المشرحة الجزء الخامس والأخير

اول ما دخلت المستشفي روحت ع المكتب لقيت ،تحاليل المعمل الجنائي وصلت ، فتحت الورق بس الصدمة لما عرفت ان اللحمة دي والدم دي بتاعت بني ادمين ، جالي حالة فزع ازاي انسان ياكل لحمة انسان ويشرب دمه ، بس من الواضح ان اللحمة والدم دي هو مبلعهاش من الواضح ان من فتحه بطنه و الخرابيش الي فيه ان بعد ما مات حيوان مفترس كان بياكل فيه ، بس مع كل التحاليل هعرف هو مين و هعرف اي هو السر بتاع جثته ، دخلت ع الجثة بتاعته و بعد كده ندهت لعم محمد قولتله عم محمد خليك واقف جمبي هنا لو سمحت ، انا خايف تحصل اي حاجة تاني ، قالي ماشي يادكتور وفعلا عم محمد فضل واقف جمبي وانا بشرح ف الجثة ، بقول لعم محمد لو سمحت هات المشرط الي هناك ، بس هو مبيردش ، بصيت لقيت الجقة واقفة مكان عم محمد ، والي نايم ع الطرابيزة هو عم محمد ، 

 

صرخت بس للحظة لقبت عم محمد بيقول يا دكتور المشرط اهو يادكتور مالك ، بس انا مستغربتش انا اتعودت ع كده ، كملت شغلي وبعد تعب كتير اكتشفت ان الراجل ده مات مقتول ، وقبل ما يموت حد كان بيعزبه لان الجروح الي ف جلده اقدم من الجروح الي ف رقبته وعدد الطعنات الي ف بطنه ، قولت لعم محمد كفاية شغل النهردة ايدك معايا نرجع الجثة مكانها ، رجعنا الجثة مكانا وعم محمد خرج وانا بقلع البالطو والهدوم بس فجأة لقيت باب تلاجة بيتفتح روحت عشان اشوف فيه اي ، بس مفيش اي حاجة الجثة زي ما هي ، قفلته وخرجت من المستشفي ، وركبت عربيتي وانا مروح ، بصيت ع الكرسي الي جمبي لقيت واحد صاحبي اسمه فتحي ، فرملط بسرعة وانا مرعوب ، بس مفيش حاجة ، فتحي مات 

، من 3 اسابيع ، كملت لغاية ما وصلت البيت ولقيت ابويا بيقولي ده ف واحد جالك النهردة وكان بيسأل عليك وانا قولتله انك مش موجود ، بس قالي اقولك ان هو لسه شايلك الحاجة ، قولتله حاجة اي ومين ده ، قالي معرفش يابني والله مرضاش يقول ، روحت لامي عشان اعرف الشيخ عمل اي ، قالتلي ان الشيخ قالي ان دي روح واحد مات وعاوزة حقها ، دخلت اوضتي ، نمت وتاني يوم روحت المستشفي لقيت المعمل الجنائي وناس كتير اوي والمباحث العامة قالبة المستشفي ، وناس كتير بتعيط ، سألت ظابط كان واقف ،هو فيه اي يافندم ، قالي ان ف جثة هنا كانت فاقدة الاهلية(مجهولة) بس اهله اتعرفو عليه و دلوقتي احنا هدفنا نعرف مين الي قتله ، هو مين الي بيشتغل ع الجثة دي ، قولتله انا يافندم ، قالي هو مات ازاي ، قولتله ان ف كذا طعنة ف بطن الجثة وده ادي للقتل ، وقالي الجثة دي محدش يقربلها النهردة لغاية ما نشوف شغلنا ، 

 

وانا ماشي شوفت ست بتعيط صعبت عليا ، روحت عشان اوسيها ، بس الصدمة لما شوفتها واكتشفت انها ام صاحبي الوحيد فتحي ، وساعتها عرفت ان الجثة دي ، كانت جثة صاحبي الي مات ، بس هو يستاهل الي حصله محدش قالو يخوني مع حبي الوحيد هند ، هما الي جنو ع نفسهم ، بس هند محدش هيعرف هي فين عشان دي انا دفنتها ، فتحي بعد ما قتلتو رميتو ف الشارع للكلاب ، هما الي لعبو بيا وخدو جزائهم ، كمان كام ساعة هيتفذ الحكم عليا بالاعدام ، بس هقولكو ع حاجة انا مش ندمان 😃