قصص رعب لعنه السحر الاسود (من أحداث حقيقية)
بسم الله توكلنا على الله
🚨🚨🚨🚨🚨🚨🚨🚨🚨🚨🚨🚨🚨🚨🚨
الفصل الاول:
في شتاء 1980 القاسي والمصاحب بالرعد والبرق وفي غرفه غريبه الشكل حيث يملئها دخان البخور وعلي جدرانها رؤوس حيوانات وبعض من العزائم السحريه وفي وسط هذه الاجواء نجد رجل عمره في حدود الاربعون من عمره جالس امام المبخره ويمسك في يده قطعه من القماش وفي يده الاخري عصا تشبه القلم وامامه طبق صغير من الدـ.م وبجانبه علي الارض كـ.لب مذبـ.وح ثم يضع العصا في الدـ.م ويبدأ يكتب علي القماش بعض من الطلاسم ويبدأ يقول بعض من العزائم حتي فجأة يظهر له شيء غريب
...............................................…
عام 2005
في منزل بسيط نسمع صوت البكاء والصراخ حزناً على فقد شخص عزيز من العائلة وبناته الخامسه(الترتيب من الاكبر للاصغر:سماح-مني-عفاف-شيماء-مريم) واقفين بجانبه يبكون علي رحيله ثم يدخل شاب (هيثم) في عمر العشرون عام ومعه مجموعه من أصدقائه لكي يحملوه ويذهبوا لكي يدفنوه وبعد ان قاموا بدفنه واخذوا عزائه رجعوا جميعاً الي المنزل وهما جميعاً في حاله من الحزن واذ هما جالسين نجد شخص يدخل عليهم ومعه شخص اخر يقول له:اتفضل يااستاذ اتفضل
فيقوموا جميعاً ثم ينظر اليه هيثم قائلاً:مين ده؟
الشخص:دا استاذ فوزي المحامي بتاع جدك
هيثم:اهلا وسهلا وجايبه لي ياسيد
سيد:منا قولت الحي ابقي من الميـ.ت وعشان كل واحد يعرف نصيبه
فتنظر إليه مريم قائله:ماتشوفي جوزك ياشيماء
شيماء بحزن مختلط بعصبيه:اي اللي انت بتعملوا ده؟!انت اي مابتحسش
سيد:يعني انا غلطان عشان عاوز كل واحده فيكم تاخد حقها
سماح:لا ياسيد متشكرين علي خداماتك
سيد:انا معملتش حاجه بس سيبوا الاستاذ يشوف شغله وخلوه يفتح الوصيه
سماح بصوت عالي:مفيش وصيه هتتفتح دلوقتي وياريت تاخد مراتك وتمشوا دلوقتي
سيد:يعني اي
سماح:شيماء خدي جوزك وامشوا دلوقتي
فتقوم شيماء وتدفع سيد امامها قائله:امشي بقي امشي
ثم تنظر سماح الي فوزي قائله:اسفه يااستاذ فوزي علي اللي حصل بس لما الوضع يكون افضل من كده هبقي اكلم حضرتك
فوزي:لا ولا يهمك يااستاذه سماح وانا دايما في خدمتكم
ثم يقوم فوزي ويتركهم فتنظر إليهم مني قائله:هو سيد دا اي مش بني ادم هو احنا في اي ولا في اي
مريم:هو طول عمره كده كـ.لب للقرش
هيثم:بس دي مش فلوسه عشان يدور عليها كده
مني:ماانت متعرفش ان سيد عايش علي قفا وفلوس شيماء
هيثم مندهشا:اي ده هو الكلام ده بجد؟!
