قصة البَيْك_ الجزء السابع( مؤلفة من ١٨ جزء)

*«الـ بـيـك».*👨🏻

*الـجـزء الـسـابـع.*

حياة : شووو لك أنا خلقة ما الي كتير بعدو عني بدي ارتاح مالك شايفة كيف جسمي مكسور
...: البيك هي ك آمر
حياة : لا تخليني بلش فيكي وبالبيك تبعك
...: ياريت لو بكون تبعي بس هو تبعك نيالك
حياة : 😐😒😒😒على شو بالله
....: على كل شيء على جمالو وهيبتو وجسمو الرياضي وحبب التملك اللي عندو على كل شيء
حياة : أنتي بتعرفيه منيح شكلك
....: أخي المعنوي بابا رباه من هو وبعمر العشر سنين
حياة:😳😳كيف يعني يعني هلأ هو مستلم الشغل عن أبوكي وأهلو وين
....: أي مستلم عن أبي وأهلو ماتوا من هو وصغير
حياة : طيب بتعرفي ليش بدو ينتقم من ابي فيني
...: اي بعرف
حياة: ليش بترجاكي خبريني
....: مابقدر خبرك بيقتلني
حياة : والله مابقلوا
....: بكف واحد منو بتكري الخمير والفطير
حياة : 😔😞
....:بس رح ساعد في غرفة جنب هي الغرفة حاطط فيها كل شيء بيتعلق فيه يعني اي شيء بدك تعرفيه فوتي على هي الغرفة
حياة: يااي عنجد وكيف بدي فوت أكيد قافل الغرفة
... : هاد الشيء أنتي لازم تعرفيه
_______________________

