انتقام الشيطان الجزء الأول و الثاني

انتقام الشيطان الجزء الأول 
في يوم لقيت قطة امامي في الطريق و للأسف دوست عليها بالعربية و قتلتها و من ساعتها حياتي تحولت لجحيم...

انا كساب ٢٥ سنة شاب جميل جدا و عايش حياة طبيعية لغاية ما حياتي بقت رأسا علي عقب...

كنت مسافر بالعربية الخاصة بيا علي الطريق و فجأة ظهرت قدامي قطة حاولت اضغط فرامل و اوقف العربية لكن للأسف بعد فوات الاوان انا قتلتها نزلت من العربية و شوفت منظرها وهيا مقتولة مقدرتش اتمالك نفسي اخذت الجثة و حفرت حفرة و دفنت القطة فيها بس وانا بدفنها حاسس بحد معايا حاسس بشخص بيراقبني من بعيد لكن كل ما ابص حوليا مفيش حد موجود غيري....

بعد ما خلصت و دفنت القطة ركبت عربيتي و في طريقي لشغل طول الطريق كنت سرحان و مش قادر انسي اني قتلت روح بريئة بس بقول لنفسي "انت مكنش قصضك هي ال ظهرت فجأة"...

شغلت اغنية عشان انسي ال حصل شغلت اغنية بحبها لعمرو دياب و قاعدت اغني معاها و بعد لحظات حسيت بحر شديد حوليا لكن ده مش هيمنعني اني انسجم مع الاغنية و اغني....

عدت دقيقة بظبط و صوت عمرو دياب بدأ يتغير و يتخن و هو بيغني مش هتصدقني بس بجد ده حصل انا مش عارف اي ده و لا ازاي بس نبرة صوته بتتخن غيرت الاغنية لكن الراديو مكنش بيغير الاغنية كان واقف علي الاغنية ده و فجأة الموسيقي سكتت و بقي في صوت بس حاولت أطفأ الراديو اكثر من مرة لغاية في الاخر انطفأ...

وانا في نص الطريق العربية بدأت تقف لكن كان فيها بنزين لغاية ما وقفت بطلت العربية و نزلت عشان اشوف في اي و كنت شامم ريحة شياط لكن العربية مش بيخرج منها دخان فتحت الكبوت عشان اتأكد لكن مفيش اي سبب انها تقف مرة واحدة انا مزود مية و البنزين تمام و كل حاجة تمام قفلت الكبوت و لسة حركب العربية شوفت شخص جواها شخص ملامحه مش باينة شخص بيبصلي انا تملكني الرعب و مش عارف مين ده ولا اعمل اي و فجأة....

يتبع...

انتقام الشيطان الجزء الثاني 

بيخرج منها دخان فتحت الكبوت عشان اتأكد لكن مفيش اي سبب انها تقف مرة واحدة انا مزود مية و البنزين تمام و كل حاجة تمام قفلت الكبوت و لسة حركب العربية شوفت شخص جواها شخص ملامحه مش باينة شخص بيبصلي انا تملكني الرعب و مش عارف مين ده ولا اعمل اي قربت ناحيته واحدة واحدة و سمعت صوت حد بينادي عليا و بيقول: "كساب"..... بصيت خلفي ملقتش حد و اول ما بصيت للعربية تاني الكائن ال كان في العربية اختفي اكنه مكنش موجود.... انا مرعوب مش عارف اكمل مشواري لشغلي و لا اعمل اي بس ال اعرفه دلوقتي ان عديت مسافة كبيرة جدا لحد ما وصلت لهنا و مش هينفع ارجع انا هكمل....
ركبت عربيتي و كملت مشواري و الحمد الله لحد ما وصلت محصلش حاجة لغاية ما دخلت الشركة اول ما دخلت لقيت المدير متعصب جدا و اول ما شافني قال:“اهلا بالاستاذ المتأخر و كمان شغلك مش كامل احب اقولك يا كساب انت مرفوض".... انا انصدمت تاني شهر ليا في الشركة و اترفضت مع اني مكمل شغلي و كنت شغال بضمير بس مش عارف اي ال حصل مش عارف في اي.... لميت اوراقي و شغلي كله و مشيت من الشركة و علي وجهي الحزن الشديد ركبت عربيتي و استعدت لرحلة الطويلة اني ارجع للبيت بس مش عارف هقول لأهلي اي و لا عارف هقول لحبيبتي
"ملك" اي.... انا كنت متفق مع اهلها اني هخطبها و اجيب الشبكة الشهر ال جي انا هعمل اي دلوقتي اكيد في حل اكيد في سبب لكل ال بيحصلي ده و اشمعنا كل ال حصل ده حصل لما لما... "لما قتلت القطة" من ساعة ما قتلتها و انا كل حاجة اتغيرت اكيد في سبب هو ربنا بيعاقبني عشان قتلت قطة بس انا كان غصب عني..... وفضلت قاعد بكلم نفسي لحد نص الطريق و بعد لحظات جات ليا مكالمة من ملك رديت عليها و لقيتها بتقولي:"كساب الحقني انا حاسة ان في حد معايا في الغرفة و خايفة اوي و كله نايم و انا الوحيدة ال صاحية"....
قبل ما ارد عليه الخط قفل.... حاولت ارن عليها من تاني لكنها مش بترد انا بدأت اخاف و بدأت اتوتر اكثر سرعت عربيتي و مشيت علي سرعة ١٢٠ و كل ال في دماغي اني انقذ ملك اني لازم اوصلها ان اكيد حاجة حصلت لها اسئلة كتير و مش لاقي ليها اجابات و فجأة ظهر شخص قدام العربية حاولت اضغط فرامل لكن للأسف انا خبطه.... نزلت بسرعة اشوفه كويس و لا لا و كانت الصدمة انا ملقتش حد.... "ازاي و انا شايفه قدام عيني ازاي"
بدأ التوتر يزيد اكثر بصيت للعربية لقيت فيها شخص نفس الشخص ال شوفته قبل كدة حاولت اجمد قلبي و قربت ناحيته و فجأة لقيت تليفوني بيرن بصيت عليه ده ملك جيت عشان ارد و سمعت صوت غريب صوت اول مرة اسمعه ده صوت........ يتبع....