المشرحة الجزء التالت

ركبت عربيتي وانا مروح، و في دماغي مية سؤال ، و اولهم ، الجثة دي ، جثة مين وماتت ازاي ، واي الدم واللحمة النية الي لاقيتها جوا الجثة دي ، وراحت فين ، اكيد الي موتها سرقها ، دخلت البيت ، مكنش فيه ، افتكرت ان النهردة الجمعة كلهم عند جدتي ، 

فتحت باب الاوضة بتاعتي ، وقفت متمسمر في مكاني من الي شوفته ، شوفت الجثة نامية ع سريري والاوضة ريحتها كريهة ، قربت منها عشان اشوفها حقيقية ولا ده تخيلات ، قربت منها ولقيتها حقيقية ، اتصلت بـ عم محمد بسرعة عشان اقوله ، ويقول لادارة المستسفي ، بس هو كان فاكرني بقول اي حاجة وخلاص وان الشغل مع الاموات لحس دماغي بس انا اكدت عليه ، وقولتله يجي ف اسرع وقت ، خرجت من الاوضة وقفلتها وانا خايف ادخلها ، بس الفضول خلاني افتح باب الاوضة واشوفها ،

 قربت نحيتها بطريقة بطيئة وانا بترعش وخايف ، لغاية ما بقيت قداماها بالظبط ، وانا ببص عليها وعمال اقول يتري اي السر الي وراكي ، ازاي بتختفي ، فجأة لقيته فتح عنيه ع الاخر لدرجة ان عينه كانت ممكن تخرج برا ، بيبرأ انا من شدة الخضة وقعت ع الارض ، 

جيت ابص عليه تاني لقيته مغمض عينه ، بس سامع صوت غريب مش قادر احدد هو اي صوت واطي جدآ طالع منه وهو مش بيتحرك ، لقيت الباب بيخبط جامد ؤ خرجت فتحت الباب ، لقيت عم محمد ومعاه الادارة وخدو الجثة عشان يرجعوها المستشفي ، والمدير بيقولي ازاي يادكتور الجثة جت عندك البيت مش عارف ارد عليه اقوله اي انت شكلك سرقتها وبيتهمني باني اخدتها ، وقالي ان ف دكتور تاني هيشتغل ع الجثة دي ، وخدو الجثة دي وخرجو ، وانا منطقتش بكلمة ، معرفتش ارد عليه اقوله اي ولا عارف الي بيحصلي ده بسبب اي ، تاني يوم روحت المستشفي وانا عارف اني مش هشتغل ع الجثة ، روحت سألت دكتور قديم ع الي بيحصل ، 

قالي بص يا ابني انت شكلك لسه متخرج ، وسنك صغير ، شغلنتنا دي غريبة شوية و الجثث كلها اسرار وعلامات ، الجثة من دي بتبقي جاية من اي حتة وعاوزة تاخد حقها ومش بتهدي ابدآ غير لما يجي حقها ، و انا طول عمري ف المستشفي دي والشغلانة دي ممكن اتخيل ان جثة واقفة او برا التلاجة ، اتعودت ع كده بس الجثة دي كانت اغرب جثة اشوفها في حياتي ، انها تخرج برا المستشفي وتختفي ، دي حاجة غريبة ، رجعت البيت وانا بفكر ف الي قالو الدكتور ، 

تاني يوم عم محمد اتصل بيا وقالي تعالي فورآ يا دكتور محمد ، قالي حاجة غريبة جدآ ، عم محمد قالي ان الدكتور الجديدة الي بيشتغل ع الجثة ، كل ما يدخل الغرفة بتاعت ويشتغل يسمع صوت صريخ جامد جدآ ويقوم يخرج برا من شدة الصوت بس النهردة الصبح دخلت الغرفة لقيت ..

- المشرحه 3