انتقام الشيطان متسلسله

انتقام الشيطان الجزء الثالث 

بدأ التوتر يزيد اكثر بصيت للعربية لقيت فيها شخص نفس الشخص ال شوفته قبل كدة حاولت اجمد قلبي و قربت ناحيته و فجأة لقيت تليفوني بيرن بصيت عليه ده ملك جيت عشان ارد و سمعت صوت غريب صوت اول مرة اسمعه ده صوت "القطة".....) بس المرادي مش صوت قطة عادية المرادي صوت اغرب و اتخن و بيكلم حاولت اقول الو الو يا ملك ردي عليا ملك بس الخط انقطع رجعت عشان اركب العربية الكائن ال كان جواها اختفي حمدت ربنا و ركبت بسرعة و مشيت بأقصى سرعة انا لازم الحق ملك انا مفيش قوة في الدنيا هتأذيها طلاما انا عايش.... و بالفعل وصلت البلد و وصلت ناحية بيتها رنات عليها اكثر من مرة مكنتش بترد لغاية ما ردت في اخر مرة....
قولتلها:" الو اي يا ملك انت كويسة" قالتلي: "في اي يا كساب كنت نايمة و معرفتش ارد عليك" قولتلها: "نايمة ازاي انت رنات عليا من شوية ازاي كنتي نايمة" قالتلي: "انا رنات امتي ده يا كساب بص شكلك بتهزر و انا عايزة اكمل نوم تصبح علي خير" ........ قفلت معاها و انا بسأل نفسي اسئلة كتير مين ال كان بيكلمني و قالي تعالي و مين ال كان بيكلمني لما سمعت صوت القطة و مين و مين و مين اسئلة كتير بدور في ذهني بس كل ال عايز اعمله دلوقتي هو اني اذهب الي بيتي عشان انام عشان بجد كان يوم صعب جدا عليا.... و بالفعل ذهبت الي بيتي عشان انام دخلت سلمت علي والدتي و والدي و اختي و اخويا و قولتلهم هنام و دخلت غرفتي عشان انام و اغلقت النور و بدأت اغمض عيني و انام
الجو حر جدا انا مش قادر فتحت عيني عشان اقلع التيشيرت لقيت نفسي في مكان ظلمة اكيد ده مش الغرفة بتاعتي اكيد انا في مكان تاني حاولت اقوم و بحط ايدي علي اي حاجة قدامي عشان اسند نفسي و اعرف اقوم بس للأسف انا مش عارف انا مش عارف انا فين بصيت علي هناك لقيت نور جي من هناك قربت اكثر و اكثر لغاية ما لقيت راجل مولع نار و قاعد امامه جيت من خلفه و ندهت عليه: "حضرتك لو سمحت".... و مش بيرد عليا كان الجو بارد شوية في المنطقة ده قعدت امامه و حاولت اكلم معاه ممكن يرد عليا لكن مكنش بيرد و فجأة لقيت عينه بتترفع لفوق و بدأ يبص علي السماء و فمه ينفتح جامد و بيخرج منه حاجة سودة حاجة غريبة جدا انا تملكني الرعب حاولت اقوم من هنا بسرعة لكن مش قادر اكن جسمي اثبت و بعديها بلحظات خرج الحاجة او الكائن ده من فمه ده ده"القطة".........
حاولت اقوم و اخيرا عرفت اقوم و فجأة لقيت الشخص ال قدام بصلي و قالي: "اقعد رايح فين انت هنا في مكاني و انا المتحكم في كل حاجة مش هتقدر تهرب مني انا هظهرلك في كل مكان انا هندمك انك قتلتها"...... حاولت اكلم لكن صوتي مش بيطلع و حاسس اني بتخنق و روحي بتروح مني وقعت علي الارض و بيخرج من فمي دم و جسمي بيترعش و مش قادر و فجأة...... صحيت ده كله كان حلم بس مش صدفة اني احلم الحلم ده في نفس اليوم ال قتلت فيه القطة و كمان القطة ظهرت في الحلم لما خرجت من فم الراجل ده اكيد مش صدفة بس انا مش عارف اعمل اي بس ال انا عارفه انا هكلم معتز صديقي هو هيقدر يساعدني في الموضوع ده...
