صندوق الديبوك اليهودي للشيطان ..اخطر صندوق في العالم ,رعب حقيقي.
المقدمة .
السلام عليكم ,النهاردة هكتبلكم قصة رعب لاكنها مش زي اي قصة رعب كدة وخلاص لاء دي قصة غريبة ومرعبة جدا احكم عليها بنفسك.
القصة كاملة ,واحداثها المرعبة .
لما صحي الصبح بعد كابوس مرعب والمشكلة في الموضوع ان هو بيحلم بية كل يوم لدرجة ان هو حفظة واتعودت علية وفي يوم حس ان في حد نايم وراة وهو كان حاسس بصوت النفس وكمان الهواء الساخن الي جاي من وراة وكان خايف جدا ان هو يبص وراة لاكنة بيحاول ان هو يجمد قلبة وبص وراة علشان يشوف ظل ضخم جدا نازل لاوضتة تحت .لو انت فاكر ان الجن والعفاريت بيسكونو في البوت المهجورة او الصحراء بس احب اقولك انت كدة تبقي غلطان ,لانهم ممكن يسكونو في جسم او عرايس لعبة او كمان الصناديق وانت لازم تقنع نفسك بدا ,وحرفيا ممكن يحولو حياتك لجحيم.صندوك الديبوك اليهودي الصندوق دا ممكن ان هو يحول حياتك لجحيم ومش بس كدة لو هو موجود بس عندك هيحصلك مشاكل كتير وياويلك وياسواد ليلك لو فتحت الصندوق دا ,طب لية كدا ودا بسبب اية ,هرد عليك واقولك دا بسبب الشيطان المحبوس جواة الي بيحاول يطلع منة علشان يسكن اي جسم بشري .تعال بقا اعرفك علي الصندوق واي هي قصتة ,ودا غير كمان الي انا هكتبلك في اخر المقال عن اسم الفيلم الي اتعمل عنة .
قصة الصاندوق كاملة ,ولقو اية جوا الصندوق,الااحداث المرعبة .بس اكييد انا حاولت اختصر.
في شهر سبتمبر سنة 2001,وتحديدا في بور فلاند ,كان هناك تاجر امريكي اسمة كيفن فانس.وهو فاتح محل بيبيع فية التحف والحاجات النادرة ومن طبيعة عملة ان هو بيروح مزاد علشان يشتري التحف النادرة ,وكان في مزاد في بنت بتبيع اغراض جدتها الي توفيت وهي بعمر 103سنة ,وقال ان في الحرب العالمية التانية اعتقلوهم كلهم في المعسكر والجدة كانت من ضمنهم لاكن للاسف كل الاسرة ماتت الا هي وعرفت تهرب مع كام واحد ,من المعسكر,وكان من ضمن الحاجات الي هي كانت بتبعها.كان في صندوق خشب ,وقالت ان جدتها لما كانت عايشة كانت بتخبي الصندوق دا وكمان بتفضل تحذرنا ان مفيش اي حد يفتحة ولا يقرب منة كمان ,ولما هي سالتها اي سبب ان هي تبعد عنهم الصندوق ولاء ودا كمان بتحذرهم منة بتتعصب عليها وبتقولها هو كدة ولما اموت ابقو ادفنو معايا الصندوق دا بالطريقة اليهودية ,لكن هي مش بترضي تدفنة معاها لان دا اصلا بيخالف الطريقة اليهودية ,وقالت ان هي مش عاوزة تفتحة زي ما جدتها ما قلتلها وان هي عايزة تتخلص منة اصلا ,وقالت ان جدتها كانت مسمية الصندوق باسم ديبوك .وهنا كيفن اول ما بيسمع الكلام دا بيتشوق جدا واشتراة من البنت بسعر كويس ,وكل الناس بدات تتكلم عن الصندوق هنا كان فاكر ان هم كانو عاوزين يشترو,لاكنهم كان قصدهم علي الي هيحصلو بسسب الصندوق دا .فراح حطة في المحل بتاعة وراح مشوار ,وهنا بقا بدات الكوارث تحصل لان الي بتشتغل معاة بتتصل علية وهي بتصرخ وبتقولة ان في حاجات غريبة بتحصل في الطابق الاول زي كل الاضواء بتتكسر وكمان صوت فتح ابواب ,وبتقولة اكييد في حرامي في الطابق الاول .راح ليها بعربيتة بسرعة .وفعلا بيلاقي ان طابق الاول كل اضواءة متكسرة وفي كمان ريحة مش حلوة خالص كيفن كان محتار جدا وقتها مين الي عمل كل دة في المحل بتاعة ولية ,وبعد كدة عدا كام يوم ومحصلتش اي حاجة تاني ,وكيفن قاعد مع نفسة افتكر كلام البنت الي هو اشتري منها الصندوق ,وكان متحمس جدا علشان يفتحة ,واول ما فتح الصندوق شاف ان فية خصلتين شعر واحدة لونها بني ومربوطة والتانية لونها اصفر ومعاها تمثال حجري,التمثال دا كان مكتوب علية كلمة شالوة بالعبرية ,وكان معاهم كأس ذهبية وشمعدان اسود ملفت جدا,وحولين الحاجات دي فية شوية ورد مجفف ,كيفن نضف الحاجات دي ومسحها ودا كمان روق علي الصندوق,وكيفن قال ان وقتها كان في كلمة تانية مكتوبة بالعبري بس مكنش يعرف