حلقه المداح الجن أمر اخت صابر بالق*تل هل هذه حقيقه ام مجرد خيال المؤلف؟
في حلقه المداح الجن أمر اخت صابر بالق*تل، وفعلا اخت المداح نفذت الأمر وموتت امها، بس هوا دا أساسا ممكن يحصل ولا مجرد كلام مسلسلات ؟
يعني هل الجن ممكن يسيطر علي انسان ويخليه يوصل أنه يقت*ل حد ؟
الريأكت المتين بتاعك وتعالي احكيلك علي حبه احداث الجن كان فيهم سبب لجرائم 🖤🖤
.
.
.
في بنت كانت متعوده معظم الوقت تعمل شغل البيت بليل وبعد ما تخلص تاكل وتنام ودي كانت عاده عندها، في مره من المرات كانت بتقلي بطاطس بليل و سرحت مع صاحبتها في الفون ونسيت الزيت متولع عليه النار، عرفت بس من ريحه الدخان الي قلبت الشقه جريت علي الطاسه الي الزيت فيها اتحرق واتوترت مكانتش عارفه تعمل ايه، خدتها وجريت علي الحمام ورمت الزيت في الحمام عشان تطفيه يعني ومتعرفش أن الي عملته دا كان فتح باب من أبواب جهنم عليها، مع الوقت البنت دي كانت بتحس ديما أن حد بيضربها وهيا نايمه وضرب مش عادي لا ضرب كان حد بينتقم منها، كانت ديما تصحي علي كدمات وخرابيش ومره صحيت لقيت نفسها واقفه علي السطح بتاع البيت بليل !
حكت لأهلها الي حصل والي بدورهم جابو شخص معالج قعد يسألها شويه حاجات بس هيا مكانتش عاوزه تكمل قعده معاه، سألها انتي رميتي حاجه سخنه في الحمام ؟
سكتت مردتش، المعالج قال لأهلها رمت زيت سخن في الحمام بليل والزيت دا وقع علي طفل من أطفال جن الحمام وهما مش هيسيبو حق ابنهم بالساهل ولازم بكره بالكتير نعمل ترضيه ومعاهده معاهم أنهم يقبلو حاجه كنوع من الفداء لابنهم الي بنتكم موتته، للاسف معداش يوم واحد لأن تاني يوم الصبح صحيت المنطقه علي خبر وفاه الام والاب والبنت، الاب و الام بطعنات سكينه، والبنت بقطع شريان الرقبه، بعد التحقيقات بان أن البنت موتت امها وأبوها الاول بعدها انت*حرت .....
.
كان في طفله اسمها اليسا كانت عندها اربعه اخوات كانت رقم 3 فيهم و ابوها كان شغال في بناء الملاعب، و الدنيا زي الفل بس جت فتره علي الاب و خسر كل فلوسه و كل حاجه كان محوشها و سابهم و مشي هرب من الاسره و بعد سنه لقو عربيه الاب واقفه علي كوبري و هوا منت*حر و اليسا سابت البيت و راحت تعيش عند صحابها، و أشتغلت بعد ما بقي عندها 19 سنه في حاجه زي مطار كدا بس تبع الجيش، وقابلت ظابط في سلاح الجو هناك و ارتبطو بقي لكنه كان خنزير كان ديما يضربها كان سادي من الاخر وبسببه ادمنت الكحوليات، و اتقبض عليها بسبب دا و طلبو منها تعيش مع امها و تحت رقابتها لكنها هربت و راحت ولايه تانيه عشان كان نفسها تبقي ممثله مشهوره و بتاع بس ظروفها كانت وحشه و اشتغلت في كباريه كدا ع الديق، وفي يوم كانت راجعه من شغلها مروحه البيت و سلمت علي زمايلها ودا كان آخر سلام لان بعدها اكتشفوا جثتها في منطقه مهجوره مقسومه نصين من عند البطن كدا و امعائها مرصوصه جنبها هيا و معظم الاعضاء و بوقها مشقوق من الودن للودن زي الجوكر كدا، و الطب قال إن سبب الوفاه كان ضربات علي دماغها و القطع تم بعد الموت اصلا و طريقه القطع و فصل الاعضاء ميعملهاش الا جراح فاهم شغله كويس اوي بعدها بفتره الصحفي الي اكتشف الجثه حد كلمه و بعتله طرد علي البيت و قاله شكرا لاهتمامك بالقضيه طب الصندوق كان في ايه ؟
كان في ياسيدي شهاده ميلاد البنت و كام كارت فيزا بتوعها و ساعه وحاجات بتاعتها و رفعو البصمات هيا هيا الي كانت عند الجثه، ف الي قت*لها هوا الي بعت الحاجات دي و بحثو فيها لحد ما لقو صاحب البصمه وهوا راجل غني عنده محل انتيكات في المنطقه الي البنت كانت ساكنه فيها، اقتحمو بيته و مسكوه و قالو إن البيت كان مقبره للحيوانات حرفيا، قطط كتير جدا مفيش فيها دم و رسومات بالدم علي الحيط و السقف، ولما قبضو عليه كان بيهلوس و بيتكلم بصوت غير صوته ومع التحقيقات لقو أنه راجل متدين و طيب و ملوش في أي حاجه و ينحط ع الجرح يبرد اه ولله و قال إن في شيئ سيطر عليه و خلاه يعمل كدا وهوا ملوش دعوه !؟
و ان هوا الي بعت الحاجه بتاعتها عشان كان عاوز يتقبض عليه و يخلص من الشيئ الي مسيطر عليه دا
.
