طبيب بشري (حارس الملوك)
الطمع. الطمع هو الوحيد اللي قادر يخسرك كل حاجه. مكنتش اتخيل اني ممكن اوصل لكده. تخيل كده يتفتحلك باب دنيا جديده واول ماتقرب منه تلاقي حاجه وراك بتنادي عليك وتقلك ارجع لدنيتك القديمه بس انت بتستمر عشان اللي قدامك مغري وفي ثانيه بتخسر كل حاجه. بسبب الطمع...…
: دكتور ياسين. يادكتور.
ياسين: ايوه انا معاك.
د: معايا ايه ده انت في دنيا تانيه.
ياسين: هي فعلا دنيا تانيه. بس دنيا خراب دنيا خليتني زاي منتا شايف كده.
د: طيب انا عاوزك تركز معايا انت هنا عشان اقدر اساعدك عاوزك تريح نفسك خالص وتحكيلي كل اللي حصل بالتفصيل.
ياسين: المشكله يادكتور مش في اللي حصل المشكله في اللي بيحصل. انا لابقيت اكل ولا انام ولا عارف اقاوم
د: انا دكتور نفسي يعني مهمتي اني احل مشكلتك مهما كانت صعبه اكيد هنلاقي ليها حل ولو ملهاش حل هنحاول نتعايش معاها بس انت اهدي كده وركز واحكيلي كل حاجه من البدايه..…
ملك: ياسين ياسين.
ياسين: ايه يابنتي في ايه داخله بتزعقي ليه.
ملك: عماله اتصل بيك من الصبح مش بترد عليا ليه.
ياسين: مانتي عارفه اني كنت في المشرحه ولما خلصت شغل اتصلت بيكي بس مكنش في شبكه ولسه واصل حالا اهو. في ايه بقا.
ملك: في مفجأه.
ياسين: مفجأة ايه
ملك: هما مفجأتين. اولا انا حامل.
ياسين: انتي بتتكلمي بجد.
ملك: ايوه متأكده انا لسه جايا من عند الدكتور حالا.
ياسين:الف مبروك، ياحبيبتي. طيب وايه المفجأه التانيه
ملك: اكتشفت اكبر مقبره في التاريخ.
ياسين: طيب كنتي قلتيلي انتي عارفه ان انا بحب اشوف الحجات دي.
ملك: منا بقلك اهو بس في مشكله. باب المقبره مش بيفتح جربنا كل حاجه ومفيش فايده.
ياسين: طيب ماتجيبو شيخ يفتحها.
ملك: شيخ ايه انت بتصدق في الكلام ده.
ياسين: طيب ماتنسيش تقوليلي وانتي رايحه عشان اجي معاكي.
ملك: انا بكره رايحه عشان اعمل بحث عن المكان ممكن من خلاله اوصل لحاجه انت كده كده بكره اجازه تعالي معايا.
_كل حاجه كانت ماشيه تمام كنت فرحان جدا ان، ملك حامل وانها ناجحه في شغلها. بس كل ده اتغير لما روحت معاها وشوفت المقبره كانت حاجه تشد اي حد ليها حتا وهي مقفوله. رجعنا البيت وفضلت افكر ايه اللي ممكن يحصل لو المقبره اتفتحت وخدت منها اي حاجه اكيد حالي هيتغير للاحسن علي الاقل اامن حياة ابني اللي جاي. مش عارف الفكره جت في دماغي ازاي بس في نفس اللحظه كلمت شيخ وقلتله علي الموضوع وهو وافق. طبعا ملك رفضت الفكره بس قلتلها احنا هنروح مش هناخد حاجه كل اللي هنعمله ان الشيخ هيحاول يفتح المقبره لو فتحت هتبقا حاجه كويسه وتترقي في شغلك. وافقت بس كانت قلقانه. بليل خدتها ونزلنا وروحنا المكان وصفت المكان للشيخ وجالنا علي هناك. لحسن الحظ الناس اللي كانو بيحرسو المقبره محدش فيهم موجود. ملك اتضايقت من ده وكانت، هتتصل بمديرها تبلغه ان مفيش حد بيحرس المقبره بس انا قلتلها، لا. وقفنا قدام الباب احنا التلاته. الشيخ بدأ يقول كلام مش مفهوم ويرسم علي الباب حجات غريبه وفي الاخر قال. الباب هيفتح بس في شروط. قلتله شروط ايه. قالي الشروط مش هتتقال غير، جوه.
