إميلي الجزء الاول

أسمي جاك , عمري 55 سنة , مراتي اسمها ألست , عندي طفلين , الأولى أسمها إميلي عندها 15 سنة , و التانية أسمها جاميا عندها 13 سنة , في يوم في شتاء قررنا قرار مكنش الأفضل , قررنا نروح سفرية صيد , و لأننا في الشتاء كان لازم نروح الصبح , لكن احنا صحينا متأخر , و العتاب كان على إميلي لأنها هي اللي مفروض تصحينا كل يوم , بس اللي حصل حصل , انا مش عارف ليه إميلي متكونش زي اختها جاميا, وكالعادة و احنا مسفرين حصل خناقة ما بين إميلي و جاميا , متهيألي اني ضربت إميلي زيادة عن اللزوم , لأنها أغم عليها , فإتوجهت لأقرب مستشفى , وكانت ألست طول السكة بتزعق و تقول اني بحب جاميا و مبضربش غير إميلي , المهم روحنا السافارية متأخر بسبب ان إميلي مكانتش فيقة , على الساعة 12 بليل , على طريق أسمه جوجيا, سمعنا صوت إنفجار , ببص لقيت الأربع كاوتشات متفرقعين , فإطرينا نروح لكشك كده كان اه ضلمة بس أي حاجة بقا علشان الجو سقع أوي , نمنا ساعتين و بعد كده سمعنا صوت عالي بره الكشك , فخرجت انا و ألست نشوف في ايه , ملقيناش غير الظلام , فألست  قالت لي : انها هتخش تتطمن على العيال , ودخلت فسمعت صوت عالي متهيألي كان أشبه بصوت السارينة , دخلت بسرعة و كانت الصدمة لقيت المكان كله دم و إميلي مرمية على الأرض والدم في كل حتة , ركبنا العربية و جريت على المستشفى , و أفتكرت كل حاجة عملتها ليها انا قاسيت عليها كتير ,وكانت هي ماتت 

قررت أسيب البيت علشان الناس تفتكر أن البيت مسكون غيرنا البيت وروحنا بيت تاني نمت فيه وروحت تاني يوم الشغل و بعد ما رجعت لقيت ألست مسكة سكينة وهدومها مليانة دم جريت على جاميا لقيتها في البانيو و مدبوحة زي الفراخ , اخدها في خضني وعيط و سرخت “ليييه ” لقيت ألست  بتجري عليا و مش مصدقة اللي هي عملته , تقريبا في حد كان مسيطر عليها , جرينا على المستشفى و انا عارف ان مفيش أمل , ماتت هي كمان