أحببت قاتلي_ الحزء الرابع ، بقلم ليلى مظلوم
*الـجـزء الـرابـع.*
قعدو نايا وامجد تحت شجرة
نايا واضح على وجها اثار التعب والارهاق
كانت طول الوقت عم تتطلع باامجد نظرات كلها محبة وامتنان
امجد: ليش عم تتطلعي فيني هيك
نايا: منصور انا بتشكرك كتير
الي عملتو معي خطيبي ماعملو
امجد: مافي داعي تشكريني على شي انا عملت الي لازم اعملو
وسدقيني من هلق ورايح مارح اسمح لحدا يقرب عليكي او يئزيكي
نايا بتنهار بالبكا وبتحضن امجد
وامجد بيحضنها وبعيونو في شرار حقد وغل
بيضلو بالغابة
لتاني يوم
امجد: صباح الخير
نايا: صباح الورد
امجد: كيف حاسة حالك
نايا: تعبانة كتير
امجد؛ ولايهمك كل شي رح يكون منيح
نايا: خدني عالبيت
امجد: رح اخدك بس هدي اعصابك
امجد بياخد نايا وبيوصلها على بيتها
هنيك بيكون خطيبها موجود
وبيتفاجئ لما بيشوف نايا بهالحالة
وجها شاحب
وتيابها مخزقة ومعها امجد
عصام:: نايا وين كنتي شوهالمنظر مين الي عامل فيكي هيك
نايا: والله وعامل حالك مابتعرف
عصام: شو يلي بدي اعرفو
نايا: عصام بيكفي حاج تغشم حالك انت بتعرف انا وين كنت وعن شو عم احكي
عصام: لك نايا وضحيلي شوفي شوصاير وبعدين هاد شوعم يعمل معك
نايا: هاد يلي قدامك
هو يلي وقف جمبي باللحظة يلي انت تخليت فيها عني ،
عصام: لك نايا حبيبتي فهميني شوقصدك
نايا: روح من وجهي عصام مابدي شوف وجهك ابدا
بتروح نايا على غرفتها وبترتمي بتختها وبتبكي بحرقة
،،،،،،،
وعصام بيسأل امجد
عصام: وين كنتو انت ونايا
امجد: نايا كانت مخطوفة وانا انقذتها
عصام: شوو لك شوعم تحكي انت كيف هيك
امجد: مابعرف خلي هي تحكيلك
،،،،،،،،
بيروح امجد على بيتو وبينزل عالقبو لعند نزار
امجد: مرحبا يابيك
نزار:.......
امجد: مابدك تحكي
طيب بدي ورجيك شي يخليك تحكي
امًجد بيطالع موبايلو وبيورجيه لنزار فيديو لما كانت نايا مخطوفة
نزار: بنتي وينا بنتي ياحقير لك انت شو ماعندك احساس
امجد: لااا احساسي مات من وقت ماقتلت امي
نزار: شو بدك ببنتي هي ليكني انا قدامك عمول فيني شومابدك قتلني
بس لاتقرب على بنتي هي مالها ذنب بكلشي صار
امجد: وانا مالي ذنب بكلشي صار بالماضي
بس رغم هيك انت عاقبتني الي
نزار: شو بدك لتترك بنتي
امجد: بدي ترجعلي كل املاك اهلي
نزار: مافشرت مستحيل هدول الاملاك من حقي
امجد: معناها ترحم على بنتك
نزار: لك لاااا بترجاك لاتئزيها
امجد: رجعلي املاك اهلي مابئزيها
نزار: انا مو افق
امجد: معناها وقعلي على بياض
امجد بيعطي نزار اوراق بيضة مشان يوقع عليها
نزار بيوقع على الورق
وهو مقهور بس كان كل همو انو يخلص بنتو من ايدين امجد
نزار: وهي وقعت تروك بنتي
امجد: هههه بنتك من الصبح بالبيت
بس انا قلتلك هيك مشان توقع
نزار: لك انت كلب واطي متل اهلك
امجد: ليك ولا ماتجيب سيرة اهلي احسن ماادبحك باارضك
نزار: لك دبحني ياريت بتريحني
امجد: هههه لامعناها ماعاد بدي ادبحك ازا هالشي بريحك ، انا بعمل كل شي بيقهرك يابيك
بيطلع امجد من عند نزار وبيقفل عليه الباب
ونزار رح ينفجر من القهر
نزار: ياربي وصلت الشغلة لبنتي يلي ماعندي اغلا منها دخيلك يارب تحميها من شرو لهالواطي
،،،،،،،،،،،،،،
ببيت نزار
عصام عم يدق على باب غرفة نايا
ونايا ماعم تفتحلو
عصام: نايا فتحي الباب خلينا نتفاهم
نايا : ماضل تفاهم بيني وبينك روح من هون عصام انت مابتستاهل اني احكي معك بالاصل
عصام: لك نايا انا ماعندي علم بكلشي صار معك
نايا: كذاب عصام انت عندك علم بكلشي صار
عصام: لك طيب بس سمعيني
نايا: مابدي اسمع شي روح من هون
عصام: طيب رح روح بس رح ارجع بس تهدي
،
بتفتح نايا الباب وبتشلح محبسها وبترميه بوجه عصام وبترجع بتسكر الباب
نايا: خود محبسك كمان مابدي ياه وكل شي بيناتنا نتهى
