قصه الساحره والدميه

انا  اسمي  سمر ومتجوزه وعايشه في بيت عيله بس المشاكل كانت كتير اووي ومبقتش قادره استحمل اعيش معا اهل جوزي خلاص  سبتله البيت ومشيت روحت قعدت عند اهلي وهو كان بيحبني جدا 
بس مكنش بيقدر يزعل اهله ولا يزعلني علشان كده مكنش عارف يحكم مابينا المهم قعدت شهر في بيت اهلي وكان بيحاول يجي وكنت برفض وفي يوم كلمني ورديت عليه قولتله لو عايزني ارجعلك يبقي تشوفلي،شقه تانيه 
وديه كانت بدايت النصيبه  وهو في الاول كان فاكر ان كلام وقت زعل مش اكتر وفضلت عند اهلي اكتر من ست شهور وهو خلاص جاب اخرو وبقي عايز يرجعني انا والاولاد بي اي شكل قولتله يبقي تشوف شقه تانيه او مفيش رجوع وانا قاعده عند اهلي هو كان يقدر ياخد شقه علشان كده انا كنت مصممه
وبعد اسبوع اتصل بيا وقالي انا شوفت الشقه يا سمر قولتله بجد ي علاء طيب تعالي خدني انا والاولاد نروح نشفها ومن هنا بدائت حياتنا تتقلب لجحيم
وجالنا علا ء خدني انا وسمر وسيف 
ماهو مسمي بنتنا علي اسمي 
وروحنا الشقه اول لما دخلنا البيت انا قلبي اتقبض وشوفت ست عجوزه ساكنه في الدور الارضي   بس بصتلي بطريقه مرعبه اووي وانا مهتمتش وطلعت
والشقه كانت واسعه وحلوه ومقدرتش،اطلع فيها عيب واحد والغريب ان  الاولاد  صممه ان هي دي الشقه الي هما عايزين يعيشو فيها وعلاء قالنا خلاص هجيب العفش واجهز الشقه وهننقل   فيها علي طول وبعد فتره بسيطه كان علاء جهز كل حاجه وخدني انا الاولاد وروحنا الشقه
وفي البدايه كانت الامور كويسه ومكنش،في اي حاجه بتحصل لحد في يوم صحيت من نومي ملقتش الاولاد فضلت ادور عليهم ملقتهمش نزلت في الشارع زي المجنونه برده ملقتهمش وانا داخله البيت سمعت صوت سيف بيضحك جاي من شقة الست العجوزه جريت وخبطت عليها فتحتلي قالتلي متقلقيش اولاديك جوه عندي دخلت وزعقتلهم وخدتهم وطلعنا علي شقتنا
وزعقتلهم قالولي هي الي طلعت خبطت وسئلت عليكي وكنتي،نايمه قالت تعالو العبو مع احفادي وانا لم دخلت ما شوفتش اي اطفال عندها  
زعقتلهم وقولتلهم متنزلوش عندها بس سمر كانت ماسكه في ايديها عروسه شكلها جميل جدا بس نظرتها مرعبه  وقالتلي تيته الي تحت ادتهالي وانا حبتها  وعلاء رجع من الشغل حكتله علي الي حصل قالي متشغليش باليك بيها ديه ست كبيره والاولاد لما يقعده عندها احسن مايطلعو الشارع

وفي نص الليل دخلت الحمام وشقة الست العجوزه ديه كانت تحتنا علي طول سمعتو صوت اطفال عماله تصرخ بطريقه مرعبه اووي اكن حد بيعذبهم وانا اترعبت وطلعت جري من الحمام ومكنش،في نور غير الطرقه بس الي منوره في الشقه كلها وشفت  الدميه الي كانت مع سمر واقفه في نص الصاله وشكلها مرعب اووي بس كانت هي اكنها بنتي وماسكه سمر في ايديها اكنها دميه صرخت وصحي علا ء علي صوتي واول لما طلع اختفت الدميه وانا كنت مرعوبه من منظرها
وفضل علاء يهدي فيا وحكتله الي حصل قالي ده اكيد وهم  انتي بس الي مركزه مع الست ديه وخدني ودخلنا ننام   بس انا كنت متاكده ان انا شفت كده وسمعت الاصوات بتاعت الاطفال

