الطريق الملعون الجزء الثاني رعب

:::::ومن هنا تبداءالقصه: :::::::::سامعه صوت النفس و حاسس بحراره الهوا بتاعه .. و فجأة .. نور العربيه رجع اشتغل من تانى .. اول ما النور اشتغل ملقتش اى حاجه .. كل حاجه كانت موجوده فى مكانها .. الا حاجه واحده بس .. التابوت .. التابوت اللى كان فى وسط المقبره كان مفتوح .. انا متأكد ان التابوت دا كان مقفول قبل ما النور يقطع .. بس المرادى التابوت مفتوح .. بس مفتوح ازاى .. دا وزن الغطا لوحده اكتر من 10 طن .. فى عز تفكيري دا .. الكشافات بتاعت العربيه بدأت ترعش .. زى الافلام الاجنبي كده ... عارف لما كل حاجه حواليك تقولك اهرب .. بس انتا حمار و مبتفهمش العلامات .. اهو انا كنت الشخص دا .. الطمع كان عاميني .. و قررت اروح اشوف ايه اللى جوه التابوت .. كل خطوة كنت بقرب فيها من التابوت مع رعشة نور الكشافات كنت بترعب اكتر .. دا غير صوت المطر و الرعد و البرق .. بس كنت عامل زى المتبنج .. فى حاجه بتشدنى ناحية التابوت .. لحد ما وصلت قدامه .. عارف لقيت ايه جوه التابوت .. لقيت نفس الراجل العجوز اللى نزل مع البرق .. مؤثرات صويت .. و فجأة .. النور قطع تانى ..  ................. انتهاء الفصل الاول من القصه .. الفصل التانى .. فاكريني يا ولادى .. انا عمكم حسين .. سواق النقل .. اكيد فاكريني .. بعد ما لقيت الراجل العجوز جوة التابوت .. النور قطع ... و بدأت احس تانى بنفس بيخبط فى وشي .. بس المرادى انا كنت عارف صاحب النفس دا .. الراجل العجوز .. و فجأة .. انوار العربيه بدأت ترعش تانى .. و لقيت الراجل العجوز واقف قدام وشي و بيقول كلام غريب مش مفهوم .. " كيمت هزاع طيش بنو " .. بس الغريب انى كنت فاهم كلامه دا .. الراجل كان بيقول انا هوريكم شر انتقامى .. و بعدها النور رجع تانى .. و الراجل العجوز دا اختفى .. طبعا انا اغمى عليا من الخوف .. منا راجل كبير يابنى و قلبي ضعيف .. و فوقت بعدها على ناس بيهزو فيا و بيحاولو يفوقونى .. يا حج .. يا حج .. لا حول ولا قوة الا بالله .. ازاى عربيه زى دى تقع فى حفرة كبيره كده ..  دا اكيد كان نفق صرف بس مكملش .. و واحد تانى رد عليه و قاله .. اكيد المطره زحلقت عجل العربيه و خلاها تبعد عن الطريق .. اول ما فوقت ملقتش اى حاجه حواليا .. لا مقبرة .. و لا دهب .. و لا تابوت .. و لا الراجل العجوز .. و بقيت عامل زى المجنون و عمال اخرف .. الحقونى .. الراجل العجوز هيقتلنى علشان دخلت المقبرة .. اهدا يا حج اهدا .. مفيش حد هيقتلك .. لا حول ولا قوة الا بالله .. الراجل باين عليه دماغه خقت من الوقعه .. بعد ما هديت .. بدأت اتكلم مع الناس اللى حواليا .. و اكتشفت انهم كانو ماشيين على الطريق .. و شافو ان عربيتي نورها منور و واقعه فى حفره .. فا جريو على مكانى علشان يلحقونى .. و انهم لقونى مغما عليا جوه الحفره دى .. بصراحه انا شكيت .. و قولت انى انا اللى بخرف .. و ان اللى شوفته دا كان مجرد كابوس او هلوسه من الوقعه .. او الاحسن انى اقول انى كنت بتمنا تكون دى الحقيقه .. بس الغريب فى الموضوع انى كنت فاكر كلام الراجل العجوز الغريب دا .. زى ما يكون بيرن فى دماغى .. " كيمت هزاع طيش بنو " .. الناس كتر خيرهم خرجونى بره الحفره اللى كنت فيها .. و لحسن حظى ان موبايلى كان لسخ شغال .. فا كلمت الشركه و بلغتهم بالحادثة .. و وصفتلهم مكانى بالظبط و رجعت للقاهره مع الناس اللى انقذونى .. اول ما دخلت مقر الشركة اللى فى القاهره .. رئيسي فى الشغل حولنى للتحقيق بسبب الحادثة .. و وقفنى عن الشغل لحد ما الشرطه تطلع تقريرها عن الحادثة .. و ساعتها روحت لبيتي فى الشرقيه .. طبعا انا اول ما دخلت على العيال و امهم مرضيتش احكيلهم على خيبتى التقيله .. و خصوصا بعد ما المقبره رسيت على فشوش .. المهم كدبت عليهم و اقنعتهم ان الشركه ادتنى اجازه مفتوحه علشان كنت شغال جامد الفتره اللى فاتت .. و كمان قولت انهم هيصرفولى مكافئة قريب .. و طبعا مراتى زى اى ست مصريه طيبه صدقت على طول .. و بعدها قولتلها انى هدخل انام شوية لحد ما تحضر الغدا .. اول ما دخلت نمت على طول من التعب .. و خصوصا بعد اللى شوفته فى اليوم دا .. بس بدأت احلم بحاجات غريبه ملهاش اى معنى .. حلمت انى عايش وسط الفراعنه .. و فى راجل فى وسطهم كلهم بيحترموه و بينحنو ليه اول ما بيعدى من قدامهم .. الراجل دا كان طويل و هيبه كده و كان لبسه كله متزين بالدهب .. و فجاة الحلم اتبدل .. و شوفت نفس الراجل فى قصر كبير .. و كان فى ناس من الحراس و الكهنه بيتكلمو من ورا ضهره .. و فجأة صحيت من الحلم على صوت مراتى .. يا حسين .. اصحا يا حسين انتا نايم من امبارح .. امبارح ؟؟ .. ازاى نايم من امبارح .. لما بصيت فى الساعه لقيت انى نمت نص ساعه بس .. فا زعقت فى رباب مراتى و قولتلها .. امبارح ايه يا رباب .. انا يادوب غفلت نص ساعه .. نص ساعه ايه يا حسين .. انتا نمت لتانى يوم فى نفس الميعاد .. و مرضيتش اصحيك لانك مبتحبش حد يصحيك وانتا جاى من السفر .. و خصوصا بقا و انتا قايلي انك كنت شغال جامد اليومين اللى فاتو .. لما بصيت فى تليفون و شوفت التاريخ .. اكتشفت انى نمت 24 ساعه كامليين .. ازاى نمت الوقت دا كله .. دا انا حاسس انى غفلت دقايق .. المهم .. قومت من سريرى و كلت لقمه .. و قعدت اتفرج على التليفزيون انا و العيال .. بس وانا بقلب .. لقيت التليفزيون اشارته قطعت .. و بدأ يظهر التشويش بتاع الشاشات القديمه دى .. و مع التشويش بدأ يتكون شكل الراجل العجوز اللى شوفته فى:::::::::النهايه: :::::::