مني:اه بجد..انت مش شايفوا من غير شغل وشيماء هي اللي طالع عينها في الشغل وهو معندوش ريـ.حه الدـ.م
هيثم:انا اول مره اعرف كده اصل خالتو شيماء دايما بتقولي انه شغال
مني:لا دي بتقول كده عشان مش عاوزه حد يتكلم معاها بخصوصه
سماح:طب كفايه كلام في السيره دي ويلا كل واحده علي اوضتها وانت كمان ياهيثم يلا عشان عندك كليه بكره الصبح
هيثم:لا مش هروح واسيبكوا في الحاله دي
سماح:لا ملكش دعوه بينا وركز في مستقبلك واسمع كلامي عشان مش حمل اي مناهده معاك
هيثم: حاضر ياماما
ثم يدخل هيثم الي غرفته ويغيير ملابسه وإذا بهاتفه يرن فينظر فيه فيجد حبيبتي تتصل به فيرد عليها قائلاً:اي ياخديجه عامله اي؟
خديجه:طمني عليك عامل اي دلوقتي؟
هيثم:اهو الحمدلله والله وانتي
خديجه:انا بخير ياحبيبي وربنا يصبرك يارب
هيثم: ربنا يخليكي ليا
خديجه:المهم انت مش هتروح الكليه بكره صح؟
هيثم:لا هروح بكره..ماما حكمت رأيها اني اروح
خديجه:كويس برضو شالت من عليا نقل محاضرات بكره
هيثم ضاحكاً:والله
خديجه ضاحكه:اه محاضرات بكره كتيره وانت عارف
هيثم:ماااشي بكره اما اشوفك هفرجك علي الكلام ده
خديجه:ماشي اما نشوف ويلا روح نام عشان انت تعبان من الصبح
هيثم:حاضر وانتي كمان..يلا تصبحي علي خير
خديجه:وانت من اهل الخير
ثم يغلق المكالمه ويبدأ في النوم
..............................................…
اليوم التالي في الكلية:
يصل هيثم الي الكلية ثم يدخل الي المدرج ويسلم علي اصدقائه وهم(حازم-فارس-كريم-شادي-حنان)ثم يجلس بجانب خديجه فتنظر له: حمدالله على السلامه يااستاذ
هيثم:الله يسلمك..اي اتأخرت ولا اي؟
خديجه:اتأخرت بس..دا خلاص الدكتور حمدي هيدخل دلوقتي
ثم تعطي له كشكول قائله:اتفضل محاضرات امبارح اهيه
هيثم:ياسلام علي الحنيه
خديجه:تبقي انقلهم ورجعوا تاني
هيثم:وانا اللي فاكرك هتهدوني خالص
خديجه:اه عشان اسـ.قط انا..لا مفيش منه الكلام ده
ثم يقطع حواراهم ويدخل الدكتور حمدي ويبدأ المحاضره......بعد المحاضره نجد هيثم يقف مع اصدقائه قائلاً:حد فهم حاجه من محاضره انهارده؟
كريم:وهو من امتي حد بيفهم من دكتور حمدي دا انا حاسس ان هو مش بيفهم نفسه
شادي:سيبكم بس من الكلام ده..هنروح علي فين بقي
فارس:هنروح علي القهوه هو في غيرها
هيثم:ماشي روحوا انتوا وانا هبقي احصلكم
حازم:ماشي ياعم هيثم بس متتأخرش علينا
ثم تأتي حنان فينظر إليها حازم قائلاً:هتيجي معانا علي القهوه ولا اي الكلام؟
حنان:ماشي يلا بينا
ثم يذهبوا جميعاً ويذهب هيثم الي خديجه لكي يوصلها الي منزلها وبعد ان وصلها الي منزلها ذهب الي القهوه لكي يجلس مع اصدقائه وبعد ان جلس مع اصدقائه ولعب معهم قام وذهب الي منزله
...............................................…
في المنزل:
يصل هيثم الي المنزل ويفتح الباب بالمفتاح ويدخل فيجد فوزي المحامي جالس وحوله والدته وجميع خالته فتنظر له مريم قائله:كويس ياهيثم انك جيت
هيثم:في حاجة ولا اي؟
مريم:اه جينا نفتح الوصيه لكن استاذ فوزي قالي مش هينفع تتفتح غير في وجودك
هيثم مندهشا:خير ان شاء الله..اتفضل يااستاذ فوزي
فيبدأ فوزي بفتح الورقه ثم يقول:بسم الله الرحمن الرحيم بناتي الاعزاء عند سماعكم لهذا الكلام سأكون قد فارقت الحياه واعلم جيدا ان فراقي سيكون صعباً عليكم خصوصا حفيدي هيثم ولهذا فقد اوصي بتقسيم جميع اموالي والذي تقدر ب250الف جنيه علي بناتي الخمسه بالتساوي واما عن هيثم فسوف يرث مني العلم المتواجد في منزلي القديم علي شرط ان يذهب هيثم بمفرده واي خلل في بنود هذه الوصيه فتعتبر الوصيه باطله..بس هي دي الوصيه
هيثم مندهشا:هورث العلم!!علم اي ده اللي هورثه؟مش جدي كان سواق؟!
سماح:معرفش والله وغريبه برضو اشمعنا بيت بابا القديم
مني:لا وكمان هيروح لوحدوا
هيثم:انا مش هفهم اي حاجه غير اما اروح هناك..ماما اكتبيلي العنوان دلوقتي
سماح مندهشه:انت هتروح دلوقتي؟
هيثم:اه هروح دلوقتي عشان افهم
سماح:طب اصبر لغايه اما نفهم
هيثم:لا هروح وافهم بنفسي
ثم تكتب له العنوان فيأخذه هيثم وينزل مسرعاً الي منزل جده القديم
................................................…
في منزل جده القديم:
يصل هيثم الي منزل ثم يدخله فيجد منزل بسيط يملؤه الهدوء والبساطه فيبدأ يتجول فيه حتي يفتح غرفه اندهش من شكلها حيث جدرانها مليئه برؤوس الحيوانات والطلاسم والعزائم الغريبه فيندهش هيثم ويبدأ يدخلها بخطوات بسيطه ويبدأ ينظر في كل اركان هذه الغرفه حتي يجد كتاب عليه ورقه مكتوب فيها (الي حفيدي الغالي هيثم) فينظر الي الكتاب فيجد اسمه (السحر الاسـ.ود)....…
والي اللقاء في الفصل الثاني وكان معاكم إيمان ♥️♥️♥️♥️