ملك اتريقت عليه وقالتله افتحه بس الاول. الشيخ خبط علي الباب تلت خبطات الباب اتفتح.....
نورنا الكشاف ودخلنا وكأننا دخلنا عالم السعاده. الكنوز في كل مكان. انا والشيخ كنا مركزين علي نفس الهدف ازاي ننقل كل ده لمكان دلوقتي. بس ملك قطعت تفكيرنا لما قالت.
ملك: محدش يلمس حاجه. الكلام اللي علي الحيطه ده مش كلام عادي.
ياسين: ايه اللي مكتوب يعني.
ملك: مكتوب هذه اكبر مقبره للملوك ولا يحق لأحد ان يمس اي شيئ بها ومن يخالف هذا ستحل عليه لعنة جميع ملوك الفراعنه. وفي جمله تانيه بتقول. ليس كل مايلمع ذهبا ان كنت تريد النجاه ابحث خلف الساحر ولا تبحث وراء الملوك.
ياسين :يعني ايه الكلام ده.
ملك:مش عارفه بس ده اكيد لغز. احنا لازم نخرج من هنا حالا.
في الوقت ده انا فعلا خوفت وقررت نخرج من هنا بس الشيخ كان عنده رأي تاني. انا وملك خرجنا وهو لسه جوه قلتله بلاش تاخد حاجه ويلا بينا لقيته اداني تمثال صغير وقالي امسك بس ده علي قدك. ورجع تاني عشان ياخد اكتر لكن حصلت المصيبه. الباب اتقفل. فضلنا ننده عليه وكل اللي سامعينه صوت صراخه. خدت ملك وخرجنا من المكان. اول ماوصلنا البيت ملك كانت عاوزه تبلغ علي اللي حصل بس فهمتها اننا هنتأذي. تاني يوم روحنا انا وملك الصبح كان موجود علماء اثار كتير. الباب كان مقفول. لكن الغريبه انهم لقو الناس اللي كانو بيحرسو المكان كلهم ميتين جمب المقبره.
مر كذا يوم وانا وملك في صدمه من اللي حصل كنا حسين بالذنب ان في واحد مات بسببنا حاولنا ننسا اللي حصل. وبعد فتره كل واحد رجع شغله. كل الفتره اللي فاتت دي كانت عاديه. المصيبه اللي حصل بعد كده.
كنت قاعد في المشرحه والوقت متأخر كنت شويه وهخرج لكن دخلت المشرحه جثه جديده والمديره صممت اني لازم اكتب تقرير الجثه دي قبل ماروح. اضطريت استنا تقريبا كل اللي في الطب الشرعي مشيو الا انا. وقفت قدام الجثه كان شاب عنده حوالي ٣٠ سنه بدأت اشتغل وافحص الجثه لكن فجأه لقيت ايد مسكت ايدي رجعت وره ووقعت علي الارض. قومت بصيت علي الجثه كانت نايمه زاي ماهي. قلت ده اكيد بسبب التوتر رجعت تاني اكمل شغل لكن نفس الحركه اتكررت الجثه مسكت ايدي وبصتلي وقالت.
: انا ماموتش كده.
كنت حاسس اني بحلم انت عارف يعني ايه جثه بتكلمك وانت متأكد انك صاحي. حاولت ارجع ورا بس مكنتش قادر اتحرك. الجثه رفعت ايديها التانيه وحطيتها علي صدري وقال. تعالي اوريك اللي حصل.
فجأه لقيت نفسي واقف في بيت. بيت عادي ماكنش مخيف. خرج واحد من جوه. المفروض ان هو ده الشخص اللي مات. وقف قدامي وهو بيقول.
: انت ايه يا اخي مش بتزهق قلتلك ميت مره مش هبيع ده نصيبي ومش هسيبه مهما حصل.
في شخص تاني خرج من نفس الاوضه وهو بيقله.
: يعني ايه مش هتبيع ده مش ورثك لوحدك انا هبيع البيت ده غصب عنك انا مش هفضل عايش في البلد دي انا وعيالي بسبب طمعك.
