"ع قيد الوجع"_ الجزء الخامس، بقلم ليلى مظلوم

*الـجـزء الـخـامـس.*

وفعلا طلعت براءة عالبرندا واعدت تستنا جوري ،، كان في نسمات هوا باردة منعشة للقلب ،، مع اصوات زقزقة للعصافير 
بتعطي راحة نفسية ..بس كالعادة الا ما يصير شي يقطع عليها .
شرودها وسكينتها ..طلع صوت قوي وكأنو شي نكسر .
ركدت براءة وجوري طلعت من المطبخ عالصوت .
براءة : لككك شوو عملتو .
شام : يسين (ياسمين)
.
ياسمين: تااام (شام)
.
كانت فازة الورود مكسورة بالأرض وابصر مين المجرم يلي كسرها التنتين كانو عم يشكو بعضن .
جوري : خلص حصل خير خديون براءة ليجرحو رجليهن .
طالعتن براءة عالبرندا وفاتت نضفت يلي عملو بناتها ،، و وأخيرا 
وليس آخرا ..صارت كاسة النسكافيه بعد عذاب .
وصرعة وخناقات مع البنات طويلة عريضة ،، بعد ما نامو نومتهن المعتادة قدرت تأعد بهنا ورواق .
تنهدت براءة بقوة وشلفت حالا عالكنباي : مابتتخيلي شو تعبت
.
جوري : حقك ياعمري بس يامحلاه هالتعب .
براءة: هو صح يا محلاه هالتعب بس أنا عم مل مليت جوري 
مدري احيانا بيخطرلي اترك كل شي واهرب .
جوري: لك مجنونة
براءة: هلأ أكيد مستحيل اعملا بس انو لما بجن وبعصب 
هيك بيخطرلي .
جوري غمزتها : معلش بدك تتحملي نتيجة اغلاطك .
براءة: لاتذكريني دخيلك .
جوري: ليش بالله .
براءة: انو هالغلط العظيم ،، كل شي بحلال الله .
جوري: بس والله لو مو زيد قد حالو لينخرب بيتك .
براءة : اي بربي مابحب أتذكر ...احيانا بتخيل مثلا بنتي كبرت وانخطبت وانكتب كتابها....وصار شي بينها وبين خطيبها
.
بتعرفي بجي لجن فورا قلبي بيغلي ،، كيف امك تحملت يلي عملتو .
جوري : مو من شي كانت تقلك رح تموتيني ناقصة عمر
.
براءة : ياعمري يا أمي ربي يخليلي ياكي وانشالله يومي قبل يومها ،، لو ما أمك متصلة ع حماتي ومخبرتها بيلي صار .
كانت ضلت معندة وما سافرت ،، وكان انكشف امري
.
جوري : وكان أبوكي دبحك .
___فلاش باك ____
.
كانت عزيزة آعدة عم تشرب قهوتها الصبح ،، مع ام جواد .
بحكم انهن أعدو أول فترة ببيت ابو جواد .
طلعت براءة من غرفتها ودغري عالمطبخ عملت سندويشة جبنة .
عزيزة : الله لا يرويكي هالعادة يا أم جواد بنتي ع قد ما بتشرب مستاكيف مسكاتيف مدري شو اسمو عم يمشي بعروقها بدل الدم .
ام جواد :الله يسامحها كتير بيأذي هاد
.
وإذ بتطلع براءة من المطبخ بأيدها صندويشة جبنة وبالأيد 
التانية كاسة شاي ،، عم تاكل بشراهة لدرجه انصدمت عزيزة .
عزيزة : بسم الله الرحمن الرحيم مين مات لك بنتي
براءة : بياع الجزمات لك أمي ...شو مين مات .
عزيزة :وين كاسة النسكافيه يلي بتشربيها حجمها اكبر من راسك .
براءة : اييييييع امييي لا تذكريني فيو كتير قرفانتوو .
فعلا بهاللحظة لعت نفسها براءة تركت الصندويشة وفاتت عالحمام استفرغت .
ام جواد : بسم الله شو صابها متل الموحمات .
عزيزة بهاللحظة شعلة نار اشتعلت بقلبها .
معقول فيها شي البنت، ، لالا أكيد اخدة برد .
لاا ياربي دخيلك تمحي هالأفكار من راسي مالي هالحمل أناا
.
عزيزة : والله يا أم جواد علمي علمك اكيد اخدها برد بالليل
.
حَ اشرب فنجان القهوة وقوم أخدها عالدكتور
.
اما عند براءة كانت عم تغسل وجها بالحمام وتطلع ع حالها بالمراية .
