الطريق الملعون الجزء الثالث والأخير رعب
::::::::ومن هناتبداءالقصه: :::::::::::::.. انا كنت مرعوب من المنظر .. و مش عارف اعمل ايه زى ما أكون متكتف في مكانى .. اول ما ابنى و مراتى دخلو ورايا الاوضه .. بنتى وقعت في الأرض .. و جريت في حضن أمها و فضلت تصرخ فيا .. ابعد عنى .. ابعد عنى .. و كانت بتعيط بهيستيريا .. انا كنت مخضوض جدا عليها .. بس كل ما اقرب منها البنت تترعب اكتر .. و تزعق و تصرخ .. انا قلبى كان هيتخلع عليها و مش عارف هيا بتزعق فيا ليه .. الغريب ان مراتى و ابنى كانو بيزعقو فيا هما كمان .. و بيقولو ايه اللى انتا عملته دا .. و مراتى تقولى انتا مجنون ... لازم تروح تتعالج .. و ابنى خد جمب منى .. انا مش فاهم حاجه .. الموضوع غريب اوى .. لحد ما خدت بالى من كلام بنتى و هيا بتقول ل أمها .. و الله ما عملت حاجه .. دا هوا اللى دخل اوضتى و كان هيخلع شعرى في ايده بدون سبب .. و مراتى تبصلى و تقولى حسبي الله و نعم الوكيل فيك .. فيا اناااا .. انا عملت ايه .. مش عارف عملت ايه .. انتا كنت هتموت بنتى .. و الله منا قعدالك فيها .. لولا كلام الناس انا كنت خدت العيال و روحت عند امى .. حسبي الله و نعم الوكيل فيك .. انتا لازم تتعالج .. كل الوقت دا انا واقف مصدوم .. و مش عارف اعمل ايه .. انا مجتش ناحية البنت .. دا هيا اللى كانت مشدوده من شعرها من حاجه مش متشافه .. مكنتش عارف اعمل ايه و مش مستوعب كلامهم .. فا اخدت بعضى و خرجت بره الاوضه .. و بمجرد ما خرجت مراتى اخدت العيال في حضنها و رزعت الباب ورايا ... انا معملتش حاجه .. انا معملتش حاجه .. روحت مددت عالكنبه علشان اهدا .. بس اول ما فردت جسمى روحت في النوم .. و مش عارف ازاى .. و شوفت نفس الحلم تانى .. نفس الراجل الهيبه ماشي بين الناس بكل احترام .. و فجأة .. المشهد اتغير .. و شوفت الراجل دا و الحرس بتوعه واقفين حواليه بالاسلحه .. بس مكانوش بيدافعو عنه .. دول كانو بيهاجموه .. و الكهنه كمان كانو واقفين ورا الحرس بيحرضوهم عليه .. زى ما يكون دا الملك و الكهنه و الحرس بيعملو عليه انقلاب .. و فجأة .. الحرس بتوعه هجمو عليه و ضربوه علي دماغه ضربه قوية جدا .. و كسروله دراعه .. الملك اغما عليه بعد الهجوم دا .. و ساعتها الكهنه و الحراس فكروه مات .. و طلع بعدها قائد الحرس و كبير الكهنه .. وقالو ان الملك دا كفر بالالهه بتاعتهم .. و عمل الرزيلة مع واحده من الخدم بتوعه .. و ساعتها الشعب انقلب عليه هوا كمان .. و تولى قائد الحرس الحكم .. الغريب انى كنت فرحان جدا .. و كنت بشوف الاحداث زى ما أكون واحد من الكهنه دول ..