انتقام الشيطان تسلسلي الجزء التاسع و العاشر و الحاديه عشر
انتقام الشيطان الجزء التاسع
قبل ما نهرب في حاجة شدتنا من رجلينا لتحت حاجة بتشدنا جامد اوي و فجأة اغمي علينا... فتحت عيني و لقيت نفسي في مكان كله ضلمة مش عارف انا فين شكيت انه نفس المكان ال اتحبست في قبل كدة دورت علي معتز في كل مكان ملقتهوش ندهت علي معتز في كل مكان يا معتز يا معتز مش لاقيه و بعد لحظات ظهر قدامي نور جي من بعيد جريت بسرعة علي النور ده بأقصي سرعة اكن النور ده هو مخرجي لكل حاجة جريت بسرعة كبيرة جدا لغاية ما وصلت و كانت المفجأة في ظل كبير اوي واقف و معتز واقف امامه واقف مش بيتحرك ندهت علي معتز لكن مكنش بيرد عليا لغاية ما قربت شوية و ساعتها معتز بص ليا و ياريته ما بص معتز عينه حمرة دم و جسمه بيترعش و بيبصلي بغل شديد جدا و بيقرب مني واحدة بصيت بخوف و قلق شديد و قولت لمعتز:
اي يا معتز هتعمل اي معتز انت مش في وعيك زي المرة ال فاتت معتز انت لازم تقاوم ال بيحصلك" و بعد لحظات معتز وقع علي الارض جريت عليه بسرعة و وضعت راسه علي ذراعي و قولتله: "معتز فوق انا مش عايز اخسرك معتز متسبنيش لوحدي انا محتاج ليك يا معتز" و بعد لحظات معتز فاق و بصلي وقالي: "اي يا كساب ال حصل" قولتله: "احنا و احنا بنحفر عشان نخرج القطة ملقنهاش و حاجة شدتنا من رجلينا و اغمي علينا و احنا دلوقتي في المكان ده" قالي: "ثواني يا كساب انا عارف المكان ده كويس"
بدا معتز يقوم من علي الارض و يبص حواليه و قالي: "كساب بص كدة علي المكان ده ركز شوية كدة" بصيت حوليا المكان مش غريب عليا بس معرفتش انا فين برضه و قولتله: "انا المكان مش غريب عليا بس انا مش قادر اعرف اي المكان ده" قالي بصوت ضعيف: "معتز ده بيتك القديم ال كان في المقابر"..... انا انصدمت ازاي جيت هنا و ازاي وصلنا لهنا بيتي القديم كان بعيد اوي و قولتله:" طب ده معناه اي" قالي: "معناه دلوقتي اننا في المقابر يا معتز"....
اتصدمت و قولتله:" معتز يلا بينا من هنا احنا مينفعش نقعد اكثر من كدة احنا لازم نمشي قبل ما يحصل اي حاجة زي كل مرة" قالي: "كساب انت مش ملاحظ حاجة غريبة" قولتله: "هلاحظ اي قول" قالي: "احنا وسط المقابر دلوقتي احنا دلوقتي علي مقبرة اختك"..... قولتله:" مقبرة اختي" قالي: "اه مقبرة اختك ال ماتت و هي بتلعب و ماتت موتة غريبة محدش عارف ماتت ازاي" قولتله: "هي ماتت و هي بتلعب و حاجة وقعتها بس ده اي علاقته بال احنا في دلوقتي:"
قالي: "لو ركزت شوية اختك ماتت من سنتين ولو لاحظت اكثر اختك ماتت و هي بتلعب و كان موتها غريب و كله كان بيقول حد وقعها علي دماغها انت لو ربط يا كساب بال عملته في القطة و ال حصل لاختك هتلاقي الوقت بينهم مش صغير سنتين و انت بعد سنتين دول موت القطة ال هي بن الملك حكمدار يعني ال موتها هو" قولتله: "نعم موتها و ازاي هيموتها و ساعتها هو مكنش يعرفني و لا حد جه جمب بنه" قالي: "محدش فيكم كان يعرف بعض بس ال كان معروف ان اختك ماتت بطريقة غريبة و ان بن حكمدار مات برضه بطريقة غريبة وانت مش موته يا كساب بالامارة جثة القطة مش موجودة ده معناه حاجة واحدة بس" قولتله: "اي هي يا معتز"
قالي: "ده معناه ان بن الحكمدار عايش زي ما اختك عايشة لحد دلوقتي:" قولتله: "نعم اختي عايشة ازاي انا دفنها بإيدي" قالي: "صدقني اختك عايشة و برضه بن الملك حكمدار عايش لحد دلوقتي احنا لازم نلاقي اختك هي ال هتوصلنا لإبن الملك حكمدار" يتبع.....