مو معقول شو عم يصير بجسمي انا ،، لمست ع وجهها وعيونا
.
لي هيك سواد تحت عيوني ،، شو عم يصير معي .
كانت حاسة بوجع وضغط على عيونها وكأنها رح تفقد الوعي .
بس بهاللحظة فاتت عزيزة بدخول مفاجئ عالحمام وسكرت بسرعة وراها .
عزيزة : من دون ولا كلمة ولا حرف بتلبسي وبتلحقيني .
براءة:شوفي لي هيك فايتة علي 
عزيزة :انتي يلي رح تحكي شوفي وإلا أقسم بالله لفرجيكي شي ماشفتي بحياتك .
براءة بهاللحظة كتير خافت وبالذات من ملامح أمها ما كانت بتبشر بالخير .
فعلاً طلعت بهدوء عَ غرفتها لبست وجهزت حالها وطلعت عند امها .
عزيزة : شو جهزتي 
براءة :أي أمي 
عزيزة :  يلا ام جواد ما بنتأخر مسافة الطريق انشالله 
ام جواد : انشالله ما عقلبها شر ابقي طمنيني .
عزيزة:انشالله
.
نزلو براءة وعزيزة وصارو يتمشو ،، محل ما قالتلها ام جواد في دكتورة
.
براءة : امي شوفي 
عزيزة : ولاشي
براءة :ليش وجهك احمر 
عزيزة صرخت بنص الشارع ،، عم قلك ولاشي اسكتي ولا تخليني ابتلي فيكي .
بعد عدة دقايق وصلو عند الدكتورة ولحسن الحظ ماكان في عجئة كتير ودغري فاتو .
دكتورة : تفضلي من شو بتشكي 
عزيزة :لا أنا جيت مشان بنتي ،، زوجتها جديد وحاسستها عم تضعف ووجها شاحب وما بقا تاكل اكلة إلا وتستفرغها .
براءة نصدمت من كلام أمها : امي شو عم تح
عزيزة اطلعت فيها بعصبيه بمعنى انو تسكت .
دكتورة :اديش صلك متزوجة 
براءة : ااه ...ام
عزيزة : شهرين و نص
براءة  بعدها بصدمة
دكتورة :تفضلي لهون خليني  افحصك بالأول واذا كنتي منيحة بطلب تحاليل ،، لأنو واضح من السواد تحت عيونك 
فقر دم شديد
.
براءة تسطحت وجابت الأيكو الدكتورة ورفعت عن بطنها 
وحطت الأيكو ع بطنها وصارت تمشي يمين ويسار وتطلع بدقة .
عالشاشة بأستغراب ،، أنا عزيزة ف حست الدم بجسمها كلو متجمع براسها وع شوي رح ينفجر ،، حابة تكذب يلي عم تشوفو ،، بس ماعم تقدر .
الدكتورة : غريب والله 
براءة :  شو هو الغريب 
الدكتورة : اباضتك هي الغريبة ماشالله أديش قوية ل حتى حملتي من أول أشهر الزواج وبتوأم كمان .
براءة انصدمت ودغري اطلعن بأمها بقهر وحزن ،، وذاد قهرها 
لما شافت نظرة العتب بعيون أمها كان في دموع مجمعة .
بعيونها وما قدرانة تنزلن .
براءة : كيف هيك ،، مستحيل
دكتورة: ليش مستحيل، ، في كتير حالات هي بتصادف ،، بس يلي فاجئني أنهن توأم ماشالله .
عزيزة تصنعت الفرح : مبروك يابنتي يا بنت قلبي رح تصيري ماما لولدين .
براءة  ماكانت بوعيها وماكان بعقلها غير كيف بدها تبرر لأمها هالعملة
.
دكتورة : صار مارق ع حملك شهرين معقول ما حسيتي 
براءة : بصراحة كنت حس جسمي تعبان بآخر فترة بس ما توقعت .
دكتورة : حصل خير المهم هلأ عرفتي ،، رح اكتبلك مثبتات ضرزري تاخديها احتمال ما تقدري تحملي توأم كونو هي اول حمل ،، ورح اعطيكي فيتامينات وانشالله بتقومي بخير وسلامة وبيتم حملك ع خير .
براءة : لك اي حمل هاد الله ياخدني ليش رح يتم الحمل غير امي تدبحني .
اما عزيزة ف آعدة عَ نار ما كان بدها غير تطلع بروح براءة .
خلصو من عند الدكتورة وطلعو لبرا .
براءة :امي
عزيزة : انشالله بتموت امك لترتاح من هالعيشة 
براءة :امي الله يوفقك 
عزيزة :الله لا يوفقني ...لك الله لا يوفقني ع هيك ترباية .