:طمعي انا برضه. اسمع انا قلت اللي عندي البيت ده مش هيتباع الا علي جثتي.
الشاب التاني مسك سكينه وجري عليه وفضل يطعن فيه لحد مامات وبعد كده فتح الباب وجري. مش عارف انا ليه عملت كده لكن جريت وراه نزل من العماره وركب عربيه وجري بس قبل مايمشي شوفت نمر العربيه. ببص جمبي لقيت القتيل واقف وبيقلي مش قلتلك انا ماموتش كده....
فوقت من الحلم اللي انا واثق انه مش حلم. كنت واقف قدام الجثه. مش عارف انا عملت كده ليه. لكن اتصلت بالظابط المسؤل عن، القضيه. والغريبه اني لقيته بيسألني عن التقرير لسه هقله علي رقم العربيه لقيته بيقلي انهم عرفو الجاني. قلتله مين اللي عمل كده. قالي اخوه وعرفو كده لما راجعو كاميرات العماره وشافو اخوه وهو نازل يجري من العماره والسكينه في ايده. ورجع تاني سألني عن التقرير. قلتله التقرير جاهز. كتبت التقرير وخرجت من المشرحه ورجعت البيت. طبعا الذهول اللي انا فيه لايوصف. اول مارجعت البيت ملقتش ملك. اتصلت بيها تليفونها مقفول. بعدها بدقايق وصلتني رساله ان تليفونها اتفتح اتصلت بيها. لقيت واحد بيرد عليا وبيقولي.
:دكتور ياسين.
ياسين: انت مين مراتي فين.
: انا دكتور ياسر مراتك موجوده في المستشفى بس مش قادر ترد عليك لو سمحت تيجي بسرعه.
قفلت معاه وجريت علي المستشفي. ملك كانت نايمه علي السرير ونايمه. الدكتور دخل وقال.
: اهلا يادكتور ياسين.
ياسين: في ايه ملك مالها.
:مدام ملك تعب في الشغل وزمايلها جابوها هنا اطمن هي كويسه لكن للاسف فقدنا الجنين.
زعلت جدا. وكنت خايف علي ملك. فضلت معاها لحد مابقت كويسه وخدتها ومشينا لما روحنا البيت وهديت حكيتلها علي اللي حصلي لكن اتصدمت لما هي اللي حكيتلي علي اللي حصلها...
ملك:انا كنت قاعد علي مكتبي ومركزه في الشغل فجأه النور قطع وسمعت صوت الباب بيتفتح فضلت اقول مين محدش بيرد كنت حاسه بصوت خطواط جايا نحيتي بعد كده ظهر، ضوء خفيف خلاني اشوف الشخص اللي واقف قصادي كان الشيخ اللي مات في المقبره بس كان شكله مخيف اتكلم بصوت مرعب وقال.
الشيخ: انتو السبب. قلتله وانا مرعوبه احنا السبب في ايه احنا فضلنا نقلك اخرج وانت اللي فضلت جوه.
الشيخ: لا انا مش يتكلم انكم سيبتوني اموت انا بتكلم علي اللعنه اللي فتحتوها عليكو وقريب اللعنه هتبقا اتفتحت علي العالم كله دوري ورا الدم. لان هو مش بيعترف غير بقنون واحد. الدم بالدم...
ملك: بعدها النور جيه، وهو اختفه بس حسيت بوجع شديد في جسمي بصيت علي هدومي لقيتها غرقانه دم. اغمي عليا وفوقت في المستشفي.
ياسين : الموضوع شكله كبير ومش هينتهي علي خير احنا بدأنا نخسر حجات كتير اولها ابننا اللي كان جاي احنا لازم نشوف الحل وانتي لازم ترتاحي شويه وماتروحيش الشغل الايام دي.
ملك : والمقبره اللي شغلين عليها ومش عارفين نفتحها لحد دلوقتي.
ياسين: مقبرة ايه المقبره دي هي السبب في كل اللي احنا فيه وانتي لسه بتفكري فيها. ارتاحي ياملك واسمعي الكلام.
