زفاف في قصر ملعون
هنعمل فرحنا في القصر المسكون
يوسف: نعم انتي بتهزري
أروي: لا مبهزرش داا فرحي انا ومش بتجوز كل يوم يعني وبعدين انت معارض ليه دا خطيبي موافق
يوسف: انت موافق ازاي يا أحمد دا قصر مسكون هتروح تعمل فرحك مع الجن والعفاريت
أحمد: والله انا عاجبني الفكره جدا وحابب الموضوع ثم اننا منعرفش حاجه عن القصر داا ومفيش اسطوره عنو يعني الكلام الي بنسمعو كدب
يوسف: يابني دا قصر مسكون من مئات السنين والكل بيترعب يقرب منو انتو نااسين ولا اي
مريم: لا مش ناسيين يا چو بس القصر دا الوحيد الي مقدرناش ندخلوا ولا نعرف حكايتو اي وبعدين القصر شكلو تحفه بصراحه انا اتفق مع أروي وأحمد و حابه الفكره
يوسف: امم وانتو كمان موافقين
سامي: بصراحه هتبقى فكره جامده جدا انا الي مقترح عليهم الفكره اصلا
سلمي: وانا كمان عاجبني الفكره هتبقى فكره مختلفه جداا و هنبقى ترند
محمد: بصراحه انا معااكو بس تفتكرو اهالينا هيوافقو
أروي: لا طبعا احنا هنعمل فرحين فرح لاهالينا كلهم وكل المعازيم و اصحابنا
و تاني يوم هيبقى فرح لينا احنا السبعه بس في القصر ومحدش لازم يعرف علشان هيمنعونا
يوسف: لا فرح ليكو انتو السته انا أوت مش هحضر
مريم: مش هتحضر فرح أروي وأحمد يا يوسف
يوسف: مش هما هيعملو فرح للعيله انا هحضرو لكن القصر مستحيل ادخلوو
أروي: يووه بقا يا يوسف انت عارف ان الفرحه بتبقا وحشه لما يكون ناقصنا حد بليز تعالا عشاني
يوسف: مش هحضر يا أروي انا اكتر واحد فيكم عارف عن الكائنات اللي مش بنقدر نشوفهاا دي هما اقوي مننا
سلمى: على فكره انا شوفت على الفيس بوك ان الجن قصيرين اوى و ميقدروش علينا و بيخافو مننا
يوسف : انا مليش دعوه بالكلام الاهبل دا انا قريت كتير عن القصر دا و عارف في اى جواه نصيحه بطلي هبل و اعقلو شويه و بص لمريم اللى بتبرد في ضوافرها و قرب منها و قال طب هما مش خايفين على نفسهم ف خافي انتي على بنتك يا مريم هي محتاجاكي اوي و ملهاش حد غيرك و انتي فاهمه