لك ريتو ينقص لساني بكل مرة نصحتك فيها معقول كنتي عم تسمعي بالغلط
.
براءة :امي بترجاكي اسمعيني .
عزيزة : شو بدي اسمع ياعايبة انتي يلي ما عندك حيااا 
احكي شووو عندك احكي .
كان قلبي حاسسني بهديك الليلة صاير شي بيناتكون والللله قلبي حسني ،، بس قلت لاا يا بنت بنتك ما بتعمل هيك فيكي .
لك شووو انتي شووو مفكرتيني ماااابفهم مفكرتيني جدبة الي مدة ملاحظة عليكي متغيرة وتعبانة ومن أي شغلة عم تلعي نفسك ومن أي شغلة بتشتهيها بتفرطي لتاكليها بس ولا مرة فكرت ممكن تخذليني ولا مرة فكرت ممكن براءة يلي كلها براءة توطي راس أبوها ببيت رفيقو ،، لك مفكرتيني عمياااا ...لك ياريتني عميانة ولا شوفك اليوم بهالمنظر ...لك شو خليتي لفرحتك انتي كتير عجبك هيك .
(كان اصعب شعور عم تحسو عزيزة بهاللحظة ،، كتير صعب عليها الشي يلي عملتو بنتها وكأنو حمل كبير وأعد ع قلبها ،، حست الدنيا ماعم تسعها ولا عم تسع وجعها ،، شو صعب لا تعطي كل الثقة لابنتها وبنتها بأبشع الطرق تخون الثقة ،، رغم انو الكتاب مكتوب بس ابدا ماكان تبرير ل يلي عملتو)
.
براءة: امي نحنا متزوجين بترجاكي الشيخ كتب كتابنا قدام الله ،، الله بيشهد بهالزوااج ،، لا تحسسيني بعذاب الضمير
.
عزيزة : ولكككك ااااااه ..هاد التبرير يلي طلع معك وبلكي زيد افندي غير رأيو وبلكي أبوكي حس عليكي ولككككك ياربي شوو هالمصيبة دخيلك ياربي قال حامل بتوأم انشااالله بعدمك
.
استمرت المشكلة بين عزيزة وبراءة تقريباً اسبوع وهاد كان ابشع اسبوع بيعدي ع براءة ..كانت دائما امها تنظرلها نظرة عتب لتحسسها بالذنب يلي عملتو .
للوقت يلي خافت عزيزة تزداد الأمور عن حدها وقررت تتصل ب أم زيد وتخبرها بيلي صار .
وفعلا دغري طلعت ام زيد مع زيد ليزوجوهن لبعضن .
استأجرو بيت مكون من غرفتين مفروشين وعملو حفلة صغيرة وانقضت ع خير ،، ماحدا دري أبدا بحمل براءة الا بعد الزواج دغري اعلنت حملها .
___باااااك_______
.
براءة :  شفتي كيف قلتلك لا تذكريني 
جوري : ليش 
براءة :مدري هيك كلما بتزكر بيرجع بيراودني هالشعور 
متل الندم والغصة لما كانت امك عم تلومني .
وكأنو كل ما بتذكر قلبي بيرجع بينعصر ،، انو فعلا امك معها 
حق ،، انا ماخليت لنفسي فرحة لا بزواج ولا بحمل .
كلو صار بسرعة .
جوري :يلا كلو خير المهم هلأ انتي وزيد سوا 
براءة :وهاد يلي بصبرني .
براءة :بس بتعرفي لو امك بوقتها ضلت مقاطعتني اسبوع 
تاني وحياة الله لأنتحر
.
جوري : جبانة ما بتعمليا 
براءة: عم قلك والله بعملها... حسستني اني فعلا ولا شي
شعور الوحدة اصعب شعور بهالدنيا
.
لما ما حدا يهتم فيكي ويسأل شبك أو حتى يكترث لأمرك أكلتي ولا ما أكلتي ،، مريضة شربتي دوا ولا لأ .
بتحسي حالك صفر .
جوري :بفهم منك لازم انتحر انا هلأ 
براءة : ههههه غليظة 
جوري :ما بتوقع في حدا وحيد هلأ قدي ،، اي بتراودني 
أفكار اني لازم انهي حياتي وانهي الشعور يلي جواتي .
بس انا ضعيفة ..ضعيفة للحد يلي ما بيسمحلي حتى اسمحلكن
تعيشو وجع مانكن حملو .
براءة : تماماً ،، الفقدان كتير صعب وبالذات الغوالي 
لو تعرفي يا جوري اديش بخاف من المستقبل بخاف افقد حدا غالي ..بخاف الأيام تخطف مني حدا .