و الاغرب ان كبير الكهنه كان على كف ايده رمز لنجمه مميزه .. انا عارف النجمه دى .. دى رمز لعيله ابويا و جدودى .. و دايما ابويا كان يحكيلى عنها .. ومعروف في العيله ان معظم رجالتها بيعملو الوشم دا .. بس انا معملتوش لانى سمعت ان الوشم حرام .. بعد ما الانقلاب نجح .. الملك الجديد امر بنفى جثمان الملك القديم و عدم تحنيطه لانه ملك خاين.. و فعلا بعد ساعات .. كان الحرس واخدين جثه الملك القديم و رايحين يدفنوه في مكان بعيد في الصحرا .. دفن الملوك له طقوس معينه .. لانهم بيدفنو معاهم كنوزهم و الاكل بتاعهم و كمان ميه .. و فعلا الحراس عملو مقبره اى كلام كده بالصخور .. و دفنو الملك جوه التابوت بتاعه .. عارفين التابوت دا يبقا انهى تابوت ... بالظبط كده .. هوا نفس التابوت اللى شوفته في المقبره يوم الحادثة .. الحراس حطو بعدها الاكل و الميه و الكنوز بتاعت الملك معاه في المقبره.. بس قبل ما يقفلو عليه التابوت .. واحد من الحرس لاحظ ان الملك لسه بيتحرك .. بس مقالش لزمايله .. و قال في نفسه ان الملك كده كده هيموت لانه مش هيعرف يحرك التابوت .. و فعلا قفلو عليه التابوت و طلعو بره المقبره و قفلوها .. الملك فاق من الاغماء بتاعه بعد فتره .. لقا نفسه جوه التابوت .. كان مرعوب جدا و مش عارف يعمل ايه .. حاول يحرك غطا التابوت بس كان تقيل و كمان ايده كانت مكسوره .. فضل يحاول و يحاول .. بس يعينى ايد واحده مكانتش كفايه انها ترفع الغطا .. لحد ما استخدم كل قوته و رفع الغطا حته صغيره .. و حشر ايده المكسورة بين الغطا وجسم التابوت .. اااااااااااااااااااااااااااه .. لو حلفتلك ان صرخه الملك من الألم حسستنى انى انا اللى حطيت ايدي مش هتصدقنى .. بس المؤلم فعلا .. ان الملك استخدم ايده المكسوره زى عتله .. و قدر يزحزح بيها غطا التابوت مسافه كفايه علشان يطلع منه .. لحد ما اتلوت منه لورا .... انتا متخيل كمية الألم .......... اول ما الملك خرج من التابوت ادرك المؤامره اللى اتعملت عليه .. و اتحسر على اللى حصله .. و بدأ يدور في المقبرة زى الديب .. وفضل يصرخ يصرخ .. لحد ما هدى فجأة و قعد على الأرض .. اللى حصل بعدها غريب .. عارف زى ما تكون بتجرى شريط الفيلم كده .. دا اللى حصل .. انا كنت شايف الأيام بتمر على الملك و هوا بياكل من الاكل اللى مدفون معاه .. و بيمسك اى زواحف زى التعابين و السحالى و بياكلهم و بيشرب دمهم .. و بياخد كل فتره شوية من دمه و بيرسم اشكال و رموز غريبه على الأرض ... و بدأ العمر يجرى .. و شوفته و هوا شعره بيشيب .. و وشه بيتسحب .. و اتحول لنفس العجوز اللى شوفته على الطريق .. و فجأة .. الملك بصلى في عيني بغضب ... و صحيت من النوم .. اول ما صحيت من النوم كنت مرعوب .. و منظرالملك و هوا بيبصلي مش مفارق خيالى .. جسمى كله كان بيتنفض من الرعب .. يعنى ايه .. يعنى اللى شوفته على الطريق دا كان الملك .. و جاى ينتقم منى دلوقتى .. يا نهار اسود .. و فجأة .. سعمت صوت رزعه قوية جدا في الاوضه اللى فيها مراتى و العيال .. انا اتنفضت من مكانى .. و قومت جريت على الاوضه .. بس اللى شوفته كانت حاجه تفوق الخيال .. مراتى و عيالى الاتنين ميتين .. مدبوحين ::::::::::::النهايه: :::::::::::::::
