عبدة الشيطان الفيلا الملعونه الجزء الاول

صاحب القصه دي اسمه عماد عماد بيقول السنه الفاتت حصل ظرف عند الطالب البدي عنده الدرس وكان لازم اتصرف وانقل المجموعه دي لاي مكان وباي شكل لان دي المرجعات النهائيه وكان لازم اراجع للولاد وبما ان مفيش مجاميع تستوعب عدد طلاب زياده

 وكل السناتر مشغوله في الوقت ده مكنتش عارف اعمل ايه فاتصلت بواحد صاحبي وحكيتله المشكله الانا فيها قالي اديني 5 دقايق وهرجع اكلمك تاني قفلت معاه وبعد شويه هو اتصل بيا وقالي ان فيه مدرسه الفراش بتاعها بياجر الفصول

 بس هو مبيعملش كده مع اي حد عشان لو حد عرف هو الهيروح في داهيه واداني رقم الفراش ووصفلي المدرسه هو في الحقيقه انا كنت عارفها هي جنب المدرسه الانا وهو بنشتغل فيها قفلت معاه وكلمت الفراش علطول واداني معاد في نفس اليوم الساعه 8 بليل 

وبعدها بلغت الولاد وصلت المدرسه بعد معادي بنص ساعه ولقيت 4 طلاب هما الحضروا لحد دلوقتي من اجمالي 10 اكنو واقفين قدام المدرسه والدنيا كانت ضلمه ومكنتش فيه غير ضوء احمر خفيف خارج من عمود النور القدام المدرسه ولما سالت الطلبه الحضرت عن سبب غياب الباقي

رد عليا واحد من الطلبه كان اسمه شادي وقالي محدش رضي ييجي غيرنا فسالته ليه قالي خافو فسالته تاني خافو من ايه بص حواليه وهو قلقان وكانه خايف حد يسمعه وقالي بصوت واطي اصل بيقولو ان المدرسه دي فيها عفاريت ومن ساعة ما جينا يا مستر واحنا خايفين

وحاسين ان فيه خيالات حوالينا فانا ضحكت وقولتله مش عيب لما راجل زيك خلاص هيدخل جامعه ويبقي مسئول وتقولي عفاريت وبعدين المدرسه دي لسه جديده جبت سمعت العفاريت دي منين وبعدها وجهت كلامي لكل الطلبه وقولتلهم

خلاص تعالو عشان نلحق نراجع لان الامتحان بكره ومفيش وقت قربت علي باب المدرسه وخبطت بس محدش فتح الفراش كان اسمه سراج نديت عليه مبيردش طلعت موبيلي واتصلت بيه مره واتنين لحد ما رد كان بينهج جامد وقالي انا جي

دقايق واتفتح باب المدرسه وظهر من وراها راجل تقدر تقول عنده 50 سنه كان عرقان وبياخد نفسه بالعافيه وقالي انا اسف يا استاذ عماد انا راحت عليا نومه ودخلنا وانا قولت في نفسي راحت عليك نومه هو ده وقته المهم دخلت انا والولاد المدرسه

وعلي اليمين كان فيه اوضه الواضح انها اوضة سراج سراج قالي انا جهزت الفصل الهتعدوا فيه ودخلنا الفصل والطلبه قعدت وسراج قالي لو احتاجتو حاجه انا تحت امركوا  بدانا الدرس بسرعه لان الوقت كان اتاخر وكان لازم نخلص بسرعه وانا بشرح في المراجعه حسيت اني عاوز ادخل الحمام

خرجت من الفصل وروحت ناحية اوضة الفراش وسالته عن الحمام شاورلي علي مكان الحمام وشكرته ومشيت في الاتجاه القالي عليه ودخلت حوش المدرسه كان فيه نور احمر خافت نور يخلي قلبك مقبوض المهم وصلت الحمام ودخلت وخلصت وخرجت

عيني جت علي فصل من الفصول كان الفصل الوحيد البابه مفتوح بس لاحظت ان فيه خيال اتحرك جوا الفصل وشوفت الباب بيتحرك رايح جي كان فيه حد بيقفله وبيفتحه الفضول خلاني اروح ناحية الفصل ده كنت عاوز اشوف مين البيقفل ويفتح الباب بالشكل ده

قربت لحد ما وصلت عند باب الفصل ولقيت النور الاحمر متسلط علي السبوره المرسوم عليها 3 دواير جنب بعض وكل دايره جواها مثلث وكل مثلث فيه رموز عند كل زاويه من زوايا المثلث لفت نظري الرسومات البين كل دايره والتانيه هما كانو رسمتين