بنص الليل بعد ما تأكدت حياة أنو الكل نايم والبيك موهون بلشت تحاول تفتح الباب بس مانفتح
حياة: اكيد لازم يكون فيه مفتاح للغرفة بس وين بدو يكون لك الخدامة صح معاها بيكون مفاتيح الغرف وأكيد معا لهي الغرفة
نزلت لتحت عالهدى وأخدت المفاتيح بصعوبة وطلعت صارت تجرب المفاتيح حتى بالأخير نفتح الباب
حياة: ماكنت متخيلة الشغلة بهالسهولة
فاتت وصارت تنكش بالغراض عند البيك كان عم يراقبا عاللابتوب
البيك: مفكرة حالك زكية بس قربت تخلص ايامك أنسة حياة هلأ خليكي تتوجعي وبعد رح انهيكي أنتي وأبوكي سوا
مازن: خليتا تعرف
البيك: فاتت هلأ عالغرفة مفكرة انو مابعرف وهي مابتعرف لو أنا ماكنت بدي ياها تعرف الحقيقة ماكانت قدرت تفوت
مازن: مراد حرام عليك تعرف بهالشكل هاد
البيك: لا حرام ولاشي
حياة : شوهاد شكلي لاقيت السر
مسكت حياة سيدي مكتوب عليه شرف وواحد تاني مكتوب عليه عذااابي
توجهت للكمبيوتر اللي محطوط عالطاولة وشغلتو شتغل من دون كلمة سر
حطت السيدي تبع ابوها وصار يطلعلا مجلدات فتحت أول واحد كان لأبوها مع بنات
دغري سكرتوا بهالوقت كان طالع عند البيك على شاشتو أنو فتحتوا ودغري سكرتوا اضحك وكمل متابعة
بالمجلد التاني كان في فيديو لأبوها عم يحكي هو وواحد
شرف : هاد الضابط مو ناوي يتركنا بحالنا يا حاتم
حاتم: بنصفيه
شرف: كيف ؟؟؟
حاتم : رفيقو صالح بينشرا بالمصاري وبنضموا إلنا بكل سهولة بعد مايخلص عليه
شرف : تمام اي متى رح نبلش ؟؟
حاتم : هلأ رجالي عم يجيبو صالح
بعد عدة دقائق دخل واحد في جرح بوجهو جسمو رياضي ولابس زي شرطة
حاتم : صالح بدك مصاري تغمرك
صالح ابتسم: أكيد
حاتم : بدك تقتل الضابط جلال بنعرف أنو هو أخدلك مكانك وماعم يخليك تطلع لفوق ف شو قلت
صالح: موافق اي متى بدكن اقتلوا
حاتم: بتسم ما كان عارف أنو رح يوافق بسرعة شكلو كرهانو كتير بكرى
شرف: بس عندي حل احسن من قتلوا
حاتم: شو هو
شرف : هو ضابط منيح وأكيد مارح ينترك موتو بسهولة وإذا مات رح يموت بشرف والكل بيحبوا لهيك بنخدعوا وبيتقلع بنفس الوقت من شغلوا حياة : صارت تشهق وحطت ايدا على تما وقت سمعت أبوها شو حكا
شرف: بنقتل عيلتو بعدين بنقتلو
صالح : مافهمت كيف هيك يعني كيف نحنا خدعناه
شرف: أول الشيء بنخطف أبنو بنخليه يجبلنا السيدي اللي بودينا على المشنقة وبنقتل أبنو وهنيك أنت بتكشفوا أنو عم يساعد المافيا بعدين انت بتترقى ونحنا بنرتاح منو وهيك بنضرب عصفورين بحجر واحد بعدين بنقتلوا هو وعيلتوا
حاتم: ممتاز نفذوا الخطة
شرف:حاضر
خلص الفيديو وحياة نهارت وصارت تبكي
حطت السيدي التاني اللي مكتوب عليه عذابي وفتحت أول فيديو كان للبيك كبست زر تشغيل وهي لسا عم تبكي وتمسح دموعا كرمال تشوف
البيك عم يحكي :
أسمي مراد أحمد اوغلو ابي الضابط احمد اوغلو (حياة كانت عم تتابع بصمت ودموعا عم ينزلوا) ابي ضكابط شريف ومخلص بشغلوا أمي رهام ديميركالجيلي عندي اخت يمكن هلأ صار عمرا 18 وأخي أكبر مني بخمس سنين يعني هلأ 34 هي إذا كانوا عايشين لهلأ بس مابتوقع كان عمري عشر سنين وقت نخطفت على ايدين المافيا كانو عم يهددوا أبي إذا ماجاب السيدي اللي ماسكو عنن رح يقتلوني أبي كرمال ما يخسرني اضطر يعطيهن الفيديو بس اللي صار أنن خدعوا أبي خدعة كبيرة وقت كنت رح روح لعند ابي فجأة بيطلعوا رجال وبيصيروا يضربوه وأنا كنت بالسيارة وفي سائق معي فجأة هاد السائق بيشغل السيارة .....سكت شوي وبيأسرع فيها وبيطلع منا ضليت أنا بس بالسيارة كنت عم شوف كيف عم يقوصوا أبي وكيف عم موت بنفس الوقت بعد كام يوم بصحى أول الشيء فكرتو كابوس بس وقت حطيت أيدي على راسي وشفت الشاش والجروح اللي بجسمي تأكدت أنو كلشي صار حقيقة فجأة وأنا قاعد عم ابكي فات عالغرفة رفيقو لأبي حذيفة وحكالي كيف طالعني من البحر لأن كانن شاكك بأنو ابي عم يتعرض للتهديد فيني فوقتا لحقو ووقت شافني عم اغرق أنقذني وقتا طلبت منو أنو ياخدني على بيتنا بس مارضي,حاولت كتير أقنعوا بس عبث مارضي وقتا هربت من عندو ورحت عالبيت كااان...مدمررر واهلي مو موجودين وقتا لحقني عمو حذيفة وخبرني بأنو أهلي مفقودين وقتا حكالي انو لازم انتقم لأهلي ولموت أبي ضل خمس سنين يدربني عالأجهزة والتحمل ووكليوم تدريب حتى وصلت لعند حاتم الراس الكبير للمافيا بوقتا عملني أبنو وستلمت بعدوا كلشي حتى لاقيت هاد الفيديو وعرفت بقصة شرف وصالح ووقتا حلفت لأنتقم منن وبدأت بشرف وبنتو الصغيرة حياة امتلكتا بكل شيء فيها هي حلوة كتير جمالا بيجنن مابقدر اتمالك حالي قداما كا مابقرب منا بحس حالي بدي قرب اكتر هي هلأ بتكرهني عالشيء اللي ساويتو فيها بس حنونة الوحيدة اللي حست فيني وبشو جواتي بحسا دائماً بتطلع من زاوية غير بتحسا بتشوفك من جوا مو من برا بس هاد الشيء مارح ينسيني هي بنت مين وكيف ابوها سرق حياتي وعيلتي رح وجعا كتير ومارح وقف لأنتقم
وهون بيخلص الفيديو وحياة بتنهار من البكي وبتشوف فيديوهات تانية لمراد هو وعم يعذب حالو ويجرح حالو كرمال إذا نجرح جرح صغير من حدا مايتوجع وكيف كانوا عم بعذبوه ويضربوه ويحرموه من الأكل والدم معبي الأرض منو
فجأة بتقلب معدتا وبتركض عالحمام بتطالع كل شيء ببطنا
بترتكي على طرف المغسلة وبتتذكر كلشيء وبتصير تبكي
حياة: أن..أنا س..سسر.قتت ح..ي..اتو ...سرقت..لو...حياتو....ليش هيك ياربي ليييييش
هو شو ذنبو شو عملن أهئ اهئئئئئ لك قديش ابي ظالم هو الي خترع الفكرة نزلت عالأرض ياربي عم حس حالي حقيرة كتير اهئ اهئ كيف أبي هيك ظالم وحقير علأ عرفت ليش مراد هيك أنا السبب أبي السبب يالله أهئ اهئ بوعدك يا مراد أبي سرقلك حياة بس انا رح اعطيك حياة صدقني
كان عم يشوفا كيف عم تبكي لأول مرة بيوجعوا قلبو على منظرا
مازن: رتحت هلأ مراد
اطلع فيه وحس حالو غلط : بلع ريقو مابعرف كنت مفكر حالي رح انبسط وقت شوفا منهارة
مازن: مالك مبسوط
لاا حاسس قلبي عم يوجعني
اطلع عليه مازن بحزن : أففف منك قلتلك أخر هالقصة أنت اللي رح تتوجع
ليش عم اتوجع مازن لييييييش مو لازم هلئ كون مبسوط هااااااا احكي
مازن: لأنك بتحباااا
لااااااا مابحباااااااا مابحباااااااااااا وصار يكسر كلشي عالطاولة فجأة رن جوالو
مازن: هاد الدكتور
مراد: ألووو
دكتور : كيفك يابيك
مراد: احكي
دكتور: الأنسة حياة
مراد: شبااا
دكتور: الأنسة حياة حامل
فتح عيونو عالأخير : شوووووووووووووو
دكتور: طلعت بالفحص الدوري للخانم بس
مراد: بس شو
دكتور : إذا استمر الحمل رح نضطر نختار بين الطفل والأنسة حياة
مراد : كيييف مافهمت
الدكتور :الرحم كتير ضعيف وجسما كمان كتير ضعيف مارح تتحمل واكيد رح يصير ولادة مبكرة وهي رح نضطر يا نخسرا او نخسر الطفل
مراد : لهيك كانت دائماً تعبانة وتستفرغ
الدكتور: اي حضرتك
مسك راسو وصار يمرق اصابيعو بين خصلات شعراتو السود الناعمين
__________________________

