زفاف في قصر ملعون ( بارت 2)

 التعرف على الشخصيات 
يوسف : انا مليش دعوه بالكلام الاهبل ده انا قريت كتير عن القصر ده و عارف في اى جواه و نصيحه ابعدو و اعقلو شويه و بص لمريم اللى واقفه تبرد ضوافرها و قرب منها و قال لو هما مش خايفين على نفسهم خافى انتي على بنتك يا مريم هي محتاجاكي اوى و ملهاش حد غيرك و انتي فاهمه قصدي

مريم بلاموبالاه : انا عارفه انا بعمل اي متخافش ثم ان سامي هيبقى معايا
يوسف بصلها بحرقه و سابهم و مشي

تعريف
السبعه في كليه اثار بيسقطو كتير
يوسف 25 سنه شاب مثقف جدا عايش لوحده اهله متوفيين و مهتم بعالم الجن و العفاريت و السحر و مصدق وجودهم و بيقرا عنهم كتير جدا و بيحب مريم و بيلا بنتها و نفسو يعترف بحبه لمريم بس خايف يخسرها

مريم 25 سنه مطلقه و معاها بنت 5 سنين عايشه مع مامتها و بنتها اخوات مريم مش بيكلموها ولا بيزوروهم  خالص 
مريم بتحب سامي

سامي25 سنه شاب طايش بيحب المتعه و الجنان و المخاطره مش شايل مسؤولية حد عايش لوحده اهله في كندا بيبعتوله مصاريفه مش بيثق في عالم الجن و مش مهتم بيه مش متاكد انه بيحب مريم مش بيبعدها عنه و مش عارف هو عايز ايه

سلمى 25 سنه عايشه لوحدها مهووسة بالسوشيال ميديا بتطلع لايف كتير و مهتمه بالفانز بتحب محمد اهلها عايشين قريب منها بس مقطعاهم  و مش بتزورهم واخده الحياه هزار و ضحك مش بتخاف من المخاطره و مش مقطنعه بالجن

محمد 25 سنه عايش مع مامتو و اخوه كوميدي بيحب اللمه و الانبساط عايش حياته ترفيه مش بيحب يشيل المسؤولية بيحب سلمي و بيخرجو كتير و بيسهرو في شقه سلمى بيخاف من الجن جدا بس بيبن نفسه استرونج قدامهم

اروى 25 سنه دي مخطوبه لاحمد مجنونه و بتحب التهريج مش جد خالص عايشه مع باباها و مامتها مش بتخاف من حاجه و عندها استعداد تخاطر باي حاجه في سبيل انها تاكل الجو و الكل يتكلم عنها

احمد 25 سنه عايش لوحدو بعد ما اهله ماتو في حادثه بيحب اروى جدا و بينفذ اللى بتطلبه عايش في سبيل اسعاد حب عمرو بيحاول يبان قوى لكن هو مفتقد عيلته عايز يتجوز بسرعه علشان يكون اسره تحتويه

السبعه كانو من سنه في رحله استكشاف الاماكن الخفيه و بيوضحو الافكار المستخبيه عن العالم دخلو اماكن كتير مسكونه و كانو بيصورو و ينشرو على النت و يحكو تجربتهم و كانو دايما بيخدو شيخ معاهم خوفا ليحصل حاجه  حاولو كتير يدخلو القصر المسكون بس مفيش شيخ وافق يدخل معاهم ولا حد من الناس محدش عارف اي حكايه القصر ده بس كان سبب رعب للجميع  و السبعه خافو يدخلوه بس يوسف كان مهتم اكتر منهم و فضل يبحث و يقرا لحد ما اكتشف ان في روح شريره اوي في القصر ده و خاف يقرب منه او يعرف  اكتر اكتفي انه يسمع من بعيد و بس 
و سامي اللي اقترح عليهم يعملو الفرح في القصر علشان يصورو التجربه و ينزلوها على النت و الكل وافق الا يوسف

