قصص رعب حقيقيه على لسان أصحابها.
القصة الأولي:
انا اسمي سمران أحمد وده طبعاً مش أسمي الحقيقي وقصتي طويله شويه بس والله العظيم حصلت انا اول ما اتجوزت ابتدي يظهر في شقتي حاجات غريبه وشقتي كانت في بيت اهل جوزي كنت بسمع وتشوف حاجات غريبه وأعمل اكل ويرجع تاني نيئ و علشان كنت حامل جديد فبقيت بقول اني بيتهيألي وابتديت المشاكل بيني وبين جوزي من الوقت ده لأني هو مكانش مصدق لغاية محصل الموقف معاه كنت تعبانه جداً وقام هو عمل الاكل ودخلت تمت وهو كمان راح في النوم وبعد ما صحينه دخل يغرف الأكل لقاه رجع نيئ وجبني شيخ بس اكتشفت اني الشيخ معاه جن وكان ليه لزمه في الكلام ونطقت علي لسان حمايا واحده صوتها حلو وقالت اني لازم اللي في بطني يموت وانا امشي من البيت والشيخ خاف وجري علي السلم لدرجه اني هو وقع واتدحرج علي السلم وهو نازل وبعدها بيومين فعلاً الطفل مات وابتدينه نكتشف حاجات تانيه في البيت وجودي ساب البيت وسكنه في شقه إيجار جديد في ما تاني خاااالص ومع ذالك الموضوع منتهاش بالعكس ده أبتدي واكتشفت اني جوزي وأخواته البنتين واخوه ومامته وباباه هما اللي تعبانين واني فيه سحر بيتجدد ولفينه علي شيوخ وروحنا الناس مشهورين منهم عمر الليثي اللي عالج البنت في برنامج صبري الخير وطله معاه جن برضو وقت اني الموضوع صعب ومكملناش معاه لاني كان كل جلسه ب ٢٠٠ جنيه وجودي مكانش يقدر يدفع كل أسبوع ٤٠٠ جنيه فقررنا ندور علي شيوخ تانيين واللي كان مصعب الموضوع اني اهل جوزي رغم تعبهم مكانوش مقتنعين بالكلام ده او عارفين لكن مخبيين وبعد صراع ٥ سنين في الموضوع ده وكنت بشوف اجسام عملاقه وشكلها وحش جداً اعاذني الله وإياكم منها وكنت بصحي الاقي نفسي في الحمام او جوزي يصحي ويروح الترب لما نكون في البلد عندهم وبعد ما قررت اني انفصل عنه علشان اعقابي تعبت وكذا مره كان هيموتني انا وابني الشيخ اللي بنتعامل معاه قالي اعملي استخاره وبعد ١٠ ايام شوفت رؤيا منعند ربنا سبحانه وتعالي واكتشفت اني بيت حماتي اللي في البلد فيه آثار وابن خالتهمسخراه جنيه ومخلياه تحت طوعها واني معظم اللي بيحصلنه بسبب الموضوع ده علشان هو عاوز جوزي هو اللي يفتح المكان علي حسب كلامه بس جوزي رفض وقت اني ده شرك بالله واني ربنا يبعد عنه الحرام بس للأسف مينفعش حد غير جوزي هو اللي يفتحها وفي حد بيعمل اعمال سفليهوكل ما نحل حاجه تطلعلنا اعمال تانيه الدين بقالنا ٥ سنين وزياده بنروالجماع نتعالج بس الفتره الاخيره جوزي بيروح لوحده المكان اسمه جامع الرحمه وبيعالجو ببلاش بتروح تصلي العشاء وتبتدي الجلسة رجاله وسيدات وعنوانه في صفط اللبن عند شارع العشرين لو نزلت مارو جامعةالقاهره هتاخد عربيه توديك لغاية الجامع هتمشي بس مسافه صغيره وميعادهم الاثنين و الاربعاء.
القصه الثانية:
قصتى مش طويلة بس اقسم بالله حصلت
انا كنت فى إمبابة عند خالتى وببات عادى فكنت بتفرج ع مسلسل وبنت خالتى قالتلى. انا نازلة اجيب حاجات من تحت فقولتلها ماشى وانا بتفرج ع المسلسل ومندمجة جدا النور قطع انا اقسم بالله جسمى بالكامل حتى شعرى بيقشعر بطريقة اكنى بتكهرب فكان فى قرآن ع الكنبة اللى انا قاعدة عليها وكان كبير وضخم والله العظيم مسكته وحضنته وبقرأجميع الآيات إللى اعرفها وكل ده والنور قاطع لحد ما لمحت حاجة زى ضوء برتقالى زى العواميد اللى بتنور ف الشوارع النور ده ظهر واصلا النور قاطع لأن النور البرتقالى ده ظهر ع الباب انا قولت يا ما انا حرقت جن أو دى حماية بس والله العظيم لما النور ده ظهر انا اتطمنت ومفيش ثانيتين والنور جه انا عيطت وقولت الحمد لله وفى الوقت ده كانت بنت خالتى جت واللى عرفته أنها قالتلى. النور مقطعش كتير بس انا حسيت انها ساعات عدت عليا وهو اصلا قطع ١٠ دقائق.
