قصة البَيْك_الجزء العاشر (مؤلفة من ١٨ جزء)

*«الـ بـيـك».*👨🏻

*الـجـزء الـعـاشـر.*

مراد: بفكر سيدي
أدم: منيح يا أبني صدقني أني فخور فيك
مراد: تسلم سيدي
رجع مراد عالبيت بعد ما اتناقش هو وأدم كيف رح يهاجمو كل اماكنن
بالكوخ
دق مازن الباب مراااد فيني فوت
فوت
وصل شرف
دخلتوه
مازن: اي صار بالصالون
مراد: منيح طلاع خليك معه لاتتركوه لحالو
مازن: متل ما بدك
طلع مازن بعد شوي مراد خلص توقيع وطلع لعند حياة فات وطبق الباب وراه شافة متكورة ومستندة على زاوية التخت قرب منا لساتا بدون اواعي (سامحيني حياة) مسكا من شعرا وخلا توقف اخدا بإتجاه الخزانة ونقالا فستان أزرق سماوي ولبسا ياه أخدا على الكومادينو اللي مقابيل التخت وقلا أخفي الأثار اللي على رقبتك ووجهك ومشطي شعرك اطلعت فيه بألم نظراتا دبحتو ومسكت الفرشاية والفونديشن وبلشن تخفي اثارو على رقبتا وبعد ماخلصت مسكت المشط وبلشت تمشط شعرا وقت خلصت تطلعت فيه وحكتلو خلصت
سحبا من أيدا ونزل فيها لتحت
وصلوا عالصالون وزتا قدام رجلين واحد
طلعت حياة لفوق بدا تعرف مين صاحب هالرجلين لاقتو أبوها
حياة: بضحكة ألم ههه شو اجيت تأنقذني بابااا تذكرت أنو عندك بنت بلاقي يييي اسفة أنا مو بنتك صح أنا قاتلة مرتك ابتسمتلو بألم نزل لعندا وضربا كف بعمرك ماكنتي بنتي ولا رح تصيري ومسكا من شعرا وهي عم تضحك متل المجانين اجيت اشتريكي وبعدا بيعك للي بيدفع أكتر
حياة: هههههه والله بس أنا ماحدا رح يقبل فيني
شرف: هههه لا تخافي في مين بيقبل ووجه كلامو لمراد
قديش بدك حقا
مراد: مو للبيع
شرف: لكان عطيني حقاا
مراد: هههههههههههه بنتك مابتسوى فرنك
أطلعت فيه حياة بألم ومازن كان مصدوم من اللي عم يصير من اللي عم يحكيه مراد قرب لعند مراد وصار يهمسلو بعمرك مارخصت أنثى ليش هيك عم تعمل بالبنت اللي حبيتا وحبتك هاد مو انتقام حاج تعمل فيها هيك ليكو شرف قدامك قوصوا ونتقم فجأة سمعوا صوت صف سيارات تطلع مازن من الشباك وقال: شكلو الراس الكبير أكل الطعم
شرف: أي طعم
مراد: أنك جاي عم تشتغل معنا لترشينا وأنك أنت اللي بلغت الشرطة عنو وصادروا كل شيء بيملكوا بسببك وأنك أنت اللي خليت ابضاعة تنكمش وفي أدلة
شرف : الله يلعنك ياواطي مين انت
مراد: ولوووو تعلمنا منك اليوم رح يموت حدا يا أنا يا أنتو بحب عرفك أنا مراد أحمد اوغلو الولد الصغير اللي نقتلت عيلتوا بسببك مازن فتاح الباب للراس الكبير
فتحلوا مازن الباب ودخل
كانت حياة قاعدة عالأرض وعم تطلع فيهن كلن سحبا مازن من النص وقلا قومي حياة بلا ماتروحي بين الرجلين قرب عليها مراد
مراد: حياة وقت قلك هربيي بتهربي أي ؟؟
حياة: وأنت
مراد: رح كون وراكي لاتخافي
همس لمازن: طالعا من هون بسلامة هية بأمانتك
هزلو براسو مازن
مراد : اهلين والله بالراس الكبير كيفك عمو نورتنا هههه
صالح: شرف الواطي عم تخوني
شرف:: لااا ماعم خونك هاد مراد الي جمعنا هون هو أبن احمد اوغلو
صالح: كييييف
مراد: ماااازن هلأ
مسك مازن أيد حياة بس هي فلتتا