انتقام الشيطان الجزء العاشر
قالي: "صدقني اختك عايشة و برضه بن الملك حكمدار عايش لحد دلوقتي احنا لازم نلاقي اختك هي ال هتوصلنا لإبن الملك حكمدار"... و بالفعل كلامه اقنعني و طلعنا علي الطريق لغاية ما لقينا عربية واحد بن حلال ركبنا معاه و قولنا له انه يوصلنا عند القرية بتاعتنا و سوف اعطيه ال هو عايزه سواء اكل او فلوس المهم دلوقتي اروح البيت انا و معتز عشان نعرف نلاقي اختي و هي هتوصلنا لإبن الملك حكمدار... مشينا من طريق كله ظلمة و مش شافين حاجة و كل ما اسأل السواق يقول:" متخافوش الطريق ده مختصر و هيوصلنا لقريتكم بسرعة زي ما طلبتم"..
و بالفعل مشينا معاه للأخر لكن الغريبة ان السواق كان تصرفاته غريبة و كلامه اغرب و كان بيسأل كل شوية نفس السؤال: "انتم اي ال جابكم المقابر هنا من ساعت ما في بنت صغيرة ماتت فيها و محدش بقا بيدفن فيها" رديت عليه و قولتله: "هي البنت الصغيرة ال ماتت كان سنها قد اي" قالي: "كانت حوالي عشر سنين" قولتله: "كانت بيضاء الوجع و عنيها خضرة صح" قالي: "اه و انا كنت حاضر ساعتها موتها" سكت شوية و بصلي بإستغراب و كمل كلامه: "هو انتم تعرفوها ولا اي"
قولتله: "ايوة عارفها ده كانت" و قبل ما اكمل كلامي معتز قالي "اسكت متعرفهوش حاجة" و فجأة السواق سمع معتز و هو بيكلمني و وقف العربية مرة واحدة و قال:"انا مش هتحرك من هنا خطوة غير لما تعرفني عرفتها منين" سكت شوية و اخذت نفسي و قولتله: "اتحرك بس بالعربية و انا هقولك كل حاجة" قالي بصوت غاضب: "انا مش هتحرك من هنا غير لما تقولي عرفها منين" قولتله: "بص ده اختي تمام و احنا بندور عليها"
قالي: "اختك و بدور عليها مش المفروض تبقا ماتت برضه" قولتله: "اكتشفنا في الفترة الاخيرة انها عايشة و لازم نوصل ليها" قالي: "طلاما عايشة انا عارف واحد كويس ممكن يدلكم عليها بس هو مش هيقولك اي حاجة غير لما يشوف الفلوس معاكم غير كدة عمره ما هيقول كلمة" قولتله: "ال هو عاوزه هيخده بس يدلنا ليها" قالي: "تمام دلوقتي هنغير و جهتنا و قدامنا حوالي ساعة عبل ما نوصل لبيت الراجل بس متنسانيش يا استاذ كساب في الحلاوة" قولتله: "عنيا ليك بس وصلنا ليه"
و بالفعل دور العربية و اخذنا طريق تاني بس المرادي الطريق ده كان علي السريع و هو نفس الطريق ال قتلت في القطة غريبة صح اكيد مش صدفة نفس الطريق الإتقتلت في القطة هو نفس الطريق ال في بيت الراجل.... حاولت ما اركز كتير و قولت اغمض عيني عبل ما نوصل و بصيت جمبي لقيت معتز نايم في سابع نومة و ساعتها زادت الطمأنينة قلبي و غمضت عيني... فتحت عيني علي صوت عالي جدا بصيت حوليا لقيت العربية واقفة و السواق واقف برة العربية بيكلم حد بصيت براحة من غير ما اطلع صوت لقيته بيكلم مع شخص مربي دقنه و ماسك سبحة في ايده و ال قدرت اسمعه منه انه بيقول: " انا جايبلك المرادي ناس بدور علي اختهم الصغيرة و انا واثق انك هتوصلهم لاختهم بس اوعي تخليهم يوصلوا ليه هو كمان ده ممكن ينتقم مننا كلنا"
