أحببت قاتلي _الجزء الثامن بقلم ليلى مظلوم
*الـجـزء الـثـامـن.*
بتمر ايام كتيرة وامجد ضميرو عم يعذبو
عالشي يلي عملو مع نايا
لدرجة انو مرض كتير وصار يشوف كوابيس ومنامات بشعة
معقول كل هالقد عذاب الضمير بيعمل بالشخص
امجد اللئيم تغير وصار شخص تاني
حتى عالشغل ماعاد راح
كان طول الوقت قاعد بتختو ومهموم وزعلان
،،،،،
نايا: لاايمتا بدك تضل على هالحالة
امجد: تركيني نايا تركيني بحالي
نايا: لامارح اتركك امجد انت حبيبي معقول اتركك بهالحالة لك قوم اتطلع على حالك بالمراية شوف شكلك شوف عيونك كانو قاتلك الهم قلي حبيبي شو وجعك شويلي مدايقك لي عم تخبي عني
امجد: نايا قلتلك مافيني شي تركيني بحالي
نايا: لامارح اتركك وانت صار لازم تشوف دكتور
امجد: مابدي دكتور وجعي وبعرفو
نايا: طيب قلي شو وجعك
امجد: قلتلك تركيني بحالي
نايا: لامارح اتركك ورح روح جيب الدكتور
بتروح نايا وبتتصل بالدكتور
بيجي الدكتور وبيفحص امجد
نايا: طمني دكتور شووضعو جوزي
الدكتور: ضغوطات وتعب نفسي شكلو متعرض لاازمة نفسية
نايا: بس انا بعمري مازعلتو او دايقتو
الدكتور: مابعرف المهم ديري بالك عليه
وعطيه هاد الدوا وان شالله بيتحسن
نايا: طيب شكرا كتير دكتور،
بيروح الدكتور وبتروح نايا لعند امجد
نايا: قلي شو يلي مزعلك مين مدايقك ياروحي
امجد: .....
نايا: بدك تضل هيك ، طيب انا في خبر كنت مخبيتو عنك بس هلق صار لازم قلك ياه بلكي بتتغير نفسيتك
امجد: ازا خبر مو حلو بلاه مو ناقصني هم انا
نايا: اطمن خبر حلو كتير
امجد: شوفي احكي
نايا: حبيبي صار لازم تجهز حالك لانو بعد فترة بدنا نصير تلاتة
امجد: مافهمت كيف يعني
نايا: يعني انا حامل
امجد(فرحان): انتي شوعم تحكي عنجد يعني رح يصير عنا ولد
نايا: اي عم ادعي لربي يطلع بيشبهك انت
امجد: ياحبيبة البي مالي مصدق
تؤبري البي
نايا: بعيد الشر عنك لوكنت بعرف انك رح تفرح هالقد كنت خبرتك من زمان دخيل هالضحكة
امجد: كيف مابدي افرح وانا رح يجيني هدية من رب العالمين
نايا: الله يخليلي ياك ،
امجد بيفرح كتير على هالخبر بس بنفس الوقت
بيغمرو الحزن
امجد(بينو وبين حالو): كيف بدو يجي ابني عالدنيا
وانا لسا مخبي على امو حقيقتي
ياربي شواعمل ساعدني يالله
،،،،،،،،،،،،،
بعد كم يوم
نايا بتكون بالمعرض
وامجد بالبيت مهموم كتير ومو عرفان شويعمل
بيتوضا وبيصلي ركعتين وبيدعي لربو
امجد: يارب ساعدني ووقف معي انا صح قسيت على نايا وازيتها بس ياربي انا ندمان كتير سامحني ولاتحرمني منها
دخيلك ياربي والله بموت ازا بتبعد عني
ندمان ياربي سامحني
،،،،،
بالمعرض عند نايا
في شب وبنت عم يتطلعو عليها من بعيد
احمد: شيرين شايفة هديك البنت
شيرين: انو بنت في كتير بنات هون
احمد: هي البنت يلي لابسة اسود وواقفة بالنص شايفتيها
شيرين: اي شفتها شبها
احمد: ماتزكرتيها
شيرين: لاوالله ليش مين هي
احمد: معقول نسيتي اكتر بنت كنتي تغاري منها لما كنا بالثانوي
شيرين: لك اخي والله ماتزكرتها مين هي
احمد: هي نايا بنت عمو نزار مو معقول شوحليانة
شيرين: معقول هلق هي نايا
يلي كانو كل البنات يغارو منها
عنجد متغيرة كتير وحليانة اكتر
احمد: امشي خلينا نسلم عليها
شيرين: يلا
بيروحو شيرين واحمد ليسلمو ع نايا
احمد وشيرين: مرحبا ياحلوة
نايا: اهلا وسهلا
احمد: شوكانو ماعرفتينا
نايا: لا والله مين حضرتكن
شيرين: هيك بهالسهولة نسيتينا اطلعي فينا منيح
بتطلع نايا فيهن واخيرا بتتزكرهن
نايا: احمد وشيرين ولاد شادي بيك
يااهلا لك وينكن كل هالايام
احمد: نحن ولا انتي الله يسامحك مابتسالي على اصدقائك كل هالايام
نايا: حقكن عليي بس ظروف الحياة
،،،،،،،،،،،،،،، ،،،،،،،،
بعد ساعات بترجع نايا عالبيت
بتلاقي البيت كلو عتمة بتشغل الضو
بتلاقي امجد قاعد وحاطط ايديه على وجهو
نايا: امجد حبيبي ليش قاعد عالعتمة
امجد: قعدي بدي احكي معك
نايا: طيب اوك بس صار موعد الدوا رح جبلك ياه ،
بيمسكها من ايدها وبيقعدها
امجد: قعدي مابدي دوا بدي احكي معك
نايا: طيب خير شوفي شايفتك مو عبعضك ،
امجد متلبك وقلبو عم يدق بسرعة وايديه عم يرجفو
نايا: شبك ليش متوتر
امجد: نايا انا لازم اعترفلك بشي صار وقت تعرفي الحقيقة
نايا: حقيقة شو امجد شغلتلي بالي
امجد: حقيقتي انا
نايا: عن شو عم تحكي امجد فهمني
امجد: نايا انا ...
