الجحيم ( قصص من الريف المصري عن قرية يوجد بها كيان يحاول القضاء على اهل القرية)

     القرية (حديث مع الشئ)

وفي اثناء رحيلي قام جدي بالقدوم معي لتوصيلي للعودة الي القاهرة 

الجد: خد بالك من نفسك ياحسن وابقى طمني اول متوصل يبني وانا وصيت سواق  ياخد باله منك

حسن : حاضر ياجدي متقلقش هي اول مرة اسافر ولا ايه

الجد : ربنا يحفظك يبني ويبارك فيك مع السلامة

قام الجد بتوديعي قبل الذهاب وقام بشراء هدية لأجلي واعطاني بعض النقود وقام السواق بالتحرك وغادرت  وعاد جدي لبيته بعد توديعي ونظرت مرة اخرى على القرية وقمت بتوديعها

صالح في المستشفى وعيناه تتسمان بالإجهاد والتوتر والرعب لما رأه فالمرآة 

صالح : انت مين ؟

الشئ: ازيك ياصالح تعرف ان حضرت ولادتك واستنيت اليوم ده عشان تكون انت التابع انا اعرف عنك كل حاجة من ساعة ولادتك في حاجات مش هتقدر تفهمها ولا عقلك هيتخيل انها حصلت  انت هتكون ملكي لإصلاح القرية دي من الفوضى اللي بتحصل فيها ببساطة يصالح احنا هنطبق العدالة بس من وجه نظرنا احنا

صالح : انت ازاي مش موجود فالحقيقة

الشئ : عشان انا فعلا مش موجود انت هتكون الكيان المتحرك اللي املكه واوجهه بس مش دلوقتي انا حبيت اعرفك بيا لان تأكد انا هشوفك تاني قريب وتأكد دايما ان مفيش اي حاجة بتحصل صدفة  كل شئ بيكون مدبر ليه

صالح : انت اللي قتلت الست اللي كانت عايشة لوحدها وانت اللي قتلت بردوا الشيخ ومراته

الشئ: انت لسه قايل دلوقتي انا مش موجود يبقى هعمل ده ازاي البني آدم خطاء هو دايما اللي بيقع فشر اعماله الست اللي بتقول عليها كانت بتمارس السحر الأسود بقالها فترة وبتعمل طقوس لإستحضار روح جوزها دخلت عالم مش عالمها عالم مظلم عشان كدا مستحملتش وشنقت نفسها والشيخ ومراته اللي قصدك عليهم ابنهم فعلا اللي قتلهم لانه كان عاوز يورثهم عشان كدا قرب من ربنا كتير الفترة اللي فاتت ودبر انه هو عبيط عشان يدخل المستشفى زي ما قولتلك ياصالح كل حاجه مبتحصلش صدفة احنا بنوجه بس لكن مبنفذش

صالح : انتوا مين

الشئ: هتعرف فالوقت المناسب دي علامة طبعتها على جسمك تأكد ان هجيلك تاني 

واختفى كل شئ ورجع صالح لطبيعته كأن لم يكن شئ وتحسنت صحته  وقام صديقه عماد بزيارته للإطمئنان عليه لكن بعد ذلك لم يعد صالح يلعب او يخرج كان ملتزما على دراسته فقط 

الضابط : عدى فترة طويلة ومش لاقيين اي دليل ليه الست دي شنقت نفسها وليه الابن ده قتل ابوه وامه مفيش اي دليل قاطع وواضح  الست ملهاش أعداء وكانت بتعرف ربنا

المعاون : غير كدا الست دي على حسب كلام اهل البلد كانت طيبة وبتحب الأطفال ايه هيخليها تعمل كدا فنفسها

الضابط : انت قولتيلي اسم الولا ايه اللي سمع صوت الست

المعاون : حسن ممكن نستدعيه من عنده جده الشيخ عارف

الضابط : هاتهم وتعالى بس ضروري 

المعاون : تمام يافندم

ها يامدحت لسه بردوا مصر على انك مقتلتش ابوك وامك

( اثناء التحقيق في المستشفى )

مدحت : يابيه والله مأنا وانا مش مجنون انا والله منا اللي عملت كدا

الضابط علاء: هيكون مين غيرك كل الأدلة بتشير ان انت كنت الفاعل وانك عملت كدا عشان عاوز تورث ابوك وامك

مدحت : يابيه والله العظيم ابدا وبعدين ورث ايه يابيه انا ابويا محلتوش حاجه وامي على باب الله

الضابط: ازاي ده انا اسمع ان ابوك عنده عقارات فالقاهرة 

مدحت : يابيه انا ابويا بيقول كدا لان فالبلد عندنا مبيحترموش غير المظاهر بس واحنا كنا ناس غرب عن هنا وكنا لسه جايين القرية فأبويا كدب الكدبة دي عشان الناس تثق فيه وتعمله حساب انما فالحقيقة احنا على الله يابيه

يتبع ……………………