الظل: غموض و إثارة - الحلقة الأولي
" كنت أول مرة أروح هناك .. المكان جميل .... روعة .... تحفة .... كنت أول مرة أشوف بعيني حاجة زي كدة .... يمكن عشان لا سافرت و لا طلعت رحلات قبل كدة .. حتي الجو .. الجو تحس كدة إنه متظبط عشاني .. لمزاجي .... الجو ده بيحرك جوايا مشاعر كتير أول مرة أحسها ................. ".
- نور .... إيه يا بنتي إنتي جاية هنا تسرحي هههههههههههههههه.
= عارفه يا بت يا مي أنا زعلانة أوي كل ما بفتكر إن هييجي يوم و نسيب المكان ده.
- إسمعي مني .. عيشي اللحظة عشان ما تكتئبيش علي الفاضي .. لو فكرنا كدة لا هنستمتع و لا نيلة.
= معاكي حق .... مصر طلعت جميلة أوي بجد .. أنا مش عارفة إزاي بس وصلت للتلاتين و أنا عمري ما سافرت ولا شوفت الجمال و الروعة دي قبل كدة.
- ههههههههههههههههه عشان طول عمر أهلك خايفين عليكي وما ينفعش يسيبوكي تسافري و تبعدي عنهم فترة طويلة.
= بس المرة دي كان لازم أسافر يا مي، أنا كنت تعبانة بجد و محتاجة لكدة أوي .. و في الأول و الأخر دي الفيوم يعني مش بعيدة ما تعتبرش سفر .. وكمان أهلي أول مرة يسيبوني أعمل حاجة كدة ..
أسافر و أغير جو ....
عارفين حالتي و إني محتاجة لده بجد ....
كان صعب أكمل حياتي بالمنظر ده .... كل يوم بيعدي بيكون أصعب من اللي قبله ....
قاعدالهم في البيت بمنظري الكئيب ده و هما مالهمش ذنب برضه ....
صعبت عليهم لدرجة إنهم سمحولي أسافر أغير جو ههههههههههههه .... بس بصراحة كونك معايا ده خلاهم ياخدوا الخطوة دي و هما مطمنين ....
بجد مش عارفة أقولك إيه يا ميمو؟ إنتي بجد أخت و صاحبة جدعة أوي.
- إنتي كمان أحلي نونة في الدنيا .... المهم ننبسط الأسبوع ده عشان مش هيتعوض تاني، و دي أول رحلة نطلعها سوا فعايزين ننبسط بيها، و نطلع منها بذكريات حلوة نفتكرها دايماً، و كمان ما تفكريش في أي حاجة و إنسي كل حاجة حصلت وخليكي ............
-" يلا يا جماعة الغدا جاهز .........."
" ده كابتن عمر .. مشرف الجروب اللي طالعين معاه الرحلة .. شكله وسيم عكس طبعه اللي باين عليه إنه جد جدا .. إبتسامته بسيطة لكن قصيرة مش بتطول خالص علي وشه هههههههه ... مي تعرفه من كذا سنة و طلعت معاه رحلات كتير هي و أصحابها ".
" و مي دي الأنتيم .. أختي اللي مجبتهاش أمي فعلا ً و لولاها كانوا إستحالة يوافقوا في البيت إني أطلع رحلة أصلا ً.. رغم إنهم عارفين إني في أمس الحاجة إني أطلع أغير جو في أي مكان، حتي لما الدكتور قال ده ما عرفت إزاي يقنعهم زي ما ميمو عملت و إنهم ما يقلقوش و إني دايما ً هكون علي إتصال بيهم , و الحمد لله وافقوا في الأخر إني أطلع .... "
- يلا بينا ولا إيه؟
= أنا جاهزة أهو يا ميمو يلا بينا.
- ريحة الأكل تجنن .. أنا بعشق الباربيكيو أووووي.
= أمممممممممممم و أنا كمان خصوصا ً إني جعانة جدا ً و هموت و أكل دلوقتي و …….. يوووووووه نسيت موبايلي ….
ميمو إسبقيني إنتي هرجع أجيبه بسرعة و جاية وراكي ......
- يييييييييييي ماشي بس إنجزي عشان أنا هموت من الجوع.
= حاضر ….
" مش عارفة إيه الزهايمر اللي عندي ده .. ده أمي لو إتصلت و أنا بس إتاخرت عليها ثانية هتاكلني استر يارب......!!!!!! ".
يلا إيه ده موبايلي بيرن ........ ربنا يستر ومتكونش ..... إيه ده؟ ده رقم برايفت !!!!!!
ألو؟؟؟….. إيه ده ؟!
انتا مين ؟!!!... انتا مين؟!!! ...و دخلت هنا إزاي؟ مي ..... يا مي .........
انتا عايز إيه ؟...... عايز إيه؟
هتعمل ايه ؟؟؟
إلحقونيييييييييييييييييييييييييييييييييييي ........
