Magic Detective المحقق السحري الفصل ٢
لو لم تقرأ الفصل الأول ارجع اقرأه من هنا ⬇️
دخلت لغرفة نومي و استلقيت علي سريري و غمضت عيني في محاولة مني للنوم و لكني لم أستطع من كتر التفكير قومت صليت الفجر و مر الوقت و طلع الصباح و للأسف معرفتش انام كويس
*****************************
الساعة دلوقتي ٨ صباحا انا كريم ناجي ٢١ سنة طالب في كلية آداب قسم علم نفس، قومت من فراشي و دخلت الحمام غسلت اسناني و ببص في المراية لانعكاسي جفوني مورمة من قلة النوم و فيه هالات سودا تحت عيوني قولت لنفسي بينه كده هيبقي يوم عسل من أوله فطرت و لبست علشان اروح الكلية وصلت هناك ٩:٣٠ صباحا قابلت صحبي سمير هناك كان عندنا محاضرة الساعة ١٠:٣٠ صباحا اول ما شافني اتفزع و قال ايه يا بني اللي عمل فيك كده دانت شكلك و وكأنك طالع من قبر قولتله اسكت دا امبارح كانت ليلة الله ما يكررها تاني شوفت الموت ياض يا سمير قام قالي لأ. ... تعالي نقعد في اي cafe و تحكيلي اللي حصل بالتفصيل قولتله يلا.... كده كده اصلا انا مش شايف قدامي و عايز كوباية قهوة علي الريحة و روحنا الكافي و قعدنا و طالبنا كوبتين قهوة ☕️
سمير:
ايه بقي اللي حصل ليلة امبارح و خلتك تجيلنا بوشك الميت ده .
كريم :
يأخذ رشفة من كوباية القهوة ......بص يا سيدي امبارح أول ما خرجت من عيد ميلاد الواد أحمد و وصلت للشارع اللي قبل بيتي بحارتين قابلت رجل شكله غريب و سكران .......................................…
بعد نصف ساعة من الحكي
و بس يا سيدي و بسبب شوية الحاجات الغريبة دي انا معرفتش انام و جايلك زي ما انت شايفني كده .
سمير :
يا عم انت مكبر الموضوع و باين كده سماعك لانمي كونان ده طفح عليك ........بس صراحة علشان مكدبش عليك امر محير الحكاية بتاعة زجاجة الويسكي دي لو وصفك لرجل ده صحيح و فعلا هو شكله تعبان اوي يبقي من سابع المستحيلات انه يشوفها دانا نفسي مستغرب الزجاجة دي ازاي موجوده في مصر انا عمي لو عرف اني الزجاجة ممكن تنزل مصر مش بعيد يدفع ١٠ اضعافها علشان تبقي ضمن مجموعته انت عارف بقي عمي خمروجي كبير بيعتبر الخمور زي التحف و بيحب يتفاخر بيها في الحفلات اللي بيعملها .
كريم :
بعيدا عن عمك الملياردير ده تخيل بقي إنسان مشرد كان مسكها و بيشربها عادي في نص الشارع .
سمير : ما هو ده يثبت انه سارقها و مش عارف ايه قيمة الزجاجة اللي في ايده دي .
كريم :
هيسرقها من مين دا اغني واحد في الشوارع اللي حوليا دي عنده تقرييا فدانان في الجبل .
سمير :
انت شاغل دماغك بحاجات فاضية ..... حتي لو كان اتقتل... انت مالك الشرطة نفسها قالت اني دي حادثة فكبر دماغك بقي .
كريم :
معاك حق ...انا فعلا واجع دماغي علي اي ؟
سمير :
شوفت ! يلا بقي علشان المحاضرة قربت تبدأ .
كريم : يلا ......…
دخلنا المدرج و بدأنا المحاضرة الدكتور كان بيتكلم عن علم النفس الجنائي و كان بيقول اني الواحد في العلم ده بيعرف دوافع المجرم و ازاي يفسرها و إن الاخصائي المفروض انه ميكونش سطحي و لا يكتفي بظواهر الأشياء المجرمين رغم كونهم بيرتكبوا شئ فظيع إلا انهم غالبا استراتجين و بينفذوا جرائمهم بذكاء و غموض و غالبا الشرطة مبتقدرش تحل الغموض ده بسهولة فأنت لكي تكون مؤهل لحله عليك بشحذ مهارات الملاحظة عندك و التفكير بعمق في المحيط من حولك (مش كل حاجة في الحياة صدفة) دماغك بيحب الراحة كل ما زادت اللامبالاة عندك كل ما وعيك بالمحيط من حولك بيتلاشي . اجبر عقلك علي التعب و بذل الجهد علشان تقدر تتميز .
كريم :
لو سمحت يا دكتور انا هستأذن .
