قصة أحببت قاتلي | الجزء الثالث بقلم ليلى مظلوم
*الـجـزء الـثـالـث.*
بعد مرور ايام على حادثة اختفاء نزار
نايا ماخلت طريقة ومادورت فيها على ابوها
بس ماقدررت تعرف عنو شي
،،،،،
بييت امجد
امجد بجيب سطل مي وبيرشو على نزار وهو نايم
نزار بفيق مفزوع
امجد: هههه حمام الهنا يابيك
نزار: ياابني ليش هيك عم تعمل
امجد: لك لاتقول ابني انا مالي ابنك ومابشرفني كون ابنك
نزار: خليني روح بحال سبيلي وبوعدك صلح كل شي
امجد: تصلح كل شي؟؟
لك شوبدك تصلح طيب ازا طلبت منك ترجعلي امي بترجعها
نزار: ...
امجد: قلي ليش هيك عملت فيني
نزار: امك هي السبب انا حبيتها لاامك من كل قلبي وهي خانت حبي الها وتركتني وتزوجت ابوك
امجد : طيب وانا شوذنبي
نزار: ذنبك انو انت ابنها واناكنت عذبك لحتى احرقلها قلبها
امجد: بس انت هيك حرقتلي قلبي يتمتني ورميتني بالشارع ونهبت املاك اهلي
كيف بدي سامحك
نزار: بس ياامجد
امجد: خلص بقا مابدي اسمع صوتك، سامر ساعدني خلينا ننزلو عالقبو مشان قد ماصرخ ماحدا يسمعو
،،،،،،،
سامر وامجد بياخدو نزار وبيرموه بالقبو وبيقفلو عليه الباب
،،،، ،،،
سامر: ايمت ناوي تقتلو
امجد: مابدي اقتلو
سامر: لكن ليش حابسو
امجد: بدي ياه يموت عالبطيئ
سامر: كيف يعني
امجد: بعدين بتعرف يلا انا رايح على شغلي هلق نتبه عليه،،،،
سامر: الله معك
،
،،،،،،،،،،،،،،،،،
بالشركة نايا عم تعمل جولة عالموظفين
بيلمحها امجد من بعيد
امجد: لك هي مو بنتو للواطي
اجت الرزقة لروح اتسلا فيها شوي
واسالها عن اسالها عن ابوها
امجد: مرحباانسة نايا
نايا: اهلين منصور
امجد: كيفك
نايا: ماني منيحة
امجد: له له خير شبها الاميرة الحلوة
امجد: معقول ماعندك علم كل الموظفين بالشركة عرفو
امجد: مشان البيك يعني مبلا عرفت
وسدقيني زعلت كتير
نايا: اه يامنصور دورنا عليه بكل مكان وماكنا نعرف عنو شي
امجد: روقي واهدي ولايهمك انا رح ساعدك وان شالله رح نلاقيه لاتخافي انا معك
نايا: شكرا كتير
امجد: خلص روقي وتعي نقعد بشي مكان،،
بيروحو بيقعدو بكافيتريا وبيطلبو قهوة
امجد: نايا حكيلي عن حالك
نايا: شوبدك تعرف
امجد: كل شي انو شوبتعملي انتي بحياتك وبااوقات فراغك
نايا: انا رسامة
لما بخلص شغلي بالشركة بروح عالبيت وبرسم
امجد: ياعيني وكمان رسامة
نايا: ايي وعندي معرض بحط فيه كل رسوماتي
شي نهار باخدك وبفرجيك عليهن
امجد: ياستي بتشرف نيالي انا قاعد مع احلا بنت لا وكمان رسامة
نايا( بخجل):كلك زوق ،،،،
،،،،،،،،،،،،،،،،،،،
بيمرق شهر
ونزار لسا محبوس بالقبو ببيت امجد
ونايا عم تدور على ابوها وامجد عم يمثل انو عم يساعدها تدور عليه
وعم يحاول يتقرب منها
نايا بلشت تتعود عليه وعلى وجودو
،،،،،،،،، ،،،،،،،،،،
ببيت امجد نزار بالقبو وعم يصرخ بصوت عالي