معناها اية ,المهم في الموضوع ان كيفن عارف ان امة بتحب هي كمان التحف والحاجات النادرة ,فاداها الصنوق ليها هدية,ويوم 31اكتوبر امة واختة راحولو علي المحل علشان يتغدو برا ,وقبل ما يمشو راح اداهم الصندوق,وبعد ماخلصو اليوم ,راح كيفن علي بيتة والام والبنت روحو برضو المهم ان بعد كام يوم الناس اتصلت علية وقالولة تعال الحق امك حصلها حاجة وحشة ونقلناها علي المستشفي,واول ماراح علشان يشوفها لاقها بصة علي السقف وعينيها بتنزل دموع ومفيش اي ردة فعل منها ,ولا اي تعابير كمان,وساعتها عرف ان امة عندها سكتة دماغية علشان كدة مش بتتكلم خالص .كيفن في الوقت دا كان عاوز يتواصل مع امة باي طريقة علشان يعرف ازاي حصلها كدة .امة حاولت تتكلم بس كلام خفيف وقالت نو جيفت افتكر ان هي نسيت الذاكرة ولا حاجة قالها ان هو جبلها الصندوق هدية لاكن لما سمعت سيرة الصندوق غضبت جدا ,هنا بقا افتكر كيفن ان الهدية مش عجبتها واكيد كانت عاوزة هدية قيمة .لاكن مكنش يعرف او فكر اصلا ان الصندوق هو الي عمل في امها كدا ,المهم اخد الصندوق وراح بية في بيتة هو .لاكن بيدا يحلم بكوابيس مش قادر يستحملها ,ودا كمان بدا يشوف ست عجوزة وشكلها مرعب بتبص علية بهدوء ,ومش كدة وبس دا بقا بيشوفها لما بيبص وراة بتبصلة ,ولاحظ ان في كدمات في جسمة بدات تظهر ومش عارف ازاي جتلة اصلا ,كيفن مكنش يعرف ان الصندوق هو ورا كل الي بيحصلة دا ,وبعد كام يوم .حصلت حاجة غريبة خلت كيفن يحتار اوي وعرف ان في اكييد حاجة في بيتة مش طبيعية هي الي ورا كل دا ,علشان لما اختة جاتلة هي وجوزها ونامو عندو تاني يوم اشتكت اختة بسبب الكابوس الي حلمت بية مش دا الغريب الغريب ان الكابوس كان نفس الكابوس الي كيفن بيحلم بية وبنفس التفاصيل كمان ومش بس كدة لاء دا كل الموجود قالو انهم حلمو بنفس الكابووس ونفس التفاصيل راح كيفن اتصل علي واحد صاحبة كان نايم عندة من ايام ,وسالة ان هو شاف كابوس مثلا او حاجة ضيقتة ,رد وقال ان هو حلم بكابوس وكان نفس الكابوس بنفس التفاصيل كمان .ومش كدة وبس لاء بعدها بايام كيفن بيشوف خيالات عملاقة في بيتة وكمان اي حد لما بيزورة كان بيقولة علي نفس الموضوع ان هم بيشوفو خيالات في بيتة ,وكمان بقي في ريحة وحشة جدا جوة بيتة .هنا بقا كيفن ربط الاحداث كلها ببعض وعرف ان الي ورا كل دا اكييد الصندوق وكان عاوز يتخلص منة لاكن كان خايف جدا ان هو لو عمل كدة ممكن تحصل كوارث اكبر من دي بكتير ,راح فتح الكمبيوتر بتاعة وعرض الصندوق للبيع علشان هو عارف ان في ناس بتحب تقتني الاشياء النادرة والخارقة للطبيعة ,وكتب في الوصف بتاعة ان عاوز يتخلص من الصندوق بتاعة باي طريقة وخايف يعمل كدة بنفسة علشان ممكن يتاذي .فارجوك لو انت بتحب الحاجات دي ساعدني .زفعلا في طالب جامعي كلمة واخد منة الصندوق ب140 دولار بس .والغريب ان الطالب الي اشتري الصندوق عرضة تاني علي الموقع.وقال ان حصلة كدمات غريبة ومش هو لوحدة لاء دا كل زمايلة الي نايمين معاة في نفس الاوضة .لغايت ما واحد ماكلمة سنة 2004. علشان يشتري منة الصندوق .الي اشتراة كان اسمة جيستون الراجل دا اخدة ب280 دولار .وكان شغال زي كيفن كدا كان مدير متحف انتكات وحاجات نادرة .لاكن حصلة نفس الي حصل ليهم ,فجاب واحد فاهم في الكلام دا ,وقال ان الصندوق دا محبوس فية شيطان ,وان في حد استخدم الصندوق دا لحبس الشيطان فية ,والحل الوحيد علشان مش يكون مؤذي ,هو انهم يدفنو الصندوق علي المراسم اليهودية ,يعني علي الطريقة اليهودية ,وفعلا دفنوة ومفيش اي حد عارف ان الصندوق اتدفن فين الاصاحبة جيستون .
الخاتمة .
بس كدا ياصديقي نكون خلصنا قصة الصندوق لو انتة عاوزين اكتبلكم عن اي موضوع تاني اكتبهولي في الكومنات .اللي اللقاء اتمني ان ينال مقالي هذا اعجابكم وان تكونو استفدتم منة ,نتقابل في مقال جديد.
بقلم الكاتبة :Habiba salama