مازن: يلا حياة إذا بدك ياه يضل عايش لازم تهربي لأنك انتي نقطة ضعفو ورح يهددوه فيكي يلا بلا ماتتربط ايديه هزتلو براسا وهي عم تشوف ابتسامة مراد ونظراتو اللي عم تشجعا بتسمت وركضت مع مازن ونزل فيها للقبو وطالعا بعد البيت بشوي
حياة تبكي : ماااازن مراد ضل هنيكككككك قلي رح يلحقني فجأة نفجر البيت لمحتو من بعيد ماصدقت بعدين صارت تصرخ بشكل هستيري لاااااااااااااااا لاااااا مرااااد وركضت بإتجاه البيت لحقا مازن وهو التاني مصدوم حياة: مازن بترجاااك اتصل بالإطفاء بسررعة
مرااااااد مرااااااااد وينك يا مراااااد شافت البيت عم تاكلو النيران بس ما اهتمت وفاتت تنقذو ملاقت حدا بعدين طلعت ومازن هداها مشان ماتوقع
حياة: عم تبكي مالو جوا مالاقيتو
مازن: هدي حياة أكيد بكون طلع قبل مايصير الأنفجار فجأة رن جوال مازن
.....:ألو وينكن أنتو مالاقيتكن عند السيارة
مازن: مراااد هاد انت يلا ليكنا جايين
حياة : هاد مراااد
مازن: أيه عم يستنانا قدام السيارة يلا نرجع
حياة : ركضت بإتجاه السيارة
وقت شافتو من بعيد ركضت عليه وضمتو
بس هو بعدا
نصدمت أن...اأنت..من....منيح شو صار

رد بجفاف : قبل دقائق
صالح: أنت النقيب مراد أبن احمد
مراد: أي أنا مسك مسدسوا قتلتوا يا كلاب ورح اشرب من دمكن قوصن التنين بلمح البصر فاتو رجال صالح وواحد منن قوص مراد هو وعم ينزل للقبو بسرعة طلع وفجر المكان ولحش الجهاز بعيد بعد ما مسح البصمات
حياة : مرااد شو صار أنت منيح وين صفنت
منيح بس قتلت أبوكي شافت الدم اللي على كتفو وشهقت
حياة: هيييييي ششبو كتفك أنت عم تنزف ...زررتلو القميص الأسود اللي كان لابسو وشافت الجرح صارت تتلمسو الجرح غميق ولازمو قطب
مازن:امشي نروح عالمشفى
مراد: مافي داعي الجرح بسيط
حياة: لااء في داعي مسكتو من أيدو وخلتو يفوت عالسيارة
بالمشفى فوتوه عالعملية وطالعولو الرصاصة الحمدلله اجت سليمة ما أذتو
بعد يومين
وقت صحي مراد فاتت الشرطة عملوا معو تحقيق بس تفاجئت حياة وقت شافتن طالعين عادي
حياة: ماازن كيف ما حطو الكلبشة بأيد مراد
مازن: حياة أنتي مابتعرفي لسا مين مراد
حياة: كيف يعني
مازن: إلا مايجي يوم وتعرفي
فاتت لعندو
حاة: مراد كيف صرت
مراد: منيح انتي شو لساتك عم تعملي هون
حياة: كيف يعني خلص انتهينا انتقمت
مراد: اي انتقمت دمرتك وقتلت أبوكي
يعني امشيي أنا
مراد: أمشي
حياة : وإذا قلتلك مابدي بدي ضل معك
مراد: براحتك بس لا تستني مني أني حبك أو اطلع فيكي كنتي نزوة وخلصت غلطة يعني كان عم يحكي هيك وقلبو عم يعصر دم يعني مو من قلبو بس كان بدو يتركا قبل ما يتعلق فيها اكتر مشان تعيش حياتا
حياة: اطمن رح روح بس وقت بدي أنا ( رح موتك مراد أنا بورجيك رح خليك تحبني غصب عنك)
اخدوه عالبيت بعد ما عترض أنو يبقى لأن ما بحب المشافي
حياة خطرتلا فكرة : وقت قلي أنو ما البس ديق وأحمر معناها أنا بأثر فيه رح جننك لبست فستان أحمر قصيرمبين أكتر ما يخبي حطت مكياج ورشت عطر
طلعت لعندو كان متسطح على الكنبة
قربت عليه وقعدت جنبو
حياة: مراد شو بدك اعملك أكل شو مشتهي
مراد: بتوتر ظاهر ليش هيك لابسة روحي غيري
