أحببت قاتلي_ الجزء التاسع والأخير بقلم ليلى مظلوم
*الـجـزء الـتـاسـع والأخـيـر.*
الصدمة كانت قوية
على نايا لدرجة انو ماتحملتها وغابت عن الوعي
كتير صعب عالبني ادم يكون مخدوع بالشخص الي بيحبو
ويعرف حقيقتو البشعة
نايا بالمشفى وامجد
قلبو على نار وعم يلوم حالو
امجد: لك انا واحد حقير وندل كيف هيك قدرت اجرح هالبنت البريئة لك انا غبي حاسبتها على ذنب هي ماعملتو ياريتني متت ولاشفتك بهالحالة ياحبيبة البي
بتجي الدكتور لتطمنو على نايا
امجد: طمنيني دكتورة كيف صارت
نايا: شكلها متعرضة لصدمة نفسية قوية
بدنا ندير بالنا عليها
امجد: وابني
الدكتورة: اطمن الجنين بخير
،
بيروح امجد لعند نايا ليشوفها
نايا بتشوفو وبتصير تصرخ
وبينهارو اعصابها
نايا: طلاع لبرا خدو هالمجرم من وجهي مابدي شوفو طالعوه لبرا
امجد: حبيبتي سمعيني بترجاكي والله انا ندمان لاتتركيني
نايا: خدوه لبرا خدوه
بيجو الدكاترة وبيطلعو امجد لبرا
ونايا بتشيل الة صلبة وبتصير تضرب حالها على بطنها
نايا: انت لازم تموت مابدي ياك مجرم ابن مجرم
مابدي ياك
بيشوفها امجد من الشباك وبيرجع بيدخل لعندها
امجد: حبيبتي كرمال الله لاتعملي هيك بحالك قتليني شومابدك عملي فيني بس لاتعملي هيك بحالك
نايا: تركني بحالي يامجرم مابدي شوف وجهك طلاع لبرا طلاع
امجد: رح اطلع بس بترجاكي لاتتركيني
انا بموت بدونك
،،،،،،،،،،،،،،،،،
بعد شهرين بتطلع نايا من المشفى وبتروح بتعيش عند رفقاتها
شيرين واحمد
امجد بيحاول يرجعها اكتر من مرة
بس بكل مرة هي بتصدو ومابترضا تشوفو ابدا
هيك لحتى امجد يقطع الامل
كان امجد قاعد بالبيت مهموم وزعلان
وقناني المشروب حواليه
والسيجارة ماعم تنزل من ايدو
امجد: وبعدين بقا
شكلي خلص خسرتها لنايا
بس انا مافيني اتحمل تكون قريبة مني ومااقدر شوفها
انا تعبت تعبت من الزكريات بهالبيت نايا خلص راحت وتركتني
وكل هالشي بسبب غبائي انا بستاهل يلي عم يصير فيني ،
انا صار لازم سافر اي لازم سافر فترة بلكي بتنسا هي وانا بنسا
امجد بيحسم قرارو وبيقرر يسافر
بيجهز غراضو وبينوي عالسفر
امجد: لازم روح شوفها قبل ماسافر مابقدر سافر بدون ماودعها
بيروح امجد لعند نايا لحتى يودعها
بيركب سيارتو
وعصام واقف من بعيد
بسيارتو وعم يراقبو
وعم يحكي بالتلفون
عصام: سيدي هلق طلع من البيت رح الحقو
وشوف وين راح وخبركن ،
عصام بيلحق امجد على بيت شيرين واحمد
بيوصل امجد وبيدق الباب بتفتحلو شيرين
شيرين: هاد انت
مامليت امجد كم مرة جيت ورفضت تشوفك
امجد: شيرين انا بدي شوفها لااخر مرة
انا بدي سافر وماني متحرك لحتى شوفها واحكي معها
شيرين،: بس شو بدي قلا اكيد ازا عرفت انو انت هون رح ترفض تشوفك
امجد،: قوليلا انو في شخص بدو يشوفها بشغل
وقنعيها تطلع بترجاكي شيرين
شيرين : طيب ماشي فوت انطرني هون
بتروح شيرين لتخبر نايا
شيرين: نايا في شخص بدو يشوفك قال مشان موضوع شغل
نايا: مابدي شوف حدا اصرفيه
شيرين: يانايا ليش هيك عم تعملي بحالك قومي شوفيه مابتخسري شي بلكي بدو شي ضروري
بتقوم نايا لتشوف مين هالشخص بتنصدم لما بتشوف امجد
امجد بيدمعو عيونو وبيقرب منها
امجد: شتقتلك كتير ، يالله قديش بشع غيابك
نايا: .....