ومن الخوف مسكت في علاء جامد  ونمت وصحينا علي صوت سيف وهو بيصرخ جرينا علي قوضة لاقينا سمر شكلها عامل زي الدميه وعماله تخنق في سيف شدنها من عليه بالعافيه وعلاء كان شكله مش مصدق الي شافه وفضل يقراء قران علي سمر لحد ما هديت ورجعت شكله الطبيعي قولتله انا مش مرتاحه للست ديه وله للدميه  بتاعتها وخدنا الدميه ونزلنا انا وعلاء ننزلها للست ديه لاقينا باب شقتها مفتوح وكان نور بسيط جاي منها و دخلنا ولاقينا الشقه كلها مليانه عرايس شكلها مخيف جدا وباب الشقه اتقفل اول ما دخلنا ولاقينا صوت صريخ جاي من قوضه  وبنقرب من القوضه النور اتقاض والست قالتلنا انتو اي الي دخلكم عندي هنا بصنلها انا وعلاء وكنا مرعوبين قولنالها احنا كنا جاين نرجعليك عروستيك وسبنها وطلعنا
واحنا مستغربين ومرعوبين من الي شفناه عند الست ديه قولت لعلاء انا مش هقدر اعيش مع الست الغريبه ديه هي وعرايسها المرعبه وبعدين اي حكاية صوت الصريخ الي سمعناه ده قالي بكره نشوف هنعمل ايه ودخلنا اطمنا علي الاولاد ونمنا وصحيت  الصبح كان علاء نزل الشغل وصحيت الاولاد علشان يفطرو سمر اول لما صحيت سئلت عن الدوميه بتاعتها قولتلها نزلتها للست علشان سئلت عليها بصتلي بغضب واكن  الدوميه. الي بصالي وقالتلي انتي كدابه صرخت في وشها وقولتلها انتي تتكلمي مع ماما بادب ورحت ضربتها وشدتها من شعرها وحبستها في قوضتها وانا مش عارفه انا عملت كده ازاي 
وسيف كان اصغر من سمر وكان قاعد عمال يعيط وخايف مننا وانا قربت منه وهو عمال يصرخ وقولتله متخفش يا حبيبي انا ماما وبعد معناه اطمن وجي في حضني ودخلت فتحت لسمر وكانت الصدمه ان هي مكنتش موجوده في القوضه  جريت علي شقة الست العجوزه وانا متاكده ان هلاقيها عندها وفتحتلي وسئلتها علي سمر قالتلي بنبره مرعبه اووي انتي حبستيها وانا خدتها وبقت من ضمن  احفادي

وكنت متاكده ان هلاقيها عن الست العجوزه ونزلت جري خبطت عليها وسئلتها علي سمر قالتلي بنبره مرعبه 
اووي انتي حبستيها وانا خدتها خلاص وبقت من ضمن 
احفادي 
صرخت في وشها وقولتلها انا عايزه بنتي وزقتها ودخلت الشقه لاقيتها رابطه سمر وكانت جمبها دميه تشبه سمر بنتي بس سمر كانت مغمي عليها خدت بنتي وجريت من الشقه وهي كانت بتحاول تمسكني وطلعت شقتي واتصلت علي علاء قولتله تعالي دلوقتي حالا جالي وحكتله الي حصل وكانت كل ده سمر نايمه ومره واحده سمعناها بتصرخ جرينا لاقنها ماشيه علي الحيطه وشكلها كان مرعب جدا واكنها دميه بتتحرك وبصتلي وقالتلي انتي ازاي تتجرئي وتشديني من شعري وجت جري عليا بس كانت حركتها مابين بطيئه وسريعه وانا صرخت راح علاء ماسكه وفضل يهدي فيها وهي عماله تبصلي وعايزه تشدني من شعري لحد ما اغمي عليها وخدنها نيمناها في سريرها
وقولت لعلاء احنا لازم ننزل للست ديه نشوف اي حكايتها نزلنا و خبطنا علي شقتها ومفتحتش وقولت لعلاء اكسر الباب وبيحاول علاء يكسر الباب اتفتح الباب لوحده  ودخلنا وفضلنا ننادي علي الست ديه  
ملهاش وجود وبصيت علي القوضه الي كان فيها صوت صريخ وقولت لعلاء تعالي ندخل القوضه ديه ودخلنا وكانت ريحتها وحش جدا واول لما دخلنا اتقفل الباب وسمعنا صوت صريخ جامدا ولاقينا كل العرايس الي في القوضه بتتحرك وكان شكلها مرعب جدا وحاول علاء يفتح الباب معرفش وانا ببص علي الارض لاقيت زي ما يكون في بوابه من خشب قولت 
لعلاء افتح البوابه ديه وفتحناها ونزلنا تحت زي مايكون مقبره ومليانه جثث اطفال كتير

