ما خلف الجدار
شتاء2021:
في احدي ايام الشتاء البارده صباحاً نجد بعض الاشخاص ذهبون الي عملهم وبعض الاشخاص ذهبون الي جامعتهم ومدارسهم لكن في وسط هذه الاجواء نسمع صوت المنبه يرن ونجد شخص يستيقظ علي صوت المنبه ويغلقه ويكمل نومه لكن بعد لاحظات يجد هاتفه يرن فينظر فيه فيجد علاء يتصل به فيرد عليه قائلاً:اي ياعلاء..عاوز اي علي الصبح؟
علاء:انت لسه نايم يامهاب؟!
مهاب:اه..عاوز اي بقي؟
علاء:لازم تيجي الكلية انهارده عشان الدكتور صادق هيقول علي مشروع التخرج بتاعه
مهاب:ماهي كانت نقصاه صادق ده كمان..طيب اتجمعوا في الكلية وانا هجلكم
علاء:تمام
ثم يغلق مهاب المكالمة ويقوم ويذهب الي الحمام لكي يغسل وجهه ثم يخرج من الحمام فيجد والده جالس في غرفه الصالون فيذهب إليه قائلاً:صباح الخير يابابا
والده:صباح النور يامهاب..قام بدري لي كده ؟
مهاب:رايح الكليه عشان اعرف مشروع التخرج بتاعي
والده:ايوه يابني عاوزك تشد حيلك السنة دي عشان تتخرج واشغلك معايا في شركه الادوية
مهاب:ان شاء الله يابابا
والده:مش محتاج اي حاجه؟
مهاب:ربنا يخليك يابابا
والده:يعني مش محتاج فلوس؟
مهاب:لا معايا فلوس
والده:طيب ربنا معاك يارب
ثم يدخل مهاب الي غرفته ويغيير ملابسه ثم يخرج من منزله متجهاً الي كلية العلوم بجامعة الإسكندرية
.................................................…
بس قبل مانكمل خليني اعرفك علي شخصيات قصتنا
مهاب هو شاب في الاثنين والعشرون من عمره ويدرس في كلية العلوم وهو في السنة الرابعه اي في سنة التخرج وهو قمحي البشره ولديه ذقن كثيفه وشعره كثيف واسـ.ود اللون
علاء وهو الصديق المقرب لمهاب وهو شاب في الاثنين والعشرون من عمره ويدرس في كلية العلوم وهو في السنة الرابعة وهو اسمر البشره ولديه شارب كثيف وشعره خفيف الي حد ما واسـ.ود اللون
يحيي وهو صديق مهاب وعلاء وهو شاب في الاثنين والعشرون من عمره ويدرس في كلية العلوم وهو ابيض البشره وشعره كثيف وبرتقالي اللون
فؤاد وهو صديقهم وهو شاب في الاثنين والعشرون من عمره ويدرس معهم في نفس الكلية وهو قمحي البشره ولديه شارب كثيف وهو اصلع
ودلوقتي يلا نكمل قصتنا
..................................................…
في الكلية:
يصل مهاب الي الكلية ثم يتصل بعلاء وبعد لاحظات يرد عليه قائلاً:فينك دلوقتي؟
مهاب:انا لسه واصل الكلية اهو..انتوا فين؟
علاء:احنا قاعدين نحيه الملعب تعالي علي هناك
ثم يغلق مهاب المكالمة ويذهب متجهاً اليهم وعندما يصل يسلم عليهم ويجلس بجانبهم قائلاً:مصممين برضو نحضر محاضره صادق دي؟
علاء:يابني لازم نحضرها عشان نعرف مشروع التخرج خلينا نخلص بقي
فؤاد:وبعدين في واحد معانا من الدفعه اللي قبلنا قالي ان اصعب مشروع تخرج هو مشروع صادق ده
علاء:اهو قابل ياعم
مهاب:خلاص نحضر..هي فاضل عليها اد اي؟
علاء:فاضل عشر دقايق
يحيي:كويس عشر دقايق نلحق نفطر فيهم ونرجع
فؤاد:لا ابوس ايدك انسي بطنك دلوقتي خليها بعد المحاضره
يحيي:مش قادر جعان ياجدعان
مهاب:انت فطرت قبل ماتنزل؟!
يحيي:اه نقنقت كده
مهاب:ايوه نقنقت اي؟
يحيي:رغفين جبنه علي كوبايه شاي بلبن
مهاب:ياجاحـ.د وبتقول نقنقت؟!
