قصص رعب حقيقية يرويها المستمعون

القصه الاولى:-

 انا محمود طارق 23 سنة من الجيزة و متغرب في ايطاليا للدراسة عندي حكاية ممكن تتطول شوية بس مش حابب اني اطول اوي فيها، انا محب شديد جدا للرعب و بحب حتى اكتب قصص رعب و من حبي للرعب اتفرجت على كل الافلام الرعب الممكنة زائد متابعتي لكل صفحات الرعب زي صفحة حضرتك و لناس تانين، انا من صغري عندي حالة كنت بخاف منها و هي اني من صغري كنت بحلم بشخص طويل جدا بدون حواجب و أقرع و لابس جلابية صفرا كنت بشوفه ديما في البيت على شكل ابويا الله يرحمه و ديما كنت بصحى مفزوع بسببه لحد ما في يوم امي هدتني و قلتلي استهدى بالله، الشخص ده لحد دلوقتي بيراودني في احلامي بس مشاهد صغيرة اوي أنه بيسلم عليا أو أنه بيبتسملي، غير الحالة دي انا عندي خوف من اني انام على جمبي الشمال أو على ضهري لاني بحلم بكوابيس مخيفة و كوابيس بتتحقق في الواقع، زي اني حلمت بوفاة والدى قبل وفاته بشهر و أما فعلا جه يوم وفاة والدي انا كنت متعجب و مستغرب الأحداث اللي بتحصل، زي ما حلمت بخناقات امي و اخويا الوسطاني و بالمللي حصلت و فعلا انتهت بخلافات كبيرة بين امي و اخويا، كمان قبل ما اسافر و اتغرب في ايطاليا حلمت اني في جامعة فيها كوبري و الدنيا بتمطر و فعلا اليوم وصل اني سافرت و ايطاليا و كنت فعلا نفس الحدث فوق كوبري الجامعة و الجو ممطر، حتى اني حلمت بتعب بنت عمي الشديد في بطنها و فعلا بنت عمي مريضة مرض شديد في بطنها، حتى اني حلمت ببنت صديقة ليا انها عليها ديون و مش عارفة تسددها و هي فعلا قالتلي إن كلامي مظبوط و حقيقي و حاليا انا خايف على امي لاني حلمت بيها حلم أن لا قدر الله تم خطفها و الحلم ده مخوفني بشكل كبير جدا، غير الحالة دي انا لو نمت على جمبي الشمال أو على ضهري ممكن احلم بكوابيس مرعبة جدا منهم اني حلمت اني مربوط في مكان مضلم جدا و سامع صوت همسات كتيرة جدا لدرجة اني وداني وجعتني و كل ما ابص الاقي ناس صحابي و ناس قرايبي بس الاقيهم بيتبخروا، و حلمت اني بقع من فوق عمارة و مش عايز اوصل للارض و عمال اقع بشكل مستمر و مكمل بدون توقف لحد ما الحمد لله صحيت، و حلمت اني ايدي تم قطعها من مخلوقات سودة اللون و بدون ملامح، و حلمت بكيان اسود كبير جدا ماسك في صدري و مخالبه في صدري و هو كله اسود و عينه حمرا دم كلها، و انا بردو عندي حالة أخيرة اني احيانا بكون عارف ايه الكلام اللي هيتقال من الناس أو مني و ايه الأحداث اللي هتتم و بخاف بشكل غريب لو عملت أي تصرف غير اللي مرسوم أو مكتوب، هل ده طبيعي و الا فيا ايه انا حاليا بقيت بنام على جمبي اليمين بس و مانع على نفسي النوم على جمبي الشمال أو على ضهري.

القصه الثانية:-
أنا اسلام ٢٩ سنة من القاهرة الموقف ده حصل معايا وانا كنت ف الجيش وقتها وكنت لسة في مركز التدريب وطبعا مركز التدريب ف الصحرا ففي لحد النهاردة اماكن متدمرة من وقت الحرب انا فاكر الموقف ده كأنه امبارح مش بنساه المهم كنت نايم وصحيت كانت الساعة واحدة ونص طبعا كلنا نايمين السراير ف العنبر بتبقي دورين أنا كنت نايم فوق لما قومت اتعدلت عشان اجيب علبة السجاير من الدولاب وانا بتعدل ف تلقائي بتبص قدامك لما بصيت شوفت نص بنئ ادم اللي فوق وكان في فرق بينه وبين السرير زي ما يكون طاير لاني كنت شايف رجل زميلي اللي علي السرير اللي قدامي وهو فوقه أنا لساني اتعقد مش قادر انادي علي زميلي ولا حتي اكلم اللي جنبي عشان يصحي عملت زي الاطفال شديت البطانية علي وشي وقولت كل الاذكار والايات اللي حافظها ومرة واحدة لاقيت النور بيرعش والله العظيم مكنش حد بينوره وشوية لما سكت سمعت صوت المشيمة العسكرية المعتادة رايح جي رايح جي المهم لما طلع النهار ويحكي لزمايلي ف العنبر لقيت اني مش اول واحد اشوفه الشخص ده تقريبا كلنا شوفناه يعني مثلا اللي قدامي يشوفه علي سريري وكده وصوت الخطوات كلنا كنا بنسمعها مع بعض وكلنا خايفين نبص لحد م اتفقنا وفضل جز مننا يقرأ قرآن والباقي مسح العنبر ب ميه وملح والحمد لله مبقناش نشوف حاجة بس الخطوات بنسمعها من وقت للتاني. 

القصه الثالثه:-

السلام عليكم 
لي هقولو ده حصل وانا في جيش 
انا كان جيشي علي النيل مابين العنبر بتاعنا والنيل اقل من 2متر 
فا فيوم واحد صحابنا اختفا فجاه بليل احنا قولنا نزل اجازه الكلام ده كان يوم خميس الساعه 9ونص بليل 
تاني يوم في نفس المعياد ببص من الشباك العنبر لقيت صاحبي غرقان في المياه 
فا الوقت ده كان احنا  9 بس في العنبر فضلت 7 ايام هناك بعد ماشوفنا في رعب نزلت اجازه بعد الحدثه 7 ايام 
حلمت 
ان نفس الناس لي كانوا في سكن موجودين وقاعدين عند سرير المرحوم وفجاه لقينها المرحوم جاي من السكن من جوه ساعت ماشوفنا اترعبنا لا ن في الحلم كانا عارفين انه مات 
فا واحد منا قالو حاجه علي واحد مننا وشخص ده كان بيقف خدمه بنهار فا المرحوم قالو تعالي نطلعلو فاهما مشين هما الاتنين فاقام المرحوم شد شخص ده في نفس المكان لي مكان لي مات فيها وانا واقف اتفرج واحد صاحبي عامل يقولي اجري هيموتك وانا اقوالو لا في قران شغال مش هيذيني لقيتو فجاه المرحوم عاوز يشديني فاقومت جاري وصحيت من نوم 
وانا حلمت كذا حلم ل للمرحوم وكل حلم بنبقي عرفين انه ميت ونخاف وانا الوحيد لي حلمت بيها 
عايز اعرف واشمعنا انا لي حلمت بيها  بس ايه تفسير ده 
الكلام ده بقالو سنه ومن ساعت ماخلصت جيش معتش بحلم بيها.