امجد: نايا انا رح اختفي من حياتك وصدقيني ماعاد دايقكك ولافرجيكي وجهي
بس بدي اطلب منك طلب صغير وبتمنى ماتخيبي املي ، بدي قبل ماروح تقوليلي انو لساتك بتحبيني بس اطلعي فيني نظرة حنية
عطيني امل انو لساتك بتحبيني
نايا: ....
امجد: لاتضلي ساكتة احكي شي سكوتك عم يقتلني
بهاللحظة الشرطة بتقتحم البيت وبيدخلو
الضابط: انت امجد عدنان
امجد(مصدوم):اي انا امجد خير بدكن مني شي
الضابط: عناصر شحطوه
بيجو العناصر وبيحطو الكلبشات باايد امجد
ونايا عم تطلع فيهن ومصدومة وعم تبكي
امجد: لوين اخديني شوبدكن مني
الضابط: امشي وبلا كتر حكي
امجد بيتطلع على نايا نظرات حزينة ومستني منها كلمة وحدة
امجد: نايا قوليلي انو لساتك بتحبيني بترجاكي لاتضلي ساكتة قوليلي شي
نايا عم تتطلع باامجد وساكتة ومابتحكي ولاحرف
الشرطة بيطالعو امجد من من البيت
وبيحطوه بالسيارة
كان كل الوقت مستني نظرة حنية من نايا بس نايا ماعطتو هالشي
بعد مايطلع امجد من البيت
نايا بتنهار بالبكا
وبعد مايفوت الاوان بتقولها
نايا: بحبك امجد بحبك
بيروحو الشرطة
وعصام واقف بسيارتو عم يبتسم ابتسامة خبيثة
عصام: هاد جزاء يلي بقرب على املاك عصام ياامجد الزفت
انت سرقت مني حبيبتي
وانا هلق اخدت بتاري منك
مسكين رح تروح فيها سنين طويلة الله يعينك ،،،،،،،،،،،،،،،،،،،،،،
بعد مرور شهور
نايا بعد مانسجن امجد رجعت قررت ترجع على بيتهن يلي تزوجو فيه هي وامجد
سكنت فيه هي واحمد واتفقو هي وياه انو يقولو للعالم انو هنن متزوجين وانو الولد يلي ببطنها هو ابن احمد ،
بالسجن بزنزانة مظلمة ومليانة غبرا وفيران
موجود امجد
ايديه مربطين بجنزير
ووجهو شاحب
كان مبين عليه اثار التعذيب والضرب
التهمة يلي دبرلو ياها عصام كانت تهمة كتير
ة
وامجد راح فيها سنين
امجد مرمي عالارض وعم يتحرك بصعوبة
بلاقي بالارض حديدة صغيرة بيحملها وبيرفع ايدو عالحيط وبصير يكتب :
اليوم هو اليوم الاخير بالشهر التاسع
انا متاكد انو اليوم رح يجي ابني عالدنيا
بتمنى مايكون بيشبهني
ان شالله يكون متل امو
امويلي مافي اطيب من قلبها بكل الدنيا
امو البنت يلي انا خدعتها ودمرتها
يالله يانايا شومشتقلك مشتاق لصوتك وحنيتك
ياريت تشوفي شويلي صار فيني
هاد كلو عقاب اي انا عم اتعاقب عالشي يلي عملتو فيكي
انا اذيتك نايا ياريت لو ضمك بس لحظة وموت
بتوقع الحديدة من ايدو
وبتنهار اعصابو وبيبلش يصرخ
امجد: لك طالعوني من هون ياكلاب طالعوني بدي شوف ابني
طالعوني من هون
العنصر: لك انت مابدك تخرس كل يوم على هالنغمة خراس احسن ماخلص عليك
امجد: لك بدي شوف ابني طالعوني من هون
بيدخلو العناصر وبيضربو امجد حتى يسكت
،،،،،،،،،،،،،،،،،،،،،،،،،
اما عند نايا
نايا واحمد راحو على بيت امجد ونايا
بتدخل نايا عالبيت
وبتتصفن بحيطان البيت بتسترجع كل ذكرياتها مع امجد الحلوة والمرة
بتدخل على غرفة النوم وبتشوف لوحة امجد
يلي رسمتها
بتقرب منها وبتتذكر بليلة لما رسمتها
كيف جنو هي وامجد وصارو يلعبو بالالوان
بتنهار اعصابها وبتمسك لون احمر وبتبلش ترش على لوحة امجد
نايا: مجرم مجرم وبيلبقلك لون الدم بكرهك امجد بكرهك
بتضل تبكي وتصرخ لحتى تفقد وعيها
احمد بياخدها وبيسعفها عالمشفى ،
بعد ساعة ونص
الدكتور: الف مبروك المدام جابت صبي
احمد: وكيفها هلق
الدكتور: الحمدلله هي بخير والبيبي بخير فيك تشوفها ازا بدك
بيدخل احمد لعند نايا
احمد: الحمدلله عسلامتك
نايا: وينو ابني بدي شوفو عطيني ياه
احمد بيعطيها الولد لنايا
بتحملو نايا وبتضفن بعيونو بتتزكر امجد
وبتضم ابنها لصدرها
نايا: ياحبيبي مااحلاك متل الملاك
سامحني ياابني لاني رح كذب عليك بس انا مضطرة لانو مابدي تكون متل ابوك
،،،،،،،،،،،،،،، ،،، ،،،،،،،،،،،،،،،،،،،،،
بعد خمس سنين
كبر ابن امجد ونايا وصار عمرو ٥ سنين
سمتو جاد
وكان كتير بيشبه ابوه امجد
جاد ربي بحضن احمد
وبناديلو بابا ومابيعرف مين ابوه الحقيقي ،
اما بالسجن عند
في مسؤول عم يسأل عن امجد
ياترا مين هاد وشوقصتو ؟؟
.......
