خفه دم المصريين حول العالم ( في امريكا و ألمانيا )

 من فترة كنت في امريكا بأعطي محاضرات فى مؤتمر كبير في شركة مايكروسوفت  وفى نصف المؤتمر جاءت الى المنسقة  الأمريكية الجنسية المسئولة عن المحاضرين في الاستراحة الخاص بنا وبتقول لى استاذ احمد هناك محاضرة المفروض انها تبدأ  الآن والمحاضر لم يحضر وانا أريدك ان تدخل بدلا منه لان هناك ناس كثيرة قاعدة وما ينفعش نلغى المحاضرة ٠

قلت لها: ولكن هذا ليس  تخصصي ولا اعرف شئ عن هذا المجال ولا يوجد وقت لدي  لكى احضر  فنظرت الى نظرة محسن ممتاز الى رأفت الهجان 

وقالت لى : انا مؤمنة بك يا احمد مايكروسوفت محتاجالك  اخذت قلم فى نفسى  ودخلت المحاضرة وربنا فتح عليا وعملت شغل جوز اللوز وطلعت من المحاضرة 

لقيت المنسقة الأمريكية واقفه مبسوطة وتقول لى : برافو  قلت فى نفسي اتنطط شويه فسألتها : لماذا اخترتتني انا مع ان كان في ناس احسن منى وأقرب المجال  ده  ؟

وقلت اكيد سوف اسمع شويه شعر في موهبتي النادرة وعبقرتي الفذة قالت لي : العرب عموما والمصريين خصوصا عندهم القدرة انهم يفتوا في أي حاجه معندهمش عنها أي فكرة 

ويقولوا كلام غلط ومع ذلك يظهروا  أمام الناس انهم بيفهموا وانت الوحيد العربي الوحيد الذي معانا ٠

٠٠٠٠

كنت فى مطار فرانكفورت  ودخلت الحمام وانا داخل الحمام لاقيت فى الحمام اللي جنبي واحد بيغنى واخد راحته وبيغنى مقطع من اغنيه محمد عبد الوهاب قديمة وبيقول  ( قولي عملك ايه ) 

قمت انا من غير تردد رديت ( قلبي ) لاقيته كمل مطلع الأغنية ( قلبي اللي انت نسية ) رديت ( قولي ) و لقيت كميه ضحك منى ومنة وقال لي : حتى في الحمام في ألمانيا يطلع لي مصريين ٠

…..

يحكى أحدهم عن رد فعل المصريين حينما اختطفت الطائرة المصرية ونزلت مطار قبرص ف بيقول ان احد الاشخاص من ضمن  الركاب كان نائم بص الى جنبه وقال له : في آية ؟  

قال له : احنا مخطوفين وهتروح قبرص قال له : قبرص آية ؟ انا كده النت هيفصل عندي على الموبايل !!!

تخيلوا واحد اول حاجه فكر فيها لما قالوا له انت رايح قبرص مخطوف ان النت هيفصل عنده وفيه واحد تانى اول ما عرف انهم مخطوفين اتصل بمراته 

قال لها : انا كنت مخبى فلوسي منكم في بنك وقال اسم البنك  وقال لها روحي خدى الفلوس  الراجل بيحكي مع مراته ونسى اصلا انه يقول لها انه مخطوف ويقول لها ٠٠٠٠ 

وهى قعدت تقوله على صوتك مش سامعه اسم البنك آية ؟ على صوووتك  

والكوميديا كلها فى الرجل التالت كان جاي المطار وجايب فرخه بلدى معاه المطار وهو طالع امن المطار  خدها منه 

فلما عرف وهو فوق انهم اتخطفوا علشان فى واحد معاهد حزام ناسف قام زعق فى قلب الطيارة

 وقال لهم : يعنى خدتوا منى الفرخة وسبتوه يعدى بحزام ناسف انا عايز فرختي دلوقتى ٠٠٠٠ المضيفة كانت بتعيط قعدت تضحك  ابتسم انت على مصر للطيران ٠

٠٠٠٠

المانى يقول منذ طفولتي وانا بخاف من نومى على السرير لأني اتخيل ان هناك شخص ينام يوميا تحت السرير 

 ذهبت الى الطبيب النفسي فطلب منى ٢٠٠ يورو على كل جلسة بواقع ثلاث جلسات أسبوعيا لمدة عام 

فقلت له : سوف افكر وتعود اليك  ولم أعود إليه والتقيته بعد سنة فى احد المولات وسألني مستغربا: لماذا لم اعد اليه ؟؟ 

قلت له : انت طلبت ٢٠٠ يورو على الجلسة وثلاث جلسات أسبوعيا ولمدة عام يعنى هذا مبلغ ٢٨٨٠٠ يورو وهذا مبلغ كبير والتأمين الصحي لن يغطيه الى  ٠٠٠٠ 

ولكن أبو محمد المصري صديقي اعطاني العلاج مقابل ساندويتش  فلافل وكوب عصير ومن  اول جلسة  ٠٠٠قال الدكتور مندهشا : هل هو طبيب وكيف عالجك  ؟؟ !!

فأجابه الألماني : لا طبيب ولا شيء لكنه قال لى : بيع السرير ونام على الأرض  وانتهت المشكلة .

٠٠٠ 

مرة كنت فى شرم الشيخ انا وأصحابي وكان معايا واحد معانا واحد اول مرة يطلع رحله لشرم وأخذ يسأل كثير فى الرحلة حبينا نعمل فيه مقلب 

قلنا له : اذهب لأى واحدة اجنبيه وقولها : I want to kiss you وبوسها على طول  ذهب وباس  واحدة وهو دلوقتى متجوزها وقاعد في إنجلترا ابن المحظوظة

واحنا هنا قاعدين  بنجدد في الباقة علشان نكلمه ٠