MagicDetective_ المحقق السحري الفصل ١
الفصل الأول : بداية حياة جديدة
في الساعة الواحدة مساء كنت أسير بمفردي في الشارع و كنت متوجه الي بيتي بعد ما كنت في حفلة عيد ميلاد لأحد اصدقائي في الجامعة قابلت شخص شكله غريب كان بيترنح في الطريق و كان باين كده انه كان سكران و ضايعة منه خالص انا تجاهلته و مشيت عادي بدون ما أهتم و حودت للحارة اللي فيها بيتي و فجأة سمعت صوت صرخة مدوية و تبعها صوت ارتطام قوي جريت ناحية الصوت بسرعة و شوفت الرجل السكران اللي لسه كنت مقابله واقع علي الارض و سايل في دمه
و كان جنبه طبق دش في مؤخرته قطعة اسمنت كبيرة و انا بحاول اطمن علي الرجل لحظت اني الدم ده جاي من رأسه قمت قالع التيشيرت بتاعي و ربطت بيه رأس الرجل و بعدين اتصلت علي الإسعاف ( 112 ) و قولتلهم علي اللي شوفته و قولتلهم العنوان و بعد إنهاء المكالمة قست نبض الرجل من عند الشريان السباتي في رقبته و للأسف فقد فات الأوان ، الرجل مات
سبته مكانه علي لما تيجي الشرطة علشان يبقي كل حاجة زي ما هي و اتصلت بالشرطة و حكيت لهم علي كل اللي حصل و قفلت معاهم و استنيت لحد ما ييجوا شوية و لقيت الشرطة و الإسعاف جم و نزل الضابط من سيارة الشرطة و اتجه ناحية الجثة و العساكر قفلوا الطريق و المسعفين خدوا الجثة لسيارة الإسعاف و بعدين احد الشرطيين اتجه ناحيتي و سألني علي اسمي و سني و مهنتي. و خد بطاقتي و سألني علي كل اللي حصل مازتدش كتير عن اللي في قولته في المكالمة معاهم و حكيتلهم من وقت ما خرجت من الحفلة لحد ما كلمت الشرطة قام جه ضابط تاني و قال للضابط اللي كان واقف معايا باينها قضية اوردحي دي مجرد حادثة و من الواضح اني مش هيبقي لينا دور هنا اتصل بشرطة النجدة تيجي تخلص الأمور هنا قام الشرطي اللي كان بيسألني بصصله و قاله و عرفت ازاي بقي اني الشرطة الجنائية ملهاش دور هنا .
قام الشرطي التاني نظر بنظرة تفاخر و هو بيقول زي ما انت شايف هنا : الضحية لرجل في الأربعينات من عمره من غير حاجة تدلنا علي هويته في ايده ورقة من فئة ال٢٠٠ جنيه و جنبه زجاجة خمر تحت عمارة مهجورة ايلة للسقوط في شارع شبه مهجور شكله و مظهره بيقول اني منمش من مدة و انه كان تحت تأثير الخمور فنستنج من ده اني الرجل ده ربما يكون مشرد و ملوش مكان ثابت للبقاء فيه و بينما هو بيمشي كعادته في الشوارع المختلفة أتى للشارع ده و أثناء شربه للخمر هو مش حاسس بنفسه وقف قدام العمارة و لما شاف ال٢٠٠ جنيه انحني ليلتقتطها و من سوء حظه طبق الدش اللي علي العمارة ، الاسمنت بتاعه فك و قام الطبق وقع علي رأس الرجل ليرد جثة هامدة .
الضابط اللي كان بيسألني نظر نظرة تفهم و كان شكله بيقول انه اقتنع بالتفسير ده و أمر احد رجاله بالاتصال بشرطة النجدة علشان يقفلوا القضية دي بس أنا مقتنعتش بتفسير الضابط ، يا تري دي فعلا صدفة اني ال٢٠٠ جنيه تكون في نفس المكان اللي يقع فيه طبق الدش لأ و كمان وقع علي اعلي دماغ الضحية بالضبط حتي لو كان سكران فأكيد و الطبق بيقع هيحس اني في حاجة نازلة من فوق و خاصة اني طبق الدش مش صغير يعني اكيد أصدر صوت أثناء احتكاكه بجدران العمارة فبتالي هيرفع وشه لفوق علشان يشوف ايه اللي نازل و لو قولنا انه اتسمر في مكانه و مقدرش يتحرك من الصدمة فكان الطبق هيقع علي وش الضحية وليس علي اعلي دماغه أو ده اللي كان من المفترض انه كان يحصل ، و لا شكل ملابسه المتبهدلة بعض زراير القميص بتاعه مفتوحة و البعض الاخر مش في مكانه و جيوب الضحية طالعة لبرا و المعطف بتاعه مرمي جنبه تحس كده اني في حد كان بيفتشه من رأسه لحد اصغر صابع فيه صحيح اول مرة قابلته كان مبهدل و شكله مترب و حالته كرب بس مكنش بشكل ده و اكتر حاجة ادهشتني زجاجة الخمر اللي كانت جنبه لم ألحاظها في أول مرة شوفته بس زجاجة الخمر كان اسمها Dalmore 62-Year-Old Scotch و ده ويسكي اسكتلندي من اغلي أنواع الخمور في العالم و اكثرها ندرة ازاي رجل أول ما تشوفه تقول انه معظم اكله هو البقايا اللي بتترمي في الزباله يحلم انه يشوف الزجاجة دي مش بيشربها عادي كده في نص الشارع
و انا عمال افكر في الأمور الغريبة دي الضابط كان عمال ينادي عليا و خبط علي كتفي لحد ما فوقت من سراحني ده و رديت عليه قالي انا عارف اني المنظر كان صعب عليك بس اجمد كده انت رجل علي اي حال احنا خلصنا انهارده هات رقمك علشان هنبقي نتصل بيك في وقت آخر اديته الرقم و خدت بطاقتي و مشيت علشان اروح و انا ماشي افتكرت صوت الصرخة اللي سمعتها قبل ما اكتشف الجثة ، طبق الدش كتلته تقريبا ٥ كيلو و نضيف ١٠ كيلو قطعة الاسمنت اللي متصلة بيه واقع من عمارة ٧ أدوار طولها تقريبا ٢٣ متر
يعني سرعة نزول الطبق ده تقريبا ٢١ متر / ثانية و طالما الطبق ده لم يقع علي وش الرجل فهو مبصش لفوق و مشفش الطبق و هو نازل ايه بقي اللي يخليه يصرخ الصرخة القوية دي ....الا لو شاف حاجة مخيفة خلته يصرخ و مخلتهوش ينتبه لطبق الدش و هو بيقع
وصلت لبيتي و انا عمال افكر في الحاجات الغربية دي قولت لنفسي مش الشرطة قالت إنها مجرد حادثة متجوعش دماغك واطلع اقلع هدومك و استحم و اغسل الدم اللي عليك ده طلعت و بعد ما استحميت قعدت اتفرج علي التلفزيون و بعد شوية لحظت اني الساعة بقت الرابعة فجرا قومت و دخلت لغرفة نومي و استلقيت علي سريري و غمضت عيني في محاولة مني للنوم و لكني لم أستطع من كتر التفكير قومت صليت الفجر و مر الوقت و طلع الصباح و للأسف معرفتش انام كويس………………
يتبع