حياة: ليش بس حلو اشتهيت البس هيك بدي غير جو دمعت عيونا وحطت أيدا على بطنا عم حاول أنسى اللي صار بدي افتح معك صفحة جديدة قربت عليه وحضنتو
تطلع فيها ودغري دار وجهو هو وعم يبلع ريقو بصعوبة كتير
حياة: ممكن تحضنني
مراد : اجى بدو يحضنا بس ما قدر
حياة: همستلو مرااد لطفاً (بالتركي)
مراد : حياة بعددي
حياة : همستلو أنا بحبك مراد بحبك بكل شيء فيك بحب شخصيتك حطت أيدا على صدرو وصارت تمررا عليه وعلى ايديه وبطنه برقة بحب عضلاتك الكبار نزلت أيديها على كفوف أيدو بحب عروقك البارزة بحب لمساتك رفعت أيديه على خصرا بحب عيونك السود اللي بيشبهو الليل بسوادن حادين وما بتعرف شو عم يصير فيهن متل الليل بخبي كتير أشياء باستو من عيونو
مراد: حيااااة بكفي
عرفت عم تأثر عليه وكملت بأنسحار تام بحبك خدودك باستو منن بس ما بحب جبينك وقت يتعقد باستو من بين عيونو حطت جبينا على جبينو بحب شفايفك الحادين كتير واللي عانيت منن كتير باستو من شفافو برقة
مراد: ما عاد تحمل اللي عم تساويه فيه طفلتو حرب كبيرة عم تدور جواتو من الشيء اللي عم يحسوا بدو ياها هلأ بس هو إذا تحقق اللي بدو ياه رح يعذبا كتير مارح يتحملا وهي بين أيديه وقت كان ياخدا بالغصب كان يحترق بلهيبها وهلأ كيف وهي عم تطالبو وبالرضى منا مستحيل مارح يقدر يتحمل ورح يجن هي وبين أيديه بكامل أرادتا
اكملت حياة : بحبك وقت تخبي حنانك بحب تناقضتك بحبك لأنك غامض بعشق اكتشف اشياء وأكتشفتك كتشفت أنو في كتير حنية ورا القسوة اللي بتظهرلي ياها عند مراد صحي من النوم مبسوط اطلع على بالغرفة ما كانت موجودة
وقف لبس بنطلونو وصار يدور عليها بالشقة ما لاقاها
مراد: حياااااة حيااااااة وينك انتي حيااااااة
عصب وقت مالاقاها وحمرو عيونو ووجهو منذرين بأن هناك اعصار قادم
مراد: يا بنت الكلب رحتييييي صار يضرب البواب حياااااااااة يا حيوانة وينك ردييييي لك حيااااة عم تنتقمييييي منييي عم ترجعيليييي الوجع لككك فشرتي ياعاهرة أني اتوجع فشرتيييييي صار يكسر كل شيء حواليه فات عالغرفة لاقا في رسالة عند قلم الحمرة
مكتوب فيها
مراد حبيبي
بعتذر جد بعتذر مافي شي رح يتشفعلي بعرف هلأ رح تفكرني أنو عملت هيك لردلك الوجع بس والله ماعملت هيك لوجعك مانمت معك لأنتقم حسيت انو بدي نام معك ونمت ومابعرفكنت بدي ودعك بدي اتذكر لمساتك وريحتك كل شيء فيك كيف تجرأت وطلبت منك هالطلب ما بعرف
بس وقت فقت رنو كلماتك بأذاني رن حسيت بالذنب مابعرف شو رح تقول عني بنت ليل وسخة مو مرباية انا أسفة لأن تركتك بس أنا كنت عم انتظر منك كلمة وحدة بس كلمة وحدة كانت كفيلة بأنو تخليني جنبك على طول وللأبد بس هاد الشيءء بيعني اني ماقدرت اكسب قلبك أنا راجعة عالشام إذا صار شي يوم وحبيت حب بكل قوتك بس خفف عناد وقسوة وغيرة وصدقني إذا خففتن لتلاقي كل البنات بيركضو وراك أصلاً أنت بدون ماتخفف بيركضوا وراك بدي ياك تضل تتذكر أنو انا حبيتك حبيتك من قلبي كنت مستعدة انسى العالم وانسى كل شيء معك إذا فتحتلي قلبك بس أنت مافتحتلي ياه لهيك بتمنالك أنو تجي شو وحدة وتقدر تفهمك وتفتحلا قلبك
بحبك
حياة