نايا: لك انت شو
امجد: نايا بعرف انو الي رح قلك ياه صعب كتير عليكي تستوعبيه
بس انا ضروري قلك لانو بدي ريح ضميري
انا تعبت نايا لاعم اقدر نام
وعلى عم اقدر عيش شايفة كل هالحالة والضغط النفسي هاد كلو بسبب عذاب الضمير
انا رح احكيلك ورضيان بردة فعلك شوماكانت
نايا: امجد شغلتلي بالي كرمال الله احكي
امجد: انا مابستاهلك نايا
انا واحد واطي وجبان وكلب
نايا: حبيبي ليش هيك عم تحكي
امجد: بس تسمعي الحقيقة انتي كمان رح تصيري تحكي هيك عني ‘
نايا: نشفتلي دمي احكي امجد شبك
امجد: انا شب وعيت عالدنيا
عالعذاب والقهر
طفولتي كلها قضيتا عذاب
ابي تركني وراح من لما كان عمري ٦ سنين
كان عنا بالبيت خادم
هاد الخادم كان يحب امي من قبل ماتتزوج ابي
بس امي تركتو لانو كان فقير
وتزوجت ابي
هالخادم بعد ماابي تركنا وراح
صار يستغل امي
ربطني بحبل انا وامي
وحبسنا بقبو
كان يضربني ويعذبني قدام عيون امي
وبليلة من الليالي : بيحكي امجد لنايا عن الليلة يلي نقتلت فيها امو
وبعد مايخلص حكي بيشلح قميصو وبيفرجيها الحروق
امجد: شايفة هالحروق على جسمي كنتي دائما تسأليني عليهن وانا اتهرب ،
هدول الحروق ، اتسببلي فيهن الخادم
كان يشيل السكين يحميها بالنار ويحطها على جسمي
وكل هالشي كان قدام عيون امي
قال شو كرمال يعذبها ويحرقلها قلبا
نايا عم تتطلع باامجد ومصدومة كتير ودموعها ماعم ينشفو
امجد: بعد ماماتت امي ربيت بالميتم عشت حياتي كلها ذل بذل
وحلفت انو اخد بتار امي
ورجع حقي من هالزلمة
لما كبرت
رحت لعند هالزلمة يلي ظلمني ويتمني
يلي هو ابوكي
نايا(مصدومة): بابا؟
امجد: اي نايا ابوكي ابوكي هو يلي قتل امي وعذبني كل هالعذاب ،
وانا لهالسبب تزوجتك
نايا انا تزوجتك لحتى انتقم من ابوكي فيكي
متل ماهو انتقم من امي فيني
نايا بعرف انو الي عم تسمعيه صعب
بس انا يانايا انا الزلمة يلي قتلت ابوكي
حبستو تحت الارض
لحتى مات من قهرو
ومو بس هيك انا الزلمة يلي اعتدا عليكي بالليلة يلي نخطفتي فيها
ولما قلتيلي اتصل بعصام
انا مااتصلت فيه
مثلت عليكي انو عم احكي معو
وقلتلك انو هو مارضي يدفع الفدية
مشان تكرهيه
وجيت وعملت حالي بدي انقذك مشان اكبر بعينك وتتقربي مني
ومو بس هيك انا يلي بعتت رجال يقوص عليكي بليلة عرسنا
والاصوات يلي كنتي تسمعيها بالبيت
هي انا كنت مركب اجهزة بيطلع منها اصوات
مرعبة كنت اعمل هيك مشان تتعب نفسيتك وتجني
والرجال يلي كان عم يخنقك بالليل هاد انا بعتو
وكنت شايفو لما كان عم يخنقك
بس انا كنت قلك انو ماعم شوفو مشان تخافي اكتر
نايا انا عملت كل هالمصايب فيكي صح وازيتك
بعرف
بس وحياة عيونك ورحمة امي انا ندمان
ندمان ومتمني تسامحيني مع انو بعرف انو مابستاهل تسامحيني
بس والله انا حبيتك وتعلقت فيكي
انا ندمان يانايا
نايا عم تسمع كلام امجد ومصدومة
وماعم تقدر تتحرك من مكانها
امجد: ليش ساكتة نايا احكي اي شي بس لاتضلي ساكتة اقتليني ازا بدك بس عملي شي
بتسحب حالها نايا وبتركد ناحية الباب
وبتوقع باارضها وبتغيب عن الوعي
امجد: نايا حبيبتي شوصرلك ردي عليي بترجاكي
،،،،،،،،،،،،،،،،،،،،
يتبع......
