عبدة الشيطان والفيلا الملعونه الجزء التالت

بكره الصبح هكون في الاداره التعليميه وواحد من بره هديله فلوس واقوله روح سلم الصور دي وشوف بقي انت هيحصلك ايه قالي دي اخرتها قولتله لا دي مش اخرتها احنا لسه في الاول فاحسنلك تحكي قالي ماشي هحكي بعد اول شهر ليا هنا بدات اجر الفصول وبدات مع مدرس بعد حصتين 

بدا طالب يشتكي للمدرس انه بيشوف بنت في حوش المدرسه طبعا محدش صدقه في الاول بس بعد الحصه التالته بدات الطلبه كلها تشتكي للمدرس ان فعلا فيه بنت بتظهر في حوش المدرسه وانهم بيشوفو خيالها وعنيها مرعبه واكد الكلام ده المدرس نفسه وقال انه راح الحمام وشافها المدرس ده حصله مشاكل نفسيه كبيره بسبب الشافه

بس محكاش حاجه لحد وحذر الطلبه ان محدش يحكي حاجه من الشافها عشان لو حكوا هيموتو بعدها كنت بفتح الفصل الفتحتهولك بس قبل ما الليل يدخل كنت باكد علي المدرس ان لازم الحصه تخلص قبل اذان المغرب ومكنش فيه حاجه بتظهر بس بعد ما المدرس يمشي كنت بسمع صوت عياط البنت

وكان صوت عياطها بيزيد كل مره عن القبلها وفي مره انا اصلا كنت بخاف اخرج من الاوضه بس كان فيه حاجه في دماغي بتقولي اخرج معرفش ازاي سمعت كلام دماغي وخرجت وروحت ناحية الفصل الجنب الحمام وشوفت الرسومات الانت بتقول عليها 3 دواير جنب بعض وكل دايره جواها مثلث وكل مثلث فيه رموز عند كل زاويه من زوايا المثلث  

وبين كل دايره والتانيه رسمه شبه رسومات راس الشيطان من يومها وانا منعت اي حد يدخل المدرسه بليل بعدها الصوت اختفي كنت باجي قبل المغرب وانام يمكن ده الخلاني مسمعش صوتها بقالي مده بس النهارده قبل ما انت تيجي سمعت صوت عياطها انا قولت لصاحبك بلاش تيجو بليل قالي مش هينفع عشان انت مش فاضي

لولا انه ساعدني كتير انا كنت رفضت بيقولو ان فيه بنت اتقتلت هنا وبتظهر عشان محدش يدخل عليها المدرسه بليل بس انا معرفش الحقيقه فين بس فيه حاجه غريبه انا مش فاهمها لما البنت ظهرت وشاورتلي انا مكنتش فاهم هي عاوزاني افتح الباب ولا اقفله عماد بيكمل وبيقول بعد ما سراج الفراش خلص كلامه

   طمنته وقولتله طلما محصلش حاجه لحد يبقي الخوف ملوش لازمه بس انا عندي سوال اخير هقوله قبل ما امشي المدرسه دي لسه جديده متعرفش المدرسه دي كانت ايه قبل ما تبقي مدرسه انا لما بدات اشتغل كانت المدرسه دي لسه بتتبني قالي بيقولو انها كانت فيلا استاذنت ومشيت وروحت علي البيت

وانا الموضوع مش عايز يسيب دماغي وبفكر واسال نفسي ايه حكاية المدرسه دي وايه حكاية البنت دي وايه السر ورا الرسومات والرموز الشوفتها علي السبوره في المدرسه دخلت البيت حضرت الاكل وقعدت اكل وانا باكل سمعت صوت غريب يبقولي اخيرا حد مش خايف زيهم بصيت ناحية الصوت بس ملقتش حاجه

انا عايش لوحدي فقولت يمكن يكون متهيالي المهم خلصت اكل ودخلت الحمام اغسل ايدي وانا خارج من الحمام لقيت نور احمر خافت خارج من اوضتي وخيال بيتحرك جوا الاوضه قربت براحه من الاوضه واول ما وصلت عند باب الاوضه النور اختفي ورجع نور الاوضه العادي ولقيت علي الحيطه نفس الرسومات والرموز الشوفتها علي السبوره في المدرسه

3 دواير جنب بعض وكل دايره جواها مثلث وكل مثلث فيه رموز عند كل زاويه من زوايا المثلث وبين كل دايره والتانيه رسمه شبه رسومات راس الشيطان ورجع النور الاحمر يظهر تاني ويتسلط علي الحيطه الموضوع ده ماخدش اكتر من ثواني وكل حاجه رجعت زي ما هيه تليفوني رن ولقيت سراج الفراش هو البيتصل