عقاب من الجحيم

“مكنش ليا ذنب مكنش ليا ذنب انتقم لي انتقم لي ”

فضلت اسمع الجمله دي من اول اسبوع خطت فيه رجلي البيت ده ومع ذلك كنت بحاول اتجاهلها 

انا اسمي زياد كنا عايشين في القاهره بس بسبب غلاء الأسعار ولأننا كنا في شقه إيجار قررنا نسكن في البيت اللي سابه جدي في الريف كان بيت قديم نوعا بس كان بحاله كويسه اننا نسكن فيه جبنا حاجاتنا وفي خلال كام اسبوع كنا خلاص نقلنا للبيت في البدايه كنت حاسس بشعور غريب جدا وانا داخل البيت بروده داخليه وسيطر عليا شعور الحزن معرفش ليه بس ده اللي حصل عدي اول يوم علي خير ومفيش مشاكل ومن تاني يوم كنت نايم علي السرير وحسيت بأنفاس جنبي انفاس متقطعه ومخيفه قلت يمكن بتخيل بس مع زياده صوت التنفس والقلق اللي سيطر عليا خصوصا اني كنت حران برغم اننا كنا في فصل الشتا وهنا سمعت الصوت كان صوت طفله ايوه كان صوت طفله بتصرخ وتقول مكنش ليا ذنب بتصرخ بشكل هستيري وبتبكي وتنوح بصيت جنبي ملقتش حد والصوت اختفي قعدت لحد الصبح مقدرتش انام 

تاني يوم عدي اليوم عادي وجيت انام حسيت بدوخه شديده وفاجاه اغمي عليا شوفت ناس كتير وبنت صغيره يمكن عندها 12 سنه بتصرخ وتقول مكنش ليا ذنب والناس بترجم فيها بدون رحمه والبنت تصرخ وتنوح وفاحاه اتقلب المشهد من مشهد البنت وهي بتترجم وبقيت لوحدي و هي كانت في وشي عِدل وشها كله مليان دم وكله جروح قربت مني وانا متجمد ومش عارف اعمل اي مش قادر اتحرك حاسس بعجز حاسس بتقل في أطرافي ريقي ناشف وجسمي بتسري فيه رعشه بسيطه قربت مني وحسيت بصوت أنفاسها عيونها سودا تماما وشعرها متبهدل واسود ذي الفحم روحي مع كل خطوه منها كانت علي وشك أنها تطلع كأنها بتتسحب وفاجاه صرخت صرخه قويه في وشي وبقها انفتح بطريقه غريبه اخد نص وشها وطلع منه حشرات احتلت وشي كله وانا حتي مش قادر اصرخ فاجأه صحيت من النوم وانا بصرخ وجسمي كله ميه بكيت ، بكيت ذي الطفل من الخوف بكيت جدا وانا حاضن نفسي في وضع الجنين وبترعش قومت الصبح لقيت علامات علي وشي وكأن فيه حشرات كانت بتقرص فيه مبقتش فاهم ليه كل ده اي اللي بيحصل لي بقت الكوابيس ملازماني كانت كل يوم توريني احداث من الماضي وفهمت أنها عايزاني انتقم ليها في آخر حلم شوفت شخص معين وكاني مكنتش شايف غيره والشخص ده انا اعرفه كويس اعرفه كويس جداا 

 

دلوقتي فهمت ليه كنت بشوف بابا بقي بيسرح كتير من ساعه ما جينا البيت ليه وزنه نزل وكانت نظراته كلها حزن وخوف ليه وزنه نزل وكانت نظراته كلها حزن وخوف ليه كان باين عليه احساس بالعجز 

عشان كده روحت لبابا فتحت باب اوضته ولقيته قاعد شارد قفلت الباب ورايا وقعدت جنبه هزيته فا فاق وبصلي بذهول قلتله بصوت ثابت قل لي الحقيقه 

بصلي شويه بعدم فهم فكررت جملتي وقلتله قل لي الحقيقه 

بص لي بثبات شويه وفهم مقصدي 

سكت شويه وقالي قبل ما اتولد ولا حتي جدك يعرف جدتك كان فيه بنت صغيره اسمها زينات كانت طفله أقل ما يقال عنها ملكه جمال شعرها كان اسود طويل وعنيا زرقه وواسعه رموشها طويله وكانت من اجمل البنات جدك ايام المراهقه كان عينه منها جدا مع انها كانت طفله بس قدرت تسلب لُبه من جمالها وبسبب انه كان مراهق كانت شهوته هي المتحكمه بيه فضلت يراقبها لحد ما بقت لوحدها فا جاب حلاوه وقالها أنه هيدهالها كلها لو جت معاه وبحكم أنها ليه طفله اخدها معاه للمقابر واعتدي عليها أحد ما نزفت بس كان لسه فيها الروح ولما اهل البلد عرفوا متهموش حدك بل اتهموا البنت أنها اغرته وبحكم جهلهم رجموا البنت وهي بتصرخ وبتبكي واهلها مش عارفين يعملوا حاجه ولأن ابو جدك كان بيحرض اهل البلد علي البنت ويقول كلام مش صحيح عليها وأن البنات عار وده في سبيل يحمي ابنه 

ابويا خلص من الحكايه وانا دموعي نزلت لوحدها من الحزن علي الطفله البريئه

وهي حاليا انتقمت من جدك لانه ممتش موته عاديه ذي ما انت فاكر احنا لقيناه مرمي في الارض الزراعيه 

قلتله هو فيه حد كان مشارك معاه قالي اه 

قلتله مين سكت شويه وقالي 

صديق جدك شارك معاه وقاله يعمل اي عشان يستدرج البنت لحد عنده وكمان هو كان من الناس اللي رجمت الطفله ومن الناس اللي حرضوا علي رجمها

سالته إذا كان لسه عايش 

قالي اه ،مسمعتش كلام تاني ومن سكات طلعت بره البيت واخدت الجاروف وعرفت مكان قبر البنت اللي رموه فيها وروحت لصديق جدي اللي اعرفه واللي شوفته في الحلم مع جدي قلتله إني عايزه في حاجه مهمه جدا سالني علي الجاروف قلتله إني هعرفه كل حاجه بس لما نروح واخدته ووصلنا للمقابر وبدون سابق انذار خبطته بالجاروف علي رأسه وسبته مرمس مغمي عليه ومشيت ودفنت الجاروف بعيد و لما روحت ونمت مكنش فيه احلام بس شوفت زينات بس  حاتلي بهيئتها الجميله وكانت بتبتسم ليا وبعدين اختفت فعلا كانت ساحره 

تاني يوم لقينا اصوات كتير وعرفنا أنهم لقوا صديق جدي مرمي ومتقطع في المقابر وجثته منهوشه 

الكاتبه : من راي ان الجهل ديما بيكون سبب المشاكل لو كان فيه عدل لو كان فيه انسانيه والأهم لو كان فيه رحمه مكنش ده حصل (فإن كُل قومٍ جاهلٍ فهو ظالِمٍ لنفسه ) اللي في القصه لو الجد لقي صديق ينهيه ويعرفه الحق مكنش عمل كده لو كان لقي اب يعرفه يعني اي عدل وصلاه مكنش عمل كده وهنا نعرف أن الإنسان لما بيلغي ضميره بيتوحل لكائن شنيع بشع لا يعرف الرحمه 

تمت

#عقاب_من_الجحيم

#الكاتبة_مريم_يوسف