قلبي مو حمل يتحمل أوجاع كبيرة
.
جوري : ياعمري ،، ما بسمحلك اصلا تحملي اوجاع اكبر منك
.
براءة :بعدين تعي لهون ولي ،، انا موجودة وحاسة بالوحدة
.
جوري :الوحدة متملكة قلبي يا براءة ،، بكون كذابة اذا قلتلك
اني مبسوطة وعايشة تمام ،، انتي دائما مشغولة مع بناتك
.
وأمك ببيتها وجيرانها ،، وجواد لسفراتو وشغلو وسهراتو
. 
براءة :طيب لي مو شي مرة بياخدك معو تسافري وتشمي هوا
.
جوري :دخيلك مابدي هالسفرة
براءة :كنتي بتعشقي السفر
جزري :كنت ،، اما هلأ بطلت انا متت من زمان جوري القديمة
دبلت وندم الأيام أكلها ،، جوري ماتت وروحها الطفولية ماتت معها
..
براءة :احكيلي جوري فضفضي بترجاكي لا تضلي حاطة بقلبك
.
جوري : عن شو بدي احكي لَ احكي ..انا الحدا يلي حلم 
والأيام استكترت عليه بتحقيق هالأحلام .
شو بتحبي احكيلك عن زواجي الفاشل يلي توقعت الله 
يعوضني خير بهالزواج بس لااا هاد الزواج هو الغصة الوحيدة
.
يلي رح تضل مرافقتني كل عمري .
براءة تجمعت دموعها بعيونها وعَ شوي رح تبكي .
بعتزر منك جوري ،، انا يلي شجعتك تتزوجي وخبرتك 
كلشي رح يصير حلو بعد الزواج ،، ماكنت بعرف هيك رح يصير
.
جوري شوي تانية ورح تبكي أكتر وتضعف ما كانت حابة تبين لحدا عن البراكين يلي جواتها لهيك دغري غيرت السيرة .
هففففف قلبي التعى من هالقصص المعتة
غيريلي هالسيرة لشوف، ، احكيلي عنك وعن زيد (غمزتها)
.
ماعم تفكرو ب بيبي جديد عالعيلة
.
براءة :ولييي تفي من تمك ،، اصلاً مو لشوف زيد منيح 
لحتى نجيب بيبي جديد ،، الله وكيلك ما أحمل غير زيد
يكبني من البلكون انا وبناتي .
جوري :ولي معقول ماعم تأعدي معو منيح
براءة : بس وقت العشا وحتى لما مناكل بكون عم طعمي 
البنات ومشغولة فيهن ،، سرقولي كل وقتي يابراءة .
جوري:طيب نظمي وق
براءة : لك عن اي تنظيم عم تحكي ،، بعرف رح تقليلي 
عملي روتين ونظمي وقتك ،، بس انا من لما ولدت بهالبنات .
وانا فاقدة الروتين والنظام ،، لك طول الوقت معهن لك بالنومة
معهن طلبات كتيرة ،، بركد بركد ما بلحق .
لك بتعرفي شعري ما بتذكر مشطو إلا المسا .
جوري : هلأ معك حق هو بشكل عام التوأم صعب تربايتهن
.
براءة : صعبة كتير ،، بتسدقيني اذا قلتلك شي
جوري : قولي 
براءة : مشتاقة لزيد ...مشتاقة لأيامنا سوا مشتاقة لكل شي بيجمعني فيو، ، مشتاقة للحب ،، للحب يلي كان دائما مخلي 
دقاتي ملخبطة .
بخاف كتير اني الفظ هالكلمة، ، بخاف يطلع صحيح احساسي
.
بس علاقتنا كتير روتينية وباردة متل كل المتزوجين .
بطل في اهتمام ،، او يمكن مافي وقت للأهتمام 
هلأ تمام نحنا متفقين نكب من وقتنا ونضحي لنربي البنات
بس مو لهالدرجة ،، الأهمال بيقتل جوري .
هو حرام ما قصة بأهملني ،، بس بحس بطل يحس فيني 
ما بحبني الا لما بدو شي مني ،، خايفة كون عم اظلمو .
بس مجرد شعور مكبوت جواتي ،، واجا الوقت لفرغ وفضفض
.
جوري : اهدي اهدي ...هاد مجرد شعور سدقيني .
الضغوطات ممكن تعمل اكتر من هيك ..انتي نفسيتك تعبانة
مافيشي من هالكلام، ، زيد بحبك وبيعشق الأرض يلي 
بتمشي عليها .