في اسطنبول
مجتمعين العيلة على طاولة السفرة والجد بيترأس الطاولة عمرو الأسم ابراهيم 90 وجنبو الست عمرا 80 اسما عائشة عم يطلع على ولادوا واحفادو أبنو الكبير قاسم عمرو 56 عندو بنت ليان بعمر20 بتدرس طب اسنان أختها توأم ليليان بتدرس ادارة أعمال وشب بعمر23 اسمو ابراهيم على اسم الجد بيدرس هندسة معمارية
مرتو ديالا عمرا 50 سنة تزوجت هي وقاسم زواج تقليدي
أبنو الوسط احمد عمرو 55 عندو ولد وبنت كمان
الولد محمد عمرو 31 كان متزوج ليان بنت عمو الكبير بس نفصلوا وأختو نور عمرا 14
مرتو رهام عمرا 52 اخديين بعض عن حب وجابوا اول ولد محمد هلأ ليش احمد ابنو اكبر من ابن قاسم رغم انو هو الكبير السبب بيرجع لأن أحمد تزوج رهام وقت كان عمروا عشرين لأن كان بحبا وهي بتحبو وهي كانت 18
أصغر الشيء توأم بنت وصبي
البنت 40الأسم خلود عندا صبي واحد عمرو 19 وبنت وحدة عمرا 15
الصبي كمان عمرو 40اسمو خالد عندو بنت عمرا 10 وصبي صغير عمرو 5 سنين
الجد : أحمد شبك يا أبني ماعم تاكل منيح
أحمد : ولاشي أبي
الجد: متأكد
أحمد : أي أبي متأكد اطمن مافيني شي
قاسم : أبي مشان الشركة أحمد مأهمل الشغل كتير
أحمد: قااسسم
الجد: شو ليش يا أحمد
أحمد : ولاشي أبي بس تعبان هالفترة شوي
الجد: نفس القصة صح كل شهر 4 من كل سنة بدك تساوي هيك
أحمد: أبي مو بأيدي مو بأيدي
وقف وراح على غرفتو..

#يتبع..