.
طبعا كلنا عارفين أن الجن بيقعد في الأماكن الفاضيه و المهجوره و طبعا بيتك قبل ما يبقي دلوقتي كان فاضي ف الجن كان ساكن فيه و من وجهه نظرهم احنا ناس بتدخل في حياتهم قهر كدا كان كدا حد جه من الباب دخل بيتك و عاوز يقعد معاك عافيه كدا طب الجن الي في بيتي و بيتك مش مؤذي عمار المكان كويسين و مبتحسش بوجودهم طب في حاله لو في جن مؤذي ونتا سكنت معاه هيبقي الوضع ايه ؟ في واحد مهندس ظروفه جابته أنه يأجر شقه جنب شغله عشان يبقي قريب منه و بعد فتره عرف أن البيت دا كان ساكن فيه واحد قبله و انت*حر شنق نفسه في الحمام !!
و من ساعتها و ديما حاسس بحد بيراقبه حد وراه حد جنبه حد ماشي وراه في كل حته، أو شعور أن حد معاه في الاوضه (ايوا زي مانتا بتحس بظبط الله يفتح عليك) و احلام و كوابيس و اصوات و في مره قال لصاحبه أنه حلم بالراجل الي كان ساكن قبله دا و شافه بينده عليه، و صاحبه قاله سيب البيت بس هوا مكانش معاه فلوس كفايه يروح حته تانيه يعني من الاخر اتحبس معاه!!
و بعد شهر من وجوده في الشقه في يوم منزلش الشغل و كله اتصل بيه و محدش بيرد، و 3 ايام متواصله نفس الموقف لحد ما قررو يروحوله و كسرو باب الشقه الشقه ضلمه الا نور الحمام (طبعا استنتجت الي حصل) بظبط كدا لقوه شا*نق نفسه جوا الحمام !!
ايه صدفه ؟
.
.
في شخص كان شغال برا و بيزور مصر كل فتره و في زياره منهم عرف أن حد من صحابه مريض و مبيخرجش من البيت ولا بيتعامل مع ناس من فتره ولما سأل اتقاله أنه مره كان ماشي في نص الييل في الشارع لقي كلب ضخم واقفله طبعا هوا خاف بس الكلب كان واقف زي التمثال متجمد كدا راح جاب طوبه و رماها عليه جت في بطنه و جري و الراجل دا رجع البيت بطنه كانت وجعاه بشكل كبير جدا و بعدها كشف و مفيش اي مشكله او سبب للوجع دا و بعد ما الالم استمر ايام افتكر الي حصل و قال لأهله و قالوله الكلب دا كان جن و بينتقم منك علي الي عملته فيه و راح لشيخ و قرأ عليه و برضو الالم زي ما هوا و المعالج قاله دي ضربه جن و ضربه الجن هتقعد فتره لحد ما قفل علي نفسه و مبقاش عاوز يتعامل مع حد ف صاحبه قال إنه ممكن يكون موضوع نفسي مثلا و ملحقوش يودوه لدكتور لانه مات بعدها بكام يوم ....
.
تعرف أن الجن العاشق اكتر نوع بسبب القتل و الاذي لانه بيستمتع ب دا جدا جدا في قصه مشهوره عن الحوار دا تعالي احكيهالك واحده بتقول انها كانت بتصحي تلاقي نفسها عرقانه بشكل مبالغ فيه وبعدها بقت تلافي أيدها متعوره خرابيش كدا و بعدها بقت دم صريح مش خرابيش بس و كان في واحده صاحبتها كانت كل ما تحكيلها حاجه تتاذي و اتخربشت زيها بظبط و في مره كانت نايمه لقت خيال واقف قدام باب الأوضه بيتهز بسرعه جدا وهوا واقف وفصل واقف كدا اكتر من 5 دقائق مبيتحركش دماغها كانت بتزن و كان في حراره مش منطقيه في المكان و عينها بتدمع و حاجه جواها بتقول اوعي تغمضي عينك عارف لما يكون عندك احساس انك خايف تغمض عينك احسن تلاقي حاجه ظهرت في وشك ؟؟
و كانت ياسيدي مبتحكيش ل أهلها حاجه عشان مبيصدقوش و حلمت مره انها في بيت و في حد بينده عليها ب اسمها و اوض البيت كلها كانت فاضيه مفيهاش حاجه بس فتحت اوضه منهم لقت واخد قاعد ع الارض في نص الاوضه كدا و بيشاورلها أنها تيجي تقعد جنبه و من ساعتها أحلامها كترت و الكوابيس كترت اكتر بكتير اوي و تحلم انها بتتحوز و العريس هوا الراجل الي في الحلم دا كانت بتتفزع من النوم حتي بالنهار و جسمها كان بيتكتف كتير جدا جدا بشكل اوفر و من كتر الحاجات دي حكت ل أهلها خلاص بقي و قررو يجيبو حد يقرأ في البيت و خلافه و قالها في جن عاشق بس الموضوع هدي جدا بعدها و اتخطبت و بعد الخطوبه بيومين خطيبها عمل حادثه و مات !!
و من ساعتها رفضت كل الناس خوفا عليهم و حتي رفضت العلاج .....
.
الجن مخلوق بيتجمع في الكلام حواليه أو التدوير وراه تفتكر بعد كل كلامنا دا في كام واحد حواليك ؟
و السؤال انتا لواحدك دلوقتي؟ لأنهم كدا كدا موجودين في رمضان عادي
احلام سعيده 🖤🖤