براءة : عنجد .
جوري :وجد الجد ،، لهيك اليوم جايتك بعرض مغري من عنا وبس .. اطبعي قبلتين على وجنتي واربحي معي رحلة .
لمدة 48 ساعة مخصصة للأطفال ومو أي أطفال للأطفال المشاغبين يلي مجننين اختي .
براءة : احكي شي مفهوم بربك .
جوري : طيب اوك اسمعي اول شي بتروحي من عندي 
عَ الصالون بتعملي تقشير وتنضيف لبشرتك ،، دللي نفسك .
معك يومين عيشي فيهن حياتك ،، لاني رح استضيف بناتك عندي .
براءة : شوووو
جوري: متل ما اسمعتي
براءة: مستحيل 
جوري : لك لا تصعبيها ولوو ما في شي مستحيل 
أمانة خليهن عندي ،، خليني سلي وحدتي لبين مايرجع جواد .
وانتي بتكوني رتحتي شوي والبنات بكونو غيرو جو وهيك نفسيتن ممكن تتحسن أكتر
.
براءة: لك والله بجننوكي
جوري : يي ساوتها قصة ،، خلص عم قلك بتولى أمرهن .
قومي خلصيني قبل مايفيقو وقتا ما بخلوكي تروحي الا وهنن قبلك
.
دخلت الفكرة براس براءة ومجرد ماتخيلت حالها رح تعيش
يومين بهدوء ،، فرحت كتير بالنهاية هي اختها ماحدا غريب
.
دغري قامت براءة تركت كل شي من أيدها لبست وراحت 
أول شي عالصالون عملت تنضيف لبشرتها وعملت حواجبها .
وراحت اشترت شوية مستلزمات للبيت كان ببالها تجهز شي
.
سفرة مرتبة ل زيد، ، وفعلا وصلت ع بيتها دغري عالمطبخ .
بلشت بتحضير قالب كيك وبيتيفور ومن هالقصص ،، أما مشان العشا ف طلبت بروستد كان أسهل شي ما كان عندها وقت تعمل عشا..
بعد مرور كم ساعة صار كل الأكل جاهز ومحطوط عالطاولة .
وبراءة بغرفتها كانت عم تبخ عطر ع جسمها ،، وتمشط شعراتها 
وتحط اللمسات الأخيرة عاللوك يلي لابستو .
كانت لابسة فستان أسود  ل فوق الركبة بشوي كان لابس فيها لبس معالمها واضحة وأنوثتها طاغية ،، مكياجها الخفيف 
عاطيها فوق جمالها جمال ،، والروج الأحمر ملفت للنظر بطريقة
كتير حلوة ،، بأختصار كانت طالعة كتلة من الحلاوة .
مع لمعت الحب بعيونها عم تستنا زيد يجي .
اطلعت عالساعة كانت ستة المسا ركدت بسرعة وشغلت 
الشمعات المنثورة عالطاولة وجابت أنينة العطر .
وبخت بأنحاء الغرفة ،، للحظة يلي سمعت فيها صوط طقة الباب  يلي أعلنت دخول زيد عالبيت .
براءة مشيت ناحو وغمرتو : اهلين حبيبي 
زيد : شو صاير شو هالهدوء .
براءة : ياسمين وشام اخدين اجازة وراحو مشوار عند خالتهن
.
زيد : شو اخدهن 
براءة : رحت الصبح عند جوري زوجها مسافر ،، وما جاي عبالها تروح عند أمي ،، قالتلي تركيلي البنات اتونس فيهن
.
زيد: لبسي لبسي خلينا نروح نجيبن ،، والله بجنو وبجننوها 
كيف بتعيفيهن عندا بجوز يسخنو وماتحس بجوز يصير 
أي شي بالنهاية هي ماعندا خبرة .
براءة اطلعت فيه وشبه مصدومة انو مو معقول كل هالتجهيزات ،، مالفتت نظرك ولا  حتى انا ما لفتت نظرك
.
براءة: طيب بس نتعشى 
زيد : جاهز الأكل
براءة : اي جاهز
.
زيد : يلا ببدل تيابي وبجي
.
وقفت براءة مصدومة من يلي عم يصير انجرحت من جوا
كانت كتير متحمسة لهاللحظات يلي رح تقضيها برواق مع زيد
.
عيونها حرقوها كتير وغرغرت الدموع بقلبهن بس ما قدرت تنزل هالدموع ماعم تتقبل يلي عم يصير .
وين الأهتمام وين الحب التفاصيل ..كلشي اختفى
.
شلحت من رجلها الكعب يلي لابستو ومشيت باتجاه الطاولة
.