بعدها بكام يوم وانا في الشغل. كنت مطبق بقالي يومين. مكنتش قادر انام من كتر الكوابس اللي بتجيلي. سمعت صوت حد بيصرخ بره. خرجت من اوضة المشرحه ووققت قدام الطرقه الطويله اللي مش باين منها اي حاجه من كتر، الضلمه. فضلت انده في حد هنا. محدش بيرد انا اصلا مستغرب فين العمال والدكاتره. لفيت وشي عشان ارجع الاوضه تاني لكن مكنش في اوضه اصلا. لقيت نفسي واقف وسط صحرا في عز الليل. لفيت الناحيه التانيه. شوفت شخص واقف فضلت اقرب منه لحد ماوقفت قدامه كان شاب شكله عادي. كان بيبصلي بكل حزن. لف وشه ومشي وانا مشيت وراه لحد ماوقف. وقفت جمبه وشوفت قدامنا قبر بصلي وقالي.
: خرج المدفون اللعنه اتفتحت ومش هتنتهي غير لو المدفون خرج لازم تواجه وماتخفش احنا مش هنسيبك لكن لازم تقف قصاد المدفون وتقرا السر اللي ايدك شافته... غمض عينك.
غمضت عيني وفتحتها لقين نفسي واقف قصاد المقبره وسمعت صوت، حد بينده عليا لما ركزت في الصوت اكتشفت انه صوت ملك. كانت بتنده عليا بصوت كله خوف. فجأه فوقت ولقيت نفسي واقع علي الارض في الشغل. قومت مسكت موبايلي واتصلت بملك لكن مش بترد. ركبت عربيتي وجريت بسرعه علي البيت اول مادخلت الشقه، فضلت انده وادور عليها. لقيتها واقعه علي الارض في الاوضه فضلت افوق فيها لحد مافاقت قلتلها ايه اللي حصل.
ملك: انا مبقتش قادره خلاص انا، بقيت بشوف، الشيخ ده، في كل لحظه انا كنت هموت لما ظهرلي من، شويه ومكنتش عارفه اعمل ايه.
قعدت من الشغل انا كمان الوضع، بقا كل يوم بيسوء لدرجة اني فكرت انتحر. جربت كل حاجه مفيش حاجه نافعه قلت اجرب اروح لدكتور نفسي يمكن، يساعدني اني اقدر انام علي الاقل. مع اني عارف انك مش هتقدر تساعدني. ايه تحليلك بقا يادكتور بعد ماعرفت اللي حصلي.
د: بص يا دكتور ياسين اناشايف ان موضوع المقبره ده مش هو السبب في اللي بيحصلك انت وملك انتو بس حسين بالذنب عشان الشيخ اللي مات لكن كل ده ممكن يبقا تهيؤات انا رأي انكو تسافرو مكان هادي تريحو اعصبكم شويه.
بصتله وانا مبتسم وقلتله. مش قلتلك مش هتقدر تساعدني. سيبته ومشيت قبل ماطلع البيت قابلني واحد معرفوش قالي مالك شكلك تعبان، قبل مارد عليه حتا. كمل وقال كل مشكله وليها حل بس انت تفكر صح. وتواجه. وتفتكر البدايه. وتوصل للنهايه. وسابني ومشي. طلعت البيت وفضلت افكر، في كلامه ندهت علي ملك وقلتلها احنا هنروح القبره دلوقتي.
ملك: هنروح نعمل ايه.
ياسين :مش عارف بس اكيد في حل هناك تعالي نفكر، كده شويه البقبره دي انتي قلتي مدفون فيها ملوك تعرفي بقا مين اللي مدفون فيها بظبط.
ملك: ايوه انا قريت اساميهم واحنا في المقبره.
ياسين: تمام وسط الاسامي كان في اسم ساحر.
ملك : ايوه كان في اسم وملك فيهم هو، اخر، واحد اتدفن في المقبره والمعروف عنه انه كان ساحر.
ياسين : طيب فاكره الكلام اللي كان مكتوب كان ايه.
ملك: كان مكتوب هذه اكبر مقبره للملوك ولا يحق لأحد ان يمس اي شيئ بها ومن يخالف هذا ستحل عليه لعنة جميع ملوك الفراعنه. وفي جمله تانيه بتقول. ليس كل مايلمع ذهبا ان كنت تريد النجاه ابحث خلف الساحر ولا تبحث وراء الملوك. يعني ايه بقا مش فاهمه.