عصام: ماشي يانايا عملي وكتري
،،،،،،،،،،،،،،،،،،،،،،،،،،،،،،،،
بعد مرور ايام قليلة
نايا لسا نفسيتها تعبانة بسبب يلي صار معها
بس امجد على اساس عم يحاول يغيرلا نفسيتها
عم يظهرلا انو هو بيحبها وخايف عليها
بس هي صارت تحبو عن جد وكانت دائما تفكر فيه وعتبرتو الشخص الوحيد يلي وقف جمبها بهالمحنة
بس هو من جوا بيكره الارض يلي بتمشي عليها
وعم يخطط ليكسرها
امجد: نايا
نايا: نعم
امجد: لاايمت بدك تضلي هيك
نايا: مو بأيدي
امجد: مبلا باايدك خلص انسي الماضي
وبلشي من جديد
نايا: تعبانة كتير ومابدي انسى شي ولابلش من جديد
امجد: مو على كيفك طول ماانا جمبك رح نسيكي كل شي ورح ضل جمبك ومارح اسمح لحدا يئزيكي
نايا: ليش عم تعمل هيك معي منصور
امجد: على اساس مابتعرفي
نايا: شو بدي اعرف
امجد: خلص رح اتركك تعرفي لحالك
بس بدي قلك شغلة لابقا تناديلي منصور
نايا: لكن شو بدي ناديلك
امجد: ناديلي امجد ، لانو انا اسمي مو منصور اسمي امجد
نايا: طيب لي مسمي حالك منصور
امجد: هاد الاسم للشغل بس انا كل مابشتغل بمكان بقلهن ينادولي منصور
نايا: هههه وليش بقا
امجد: هيك انا بحب
نايا: بس امجد احلا من منصور
امجد: معناها خلص
ديلي بااسمي
نايا: امرك امجد بيك
امجد: على فكرة الاسم صار احلا لما قلتيه انتي
نايا بتنزل راسا وبتخجل
امجد: قومي اخذك مشوار
نايا: لاا ازا متل المشوار الماضي مابدي
امجد: لا لا هالمرة غير
نايا: يعني مارح تتركني لحالي بالطريق
امجد: مستحيل اصلا انا لوبعرف انو رح يصير هيك بالمرة الماضية ماكنت تركتك ابدا
،،،،،
امجد بياخد نايا وبيروحو بالسيارة
وعصام وراهن لاحقهن
عصام: هيك لكن يانايا تركتيني لحتى تتطلعي وتفوتي مع هالكلب انا بفرجيكي
،،،،،
بيوصلو نايا وامجد على شاطئ بحر واجواء كتير حلوة
نايا: لوين جبتني هالمكان كتير حلو
امجد: بس انتي احلا منو
نايا : امجد انت ماعندك اهل
امجد: مبلا كان عندي
نايا: ووينن هلق
امجد: ماتو بحادث سيارة من وقت كنت بالبكلوريا
نايا: اسفة زكرتك فيهن
امجد: لك انتي بتموني
نايا: طيب ماعندك اخوة او اقرباء
امجد: اخوة ماعندي انا وحيد
بس اقرباء عندي بس مابختلط فيه
مابحب خلطة الاقرباء
نايا: على فكرة انت بتشبهني كتير
امجد: دخيلو يلي بيشبهني
نايا: ....
امجد بيحكي بقلبو: بدك تضلي هيك خجلانة لاايمتا ماشي يابنت البيك
الا مايجي يوم وتقوليها لحالك انك بتحبيني
،،،،،،،،،،،،،،،،،،،
بالقبو عند نزار
نزار تعبان كتير
ومقهور وخايف على بنتو
نزار: لك اخ شوعملت بحالي وشوعملت ببنتي
انا السبب انا وصلت حالي لهون
بس لا مو انا السبب سناء هي السبب
هي يلي جبرتني اقتلها
لوكنت بعرف انو رح اوصل لهون
ماكنت قتلتك ياسناء لك حتى وانتي ميتة عم اتوجع بسببك شواعمل ياربي لحتى خلص حالي من يلي انا فيه
وبنتي كيف بدي خلصها من امجد ساعدني ياربي
،،،،،،،،،
بعد مرور شهر
نايا ببيتها عم ترسم
بيرن تلفونها اتصال من امجد
امجد: مسالورد ياورد
نايا: مسالفل
امجد: كيفها اميرتي
نايا: منيحة وانت كيفك
امجد: انا مشتقلك كتير
نايا: ....
امجد: نايا
رح ابعتلك سيارة هلق تجيبك لعندي عازمك عالعشا وفي موضوع بدي احكيه مع
وبتمنى تجي وتلبي دعوتي
نايا: هلق خير شوفي
امجد: بس تجي بتعرفي ناطرك
نايا: طيب شغلة نص ساعة
امجد: لبسي احلا شي عندك
نايا: كمان ، طيب تكرم عيونك
امجد: طيب روحي جهزي حالك باي ،
بيسكر امجد الخط ونايا بتستغرب من طلب امجد
بس بنفس الوقت بتفرح كتير انها رح تشوفو
بتطالع من الخزانة فستان احمر
والو فتحة لعند الركبة
بتلبسو وبتظهر بكامل اناقتها
بعد نص ساعة بتوصل السيارة لتاخدها عند امجد
بتوصل على فندق فخم
ومكان حلو كتيير ومليان ورد وشموع..
،،،،،،،،،،،،،،،،،
يتبع..