وبعد دقايق اجا زيد .
قبل ما يأعد نفخ عالشموع وطفاهن ومشي ناح الضو وشعلو
.
زيد : شو قصة هالأجواء عالأقل كنتي احتفلي بوجود البنات
.
براءة : زيد من كل عقلك عم تحكي
زيد :لكن من نصو ابوس قلبهن لو كانو هون كانو هجمو 
عالكيك واكلو وانثرت الشوكولا ع وجهن .
براءة : هههه زيد لي هيك صاير نسيت انت شو حاكيلي من زمان
زيد :شو 
براءة : مو ع أساس لو قد ماجبتلك ولاد ما بتبطل تهتم فيني
ليش هيك بطل يفرق معك شي انت كتير متغير
.
جهزتلك الجو وجهزت حالي معقول كل هاد ما لفت نظرك .
زيد : ليكي براءة مو ناقصك انا ،، كبري عقلك لا تجني .
براءة صارت تبكي بهاللحظة : شو يعني كبر عقلي اذا عم اطلب منك شوية اهتمام بكون عم صغر عقلي .
زيد :لا اله الا الله بس لا تبلشي نكد مو طايق حالي لا فعلاً انك مجنونة ليكون تعلمتي البكا من ولادك .
كبري بقا كبري براءة متل الولاد عم تبكي اي مو معقولة
.
براءة اطلعت وبدون جدوى يلي حكتو هو ما عم يستوعب عليها ولا عم يحس بجرحها .
انا ما بدي اكبر بدي ضل طفلتك متل ماكنت تقلي بدي ضل ابكي لما احكيلك شغلة وما تعملي ياها بدي ضل اتغالظ عليك وكرهك عيشتك ،، بدي تضل تصرفاتي وجناني عسل ع قلبك .
كل ما نكد عليك تحبني اكتر ،، كل ما تشوفني زعلانة تهتم فيني اكتر ...أمانة زيد فهام علي .
زيد :لا فالج لاتعالج بطلت آكل هواا
.
قام زيد من مكانو تارك براءة اعدة عم تحاكي حالها .
براءة : روقي براءة هو اكيد تعبان ومو لقيان كلمة من حدا .
ركدت بسرعة عالحمام وسكرت وراها مشيت ناح المغسلة .
سندت أيديها عالمغسلة وغمضت عيونها ،، نزلو دموعها ممزوجين بلون الكحلة كانت عم تبكي عالساكت مو قدرانة تستوعب يلي صار .
اطلعت ع حالها بالمراية : ليش انا النار شعلت بقلبي بمجرد حكالي هالكلمات مافكر انو ممكن يكون عم يجرح .
ياربي لاا بترجاك لاا حطت ايديها ع راسها وغمضت عيونها بقوة ،، تخيلت حالها عم تصرخ بقوة تخيلت حالها عم تكسر كلشي حواليها .
كسرت المراية ومشيت ناح طاولة الأكل قلبت كل الأكل عالأرض .... اطلعت بطرف عينها  كان في أزاز عالأرض من ألمها ما ترددت انها تمسك أزازة من وجعها كان بدها توجع حالها اكتر .
اخدة أزازة ومسكتها بقوة ..بقوة كبيرة لدرجة قطرات الدم تناثرت بغزارة .
وأخيرا طلع زيد من الغرفة ركد بسرعة واخدها عالمغسلة وغسللها أيدها دخلها عالصالون ودغري غمرها بقوة .
زيد : سامحيني ياعمري ماقصدت أجرحك ،، انا بموت فيكي 
وبعشق كل شي بخصك بعتذر منك من قلبي .
بس بهاللحظة فتحت عيونها براءة وكانت بعدها بالحمام 
عم تخلق خيالات تخفف عنها .
كلمة بعتذر كانت بتكفي تطفي النار بقلبي بس انت ما اهتميت .
غسلت وجها وغسلت المكياج يلي صلها سنين مو حاطة 
متلو وضلت تلت ساعات عم تظبط فيو .
ونشفت وطلعت كان جسمها متل كأنو متكسر تعبانة كتير
.
بهاللحظة كانت أمنيتها الوحيدة تتسطح شوي ترتاح بعد نهار حافل من التجهيزات يلي مانفعت ولا واحد بالمية..
بس لا ما بتقدر لازم كانت تستغل الفرصة بأنو البنات عند 
خالتهن لتضب البيت وتجلي الجليات .
وفعلاً توجهت ع طاولة الأكل وبلشت تلم فيها وترتب وتجلي .
وهي عم تتذكر ذكريات من الماضي .
_فلاش باااااك____
.
