عبدة الشيطان والفيلا الملعونه الجزء التاني

الفضول خلاني اروح ناحية الفصل ده كنت عاوز اشوف مين البيقفل ويفتح الباب بالشكل ده قربت لحد ما وصلت عند باب الفصل ولقيت النور الاحمر متسلط علي السبوره المرسوم عليها 3 دواير جنب بعض وكل دايره جواها مثلث وكل مثلث فيه رموز عند كل زاويه من زوايا المثلث لفت نظري الرسومات البين كل دايره والتانيه

هما كانو رسمتين انا مقدرتش احدد ايه هما بس هما كانو شبه رسومات راس الشيطان وانا ببص علي الحاجات العلي السبوره حسيت برعشه في النور وسمعت صوت غريب محستش بنفسي غير وانا بجري زي المجنون ورجعت علي الفصل السبت فيه الطلبه وشهم كان باين عليه الخوف واول ما شافوني قالولي

احنا مش عاوزين مراجعه احنا عاوزين نمشي حاولت افهم منهم ايه الحصل لحد ما شادي اتكلم وقالي اول ما انت خرجت سمعنا صوت بنت بتعيط لما بصينا ناحية الصوت لقيناك داخل الحمام وشوفنا خيال لبنت واقفه عند الفصل الجنب الحمام وكانت بتبص ناحيتك حاولنا ننادي عليك هي سمعتنا بس انت مسمعتناش

لما بصت ناحيتنا كان شكلها يخوف بس قولنا يمكن يكون متهيالنا بس احنا متاكدين انها اختفت فجاه احنا عاوزين نمشي يا مستر عماد بيكمل وبيقول الحقيقه لولا اني شوفت الاكبر من الهما حكوه وطبعا كل القالوه ده حقيقي انا مكنتش هصدق وافقت انهم يمشو ولما اطمنت ان الطلبه مشيت خبطت علي سراج الفراش

فتح الباب وكان شكله قلقان وقالي ادخل بسرعه ودخلت وقولتله انت مدخلني عندك ليه وانت مالك قلقان كده ليه ايه البيحصل في المكان ده سكت مردش قولتله ما انت هترد عليا وتفهمني كده كده الحصه باظت فانت هتفهمني ايه البيحصل ايه البنت الظهرت وانا والولاد شوفناها دي البنت دي بتعمل ايه في المدرسه

وانت جايبها هنا ليه وايه الرسومات الغريبه العلي السبوره دي قالي يا استاذ انا من ساعة ما جيت هنا والبنت الانت بتقول عليها دي انا بسمع صوتها كل يوم بتعيط لما كنت باجر الفصول للمدرسين كان فيه منهم يسمع وفيه منهم ميسمعش وبقالي مده مانع الموضوع ده ومن ساعة ما منعته صوتها يعتبر اختفي

بس استاذ علاء صاحبك كلمني مقدرتش ارفضله طلب وقولت يمكن صوتها ده خلاص راح بس النهارده قبل ما انت تيجي ظهرتلي خيال لبنت عنيها حمرا زي الدم وحذرتني اني ادخلك كانت بتشاورلي من بعيد عشان مفتحش الباب وكنت سامع صوت قطط وهي بتحذرني بصراحه انا خوفت منها وفتحتلك الباب ولما فتحتلك الباب هي اختفت

يا استاذ المدرسه دي مسكونه بيقولو ان فيه بنت اتقتلت هنا وبتظهر عشان محدش يدخل عليها المدرسه بليل بس انا معرفش الحقيقه فين ولو علي الفلوس انا مش عاوز منك فلوس عماد بيكمل وبيقول بعد ما سراج الفراش خلص كلامه كان باين عليه انه خايف وكان باين انه مبيكدبش بس برده كان باين ان لسه فيه حاجات محكهاش

قولتله انت مخبي ايه لسه مقولتوش رد عليا وهو قلقان وقالي انا مش مخبي حاجه قولتله احكي متخفش ولو عايز الفلوس هتاخدها قالي انا مش عاوز منك فلوس قولتله انت معندكش اختيارات غير انك تحكي عارف ليه عشان انا صورت الولاد وهما في المدرسه بليل عارف هعمل ايه بالصور دي 

بكره الصبح هكون في الاداره التعليميه وواحد من بره هديله فلوس واقوله روح سلم الصور دي وشوف بقي انت هيحصلك ايه قالي دي اخرتها قولتله لا دي مش اخرتها احنا لسه في الاول فاحسنلك تحكي قالي ماشي هحكي بعد اول شهر ليا هنا بدات اجر الفصول وبدات مع مدرس بعد حصتين