ومتخيطين بطريقه بشعه اكنهم دميات  وصوت الصريخ عمال يزيد بس مفيش اي اثر للصوت ده ولاقينا كتب كتير فضلنا ندور فيهم يمكن نلاقي حاجه نفهم منها ليه كل ده بيحصل لاقينا كتابين واحد مكتوب عليه ملخص حياتي والتاني مكتوب عليه السحر الاسود والتحكم 
فتحنا كتاب الي بيحكي عن السحر لاقنها بيتكلم عن تحضير ارواح وازاي تحول ارواح الاطفال لدميه استغربنا هي ليه بتعمل كده بس عرفنا ان كده الدميات بتاعتها ملعونه وملبوسه بارواح شريره  
وفتحنا الكتاب التاني وعرفنا قصتها وهي كانت ست متجوزه وعندها 3اولاد وكانت بتحبهم جدا وماته في حدثه ومن كتر ماهي كانت متعلقه بيهم فكرت تعمل سحر وتحول ارواحهم داخل دميات وبقي الكتاب يطلب منها دايما ان هي  لازم تقدم تضحيات جديده علشان الدميات الي فيهم ارواح اولادها يفضلو موجودين وبكده عرفنا انا وعلاء قصتها وخدنا الكتابين وخرجنا لاقينا الست ماسكه سمر وسيف وقالتلنا لو خرجتو بالكتب ديه من هنا مش هتشوفو اولادكم تاني
من غير تفكير خدنا اولادنا وخرجنا وطلعنا قولت لعلاء لازم نبلغ عنها اونسيب المكان ده حالا وبلغنا عنها وجت الحكومه ودخلت شقتها ملقيوش اي اثر للست ديه بس،كان الدميات والمكان الي عامل  زي المقبره موجودين والست ديه اختفت ونقلنا وروحنا شقه تانيه وكانت تصرفات سمر مش طبيعيه برده وكانت بتعمل حاجات غريبه وودنها لدكتره كتير ومفيش فايده وفي يوم لاقيت باب شقتي،بيخبط وفتحت باب الشقه لاقيت شنطه خدتها ودخلت لاقيت فيها دميه شبه سمر بنتي وورقه مكتوب فيها علشان تتخلصي من لعنة بنتك قبل ماتتحول لدميه لازم تحرقي الدميه ديه وخدت الدميه وحرقتها بس سمر كانت بتتعذب جامد وكانت بتمشي بطريقه غريبه وفضلت تصرخ وفجاء سمر اتحولت لدميه واخر حاجه قالتها ده انتقام مني علشان انتو كشفتو سري  وانا بقيت اصرخ انا الي عملت في بنتي كده ودخلت في غيبوبه لفتره كبيره ولما فوقت عرفت ان علاء وسيف ماتو لسبب مجهول وانا دخلت مصحه والساحره محدش عرف يوصلها ولا عرف عنها حاجه..
تمت