كان زيد طالع جديد عاللاذقية يمكن كان الو كم يوم .
براءة ما كانت مخبرتو ب قصة الحمل ،، ماحبت تفاجئو بظل هالأوقات المكركبة وهو كان كتير مشغول بنقل عفش بيتن .
الجديد وعفش بيت أمو بحكم انو البيت يلي لاقا مفروش والفرش كتير عاطل ،، لهيك اطر يغير البيت .
بعد ما خلصو تجهيزاتن وتجهيزات حفلتهن الصغيرة 
كانت براءة واقفة عم تجدد الروج ع جهها قبل ما تبلش الحفلة .
لابسة فستان أبيض بسيط جداً وبذات الوقت راقي وفخم 
والأكابرية مغلغلة فيو وحاطة الطرحة ع راسها ومكياجها 
كان خفيف نوعاً ما .
فاتت جوري لعندها كانت لابسة فستان ذهبي لتحت ركبتها داخلو عروق ألماز  وعاملة تسريحة بسيطة لشعراتها .
فالتتهن وتاركتن عَ راحتهن بأختصار كانت كيوت لأبعد حد
.
جوري: ياعمري طالعة قمر 
براءة : وانتي ما بتقلي عني بالجمال اللله يعينو شو رح تشوف عيونو (غمزتها)
.
جوري : اسكتي أمانة ليسمعنا حداا
براءة :خلي الماسمع يسمع وخلي الحاضر يعلم الغايب 
جوري خانم غيرت فكرها وترتيب حياتها
.
جوري: لسا عم فكر ما قررت .
قطع حديثهن دقت الباب .
جوري : تفضل 
زيد : يزيد فضلك بنت حمايي ...بس حبيت قلك اهلك صار عالباب وناطرينك
.
جوري : وبراءة مارح تجي معنا
زيد : براءة رح تجي مع حبيب قلبها وزوجها
.

طلعت جوري من الغرفة وهي عم تضحك عليهن وبذات الوقت في فرحة بقلبها وحب جديد عم ينولد .
زيد قرب عليها بعيونو العشقانة وكان رح ياكلها بنظراتو .
رحميني بجمالك ،، رأفي بحال هالعبد الفقير انا ما بتحمل كل هاد .
براءة : لاتخجلني أمانة 
زيد :لا تقولي بخجل لاني عم دوب اكتر فيكي 
براءة من خجلها بهاللحظة حطت نظرها بالأرض أنفاسها تسرعت
.
زيد :خلينا نروح قبل ما آكلك هلأ هون 
براءة : قبل ما نروح حابة اعطيك هدية زواجنا .
زيد :يا شقية انتي ،، شو خطر ع بالك .
براءة : ماكان خاطر ببالي بس حسيت هاليوم مقدس ولازم 
لازم اعطيك ذكرى بهاليوم .
زيد :اصلا انتي احلى هدية واحلا شي مرق بحياتي كل ما بطلع فيكي بحس شعور جديد ولهفة جديدة نخلقت جواتي .
براءة :بس هي الهدية غير ،، زيد بتوعدني ما يقل حبك واهتمامك فيني اذا عطيتك هي الهدية .
زيد : لك عطيني بقة هالهدية لأشلفها من البلكون ،، كلشي الا تعطيني شي يلهيني عنك .
براءة: ههههه ما فيك تكبها لأنها قطعة من روحك تماما متلي 
أنا .
شالت أيديه التنتين وحطتهن ع بطنها ،، وجهت نظرها عليه .
زيد حرارة جسمو ارتفعت ،، شعر بهاللحظة رح يوقع قلبو اذا ما بيكون يلي ببالو صحيح .
براءة : زيد انا حامل 
تجمعو دموع قوية بعيون زيد مسحهن دغري وصار يضحك بصوت عالي .
زيد : كنت عرفان هيك رح تقولي ،، قلبي كان عم يقلي 
براءة حبيبتي ماعم سدق انتي متأكدة .
براءة :وكتير كمان بس ماحبيت خبرك الا لليوم .
زيد :دخيل اسمك ياربي ماعم سدق ،، غمرها ل براءة بقوة 
وع شوي رح يخنقها .
استغلت الفرصة براءة وهمست بأذنو (انا حامل بولدين)
.
زيد : شووووو مستحيل عم تحكي جد 
براءة صارت تضحك ع صدمتو :لك وجد الجد .
قرب عليها وحملها وصار يفتل فيها متل المجنون ،، متل يلي
كان مضيع لعبتو ولقاها ،، فرحتو ما كانت بتنوصف مافي احلا من هالخبر بالنسبة الو وبالذات بهيك يوم
.
