سفاح مرضى ليلى 5

سفاح مرضى ليلى 5

*قصة سفاح مرضى ليلي5والاخير👻*↻≯⸙•♡»»)) 
😨 ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏
​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​
‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏

‏
+18
ليلى (الجزء الأخير)

وائل الديهي .

* أحد الأماكن العامة *

بس يا ليلى انا مقدرش استغني عنك ، ازاي عاوزه ترمي كل ذكرياتنا وحبنا ورا ضهرك بسهولة كده .. احنا بقالنا ٦ سنين مع بعض انتي اول و أخر حب في حياتي ازاي عاوزه تبيعيني في أقرب فرصة ؟  هو دا الوعد والعهد الي بيننا؟ انا مقدرش اتخيل ان واحدة غيرك تكون مراتي ، مش بقدر اتخيل الموضوع من الاساس هو مشاعري وحبي ليكي مش فارق معاكي ؟ .. انتي ازاي بقيتي كده ؟ ... بصي الصورة الي كنت عاملهالك وجايبهة اصالحك بيها ،، من حبي فيكي كتبت عليها كل ماهو جميل فا هو ليلى

ردت بمنتهي القسوة ..

-بص يا وائل الكلام دا ملهوش لازمه، انا عارفه انك بتحبني ، بس انا مبقاش في إيدي أي حاجة ممكن أعملها .. بابا مش موافق عليك ومش هيوافق مهما حصل .. مش ذنبي انه بيبص للماديات ، مش بإيدي اغير تفكيره.

- اسمعيني يا ليلى .. انتي عارفه ان أمي اتوفـ ت وانا عندي ٧ سنين ، وابويا بعدها بي ٥ سنين مـ ات بأزمة قلبية بسبب استهتار الدكتور الي بيعالجه الي هو ابوكي  ، ودا كان سبب اني ادخل كلية الطب وأكون جراح شاطر واقدر اعالج الناس عشان محسش بالي حسيته اما سمعت خبر وفاة ابويا ، انا اتحرمت من حنان امي ، واتحرمت يكون ليا سند الي هو ابويا ، انا اما عرفتك حسيت انك العوض الي هتعوضيني عن كل الصعب الي مريت بيه ، بنيت عليكي مستقبلي وحياتي كلها .. عاوزه في ثانيه تهدي كل دا بعد ٦ سنين حب ؟

قامت وقف وردت بمنتهي العصبية..

- يووووه هو انت بردو لسه مقتنع ان ابويا كان السبب في مـ وت ابوك ، دي اعمار ودا قدره ، عامتا انا مش جايه افتح مواضيع قديمة .. انا بس جايه افهمك ان حاتم الي كان معانا في الكلية اتقدملي وبابا وافق عليه وخطوبتنا الخميس الجاي .. اتمني تنساني وتشيلني من دماغك ..

اما الفراق بيغمر القلب ، بيصبح كل شئ حواليك باهت ، بتتلاشي الألوان تدريجياً كأن الحياه بتفقد نضارتها،كل زاوية كانت بتجمعني بيها اصبحت محطة لذكريات مؤلمة ، انا حاليا حاسس بضيق في صدري وكأن العالم كله اضيق من إنه يتسع لوجع قلبي ..

الاماكن الي كنا بنروحها سوا بقت مهجورة حتي لو مليانه ناس ، صوت ضحكتها لسه بيتردد في ودني ، الوعود ، الكلام .. كله اتحول لسكاكيين صغيره بتقـ طع في قلبي ، كل اما احاول الهروب اكتشف ان الذاكرة أقوي من النسيان

العزلة هي الصديق الوحيد، شهور كتير قاعد في اوضتي بحاول افهم الي حصل ..وليه أنتهي كل شيء بالشكل داه..

بسأل نفسي هو انا ممكن ارجع عقارب الساعه؟ ممكن ارجع واغير حاجه من الي حصلت ؟ بس الحقيقة ان الي راح مبيرجعش والماضي هيفضل ماضي.. لا أمي هترجع ، ولا ابويا هيرجع ، ولا ليلى هترجع

سنة كامله في أوضتي مستني المـ وت يخبط علي بابي ..

التركيبة ٤٧-ب

قرار خروجي من عزلتي هو كان قرار بتحفيز من الشيطان .. اقنعني اني الوحيد الي خسرت في القصة ديه واني لازم انتقم من كل شخص كان سبب في حزني، فقدت ابويا وامي وحبيبتي ومستقبلي .. بس جيه الوقت الي هاخد فيه حقي.