مريم: ها هنعمل اي

اروى: الفرح هتعمل في القصر ده اخر كلام

سامى: انا هبدء اجهز الكاميرا

سلمى: و انا يادوب الحق اشتري الفستان و الميك اب

محمد: طيب اشوفكم بليل لاني هموت و انام

احمد: ياله يا روحي هوصلك

اروى : اوكى ياله

الكل رجع بيتو ينام و اتفقو يتقابلو بليل
يوسف في شقتو قلقان و مش مرتاح لفكره الفرح و خايف اكتر على مريم و بيفكر يبلغ اهلهم علشان يمنعهم بس كدا هيخسر اصحابو للابد
بليل الكل اتجمع في النادي المعتاد
اروي: ٣ ايام و نخوض اكبر معجزه في التاريخ انا متحمسه اوى
مريم: انا لحد دلوقتي مش مصدقه اني اخيرا هحضر فرح لا و كمان في قصر مسكون
محمد : بقولكو ايه تفتكرو يوسف معاه حق و احنا غلط
سلمى: اسكيوزمي يا بيبي انا مستنيه الحفله دي بفارغ الصبر انت عارف لما هنشر حفلتنا دي هيجيلنا فولورز اد اي
احمد: يوسف جه بقولكو ايه احنا لازم نقنعو دي هتبقى حفله دمار لازم كلنا نبقى سوا
سامي : ياعم هنقنعو مين قال انه مش جاي مفيش كلام دا احنا واحد
يوسف: مش جاى يا سامي و لحد يوم الفرح هفضل احذركو انا بجد خايف عليكو
اروى بتحط ايدها على ودنها ششششش محدش يتكلم بقى دا فرحي يا شباب و اللي عايز يحضر على راسي و اللي مش عايز هو حر

يوسف: تمام انا اوت

احمد: اروي بتهزر يا يوسف صدقني هضايق اوى لو محضرتك يابني احنا شله ولازم نكون ايد واحده دايما

يوسف : و هنفضل ايد واحده بس لو تعقلو و تبطلو جنان

اروى: يا چو بقا متبقاش رخم انت عارف ان الفرح من غيرك هيبقى دمو تقيل بجد هحس فرحتي ناقصه

يوسف : ناقصه ايه وزفت ايه انتم رايحين ترقصوا في مكان مسكون بالجن رايحين ترقصوا الجن حواليكم وتقوليلي فرحي انتوا اتهبلتوا اوي

مريم : چو انت هتحضر على فكره بطل رخامه بقى

يوسف:  لا انا هخليني في بيتي يا هانم عشان لو اتلبستو اخلي بالي من بنتك اللي انت مش بتفكري فيها اصلا

سلمى: انتوا بقيتوا اوڤر اوووي على فكره انا هرقص جااي يا بيبي

محمد: جااى

سامي : هترقصي يا ميمو

مريم: اكيد

اروى: بيبى ياله نرقص

احمد: ياله

ويبقى يوسف وحيدا يراقبهم بصمت قاتل

بعد ايام

يوسف واقف قدام المرايه بيلبس بدله كحلي وقلبه بيدق بيبص لنفسه في المرايه وبيقول لنفسه هيفهموا امتى انك خايف عليهم

وفي اكبر قاعه افراح في المكان الكل متجمعين و مبسوطين في انتظار العروسين

يوسف ومحمد وسامي لابسين بدل كحلي وجيرافت نبيتي زي بعض

مريم وسلمى لابسين فساتين صق كحلي وشوز نبيتي وبيلا بنت مريم لابسه شبههم

يوسف: اروى قالتلك هيجوا امتى

مريم :قالتانهم خرجوو و في الطريق

بيلا: وحشتيني اووووي يا چو

يوسف : وهو يحضنها وحشتيني اكتر يا عمري

سامي: بيلف ايده حوالين مريم بقولك ايه ما تيجي شويه عايزك

مريم: اوكيي

بيلا: انا مش بحب سامي ده خالص

يوسف بيضحك و هو بيحبك جد
ا 
بيلا: ليه انت مش بتحط ايدك على مامي و تقولها عايزك

يوسف: اممم تقدري تقولي نفسي بس مش قادر

بيلا: اممممم

الكل وقف على صوت الزفه وصلت والاصحاب الخمسه كانوا بيجروا عشان ياخدو اماكنهم

النور طفى وظهر ضي خفيف على الخمسه و هما وافقين قدام 
الباب اتفتح ودخلت اروى بفستانها و واقفو حواليها  و ابتدو يعملو  عرض كانوا متفقين عليه احمد خرج من الباب الخلفي  و ظهر معاهم و ابتدو الرقصه
‏الكل سقف و بيضحكو و الاصحاب السبعه بيحضنو بعض و بيبتدى فقرات الزفاف
‏اليوم خلص سعيد و الكل فرحان  و على حسب علم جميع الاهالي ان السبعه طالعين يوم الساحل و بعدها العروسين هيطلعو الغردقه اسبوعين
‏طبعا يوم الساحل ده كدبه مصطنعه علشان هيروحو القصر المسكون من وراهم .
‏