نزلها عالأرض وقرب راسو ولزق براسها ومن بين رجفة شفايفو حكالها وعودو .
بوعدك يا نبض قلبي بوعدك بكل يوم جديد حبك اكتر من يلي قبلو ،، بوعدك بكل مرة تتعبي فيها احمل عنك كل شي واجعك
.
بوعدك ماحدا ياخد مكانتك بقلبي وتفكيري الا انتي .
بوعدك نفرح سوا ونضحك سوا ولما نحزن نحزن سوا 
مشاعرنا واحساسينا كلشي بيخصنا بوعدك امزجو واعملو واحد
.
بكل مرة رح تتوجعي فيها رح كون الك الدوا ،، بكل مرة رح تعصبي رح كون انا المفشة يلي تفشي قهرك فيها .
وين ما اتوجهتي رح تلاقيني قدامك.. بكل خطوة... بكل نظرة وبكل الم... بكل ضحكة ...وبكل دمعة.. رح كون شريك حياتك من اليوم انا كلي ملكك
#عودةللحاضر .
____باااااااااك_____
.
فتحت عيونها ورجعت من الذكريات يلي كانت عم تراودها 
رجعت ع واقعها بيلي فعلياً عقلها مو راضي يستوعبو .
كانت بعدها بالمطبخ واقفة عم تجلي ودموع عيونها منثورة ع خدودها بشكل قوي .
عصبية قوية تملكتها ،، مسكت الكاسة يلي بين أيدها 
وشلفتها عالأرض بقوة
.
(انت ما وفيت بوعودك انا ولا شي عندك ماعم تضحي كرمالي ماعم تهتم ولا عم تكترث)
.
غمضت عيونها ومتل عادتها تخيلت حالها وهي عم تصرخ
بأعلى صوط
.
صرخت ...وصرخت...وصرخت ..فرغت كل العصبية يلي جواتها كسرت كلشي حواليها فرغت طاقتها .
ورجعت للواقع يلي هلأ عم تعيشو ممكن تكون ارتاحت نوعاً ما بس الحرقة بعدها موجودة الغصة بعدها موجودة 
الخوف من المستقبل والأيام الجاي بعدو موجود
.
ماكانت بتحب تفرجي ضعفها لحدا ،، الصراعات والمعارك
براكين النار كانت تفضل كلو تعيشو جواتها مع حالها فقط
.
بعد ساعة تقريبا خلصت ضبضبة وزيد بعدو متسطح بغرفتو .
فاتت ع غرفتها تبدل تيابها كان متسطح زيد وباين انو مو نايم .
طالعت  بيجامة شورت حرير واجت لتلبسها  بس للأسف مافاتت فيها .
في ظل انشغالاتها بالبيت كان رايح ببالها تهتم بجسمها .
زيد: مو شايفة انها من سابع المستحيلات تكون ع مقاسك
براءة: ماخصك انت
زيد: خصني ونص اكيد ما بحب شوف مرتي متل البرميل .
براءة : لك زيد شو صايرلك مصطلحاتك عم تضحكني انت
عم تحكي من كل عقلك 
زيد: لكن من نصو
.
براءة: ممكن اعرف شو مشكلتك لي قالب خلقتك فيني 
زيد : ولا شي
براءة: لا في شي انا متأكدة .
قام زيد وأعد : بصراحة انا مليت...مليت من كونك نسيانة في رجال بالبيت ...مليت من تجاهلك الي ...مليت من اني
فيق بالليل مالاقيكي جنبي .
مليت من كل مرة بدي منك شي وحابب نكون لحالنها
بتجي بنت بتفيق وبتنزعها عليي
.
براءة: ليش عم تنسب الكلام ل ألي أنا شو خصني
زيد: خصك انو ماعم تنظمي الوقت بالبيت  الروتين بيقرف
دائماً عجئة وأكل هوا
.
براءة: قلتلك انتبه لملافظك
زيد: هلأ تركتي كل شي عم نحكي فيو وركزتي ع آخر كلمة
براءة  سكتت وماعد عرفت ترد : مابعرف ايمتا قسي قلبك 
هالقد ،، زيد بترجاك رجاع متل ماكنت .
مافيني شوفك هيك متل الكل ،، انت دائما مميز بتفكيرك 
ب ردات فعلك بنقاشاتك ،، لا تكون جاهل متل أغلب الرجال
.
زيد :  طولان لسانك يافارة شو هي جاهل 
براءة : انا قلتلك لا تنزع صورتك بمخيلتي خليك الرجال المثالي .
زيد : بس ترجعي انتي متل ما كنتي برجع انا..
يتبع...