اجرت شقة مفروشة في منطقة المهندسين بعد ما لقيت ان دا افضل مكان اقدر اختفي فيه عن كل الي يعرفني ، حولت الشقة لمعمل سري اعمل فيه التجارب بتاعتي .. وبعد ما مرت ٣ سنين من التجارب

قدرت أوصل للتركيبة الي اخترعتها عن طريق مزيج من الكيميا العصبية والأدوية النفسية وكان هدفي منها هو تعزيز الادراك الحسي والي هيترتب عليه الاتي ..

تأثير التركيبة علي الشخص الي هيستنشقها بعد استهداف المناطق المسؤلة عن الإدراك والتصورات الحسيه هو ان هيبدأ الشخص دا في ملاحظة تغيرات طفيفه في البداية بحيث ان هيحصل تداخل للأصوات والألوان بشكل غير طبيعي ، وبعد مرور دقايق هيتطور التأثير لهلوسات بصرية وسمعيه متقنه فا بالتلي هيبدأ يشوف حاجات مش موجودة

المصاب مش هيقدر يفرق بين الحقيقة و الوهم .. ومع تكرار الجرعات لأكتر من مره هتعمل تدهور عقلي كامل ، ودا بدوره هيدفع العقل بإعادة برمجة نفسه وهيعتقد ان الهلاوس جزء من الواقع .. وساعتها هيحصل الخلل ويبقي الشخص مجنون ..

التركيبة كانت معتمده علي تثبيط وتحفيز مستقبلات الدوبامين والسيروتنين مع بعض ودا الي هيقود الدماغ انها تخلق بيئة مشوشة ، عشان يبدأ العقل في انتاج صور واصوات ومواقف مش موجوده ...

انا سميتها ٤٧ - ب بعد فشلي في ٤٦ تجربة قبلها علي مدار السنين الي فاتت وبعد ما نجحت في تطبيقها قررت يكون اسمها ٤٧ -أ وبعد تطوير استمر اكتر من ٦ شهور عشان تبقي اكتر فاعلية بقت ٤٧- ب

كل الي انا مخطط ليه السنين الي فاتت هو الي هيحصل ، انا مش سايب حاجه للصدفة ، ولا فيه اي شك ان ممكن يحصل خطأ في خطتي ، كل حاجه معمول حسابها .

استغليت جهاز التعقيم الي بيكون قاعد عليه فرد امن بيفرض علي اي حد بيدخل المستشفى أنه يستخدمه كا اجراء احترازي من فيروس كورونا ، ودسيت فيه التركيبة بتاعتي ، مجرد ما يستخدم الشخص الي هيدخل المستشفى المعقم ويشمه .. بقي تحت تأثيري لفترة كبيرة ، فترة كفيلة تخليني ادخل واخرج براحتي من المستشفي من غير ما ينتبه حد انا مين..

قدرت انفذ خطتي زي منا راسمها بالظبط ، كل يوم كنت بتردد ع المستشفي ادرس كل المداخل والمخارج واتطلع علي الداتا بتاعت كل دكتور ومين المرضي المسؤال عنهم  وقدرت احدد كل الغرف المستهدفه وبالأخص الغرف الي فيها المرضي الي بتتابعهم ليلى .. هو دا هدفي وهو دا الي انا داخل عشانه ... لحد ما جيه اليوم هنفذ فيه .

المستشفي

- انا دلوقتي عرفت انا بتعامل مع مين كويس، والمره ديه انا هسبقه بخطوة،، فين الدكتوره ليلى؟

قال الكلام الرائد احمد بعد ما قام وقف وهو باصص للحيطه ومدينا ضهره وبيتكلم

الدكتوره ليلي اكيد في مكتبها .. بس حضرتك تقصد ايه بي انك عرفت بتتعامل مين كويس؟

- دا مش شخص عادي يا دكتور حاتم ، فيه لغز مش قادر افسره ازاي بيقدر يدخل غرف المرضي ويتحرك من غير ما حد يشوفه ؟ .. ياريت تجيب الدكتوره ليلى وتيجي المكتب عشان هيكون فيه اجتماع سري بعد ٥ دقايق

جبت ليلى ودخلت عليه مكتبي الي كان قاعد بيشرب فيه سيجاره وهو سرحان وباصص في اللا شئ..

دخلنا وقعدنا من غير ما نتكلم ، حالة صمت دامت لاكتر من دقيقتين لحد ما قطع الصمت الرائد احمد وهو بيقول : المريض في اقواله قال ان الشخص الي دخل عليه قاله انت هتعيش عشان الي بيتابع حالتك حاتم مش ليلى ، بمعني ان كل ضحاياه هما الي حالات الي انتي بتتابعيهم .. ودا معناه ان فيه علاقة بتربط القاتل بيكي يا دكتور او سبب مرتبط بيكي بيدفعه للقتل ... عندك تفسير ؟

-انتـ ...