رنات عليه و اتفقت معاه اني هقابله في كافيه (مقهي) في نص البلد.... و بالفعل جهزت و حضرت نفسي و انتظرت هناك لحد ما جه اول ما قعد امامي قالي:.. "انا شكلك و انت بتكلم في التليفون ان الموضوع جد و باين علي وشك التعب و الرعب احكيلي يا كساب احنا صحاب من ابتدائي يمكن اقدر اساعدك" بصيت و قولتله: "بص يا معتز و انا علي الطريق و رايح الشغل بتاعي للأسف قتلت قطة كانت بتعدي الطريق و من ساعتها و انا حياتي تحولت لجحيم" قالي: "جحيم ازاي فسر اكثر" قولتله: "يعني بحلم بكوابيس بشوف خيالات بسمع اصوات غريبة بيحصل حاجات اغرب و مبقتش قادر اتحمل كدة يا معتز"
قالي: "طب اهدي انا هشوفلك حل" قولتله: "ياريت لو لقيت لكل ده حل الا انا حاسس اني اتلعنت" بعد لحظات بدأت الناس تهرب من المكان و انا و معتز بنبص لبعض و مش فاهمين حاجة لغاية ما شوفت شخص شكله اسود في اسود داخل الكافيه و بيبص عليا و بيقرب مني واحدة واحدة بصيت لمعتز و قولتله شايف ال انا شايفه شايف عشان تصدقني يلا نهرب من هنا يلا و قبل ما نهرب حصل ال مكنش متوقع معتز فجأة وقع في في الارض.... يتبع.....

انتقام الشيطان الجزء الرابع 

بعد لحظات بدأت الناس تهرب من المكان و انا و معتز بنبص لبعض و مش فاهمين حاجة لغاية ما شوفت شخص شكله اسود في اسود داخل الكافيه و بيبص عليا و بيقرب مني واحدة واحدة بصيت لمعتز و قولتله شايف ال انا شايفه شايف عشان تصدقني يلا نهرب من هنا يلا و قبل ما نهرب حصل ال مكنش متوقع معتز فجأة وقع في في الارض و الشخص ال كنت شايفه اختفي حاولت اصحي معتز لحد ما صحي بس الغريبة عنيه كانت محمرة جامد و كان بيقول كلام غريب اخذته بسرعة علي عربيتي و وصلته للبيت و اول ما وصلنا كان سرحان كأنه مش موجود في الدنيا ندهت عليه.... وقلت له: "يا معتز معتز انت معايا" بصلي و قالي بصوت تخين: "اي يا كساب انا معاك متقلقش و هما كمان معاك" استغربت وقولت له: "مين دول ال معايا يا معتز"
قبل ما اكمل كلامي نزل من العربية و انا مستغرب هو ليه بيكلمني كدة و ليه صوته متغير اوي و اي سبب انه يغمي عليه في الكافيه (المقهي) بس اكيد كل ده مش صدفة اكيد في حاجة اكيد الشخص او الكائن ال شوفته عمل حاجة انا لازم اعرف كل حاجة..... وانا في طريقي للبيت عنيا بدأت تقفل شكلي عايز انام و في نفس الوقت حاسس ان الطريق طويل اوي سرعت شوية بالعربية و فجأة في شخص ظهر قدام العربية و خبطه نزلت من العربية بسرعة اشوفه كويس ولا لا ده طلع.. "معتز"... حاولت اصحيه و اوقف النزيف ال في راسه و اقوله:"اصحي يا معتز اصحي يا صحبي مينفعش تموت مينفعش تسيبني لوحدي اصحي يا معتز"
و فجأة الناس كلها اجمعت حوليا و مستغربة رفعت صوتي و قولت ليهم: "انتم مستنيين اي تعالوا شيلوا معايا صحبي و نروحوا بيه المستشفي" كله ثابت مكانه و بيبصوا ليا باستغراب لغاية ما واحد منهم قرب مني و قالي: "نشيل مين يا استاذ انت قاعد في الارض بتكلم نفسك و مفيش حد"...... بصيت علي معتز لقيته اختفي اي ده انا اي ال بيحصل ليا ده انا كنت شايف معتز انا كنت شايفه انا خبطه انا مش مجنون لا انا كويس و عاقل..... و بدأت الناس تشيلني و ركبوني العربية و سألوني لو عايز حاجة و اني كويس ولا لا و انا بقول لنفسي:"شكلهم قالوا عليك انك مجنون يا كساب بس عندهم حق انت كل حاجة شوفتها حقيقة و حسيت بيها بس ازاي كل ده يطلع وهم"....