مسك الورقة وضل ساعات يقرا فيها هو وعم يشرب وساعات يسبا وساعات يبكي
وقت وصل مازن على سورية دق عليه وماكان يرد قلق عليه بعد عدة محاولات حتى بالأخير رد
مازن: مراد الو أنت باللاذقية لسا مووو أنا ليكني عالطريق نص ساعة وبكون باللادقية
مراد: بصوت مليان وجع وبحة اي تعال ليكني بالشقة تبعي
مازن: مراد شبك ليش هيك صوتك شوفيه شوصاير
مراد : صار يبكي مااازن أنا تعبان تعال الله يخليك
مازن: نصدم مراااد عم تبكي شو صاير
مراد: مو حاسن تعبان تعااااال
مازن: حس بخوف عليه طيب طيب ليكني رح وصل خليك معي عالخط اي
مراد: اي
محمد: مين هاد
مازن: اخي وشريكي وكل شيء
محمد: خير شو صاير معو
مازن: زاد سرعتو ماابعرف مااابعرف وقت وصل عند البناية نزل بسرعة ولحقوا محمد حتى وصلوا للطابق الخامس
فتح مازن الباب
مازن: حس بالقلق وقت شاف البيت مقلوب وكل شيء فيه مكسر وجه كلامو لمحمد : محمد فوت دقيقة بعتذر على هالأستقبال بس رح فوت شوف هو وين
محمد : لا ولا يهمك
مازن: مرااااااد مراااااد وينك فات عالغرفة لاقاه ماسك قنينة خمر وبالأيد التانية ورقة وعم يقرأ فيها
ركض واخد من أيدو القنية وحطا على جنب
مازن: كام مرة قلتلك لا تشرب من هال....آآآ
مراد: ساكت وعم يطلع فيه بعيون دامعة
مازن: مرااااد شووو قلي ياخييي شو صاير مراااد شوفي قول هي اول مرة بشوفك بهالحالة شو صااار ولك احكييي
مراد: موجووووع يا خيييي موجوع
مازن: ما عاش اللي يخليك تتوجع
مراد: هشش سكوت لاء لازم تعيش ما لازم يصرلا شي
مازن (مصدوم): ميين
مراد: هو وعم يمسح دموعو وعم يحاول يوقف على رجليه بصعوبة حيااة مين فيي غيرااا حياااة ياريت سمعتك يا مازن أنا اللي نوجعت بالأخير أناااااااا لك لييييييش آآه فهمني ليييييييش ليييييش راحت بعد ما نامت معي ليييييييش
مازن: حيااة نامت معك برضاهااااا
مراد : ببكاء أييييي برضاها وللمرة الأولى هون عالتخت كانت بين أيدي لاول مرة بحس قلبي رح يطلع من محلوو وهي بين ايدي بس وقت فقت ما لاقيتا لاقيت هي وعطاه الرسالة هو وعم يرجف قال شو كانت عم تودعنييييي هههههههه عم تودعني وصااار يضرب الحيط بأيدو بقسوة
مازن: خلص مراااد خلص اهدى اي ؟؟؟ اهدى بترجااااااك اهدى
مراد: هاد عم يوجعنييييي وأشر على قلبو عم يوجعنيييي مازن عم تفهااام
مازن: عم افهم والله عم افهم مسكو بقوة ونزل هو وياه عالأرض
مراد: صار يبكي متل الولاد الصغار
مازن عم يحكي :
وقت شفتو هيك بهالحالة عص قلبي علي متت خوف عليه اول مرة بشوفوا بهالحالة اول مرة بشوفو عم يتوجع هالقد وأنا مو حاسن اعملو شيء
مازن: مرااد قوم دوش بلكي بترتاح وبتصحصح مراد: ليش هيك ليش بس أنا ياخيي ليش اهلي ماتوا وتركوني وهلأ حياة تركتني أخدت حياتي ليش انا لحالي
مازن: انت مالك لحالك انا معك وعيلتك معك
مراد: اي عيلة ههههههه عم تتمسخر علي
مازن: لاا يا مراد قوم دوش لقلك تمام رح اعمل قهوة لبين ما تخلص لا تطول وفي معي ضيف برا وبعدين بنفكر وقت تصحصح بقصة حياة تمام
مراد: طيب بس تعال سندني لح اوقع وصلوا عالحمام وراح لعند محمد
مازن: محمد عنجد بعتذر لاتواخذني..

#يتبع..