوانات قران كريم و شغلتها في البيت... وفضلت مستنيه مصيرها... لحد ما في يوم ظهر جوزها الدكتور واكتشف لما ظهر انها فتحت الدرج و كشفته... فهنا هجم عليها عشان يقتلها... بس لطيفة جريت وشغلت الأذان عشان يحصل لجوزها حالة غريبة من الثبات مقدرش يتحرك... فهنا استغلت الموقف ده و ضربته على دماغه فوقع وهي راحت و كلمت يوسف وهبي... واللي جه ومعاه البوليس وتم القبض على زوجها عشان يطلع انه مريض نفسي وقاتل متسلسل قتل كتير من الستات وهرب من مستشفى المجانين!...

لطيفة كانت عايشة مع مجنون وقاتل متسلسل... لكن الصدمة بعد فتره من القبض عليه... تعبت... ولما كشفت عرفت انها حامل من الدكتور المجنون! وطبعا قررت تتخلص من الجنين... لكن للاسف ماقدرتش... مكنش قدامها حل غير انها تسيبه... ولما ولدت الطفل كان طفل مشوه ! ومات على طول!... فهنا ربطت أنه أبن جن ! هنا اصيبت بحالة اكتئاب ودخلت مستشفى المجانين وماتت وهي في الاربعينات من عمرها!...

مأساة عاشتها الفنانة لطيفة نظمي اللي كانت موهوبة جدا وكانت تنتظرها شهرة كبيرة في عالم الفن... لكن كل ده محصلش بسبب جوزها اللي محدش يعرف هل كان جن فعلا ولا كان ساحر وقاتل متسلسل؟ ولا كان حد مجنون !!
الحكاية دي كتبها الفنان يوسف وهبي في مذكراته لأنه كان أقرب حد للممثلة لطيفة نظمي...

تفتكر القصة حقيقية ولا خيالية؟!

لكن فعلا لطيفه ماتت في سن صغير الاربعينات وفي عز مجدها بعد ما أصابها حالة من الاكتئاب!...