ووضعو خطير وسامر جمبو
امجد: سامر بدي ابني روح جبلي ياه
سامر: ارتاح انت امجد وبس تصير منيح بجبلك ياه
امجد: مابدي ارتاح جبلي ابني بدي ضمو
الله يخليك سامر جيبو
سامر: طيب
بيروح سامر ليجيب جاد
وامجد بيمسك تلفونو وبيبكتب رسالة لنايا: حبيبتي نايا شتقتلك كتير
ياالله مابتتخيلي
قديش مشتهي ضمك وابكي بحضنك
انا ظلمتك ياحبيبتي بس غصب عني
والله ندمان سامحيني
نايا انا مريض بالسرطان
ويمكن موت بااي لحظة مابدي منك شي غير انك تخليني شوفك قبل ماموت
بدي يكون وجهك هو اخر وجه بشوفو قبل ماموت
ازا بدك موت وانا مرتاح تعالي خليني شوفك لانو شتقتلك كتير يانور عيوني
بتمنى ماتكسري بخاطري هالمرة
بحبك امجد ، بيبعت الرسالة ،
وبهاللحظة بيدخل سامر ومعو جاد
امجد بياخد ابنو وبيضمو وبيبكي
امجد: ياحبيبي ياروح البابا دخيل هالريحة مااحلاها سامحني يابابا لاني بدي اتركك بس مو باايدي غصب عني
يالله شو كنت مشتهي شوفك شب بس هي ارادة الله ،،،،،
بتنتبه نايا على تلفونها انو وصلها مسج بتفتح الرسالة وبتقراها وبتصرخ
نايا: لاااا امجد
بتحمل حالها وبتروح ركد عالمشفى لعند امجد،
بعد نص ساعة
بتوصل نايا عالمشفى
نايا: لوسمحت دكتور وين غرفة المريض امجد
الدكتور: امجد مريض السرطان العمر الك توفى من دقيقتين
نايا بتصرخ : لاا انت كذاب امجد مابيموت انت عم تكذب
بتركض نايا على غرفة امجد
بتشوف سامر قاعد عم يبكي وبحضنو جاد
نايا: سامر امجد نايم ماهيك نايم
سامر: .....
نايا: مشان الله قلي انو الدكتور كذاب بترجاك سامر
بتطلع نايا على امجد وبتركد لعندو بتضمو وبتنهار بالبكي
نايا: امجد حبيبي انا جيت مو بدك ياني ارجعلك انا موافقة ارجعلك بس قوم قوم الله يخليك امجد لاتتركني قوم قتلني شومابدك عمول بس لاتتركني
كرمال الله امجد قوم انا سامحتك والله سامحتك ياحبيب البي بحبك انا ومافيني عيش بدونك بترجاك قوم،
بتضل نايا عم تحاول تفيق امجد وتضربو لحتى يفيق بس للااسف بيكون فات الاوان
ولا البكي ولا الصراخ رح ينفعها
لانو امجد راح ،
كلياتنا بهالدنيا منغلط
وكلياتنا منتعلم من اغلاطنا سامحو بعض قبل مايفوت الاوان ،
امجد كان بيكره نايا بس لما خسرها عرف قيمتها وعرف اديش هو بحبها ومابيقدر يعيش بدونها ،
ونايا كانت بتحب امجد رغم كل الاذى يلي سببلها ياه ، ضلت تكابر على حالها وتقول مابدي ارجع
ولما مات ندمت وحست انو هي مافيها تعيش بدونو،،،،،،،،،
يموت المرء فينا الف مرة في حياته ،ولايبكي عليه احد ،حتى موتته الاخيرة يأتي الجميع بملامحهم المليئة بالنفاق ،واحاديثهم المبتذلة،،واعتذاراتهم المتأخرة ، لكأنما سينفع ذلك في علاج الروح الذي صعدت الى السماء بثقل هائل..
انتهت..