نزار: لك فتحولي ياكلاب ياولاد الحرام
فتحو الباب
سامر: لك اي اي شبك عم تصرخ
ماعاد تفهم انو قد ماصرخت مارح تقدر تطلع من هون
نزار: سامر الله يخليك بعطيك شومابدك بس طالعني من هون وانا جاهز بعطيك المبلغ يلي بدك ياه
سامر: بالله يعني قد ماطلبت بتعطيني
نزار: وعد شومابدك بعطيك بس طالعني
سامر: اي مافشرت ياكلب
خليك هون لحتى تفطس وتموت
نزار: لك ياسامر طالعني من هون
لك فتحولي ياكلااب
،،،،،،، ،،
ببيت نزار نايا قاعدة مع امجد
وعم يحكو
نايا: منصور فيني اسالك سؤال
امجد: اكيد تفضلي
نايا: انت مرتبط شي او معجب بحدا
امجد: اممم الصراحة اي
نايا: شو اي مرتبط ولامعجب
امجد: مرتبط لا
بس في بنت بتجنن وانا كتير معجب فيها رح عرفك عليها شي يوم
نايا بتحس بالانزعاج بس بتحاول ماتبينلو هالشي
نايا: ان شالله
،،،
بعد شوي بيصلو مسج لاامجد
مكتوب فيه : معلم نحن جاهزين جيب البنت وتعال لمحل مااتفقنا ،،
بيرد عليه امجد : طالعين اول ماتشوفونا طلعنا بتلحقونا فورا
امجد: نايا شو رايك اخدك مشوار بتغيري جو وبتروقي
نايا: مو جايي على بالي
امجد: خلص بقا قومي وبلا دلاال بتغيري جو
نايا: ماشي
،،،،،،،،
امجد بياخد نايا وبيروحو بالسيارة
بياخدها لمكان بعيد ومتطرف عن المدينة
نايا: لوين رايحين هلق
امجد: في مطعم بيعمل اكل كتير طيب رح اخدك عليه
نايا: بس كانو بعيد
امجد: اي هو مطعم فاتح جديد وبعيد شوي بس مو مشكلة قربنا نوصل ،،،،
بعد شوي بتوقف السيارة بنص الطريق
نايا: شوصار ليش وقفت السيارة
امجد: مابعرف شكلو بنشر الدولاب رح انزل شوف ،،
بينزل امجد ليشوف الدولاب
امجد: الدولاب نازل كلو
نايا: يالله شو رح نعمل هلق
امجد: رح روح شوف ازا في مصلح قريب من هون
نايا: طيب بروح معك
امجد: لاانتي خليكي هون مابطول
نايا: بس انا بخاف
امجد: لاتخافي من شي وانتي معي ،
بيروح امجد وبيترك نايا لحالها
بيمرق نص ساعة واكتر وامجد لسا مارجع
بتحاول نايا تتصل فيه
امجد: الو اي نايا
نايا: منصور وينك تاخرت
امجد: اسف بس كنت عم دور على مصلح يلا شغلة ١٠ دقايق بكون عندك
،،
بعد دقيقة بيجو شخصين ملتمين من ورا نايا
ها
نايا بتصرخ: مين انتو شوبدكن مني
امجد بيسمع صوتها عالتلفون وبيبتسم بخبث : نايا شبك ليش عم تصرخي الو نايا ردي عليي
بينقطع الخط
وبيبلش امجد يضحك بصوت عالي
امجد: ههههه لاتخافي ياروحي انا رح انقذك
،،،،،،، ،،،،،،
بالليل ببيت امجد
سامر وامجد قاعدين
سامر: بدي احكي معك بموضوع
امجد: هات لنشوف
سامر: امجد الصراحة اليوم حكو معي بالشركة وقالولي انو اجتني سفرة لبرا البلد
امجد: شووو وانت شوقلتلن
سامر: ماقدرت ارفض
امجد: عنجد سامر يعني انت رح تسافر
سامر: اي
امجد: وبدك تتركني لحالي هيك بهالسهولة