مشيت بالعربية لحد ما وصلت للبيت اخيرا اقدر اقول لنفسي اني هرتاح شوية... طلعت و غيرت هدومي و طلعت علي السرير عشان انام بعد تعب ده كله و بكرة ابقا اشوف هعمل اي في كل ال بيحصل ليا ده... سمعت صوت معتز و هو بيصحيني فتحت عيني لقيت نفسي في مكان كله ظلمة و القمر هو بس ال منور و معتز جمبي و بيقولي:"قوم يا عم من الارض احنا يومنا طويل"... بصيت له و قولتله:"احنا فين يا معتز" قالي: "احنا فين اي يا عم كساب مش انا قولتلك اننا هنروح المقابر. و انت وافقت بالامارة" قولتله: "بأمارة اي يا معتز"
قالي: "بأمارة لما قولتلك اننا هننزلوا مقبرة ملك حبيبتك"........ و هنا الصدمة لما عرفت ان ملك ماتت لا و هننزلوا مقبرتها بصيت لمعتز و وقولت له: " انت عبيط ملك عايشة ملك مش ميتة انت بتقول اي" و فجأة حسيت بحرارة جوة جسمي و بدأت احس بدوخة و ان الارض بتلف بيا و وقعت في الارض...... صحيت من النوم إظهار ان كل ده كان حلم بس اكيد الحلم ده ليه تفسير اكيد ليه سبب و بعد لحظات تليفوني بيرن مسكته عشان اشوف مين لقيته معتز: معتز: "اي يا كساب عامل اي بقولك اعمل حسابك اننا رايحين المقابر النهاردة"
و فجأة التليفون وقع من ايدي من الصدمة... معتز: "الو الو يا كساب يبني مش بترد ليه" مسكت التليفون و رديت و قولت له: "احنا رايحين المقابر ليه يا معتز" معتز: "اي يبني انت بتنسي كتير ليه رايحين المقابر عشان هشوف امي الله يرحمها و كمان هنفتحوا المقبرة و ننزلوا عشان هي سيبالي حاجات في المقبرة" رديت بخوف و قولت له: "سيبالك اي في المقبرة يا معتز" معتز: "سيبالي صندوق قديم خالص يعتبر فيه فلوس واثاث وضعته في مقبرتها عشان اخواتي محدش يعرف حاجة عنه و وصتني بيه يا كساب ها جي و لا لأ"
سكت شوية وقولت له: "جي جي هغسل وشي والبس و ارن عليك نتقابل" و قفلت معاه..... طلعت ورقة و قلم بسرعة و بدأت اكتب كل ال بيحصلي من ساعة ما قتلت القطة لحد ما حلمت اني نازل مقبرة ملك و كله مشترك في حاجة واحدة ان قبل ما اي حاجة تحصل لازم الكائن ال بشوفه كل مرة يظهر يعني مثلا ظهر لما كنت قاعد مع معتز و معتز اغمي عليه ظهر لما كنت مسافر بالعربية و العربية وقفت في نص الطريق و خبط شخص ظهر في اكثر من مكان و كل ما يظهر حاجة تحصل.... رتبت كل حاجة عشان اعرف احل ال بيحصل ليا ده و اخلص من اللعنة دن للأبد بس دلوقتي انا هنزل عشان اقابل معتز و نروح للمقابر.. 
لبست و نزلت و كلمت معتز و اتفقت معاه اني هقابله علي باب المقابر و بالفعل وصلت و هو جه ركزت في ملامح معتز عنيه حمرة زي الدم و عروق جسمه كله بارزة اوي... سألته و قولتله: "معتز هو انت منمتش" قالي: "لا نمت بس انا مشغول شوية اليومين دول" قولتله: "مشغول في اي" قالي بصوت متعصب: "مشغول وخلاص يا كساب و يلا ايدك معايا عشان نفتح المقبرة و ننزل" فضلنا نحفر لحد ما فتحنا المقبرة و لقيته بيقولي: "يلا يا كساب انزل و انا جي وراك" نزلت و ندهت علي معتز وقولت له: "اي يا معتز انزل يلا"و فجأة لقيت تراب بينزل علي دماغي و باب المقبرة اتقفل عليا...... ندهت كتير يا معتز يا معتز افتح بس اظاهر ان معتز كان قاصد انه يعمل كدة و بعد لحظات حسيت ان الارض بتتهز من تحتي و الجو بدأ يبقي حر اكثر و اكثر و لمحت ايد بتخرج من تحت التراب و فجأة.... يتبع...