-استني انتي يا ليلى ، هو حضرتك بتتهمها انها ليها يد في الي بيحصل؟

قولتها وانا بقاطع ليلى قبل ما تتكلم

قام وقف الرائد احمد وقرب من وشي وقالي بصوت واطي:  اتقتل ٤ ومش بعيد الخامس يحصلهم ، دي حياة بني ادمين وانا بمشي ورا اي خيط يوصلنا لمخرج من المتاهة الي احنا تايهين فيها ديه ..انا لو صبري نفذ هتصرف تصرفات مش لطيفه سيبني اشوف شغلي من فضلك..

سابني وفضل يتمشي رايح جاي ف نص المكتب من غير ما يتكلم .. داس علي سيجارته ورجع يتكلم: عامتا فيه تحقيق رسمي هيتفتح بعد نخلص من الي حنا فيه دا وساعتها القانون والتحريات هتاخد مجراها .. المهم دلوقتي ، لو فكرنا بدماغ القاتل وانه ماشي بترتيب الغرف المفروض الغرفه الي عليها الدور هتكون رقم كام؟

- من بعد ٦٤ لحد ٦٩ هتكون الحالات كلها انا الي بتابعها ، لو هو عارف كل الحالات الي بتتابعها ليلى فا المفروض ان الدور الجاي علي الحاله الي في غرفة ٧٠ لانها مع ليلى

- حلو اوي يبقي كده قدرنا نحدد الهدف الجاي ، بس لو هنفكر بي دماغه هو قدر يشتت انتباهنا وحركنا كلنا في مكان عشان يقدر ينفذ الجريمه في مكان تاني .. ودا يخلينا نستنتج انه من الوارد يستخدم نفس الاسلوب في الخطوة الجايه

قال الكلام بعد ما بص ف ساعته وقاال ٩:٣٠ .. يعني قدامه نص ساعه ..

رديت عليه بصوت مرتجف : طططط...ب حضرتك ناوي علي إيه ؟

- مش لازم تعرف انا ناوي علي إيه ، المطلوب منكم انتوا الاتنين دلوقتي تنفذوا كل تعليماتي بالحرف .. انا عاوز الامور في المستشفي تجري بطريقة طبيعية ، والطبيعي ان الكل يكون في حالة خوف وقلق ومستني الي هيحصل الساعه ١٠ ، انا عاوزك توصل لكل الي في المستشفي أن الأمور مش مستقره عشان ميحصلش بلبله لأنه وارد يكون وسطنا واحنا منعرفش.. وأي موقف غريب هيحصل اتصرف التصرف الي المفروض يتعمل في الموقف دا مش عاوز اي تجويد.

زادت حالات التأمين في كل ارجاء المستشفي ، افراد من الشرطه واقفه حراسه علي كل الغرف .. عساكر وظباط رايحين جايين في الطرقات متأهبين لأي حركه غير طبيعيه ممكن تحصل ، الكاميرات عليها مجموعة من الظباط بتراقب كل خطوه لكل شخص

الساعه ١٠

- حررررررررييققق .... الحقونا...... حريقققق ،،المستشفي بتوووولع

صرخ و قالها العسكري الي كان واقف حراسه علي الاوضة الرئيسية المسؤولة عن تشغيل الكهربا للمستشفي كلها.. وهي دي كانت طريقة تشتيت الانتباه المره ديه

حصلت حالة الهرج والمرج المعتادة وغصب عن الجميع حتي لو عارفين انها وسيلة لتشتيت الانتباه بس مفيش مفر لازم نطفي الحريق او هنموت كلنا،
كل المستشفي تقريبا جريت ناحية مكان الحريق بما فيهم انا و ليلى ، كانت حضناني وبتصوت .. صوت الصويت والصراخ كان أشبه بجحيم ، الجميع حاسس ان النهاية قربت ، ناس بتجري يمين وناس بتجري شمال وناس بتهرب

* الغرفه ٧٠*

اتفتح باب الأوضة بهدوء..

خطوات بطيئة لشخص واثق من نفسه وعنده برود اعصاب غير طبيعي .. قرب من سرير الضحيه بهدوء ورفع الملايه الي كانت مغطية وشه ..

- أهلا، مواعيدك متأخره المره ديه ، الي اعرفه ان مواعيدك مظبوطه الساعه بقت ١٠:٥  انا مستنيك من بدري

قالها الرائد احمد اللي كان نايم مكان المريض بعد ما رفع طبنجته في وش وائل

- ارمي الشنطه الي ف ايديك وحط ايديك ورا ضهرك

نزل وائل الشنطه ع الارض بهدوء وبدأ يرجع بضهره لورا بخطوات بطيئة في نفس الوقت الي كان بيقرب منه أحمد..