انا استغربت مين ال ممكن ينتقم مننا و ليه هو مقالش اننا وصلنا اسئلة كتير بدور في ذهني و بعد لحظات معتز بدأ يصحي بصيت لمعتز و قولتله: "اوعي تطلع صوت" معتز سكت و انا منصت للكلام ال بيقوله السواق لراجل ده و فجاة سكتوا و السواق قرب من العربية عملت نفسي انا و معتز نايمين بسرعة لغاية ما خبط علي العربية و قالنا: "انزلوا يلا احنا وصلنا" نزلت انا و معتز من العربية و وصلنا عند بيت الراجل فتح لينا و قال: "اهلا بالغاليين نورتم" وهو بيكلم قاعد يبصلي كتير و يدقق نظره فيا و قال: "اهلا بيك يا كساب نورت" انا استغربت انه عرف اسمي و قولتله: "انت تعرفني"
قالي: "الحج محمد (السواق) حكالي عنك كتير و حكالي انك بدور علي اختك اي هتفضل تبصلي كتير يا كساب ادخل مش هنفضل واقفين علي الباب" دخلت انا و معتز الباب و الحج محمد قال من علي الباب: "انا كدة مهمتي خلصت يا استاذ كساب مع السلامة" و سابنا و مشي.... دخلنا قاعدنا مع الراجل الغريب الملتحي و قالنا: "تشربوا اي صحيح انا معرفتكمش بنفسي انا شيخ عصام عارف كل كبيرة و صغيرة و اي حاجة تحصل سرها بيبقا عندي و موضوع انكم تلاقوا اختكم ده سهل جدا و هتوصلوا ليها بس دلوقتي لازم اعرف هتدفعوا كام عشان الكلام يحلو"
سكت شوية و وقولتله: "ال انت عايزه هعملهولك بس دلوقتي انا عايز اعرف اختي فين" قالي: "اختك في الحفظ و الصون لو حابب تشوفها هتشوفها حالا بس اشوف الفلوس" طلعت من جيبي الف جنيه و وضعتهم قدامه مسك الفلوس و قعد يعدهم و سكت شوية و قالي: "حلوين بس مش كفاية يا كساب انا عايز عشر تلاف جنيه انت كدة دفعت الف فاضل تسعة" قولتله: "كتير" قالي: "مش كتير عليا انا هجيبلك اختك و هخلصك من اللعنة بتاعتك"
سكت شوية و استغربت و قولتله: ".. لعنة..!" قالي: "اه لعنتك انت مفكرني مش عارف و اكيد هتدفع عشانها كتير اوي عشان تخلص منها" قولتله: "انت عرفت منين" سكت شوية و قاعد يبص حواليه و قالي: "حبايبكم وصلوا سلم عليهم" بصيت حوليا و حسيت ان الجو سخن جدا و الارض بدأت تتهز و فجاة معتز وقع في الارض و اغمي عليه و انا حسيت بدوخة خفيفة و فجأة..... يتبع...
انتقام الشيطان الجزء الحاديه عشر
بصيت حوليا و حسيت ان الجو سخن جدا و الارض بدأت تتهز و فجاة معتز وقع في الارض و اغمي عليه و انا حسيت بدوخة خفيفة و فجأة الارض بدأت تتحرك من تحتي و حسيت ان عيني بتقفل شوية و بصلي الحج عصام بضحكة غريبة و قالي: "جمد قلبك كدة احنا لسة في الاول بص كدة وراك يا كساب" بالفعل بصيت ورايا لقيت ظل كبير خوفت و قومت من مكاني بسرعة الحج عصام ضحك و قالي: "متقلقش مش هيجي جمبك ده تبعي و ده ال هيوصلنا لاختك عشان تتخلص من لعنتك" قولتله: "انا مش خايف من حاجة انا كل ال عايز افهمه انت عرفت قصتي ازاي"
قالي: "انا كنت صاحبك زمان يا كساب لو ركزت علي ملامحي شوية هتعرف" دققت النظر في ملامحه و كانت الصدمة ده عصام ال فرقتنا الايام عن بعض بس ملامحه اتغير و بقا شكله غريب جدا عن الاول سكت شوية و قولتله: "عصام انت عصام المسيري" قالي: "الله ينور عليك بدأت تفتكر اهه" قولتله: "بس انت برضه مجاوبتش عليا انت برضه عرفت موضوع لعنتي منين" قالي: "انا بعد ما سبنا بعض يا كساب و دنيا اخذتنا من بعض انا اشتغلت مع شيخ كبير في الروحنيات و اتعلمت منه كل كبيرة و صغيرة لغاية في يوم حصلت المفجاة"
