قصه شياطين المقابر و الدنيا السفلى

قصه رعب حقيقيه

 

 

الجزء الاول :

انا اسمي محمود عندي 17 سنه انا من القليوبيه

 في مره كنت في زياره المقابر ل جدتي سمعت صوت بيناديني 

فا روحت وراء الصوت لقيت ديب بياكل في عظام جثه وانا شفت المنظر من هنا جريت و روحت علي البيت تاني يوم صحيت الساعه 9 الصبح تقريبا دخلت الحمام اتشطف لقيت الصوت ال كان بيناديني في المقابر بيناديني في الحمام 

ف خوفت جدا وكلمت واحد صحبي اسمو محمد عصام قالي تعالى نروح المقابر و نشوف ايه ال حصل في الجثه ال كالتها الديب قولتلو ماشي وروحنا المقابر علي الساعه 5ونص كدا 

اول مادخلت المقابر جسمي بدأ يقشعر وحسيت بالخوف جامد وانا رايحين عند مقبره جدتي لقيت بنت قاعده بتعيط فا روحنا انا و صاحبي محمد عندها 

و هي اول ما شفتنا طلعت تجري واختفت و فضلنا ندور عليها كتير لغايه الدنيا مظلمت 

وبعدها ب شويه روحنا ندور علي الجثه ال ديب كلها وملقناش اي اثر للجثه وبعديها روحنا عند قبر جدتي واحنا بنقرأ قرأن عند قبر جدتي 

لقيت برضو الصوت بيناديني و انا بس ال كنت سامعو صحبي محمد مكنش سامع حاجه و الصوت المرادي كان جاي من قبر جدتي وبعدها روحنا البيت و محمد قعد معايا شويه وكان بيتريق عليا ويقولي انك بتيألق والكلام دا بس انا كنت متأكد ان انا كنت سامع صوت بيناديني وبعدها محمد مشي وانا دخلت نمت وحلمت حلم غريب جدا 

الجزء التاني :

بعد اما دخلت نمت حلمت

 بأن جدتي بتستنجد بيا وبتمد ادها ليا و بتقولي الحقني وانا مش فاهم اي حاجه خالص وحاولت اتكلم معاها في الحلم بس مكنتش عارف اتكلم فا انا اول ما صحيت كلمت محمد صاحبي وحاكتلو ال حصل 

وكلمت شيخ وحاكتلو ال حصل برضو والشيخ قالي جدتك كان عليها ديون قولتلو كان عليها ودفعناها راح قالي جدتك محتجالك جامد الفتره دي ودا كلو مقولتش ل بابا او ل ماما الوحيد ال يعرف هو محمد صحبي 

وبعديها روحنا المقابر علشان اشوف في اي وهناك حصل الكارثه 

شوفت البنت ال كانت قاعده بتعيط تاني بس المرادي كانت قاعده عند قبر جدتي 

و كانت بتحفر وحاولنا نمسك البنت ولكن جريت و اختفت وبعديها روحنا مكان الحفره ال حفرتها البنت و فضلت ادور كتير جدا 

لغايه ما لقيت كيس اسود و جواه قماشه مكتوب عليها طلاسم و بسرعه خدتها و حرقتها وكانت اكبر غلطه ال انا حرقتها 

وروحنا نمنا وحلمت انا و محمد نفس الحلم حلمنا ان جدتي مبسوطه وفرحت ان احنا عمالنا كدا وفي اخر الحلم قالتلنا العالم السفلي مش هيسبكو في حالكم 

وبعدها صحينا وكالعاده دخلت الحمام اتشطف لقيت دم علي المرايا و لقيت حد بيهمس في ودني بيقول مش هسيبك 

وصرخت واغمى عليا  امي سمعت صريخي وشالتني هي واخويا من الحمام و فوقت وحاكتلهم كل ال حصل و وادوني عند شيخ وقعد يقرأ كتير و روحت البيت و برضو مفيش فايده كل يوم

 باحلم بكوابيس و صحبي نفس الكلام برضو واحنا الاتنين بنحلم بنفس الكوابيس في نفس الليله وكنا خايفين جدا لغايه ما ستي ما جتلي في الحلم تاني

 و بتقولي ماتخفش هتتحل قريب انشاء الله وضحكتلها ودي كان اول مره احلم حلم كويس من ساعت ما روحت المقابر وفضلت اسبوع كويس و مبحلمش ب حاجه 

و انا اصلا كنت متقطع في الصلاه فا روحت اصلي في المسجد علشان ربنا يتوب عليا و الشيخ اول ما قراء قرأن

 مقدرتش استحمل و جريت علي المقابر وهناك لقيت 

صحبي محمد و مره واحده انا و هو فضلناه نسرخ كتير لغايه ما طلع من بقونا حاجه سوده و الحاجه دي اول ما طلعت انا حسيت ان انا كان عليا كبت و اتشال وصحبي برضو نفس الحوار و روحت البيت حاكنلهم هلي الحصل وصليت العشا ودخلت انام 

وحلمت ب جدتي مبسوطه و بتقولي دا كان اختبار ليك انتا و صحبك من ربنا و نجحتو فيه وقالتلنا في اخر الحلم حافظوا علي صلاتكم 

 

 

لو القصه عجبتكم اعملو فولو