- ها بقي ياعم الشبح .. انت انس ولا جن ، مش هتقولي بتخرج وتخرج ازاي وبتقتل الناس ديه ليه؟

سكت لثواني وضحك ضحكة بصوت عالي كلها ثقه وغرور خلت أحمد يتوتر للحظات ، وبدأ يتكلم لأول مره : هو انت فاكر إن فيه حريقة بره ؟ وكمل ضحك

- انت تقصد ايه 
قالها أحمد الي كان بدأ يتوتر وكان واضح علي رعشة أيديه وهو ماسك الطبنجه

الوضع اختلف بعد ما كان وائل الي بيرجع لورا واحمد بيقرب منه ، بقي وائل الي بيقرب من احمد لحد ما قرب من ودنه وقاله بكل ثقه وهدوء : دا سر بيني وبينك .. اصل كل المستشفي دلوقتي تحت تأثير المخدر بتاعي وكل الي بيحصلهم دلوقتي تخيلات.. ورجع يضحك نفس الضحكه الشريرة ..

- انت مين وبتعمل كده ليه، انطق هقتلك ..قالها احمد وهو بيصرخ

بص وائل في عين احمد بصه حاده وقاله : انا وائل الديهي ، انا الي ليلى باعتني من ٤ سنين عشان حاتم ، انا الي أبويا مات بانسداد في الشريان التاجي بعد تقصير من الدكتور الي بيعالجه الي هو ابو ليلى ، انا الي خسرت كل حاجه في حياتي ، انا الي الشيطان نفسه بيعملي حساب.. انا جاي اخد حقي ومحدش هيقدر يقف قدامي..

رد عليه احمد باستغراب مش ممكن انت مجنون ، والناس الي بتقتلهم دي ذنبهم ايه

رد وهو بيدوس علي سنانه : ذنبهم انها بتعالجهم ، انا هوريها فيهم كل الألم الي شوفته... "بص " قالها وهو بيرفع هدومه وبيكشف بطنه

- ١٠ طعنات .. ١٠ محاولات انتحـ ار فاشلين ، كل اما ابص فيهم افتكر كل لحظة حزن وألم عيشتها ، بعمل في الي بتعالجهم نفس الي فيا عشان اوصلها رساله وهي الي غبية .. قالها وهو بيخبط ايديه ف الحيطه بكل قوته

-بقطع شريانهم يمكن تفتكر و تحس بالذنب من الي عمله ابوها في ابويا ، بقطع لسانهم يمكن تحس بالسنين الي عشتها لوحدي من غير ما اكلم حد ولا حد يكلمني ... اكيد هي حاسه بالذنب دلوقتي صح ؟

- مش ممكن انت مجنون ... قالها احمد وهو بيعمر طبنجته

-امشي قدامي وحط ايديك ورا ضهرك او هفرغ مسدسي كله في دماغك

رجع ضحك نفس الضحكه الشريرة وقال: وتفتكر اني سايب حاجة للصدفه كل حاجة معمول حسابها..طلع من جيبه ريموت كنترول

-انا مفخ.خ المستشفى كلها ،بدوسة واحده علي الزرار دا الكل هييقي تحت الاتقاض، سيبني أخرج بسلام وانا هسيبك انت وهما تعيشوا

- عندي اموت بشرفي ولا اسيب مجرم زيك يهرب ..قالها وهو بيحط ايديه علي الزناد .. وقبل ما يدوس عليه كان فجر وائل المستشفي.

* صباح اليوم التالي*

حاتم الظابط بيفوق .. قالتها ليا وهي بتخبط علي كتفي..

-دكتور حاتم  ؟ ..فضل يبص حواليه ويدعك في عينه ..  انا فين؟ هي المستشفي مش انفجـ رت؟

بصيت لي ليلى باستغراب ورجعت بصيت ليه؟ انفج رت ايه يا حضرة الظابط احنا بعد ما طفينا الحريقه دخلنا عليك لقيناك متخدر زي الي حصل للمريض الي قبلك .. احنا محتاجين نعرف منك حصل إيه 
حكالهم اللي حصل وسئل الدكتورة ليلي على وائل وبعد تحريات المباحث وصلو لشقة المهندسين ولما دخلو لقو ورق وتركيبات وتجارب اكنه معمل حرفيا حرزو كل الحاجات دي بس الأهم لقو ورق سفر بإسم محمود السيد شاهين وصورة وائل ...
وائل بيهرب بشخصية وهمية وبورق مزور 
بسرعة بلغو أمن المطار وتم القبض على وائل 
بس هل تفتكر ان جرايم سفاح مرضى ليلي هتنتهي هنا ولا لسة للموضوع بقية 
متنساش تعمل فولو 😘

#سفاح_مرضى_ليلى