ياسين : طيب اول مره شوفت الجثه اللي اتقتلت الموضوع كله كان علي ورث. تمام كده وانتي شوفتي الشيخ وقالك. الدم بالدم. بعدها انا شوفت الصحرا والقبر والشخص اللي كان معايا قالي لازم تواجه وتقف قصاد المدفون وتقول السر اللي ايدك شافته.
ملك : انا مش فاهمه كل ده معناه ايه.
ياسين : انا فهمت معناه ايه. التمثال. فين التمثال اللي الشيخ ادهولي.
ملك: متشال زاي ماهو في الدولاب
ياسين: هاتيه بسرعه
ملك: اتفضل اهو هتعمل ايه بقا
ياسين: اهو هو ده السر، اللي ايدي شافته تعرفي تقري الكلا اللي مكتوب علي التمثال ده.
ملك: مكتوب. خاوي. سارع. افتح.
ياسين :يلا بينا.
اتحركنا ووصلنا قدام المقبره. كنا واقفين قدام البيت مش عارفين نعمل ايه عشان يفتح. لكن لا اراديا حطيت ايدي علي الباب ومغمضت عيني وقلت كلام مش مفهوم. الباب اتفتح. دخلنا. واصدمنا لما ملقيناش جثة الشيخ، موجوده. كل حاجه كانت زاي ماهي. قلتلك لملك الساحر، اسمه ايه. قالتلي حارس الملوك. فضلت ادور علي اي حاجه لحد ماوقفت عند جملة ليس كل ما يلمع ذهبا وانظر، وراء الساحر. التمثال اللي كان معايا كان واضح علي الارض ان مكانه ناقص. وقفت قدام المكان ومسكت التمثال وقلت خاوي. سارع. افتح. المكان اتهز جامد وفجأه اتفتح باب ورا تمثال الساحر. مسكت ملك ودخلنا الباب المكان جوه كان كبير مليان توابيت لكل الملوك المدفونين فيها والكنوز كانت اكتر من اللي بره، بكتير انا كده فهمت، يعني ايه لس كل مايلمع ذهبا.. ملك قرت جمله علي الحيطه، بتقول. عندما تدخلون من ذلك الباب سوف تنتهي تلك، اللعنه وكل هذه، الكنوز مكفأه لكم ولكن احذرو من القادم. لان اللعنه ستنتهي من القبره ولكن ستخرج الي العالم. مفهمتش اوي بس كل اللي فهمته ان احنا كنا في لغز، وقدرنا نحله وكل الكنز، ده بقا من نصيبنا. مكنتش مصدق من، كتر، الفرحه وملك كان دأت تهدا وتطمن.. ياااااه معقول بعد كل ده تبقا هي دي المكفأه. انا لازم افكر هنقل الكنز ده من هنا ازاي.......
طبعا دلوقتي انتو فاكرين ان الحكايه خلاص خلصت والحقيقه انا كنت فاكر كده. لكن اتصدمت وانا في وسط فرحتي بصوت ورايا بيقول.
: مبروك انت تستاهل كل ده لان محدش قدر يوصل هنا غيركم.
بصيت ورايا كان الشيخ لكن شكله كان اقوي بكتير.
قلتله انت لسه عايش طب ازاي.
ابتسم وقال.
الشيخ : بفضلكم انا طلعت تاني بقالي سنين مستني اللحظه، دي حاولت اوصل ناس كتير هنا لكن محدش قدر يوصل للباب ده ويحل اللغز.
قلتله انت مين.
الشيخ: انا الشر اللي طلع للعالم انا اللعنه اللي عملتها من الاف السنين عشان اقدر اخرج تاني بعد ماتحكم عليا اني افضل مسجون في المقبره. انتو خلاص اللعنه اتفكت منكم لكن الاسوء انكم طلعتو الشر المدفون كل اللي حصل معاكم ده كنت، انا، السبب فيه، عشان تقدرو تقفو قدام الباب وتقرو التعويذه، اللي كانت السبب في طلوعي. اخرجو، من، هنا واستنو، الشر اللي طالع، للعالم الجديد. ودايما افتكرو ان، انتو السبب في طلوعي انا حارس الملوك......