سامر: ياامجد هي فرصة عمري ولازم روح وشوف شغلي ، ولمعلوماتك يمكن طول
امجد: قديش يعني
سامر: شغلة تلات اربع سنين
امجد: معقول ياسامر اربع سنين بدك تغيب عني لك مابتعرف انو انا مالي غيرك
سامر: خلص امجد ازا مانك رضيان هلق بروح بلغي السفرة كلها
امجد: لا لا ازا انت حابب تسافر مابدي وقف بوجهك الله يوفقك يارفيقي واخي
سامر: يخليلي ياك
امجد: وايمتا السفر
سامر: بكرا الصبح
امجد: بهالسرعة
سامر: اي والله
امجد: يالله رح اشتقلك كتير ياسامر لك انت رفيق عمري
سامر: وانا رح اشتقلك
،،،،،،،،
بيضلو سامر وامجد سهرانين مع بعض لحوالي الساعة تنتين بالليل
بعدها بيودعو بعض وسامر بيروح ينام
وامجد بيطلع من البيت
،،،،،،،،،،،،،،،،،،،،،،،،،،،،
ببيت مهجور ومظلم كتير
نايا مربطة بكرسي وعم تصرخ وتستنجد
نايا: يالله لك وين انا طالعوني من هون
ياكلاااب
فجأة بيدخل لعندها شخص ملتم وبيبلش يستفزها
الملتم : اهلا وسهلا بالاميرة الحلوة
نايا: مين انت شو بدك مني
الملتم: بدي شغلة بسيطة بس
نايا: طالعني من هون
الملتم: مو قبل ماتكوني هالليلة الي
نايا: مافشرت ياقليل الشرف
الملتم: لا لا ماتعصبي
لازم تكوني هادية ورايقة لحتى انا كون رايق وهادي معك
بيقرب الشخص الملتم من نايا
وبيحاول يعتدي عليها
نايا: بعد عني ياحقير ياواطي تركني
الملتم: ماتحاولي مارح اتركك
الملتم بيتغلب على نايا
وبياخد يلي بدو ياه
ونايا بتستسلم ومابتقدر تعمل شي ،
بيطلع الملتم من غرفة نايا
ونايا بتنهار اعصابها وبتقضي الليل كلو وهي عم تبكي
،،،،،،،
بيطلع الصبح عليها وهي مانامت
ودموعها ماعم ينشفو
بيرجع بيجي الشخص الملتم
الملتم: صباحو ياقمر
نايا: .....
الملتم: ليش عم تبكي
موبدك تطلعي من هون تكرمي انا رح طالعك
بس بالاول
لازم حدا يدفع الفدية لحتى نخليكي تروحي
نايا: طالعوني من هون
الملتم: رح نطالعك
بمين بدك اتصل لحتى يجي ينقذك
نايا: اتصل بخطيبي عصام
الملتم: وخطيبك بيقدر يدفع مبلغ ٣ مليون دولار
نايا: اكيد عصام مارح يتركني بين ايديكن
الملتم: طيب رح نتصل فيه ونشوف ‘
بيحمل الشخص الملتم موبايل نايا وبيمثل انو عم يحكي مع عصام
الملتم؛ الو حضرتك السيد عصام خطيب الانسة نايا
،
ازا بتريد خطيبتك مخطوفة وهي عنا ازا بدك تنقذها لازم تجيب ٣ مليون دولار وتجي على بساتين الضاحية
،،،
شو مامعك تدفع هيك مبلغ ،
طيب ازا مادفعت هالمبلغ رح نقتلها لخطيبتك ،،
،،،،،،
الملتم: لااسف خطيبك ماتعرف عليكي قال هو مابيقدر يدفع هيك مبلغ
نايا: شوو
الملتم: متل ماسمعتي
نايا: يعني شو هلق
الملتم: رح تضلي عنا هون لحتى يجي حدا ويدفع الفدية
بيروح الملتم وبيترك نايا مقهورة ومصدومة من يلي عملو عصام
بيدخل لعندها شب وبيدخلها اكل
عدنان: كلي
نايا: مابدي اكل طالعوني من هون