الدكتور :
ليه يا كريم دي اول مرة يعني تستأذن قبل نهاية المحاضرة .
كريم :
معلش يا دكتور تعبان شوية .
الدكتور :
الف سلامة . ....اتفضل يا كريم .
كريم : شكرا يا دكتور .
خرجت و عيون المدرج كلها عليا
ركبت عربية و كان كل اللي شاغل بالي القميص اللي كنت لابسه امبارح
روحت و طلعت الشقة و جبت القميص اللي كان مليان بدم الرجل آمس و خدته و نزلت و روحت لمعمل التحاليل بتاع ابن عمي (أحمد) .
كريم :
السلام عليكم......
أحمد:
و عليكم السلام ورحمة الله وبركاته ....اه... كريم .... و انا اقول مال المعمل نور مرة واحدة كده ليه .
كريم :
ده بنورك يا حمادة .....معلش يا أحمد كنت عايزك في خدمة ضروري !
أحمد:
إؤمر ...…
كريم :
كنت عايزك تحللي الدم اللي علي القميص ده و تشوفلي اذا كان محتوي علي خمر و لا لأ و يفضل لو تعرفلي نوع الخمرة لو تقدر أو علي الاقل نسبة الكحول اللي فيها .
أحمد:
سهلة ....بس كل ده ليه و ايه اللي جاب الدم ده علي القميص بتاعك اصلا ؟
كريم :
اعمل بس اللي قولتلك عليه و هحكيليك كل حاجة في وقتها .
أحمد:
تمام ...كريم انا هعمل كده بس علشان انا عرفك كويس و واثق انك مش ممكن تعمل اي حاجة تضرك أو تضرني
كريم :
حبيبي يا احمد والله ...و انا قد الثقة دي و إن شاء الله هحكيليك كل حاجة بالتفصيل .
مشيت من عند احمد و كنت ناوي اروح الشارع اللي مات فيه الرجل امبارح ....ركبت تاكسي ........ تلفوني بيرن .......ألو يا سمير عايز ايه دلوقتي انا مش فضيلك .
ألوو ....ازيك ي كريم انا مريم حسين اللي معاك في القسم ..…
اندهشت و مكنتش مصدق نفسي... بس فكرت شوية و قولت لنفسي ايه اللي يخلي ملاك الجامعة تتصل من تلفيون الواد سمير ده ....ممكن الواد ده بيلعب عليا و مغير صوته بالذكاء الاصطناعي.
مريم :
كريم انت سامعني ...…
كريم :
احم ....اه سمعك ...ازي حضرتك يا انسة مريم .
مريم : تمام الحمد الله انا بس كنت مستغربة من تصرفاتك انهارده و سألت سمير عنك قالي انك تعبان و مرهق ذهنيا و مش بعيد تموت بعد مدة .
سمير... الكلب .…
كريم :
لأ ابدأ سمير بس بيحب يأوفر شوية انا الحمد الله كويس هما شوية صداع بس و إن شاء الله يروحوا لحالهم .
مريم :
طب الحمد لله ........ آسفة لو كنت ازعجتك
كريم :
لأ أبدا دانا بسبب المكالمة دي مبقتش مصدع..... شكرا لاهتمامك يا أنسة مريم .
مريم :
...... العفو😊 ...يلا باي .
كريم :
مع السلامة😌 .
كريم :
ياااه الواحد حاسس اني كان في الجنة.
سواق التاكسي :
ربنا يزيد افراحك يا بني .
كريم : تسلم يا حج .
بس لحظة كده .....دي قالت سمير عادي كده هما يعرفوا بعض ولا ايه .
رقم سمير بيرن تاني .
أكيد هو المرة دي .
كريم :
ألو ..
سمير :
ايه يا ازميكس المكالمة التعبانة بتاعتك دي دأنت طلعت نيلة أوي 😑 دأنا جبتلك فرصة علي طبق من دهب دأنا قولت الواد بقي هيتشجع كده و يعترف و بكتيره اوي تجبلنا كريم الصغير علي البداية السنة الجديدة .
كريم :
انت اهبل يسطا 😶
سمير :
يا عم اسكت ....باين كده هتخلل جنبنا .
كريم :
اخرس بقي ياض ...... عايز أسألك عن سؤال محيرني شوية.
سمير :
اسأل يا باشا بس لو موضوع الصبح ده فكك مني علشان مش ناقص وجع دماغ .
كريم :
.... هو ..انت...تعرف...الآنسة مريم خارج الجامعة .
سمير :
انسة ....انت مش ناوي تكبر يااض .... يا حبيبي دي البنت اللي بتحبها و المفروض اللي هتجوزها لو ربنا شاء إن شاء الله لو مش عارف تناديها بإسمها أمال هتجيب عيال منها ازاي ....بالاسلكي ؟
كريم :
ما قولتك لم نفسك بقي متخلنيش اجيلك امرمطك دلوقتي و اخلص جواب علي السؤال .