 

انتقام الشيطان الجزء الخامس 

فضلنا نحفر لحد ما فتحنا المقبرة و لقيته بيقولي: "يلا يا كساب انزل و انا جي وراك" نزلت و ندهت علي معتز وقولت له: "اي يا معتز انزل يلا" و فجأة لقيت تراب بينزل علي دماغي و باب المقبرة اتقفل عليا...... ندهت كتير يا معتز يا معتز افتح بس اظاهر ان معتز كان قاصد انه يعمل كدة و بعد لحظات حسيت ان الارض بتتهز من تحتي و الجو بدأ يبقي حر اكثر و اكثر و لمحت ايد بتخرج من تحت التراب و نار بتخرج و اصوات صرخات من حولي اكن ناس تتعذب... انا تملكني الرعب و مبقتش عارف اعمل بس كل ال اعرفه اني لازم اخرج من هنا حاولت انده علي اي حد برة يفتح ليا محدش سمعني حاولت لكن كل محاولاتي باتت بالفشل...
فقدت الامل اني اخرج قعدت علي تراب المقبرة و بدأت استشهد بنظر ناحية هناك لقيت نفس القطة ال دوست عليها بعربيتي بتبصلي و بتقرب مني..... قومت من مكاني بسرعة لكن مكنتش عارف اتحرك جسمي كله ثابت و مش عارف اعمل اي و القطة بتقرب مني واحدة واحدة و عينيها في عنيا..... سمعت صوت شخص برة المقبرة رفعت صوتي و ندهت بأعلي صوت "يلي برة يلي برة انا محبوس هنا افتحلي باب المقبرة".... وبعد لحظات باب المقبرة انفتح خرجت بسرعة بس مكنتش مصدق مين ال فتح باب المقبرة..... ("ده معتز".)
بصيت لمعتز بصدمة و قبل ما اكلم او اقول اي حاجة لقيته بيقولي:"اي يا كساب ال نزلك تحت و اي ال جابك هنا اصلا" قولتله: "نعم انت بتقول اي انت ال جيبني هنا و انت ال حبستني في المقبرة" قالي: "نعم جيت معاك و كمان حبستك انا عمري ما اعمل كدة يا كساب انت بتقول اي" بصيت في عنيه لقيت عينه مبقتش حمرة و عروق جسمه هدت عن الاول ده معناه اكثر من حاجة و منها ان الكائن ال عايز ينتقم مني بيتحكم فيه.... بصيت لمعتز و قولتله: "معتز انت اخر حاجة فكرها لما كنا مع بعض اي"
قالي: "اخر حاجة يا كساب ان لما كنا في الكافيه (مقهي) و بعديها حصل حاجة انا مش فكرها بظبط" قولتله: "يعني انت فاكر اننا كنا مع بعض لكن مش فاكر الكائن الغريب ال ظهر صح" قالي: "ثواني هو الكائن ده ظهر و انا بعديها اغمي عليا صح يا كساب" قولتله: "ايوة انت بدأت تفتكر اهه صح بس ال مش عارفينه ان ازاي بيتحكم فيك من وقتها و ليه بيتحكم فيك اصلا" قالي: "واضحة و بسيطة يا كساب بيتحكم فيا عشان يأذيك و هو مش هيسكت علي كدة غير لما ينتقم منك شر انتقام" قولتله: "طب انت حاسس بإيه دلوقتي كويس ولا حاسس ان في حاجة غلط"
قالي: "لا انا كويس يا كساب السؤال الاهم هو هنعمل اي دلوقتي" قولتله: "تعالي نروحوا البيت عندي و نفكروا و نشوف هنعملوا اي" و بالفعل وصلنا البيت بفتح الشقة مش راضية تنفتح حاولت اكتر من مرة لغاية ما المفتاح انكسر في الباب و سمعت صوت حد صرخات جوة حاولت اسمع صوت مين ده ده طلع صوت "ملك"............ قولت لمعتز: "سامع ال انا سامعه ده ملك حاول تكسر معايا الباب بسرعة يا معتز بسرعة"... و بالفعل حاولنا اكثر من مرة لغاية ما الباب انفتح جريت بسرعة نحية صوت ملك ده طلعت..... يتبع....