عدنان: بس تدفعي الفدية منطالعك من هون
نايا: طيب جرب اتصل بخطيبي مرة تانية
عدنان: لك المعلم قلك انو مابدو يدفع الفدية
يعني خطيبك مابدو ياكي شو انتي ماعندك كرامة
نايا: طيب عطيني انا اعمل تلفون
عدنان: بمين بدك تتصلي
نايا: رح اتصل بحدا يطالعني من هون
عدنان: وبيقدر يدفع الفدية
نايا: مابعرف بس اكيد مارح يتركني بين ايديكن ،
عدنان بيعطي التلفون لنايا
ونايا بتتصل باامجد
امجد: الو نايا وينك انتي وين ختفيتي لما كنت عم احكي معك
وجيت لمحل السيارة مالقيتك هنيك قوليلي انتي بخير
نايا لما بتسمع صوت امجد بتصير تبكي
نايا: منصور ساعدني
امجد:نايا شبك وينك انتي
نايا: انا مخطوفة منصور بترجاك ساعدني
امجد: شوو لك مين هالحقير يلي بيتجرأ يخطفك
،
عدنان بياخد التلفون من ايد نايا وبيفتح السبيكر وبصير يحكي مع امجد
عدنان: شوف يامنصور معك تلات ساعات ازا مابتجي وبتجيب معك مبلغ ٣ مليون دولار
نحن رح نقتلها لنايا
امجد: لك شو تقتلوها والله بحرقكن ازا بتلمسوها
نايا: منصور تعال بسرعة الله يخليك
امجد: لاتخافي ياروحي انا رح اجي فورا
، بيسكر امجد الخط
وبيشيل القناع من على وجهو وبيبلش يضحك : ههههه انا جاية انقذك ياروحي جاية فورا
طبعا امجد هو نفسو الشخص الملتم بس كان حاطت على وجهو قناع مشان نايا ماتعرفو
وهو عمل كل هالقصة مشان ينقذها ويطلع بنظرها بطل
بعد ساعة بيروح امجد وبيفوت عند نايا والشباب مربطينو وعم يمثلو انهن عم يضربوه
نايا: منصور كنت عرفانة رح تجي
امجد: معقول مااجي انا مستعد افديكي بروحي
عدنان: جبت المبلغ ولا لا
امجد: انا ماجبت شي انا جيت لحتى اقتلكن وخلص عليكن ياكلاب
عدنان: انت بدك تخلص علينا ياكلب
،،بيبلشو الشباب يضربو امجد بقوة
ونايا عم تشوفو عم يتعذب
نايا: تركوه الله يخليكن تركوه اقتلوني الي بس ماتقربو عليه هو مالو ذنب
عدنان: ازا بدك نتركو لازم تدفعو المصاري
نايا: لك انتو شو مافي بقلبكن رحمة تركو للشب رح تموتوه
عدنان: منتركو بس بشرط
نايا: شو هو
عدنان: بدك تتنازلي عن كل املاكك
نايا بتصفن لوقت طويل : انا موافقة بس تركونا نروح
عدنان: لكن وقعي هون
امجد: لانايا لاتوافقي لاتوقعي على شي
نايا: لامنصور انا وانت مالازم نضل هون لو شوماصار مارح اتركك بين ايديهن
،،
بتوقع نايا عااوراق التنازل
عدنان: هلق انتو عيني من زمان ياخانم كوني كريمة معنا
نايا: وهلق تركونا نروح
عدنان: رح نترككن تروحو
الشبين بياخدو نايا وامجد عالسيارة
وبياخدوهن لمكان بعيد وبيرموهن بعيد
عدنان: مع السلامة ياحلوين ههه ابقو زورونا مرة تانية
بيمشو الشباب بطريقهن وبيتركو نايا وامجد بالغابة
والدنيا قربت تعتم
امجد بيمسك نايا من ايدها
امجد: وين بدك نروح
نايا: خلينا نرتاح مو قدرانة امشي
،، ،،،،،،،
يتبع....