سمير :
اه .... خطيبتي بس
كريم🤯 :
....... انت بتتكلم جد ؟
سمير😂 :
هههههه....ايه يا بني انت صدقت و لا ايه ...دا لو آخر واحدة في الكون مستحيل ابص لمرات اخويا .
كريم😈 :
سمير ...يفضل ليك متظهرش قدامي اليومين دول علشان مضمن لكش انك هتكون كويس لما تقابلني.
سمير :
ياعم ايه جو الرعب ده و الله هزار خلاص مش ههزر معاك في الحاجات دي تاني و علي اي حال مريم تبقي بنت خالتي و متخفش منحلش لبعض اصلا علشان راضعين علي بعض .
كريم :
ولاد خالة ..... يسطا احنا بقالنا كام سنة صحاب؟
سمير :
اممم ...٣ سنين .
كريم :
و بقالك قد ايه عارف اني بحب مريم ؟
سمير :
تقريبا سنة .
كريم🤬 :
اومال يا بن ال....... لما انت ابن خلتها مقولتش ليه.
سمير :
هو انت سألتني ؟
كريم :
انت شكلك مش هتستريح غير لما اجي اموتك ...صح ؟
سمير :
يسطا كنت قلقان بقي تشك اني في حاجة بينا أو مشابه و بعدين منا عارفك انت الغيرة بتجري في دمك مش هيفرق معاك ابن عمها و لا حتي اخوها فمحبتش أوجع دماغي بقي ويا عم انا آسف اني خبيت عليك حاجة زي دي بس الغلط غلطك برضه بقالك سنة بتحبها و أكاد أجزم انك مش عارف اسمها الرباعي حتي .
كريم :
علي اي حال انا مش فاضي دلوقتي استناني لما اجيلك بكره... يلا سلام .
سمير :
سلام ..باينه زعل ده ولا ايه مش فارقة لما يجي بكره هعرف أراضيه .
وصلت للشارع اللي مات فيه الرجل امبارح و حسبت السواق و نزلت من التاكسي و وقفت قدام العمارة اللي مات قدامها ....الشرطة كانت حطة الشريط الأصفر قدام العمارة اتجاوزته و دخلت العمارة و لقيت طبق الدش اللي وقع امبارح علي دماغ الضحية بصيت عليه و ركزت لقيت آثار خيط رفيع كان ملفوف حولين طبق الدش بعد كده طلعت للدور السابع (السطح) الدور اللي وقع منه طبق الدش فضلت ابص لكل شبر فيه اني أجد شيئ مفيد ملقتش اي حاجة غير عقب سيجارة 🚬 من نوع دافيدوف مسكته بمنديل و حطيته في جيبي بعدين روحت للبلكونة اللي وقع من عليها طبق الدش و وقفت في نفس المكان اللي وقع منه بالضبط و ركزت علي آثار الاسمنت و زي ما كنت متوقع الاسمنت فعلا ناشف حديثا اثار الاسمنت اللي كانت علي البلكونة كانت قديمة اوي و كلها تراب و ده علي عكس الاسمنت اللي كان في اسفل طبق الدش و كمان مكنش متجبس في البلكونة تحسه كده نشف و بعدين حد وضعه علي جدار البلكونة ...وقفت و استعديت اني امشي فجأة سمعت صوت خطوات طالعة علي السلم استخبيت في عشة قديمة كانت علي السطح و فضلت اراقب من ثقب كان في العشة دي طلع رجل لابس بدلة فخمة و جزمة فخامة يعني تحسه جاي من فيلم جيمس بوند كان عمال يدور برضه ........فضل نصف ساعة مسبش شبر في الدور مدورش فيه و في الآخر استسلم لما ملقاش حاجة .
قولت لنفسي يا تري واحد زي ده بيدور علي ايه هنا و افتكرت عقب السجارة اللي لقيته و قولت ممكن ؟
ليه لأ ...لو ربطنا كل شئ ببعضه الرجل باين انه ملياردير يعني ممكن يكون صاحب زجاجة الويسكي الغالية دي
و ممكن يكون هو اللي قتله بس هو بيعد خطته نسي و شرب سيجارة هنا و رمي العقب بتاعها و جاي دلوقتي يأخده علشان ميبقاش دليل عليه .....منطقي بس دلوقتي لو عايز اثبت صحة افتراضي محتاج اعرف الطريقة اللي قام بيها بقتل الرجل السكران و أجد دليل قوي يدينه .
و بعد كده سمعته بيقول مش مصدق اني الحثالة ده تعبني في قتله لدرجة دي .
فجأة ..…….
يتبع ……..