يحيي:اه ماانتوا عارفين لقمتي قليله
علاء:اه عارفين لقمتك بس خليها بعد المحاضره عشان احنا كده هنتأخر فيلا بينا عشان نحلق
ثم يقوموا ويذهبوا الي المدرج
.................................................…
في المدرج:
نجدهم جالسين ويدخل الدكتور صادق ثم يقف قائلاً:السلام عليكم اولاّ.. ثانياً كل سنة وانتم طيبين عشان دي اخر محاضره في السنة وبأذن الله اشوفكم دكاتره.. ثالثاً بقي والاهم هو مشروع التخرج..مشروع التخرج السنة دي هتبقوا عباره عن مجموعات وكل مجموعه هتكون عباره عن اربع اشخاص..هل مشروع التخرج خلص علي كده؟لا طبعا بس هبقي معاكم حنين عشان انتوا دفعه لطيفه وحبتها جدا فعشان كده مشروع التخرج السنة دي هسيبوا لافكاركم وهختار اكتر 3 مشاريع كريتڤ زاي مابتقولوا وهنجحها واخر ميعاد لتسليم مشروع التخرج هو نص الشهر ده في مكتبي..وكل سنة وانتم طيبين والسلام عليكم
ثم يخرج الدكتور صادق ويترك كل الطلبة في حيره من امرهم ثم ينظر فؤاد إليهم قائلاً:هو قال اي ولا هو عاوز اي اصلا؟
مهاب:انا مش فاهم حاجه
علاء:ياجماعه الموضوع بسيط علي فكره هو سايبنا لافكارنا بس بسيطه اهيه
يحيي:اللي هي اي افكارنا دي؟
فؤاد:ياجماعه خلونا نفطر الاول عشان استوعب اي حاجه هتقولوها
مهاب:اتفضل نفطر عشان مش هنخلص اتفضل
ثم يقوموا ويذهبوا الي عربه الفول ويفطروا ثم يذهبوا الي المقهي ويجلسوا ثم ينظر مهاب إليهم قائلاً:هاا هنعمل اي في مشروع صادق ده؟
علاء:هنعمل بكلامه
فؤاد:ايوه اللي هو اي بقي؟
علاء:هنسيب نفسنا لافكارنا
يحيي:يابني افكارنا اي..يعني مثلا عندك واحد زاي فؤاد لو سألته هو بيفكر في اي هيقولك بفكر ياتري عاملين غدا اي في البيت
فؤاد مندهشا:اي ده! انت عرفت ازاي اني بفكر في كده
فيضحك علاء ثم يكمل قائلاً:ياجماعه احنا لازم نبقي كريتڤ في افكارنا شويه
مهاب:يابني انت مش عاوز تستوعب لي ان مفيش غيرك اللي فينا اللي بدور وبتبحث كتير ويعتبر الدحيح اللي فينا..ف دور انت
علاء:طب ساعدوني طيب..فكروا معايا في فكره جديده محدش فكر فيها قبل كده
يحيي:زاي اي يعني هنخترع اله الزمن يعني؟
علاء:لا فكره قديمة وبعدين اخاف نعملها نروح في زمن منعرفش نرجع منه ونبقي زاي فيلم سمير وشهير وبهير لا لا بلاش منها
يحيي:انا بهزر علي فكره
علاء:عارف ياعم..بس تصدق في فكره جات لي دلوقتي وانا اصلا كنت شغال عليها نقصها بس التنفيذ
مهاب:اي دي؟
علاء:نفس فكره اله الزمن كده بس بدل ماتسافر من زمن لزمن هتسافر من بلد لبلد..فهميني؟
فؤاد:اه صدقك بدل الطياره والتأشيره وكده صح؟
علاء:بضبط يافؤش
مهاب:تمام معاكم بس هنبدأ فيها ازاي؟
علاء:انا انهارده قاعد في البيت لوحدي تعالوا بليل ونبدأ في تنفيذ الفكره دي
يحيي:خلاص يبقي نتقابل بليل
..................................................…
في الليل:
يصلوا جميعاً الي منزل علاء ويدخلهم الي غرفته ويكشف لهم عن اختراعه فينظروا جميعاً مندهشين ثم يقول يحيي:اي دا ياعلاء!!انت شغال عليه فعلا؟!
علاء:اه ناقصه بس شويه حاجات بسيطه كده وهيكون جاهز لتجربه
فؤاد:خلاص يبقي نروح انجلترا
مهاب:اشمعنا انجلترا؟
فؤاد: عشان نحضر ماتش الليفر والسيتي
مهاب:يخلصوا بس الاول وهنبقي نشوف حوار الدوري الانجليزي ده
يحيي:طب ده يخلص معاك امتي؟
علاء:وانتوا قاعدين دلوقتي هكون خلصته هي حاجات بسيطه اصلا
ثم يقوم علاء ويكمل في ما تبقي في الجهاز وبعد ساعات يقول لهم:و دلوقتي اقدر اقدم لكم اهم اختراعاتي
فؤاد:يعني نقدر نجربه دلوقتي؟!
علاء:اه بس استنوا هغيير هدومي الاول
مهاب:ماشي بس في الانجاز
ثم يذهب علاء ويغيير ملابسه ويأتي قائلاً:جاهزين ياجدعان
مهاب:اه جاهزين
علاء:ماشي هنجرب في حته قريبه عشان نعرف نرجع
يحيي:فين يعني؟
علاء:القاهره مثلا
فؤاد:برضو مصر ياعم خلينا نطلع منها بقي
علاء:نجرب الاول في حته قريبه ولما نرجع نبقي نخرج منها
فؤاد:ماشي ياعم اللي تشوفوا
ثم يقوم علاء بضبط الجهاز ويبدأ في تشغيله فأذا بالجهاز يخرج منه دخانه كثيفه وفجأه يحدث به خلل ويرسلهم الي ابعد نقطه علي كوكب الارض.......…
والي اللقاء في الفصل الثاني وكان معاكم إيمان ♥️♥️♥️♥️
