كم فاتني عنك ليتني عرفتك من زمان🍃♥️
شكلك انزعجتي عهههههه
تالا : يعني شو هالقله الزوق...ماعبرنا
صالح : اي هدول العالم هيك ... شو مفكره ... بيعتبرونا عبيد عندهن... وأستاذ مضر كتير انسان جامد وبارد ومغرور وخطيبته متلو
تالا تطلعت فيه وسكتت ...
ع فتره الظهر طلعت عاليه ومضر من المكتب وكانت ماسكه ايدو ... تالا شافتن وهنن طالعين ...
مضر لصالح : نحنا طالعين لمحل الورد اذا في شي ضروري اتصل فيني ع رقمي الخاص ....
صالح : حاضر استاذ....
تالا : وين راحو هدول؟؟؟
صالح : عم يرتبو تحضيرات عرسهن..،. رح يكون عرس الاحلام ... شوفي ها ...من هلق عم قلك ..حاجزك مشان ترقصي معي بالعرس ....
تالا : هههههههه انت وشطارتك بجوز الاقي حدا اشطر منك
صالح بيقرب عند تالا وبيتطلع بعيونها وبيحكي بهمس : بدبحك
تالا سكتت وقلب وجهها للجديه وضلت عم تتطلع عليه...
رجعو الخطيبين ع الشركه هوه دخل ع مكتبو ... وهيه انصرفت بكير .. كان باقي أسبوعين لعرسن ....وصارت عاليه ماتداوم بالمكتب كتير
وانشغلت بالعرس وبلوازمه
تالا بتخلص شغل كالعاده .، بتنزل وبتمشي بالشارع ...... بعد عشر دقايق مضر شافها ..
مضر : انسه تالا طلعي طلعي ....ماشيه لحالك بالشارع بهل ليل ؟؟؟؟
تالا : لا معليش استاذ ..متعوده
مضر نزل من السياره كان طولو حلو كتير ولابس طقم رسمي عاطيه هيبه كبيره ومشي لعند تالا : ليكون السياره مانها من مقامك ...
تالا : لا عفوا استاذ ماهيك القصد ...بالعكس بس ...
مضر : طلعي طلعي
تالا طلعت بس بقيت ساكته ،
مضر : ليش ساكته ؟؟؟ بعرفك بتحكي كتير
تالا كانت متلبكه ...وعم تلعب باصبابيعها...
طلع مضر ع أيديها ...كانوا كتير ناعمات وصغار .... مسك مضر ايد تالا وصار يتفرج ع أصابعها...
كانوا أصابعها طوال ورفاع وأظافرها مرتبات كانت أيديها مليانه انوثه وضاعت أيدها جوا ايدو الكبيره وكانت ايدو سخنه...
مضر عم يتفرج ع أيدها وصار يضحك ....هههههههه ياربي ايديكي شو صغار ....يالله متل أيدين الالعاب .....
تالا خجلت وضلت ساكته ...وحاولت تسحب أيدها بس مضر شد عليها وماخلاها
تطلع مضر فيها ...عم ضايقك شي ؟؟؟؟
تالا : لا ابدا ...
مضر : خجلتك مهيك ؟؟؟
ضلت عم تتطلع فيه وساكته وبقلبها في ميه سر ....
مضر باس أيدها وتركها .....
ووصلها عالبيت
تالا دخلت ع غرفتها وقلبها عم يدق بسرعه ....
تالا : يالله شو صرلي ؟؟ ليش قلبي عم يدق بسرعه؟؟؟؟؟ ليش انخرست وماعدت اعرف رد عليه ؟؟؟
ياربي مضر كتير جذاب وشخصيه .... بس مابعرف
مابعرف مابعرف ... الاحسن ماعاد اطلع معه ،،،والله اذا بتدرى الانسه عاليه لتقلعني برا الشركه.....
#الجزء_الثالث:
كانت الساعه ٨ الصبح ..طلعت تالا من بيتها وشافت مضر عم يستناها ...
تالا سكتت
مضر : صباح الخير ، طلعي منروح سوا عالشركه
تالا : بس
مضر: عم قلك طلعي ....
تالا طلعت ...
تالا : صباح الخير
مضر : فايقه متنشطه اليوم
تالا : انا دايما بفيق بكير متعوده من ايام الجامعه والمدرسه ...
مضر : انا جوعان شو رايك نروح نفطر بشي محل رايق ؟؟؟؟
تالا : لا بلا ... بلا أتأخر عن الدوام
مضر : انتي ناسيه انو الشركه النا ؟؟؟ يعني انا عاطيكي إذن لحتى تتأخري.
يتبع ،،
