لن تصدق ماذا كانت تفعل مع الموتي 😱الساحرة التي ارعبت السعودية 1
*المقدمة*
ونرجع تاني بعد غياب ، السلام عليكم النهاردة هكتبلكم عن الساحرة المصرية التي ارعبت السعودية . الساحرة دي عالدوغري كانت بتعمل نفسها فاعلة خير وتقولهم ان هي بتغسل وتكفن الموتي بالمجان . لكن ياعزيزي القارئ مكنش حد عارف هي بتعمل اية بالظبط مع الج*ثة . ودة الي أنت هتعرفة دلوقت صلي علي النبي ويلا نبدأ .
القصة كاملة .
قصتنا بتبدأ في سنة 2016 مع واحدة مطلقة اسمها أمنية سالم . كانت جميلة وفي حالها وبعيدة عن المشاكل وكدة مسالمة يعني .
وفي نفس الوقت دة كان في راجل أعمال جاي من السعودية بهدف السياحة ، ويشاء القدر ان هو يشوف أمنية ويعجب بيها كمان ومكنش متجوز وفكر وقرر ان هو يقرب منها ويتعرف عليها ،ممكن يكون مابينهم نصيب . وفعلا اتعرف عليها وكمان ارتاحو لبعض . فعرض عليها انهم يتجوزو وهي تعيش معاة في السعودية . هي طارت من الفرحة ووفقت طبعا علطول .
اتجوزو وراحو في قرية في السعودية القرية دي بيني وبينك كدة بسيطة وصغننة وبالرغم من ان هي صغننة الا ان كان في سحر كتير بيتعمل فيها .
هما الاتنين كانو مبسوطين وربنا رزقهم كمان ولد سموة عماد .
بس بعد كام سنة الحياة المادية يعني الفلوس الي معاة بدأت تقل لدرجة ان هي خلصت وبدا يستلف من الناس .
فهي قررت زي أي ست مصرية أصيلة اقصد زي أي ست مكافحة أصيلة ان هي تطلع تشتغل عشان تساعد جوزها .
لكن مكنش أي شغل لاء دة كدة الشيطان حضر بقا ، قررت تشتغل في السحر . كمان عرضت علية الفكرة مش عرضت علي الشيطان . عرضت الفكرة علي جوزها ووافق .
وراح اشتري ليها الكتب علشان تساعدها ومع مرور الوقت أمنية اتعلمت السحر وكمان مش اكتفت بالكتب . لاء دة كمان طلبت من جوزها ان هو ياخدها لساحر يعلمها بنفسة . أصل معلش اون لاين مش زي الاوف لاين .
وبالفعل اخدها لساحر موجود في القرية المجاورة ليهم . وكانت بتستمر معاة وبتتعلم كمان .
مع مرور الوقت قالت لاء دة انا كدة بقيت متمرسة خلاص . الموضوع بقا لعبة بالنسبالي .
وقررت تجرب سحرها …. بس علي مين ؟
قالت لجوزها روح لعيلتك و جرانك وحبايبك وقول ليهم ان لو حد حصل معاة مشكلة يروح ليها اصل هي بقت معالجة روحانية .
وكمان أي حد مريض هتقدر تساعدة ، لكن دة طبعا بمقابل مادي اصل مافيش حاجة بالمجان . وفعلا ناس كتير راحت لامنية في الوقت دة .
والدنيا معاها اتحلت، ووضعها المادي بدا يتحسن . وصيتها سمع وبقت معروفة بالساحرة . بس هي كانت عاوزة تكون معروفة بالمعالجة الروحانية وان هي ملهاش بالسحر ولا بالشعوذة .
تعملي اية يا أمنية؟
تعملي ايى يا أمنية؟
اها قالت انا عاوزة اظهر إمام الناس اني الشيخة التقية النقية . عشان تظهر كدة قالت لكل الناس ان هي هتساعدهم في. غسيل وتكفين الموتي بالمجان ، من غير مقابل مادي .
واي حد بيموت تقوم هي مسعداة وتغسلة وتكفنة .
وفعلا ظهرت للناس ان هي تقية ونقية .
بس الحقيقة بتاعتها ظهرت لما في يوم من الايام ، بنت اسمها مريم جت لامينة وقالتها ان هي لازم تيجي تغسل امها الي ماتت .
فراحت علطول بس مريم كانت عاوزة ان هي تدخل تساعدها في تغسيل امها . رفضت أمنية واصلا هي لما بتروح لحد بيكون شرطها ان هي تدخل تغسل لوحدها.
المهم جت خالة مريم وقالت ليها ، يامريم انتي صغننة انا هدخل اساعدها لكن أمنية قالت لاء ولا انتي ولا هي .
هنا خالة مريم شكت فسبتها تغسل لوحدها ورقبتها من فتحة الباب لقت ان هي بعظ ما خلصت غسيل الج*ثة حطت ……..
بس كدة ياصديقي استني الجزء التاني القصة مش خلصت هنا .
مش تنسي تتابعني 💕
لو عجبك المقال اكتب كومنت جميل مثلك 💕
بس كدة سلام .
