المشرحة الجزء الرابع
خلت الغرفة لقيت الدكتور واقع وهو فاتح عنيه ومبرق ، بس النبض شغال الدكتور عايش ، بعد ما خرجو من الغرفة والجثة ع الطرابيزة زي نا هي مشرحش فيها حاجة ، وانا بفكر يتري اي اللغز الي ورا الجثة دي ، خرجت للدكتور ، فاق بس هو ف حالة صدمة ومش عاوز يتكلم ، عم محمد قالي معلش يادكتور احمد بس الدكتور حالته صعبه ، ممكن تروحو بالعربية بتاعتك ، قولتله ماشي ياعم محمد ،
وانا ف العربية وهو معايا ، بحاول اسأله ع الي شافو بس هو مش بيرد ، لغاية ما وصلته البيت ، وانا ماشي ، قالي استني ، رجعتله لقيته بيقولي ، انا شغال من زمان ف الطب الشرعي بس عمري ما شوفت جثة زي الجثة دي ، الجثث ليهم علامات بيتكلمو بيها مش مهم ازاي المهم الجثة دي عاوزاك انت الي تشرحها ، واي حد تاني هيشرحها هيشوف حاجات عمره ما شافها ، رجعت المستشفي ولقيت مدير المستشفي ، بيقولي اشتغل انت ع الجثة دي وباسرع وقت ، دخلت المكان الي فيه التلاجات وانا مرعوب الي بيحصل ده مش طبيعي ،
طلعت الجثة بس الغريب ان الجثة كانت بتتحرك معايا زي الناس الي صاحيني ، اي جثة بتكون متخشبة ومش بتتحرك ، بس الجثة دي كانت بتتحرك معايا بسهولة جدآ ، ابتديت شغل ومفيش اي حاجة حصلت ، لقيت الجثة بتحرك اديها اليمين ، مخوفتش وكملت تشريح ، بس عرفت ان دي علامة اني اشرح الايد واعرف اي سبب الجلد الي متشال ، وفعلا ابتديت اشرع ف الايد ، بس المفاجاة لما عرفت ان الجلد متشال من الايد ، عشان حد دلق عليها مية نار ، تعبت جدآ من الشغل ، خرجت من المستسفي وروحت ، دخلت الاوضة عشان انام شوية ، بس لقيت حد بيفاح الباب و داخل ، بعد ما الباب اتفتح ، مش مصدق الي شوفته نفس الجثة بس المرادي من غير راس ،
قومت من ع السرير وقعدت اصرخ ، وهي عاملة تقرب مني ، مسكت عصاية وخبطها ، بس فجاة الاقي اختي بتقولي ف اي يا احمد انت اتجننت ، انا مش فاهم حاجة ، قولتلها ازاي ، مش انتي الي كنتي داخلة دلوقتي قالتلي يعني اي ، مش عارف ارد عليها ولا اقولها اي ، قالتلي تلاقي من كتر ما بتتعامل مع ميتين اتروشت ، مشيت وسابتني وانا مش فاهم انا كنت بتخيل ، دخلت الحمام عشان افوق واغسل وشي ، بغسل وشي وبصيت ف المرايا لقيت الجثة واقفة ورايا ، بصيت ورايا ملقتش حاجة رجعت بصيت ف المرايا مفيش حاجة ، خرجت ع صريخ امي ، بقولها ف اي يا امي ، قالتلي اي الدم الي تحت سريرك ده واي السكينة الي غرقانة دم دي ، روحت شوفت تحت السرير غرقان دم وفيه سكينة وسط الدم ، معرفش دول جهم ازاي والدم ده جه ازاي ، امي جابت شيخ وقعد يقرأ ف البيت ، وانا روحت المستشفي تفكير ،
كل الي بيحصلي بسبب جثة ، دمرت حياتي ، اول ما دخلت المستشفي روحت ع المكتب لقيت ،تحاليل المعمل الجنائي وصلت ، فتحت الورق بس الصدمة لما عرفت ..
- المشرحه 4