اتوترت شوية و وقولت له: "مفجأة اي ده ال حصلت" قالي: "قبل ما احكيلك اي حاجة يا كساب لازم تعرف كويس ان الايام ال جية صعبة عشان الراجل ده مش سهل و لازم نتعامل معاه بحذر شديد جدا لانه عنده ال انت عاوزه" قولتله بصدمة: "قصدك انه عنده اختي" قالي: "الله ينور عليك بعد ما اختك اختفت و انتم مفكرنها ماتت هو اخدها و بدأ يعلمها كل حاجة زي ما علمني" قولتله: "طب احنا لازم نروحله"
قالي: "مش بالساهل كدة يا كساب الراجل ده ساكن في قرية بعد قريتك بشوية و عشان ندخل المكان ال هو فيه لازم نقدم ليه قرابين او فلوس بمعني اصح عشان يدينا ال احنا عاوزينه و اظن مش سهل عليه انه يفرط في اختك بالسهولة ده بعد ما علمها كل حاجة" قولتله: "غصب عنه لازم يسيبها والا" رد بسرعة الحج عصام و قالي: "والا اي يا كساب الراجل ده واصل جدا و مش هتعرف تعمل معاه اي حاجة بس قبل اي حاجة انت لازم تسمع كلامي بالحرف عشان نعرف نأخذه منه اختك و هي هتخلصنا من لعنتك" قولتله: "طب هنعمل اي يا عصام"
قالي: "الاول لازم اعلمك كام حاجة في موضوع الروحانيات عشان تعرف تتعامل مع اي حاجة هتشوفها" قولتله: "انا من ايدك ده لإيدك ده المهم اني الاقي اختي و المهم اني اخلص من لعنتي" قالي: "كل ده هيحصل و اكثر كمان بس واحدة واحدة" قام الحج عصام و قرب من المكتبة بتاعته و طلع كتاب عليه تراب كتير شال من عليه التراب و قرب عليا و قاعد جمبي و قالي: "الكتاب ده ال هيعلمك اساس التعامل مع الروحانيات و في نفس الوقت هيختصر عليك طريق طويل جدا في التعلم يا كساب بس اوعي يا كساب تفكر في يوم تأذي بيه حد ساعتها روحانياتك هتتقلب عليك و انت ال هتتأذي فا اسمع كلامي في كل كلمة و واحدة واحدة يا كساب"
قولتله: "ماشي يا عصام انا معاك".... و بعد لحظات معتز بدا يفوق و يفتح عنيه و قال:" انا فين اي ال حصل يا كساب" قولتله: "متقلقش الحج عصام هيفهمك كل حاجة و دلوقتي احنا لازم نروح القرية يا معتز" رد الحج عصام و قال: "تروحوا فين يا كساب انتم قاعدين معايا لغاية ما نوصل لاختك و بعديها تتخلص من لعنتك و ساعتها تقدر تروح بيتك و ترتاح لكن طلاما انت بعيد عني هتتأذي لأن كل ما الوقت يعدي لعنتك بتزيد اكثر و اكثر و هتتأذي و ممكن توصل لموتك" قولتله: "حاضر يا عصام هعمل ال بتقول عليه"
رد الحج عصام و قالي: "دلوقتي انتم هتناموا في الغرفة ده.." شاور بيده علي الغرفة و كمل كلامه"و اوعوا مهما تسمعوا تقوموا و تتحركوا من مكانكم عشان هما بيحبوا جدا اي حد جديد في البيت" رد معتز و قاله: "انا مش فاهم حاجة" رديت وقولت له: "هفهمك انا يا معتز كل حاجة المهم دلوقتي ننام شوية و نرتاح" و بالفعل دخلت الغرفة انا و معتز و كان في سرير مش احسن حاجة بس هو ينفع اننا ننام عليه طلعت علي السرير و ريحت جسمي و حاسس اكني بقالي سنين ما نمتش و كنت تعبان جدا و اول ما معتز وضع راسه علي السرير نام في سابع نومة و سابني انا لتفكيري الكتير.....
و كنت بسأل نفسي ديما هل هنلاقي اختي بالفعل هل هخلص من لعنتي اسئلة كتير بدور في ذهني بس ال متاكد منه ان الحج عصام معانا و جمبنا و ده ال مطمئن قلبي... يتبع....
