قصه الاثاره والغموض منزل ايوب الجزء الاخير
"منزل ايوب"
"الحقيقه"
مكنتش عارف احدد احساسي في الوقت دا ، بس كنت مصدوم "ايوب" اللي بتلف حواليه كل المصايب دي لسه عايش!!
"مش شايف عليك علامات الخوف اللي بشوفها علي كل واحد بيدخل البيت دا ؟!"
" مش شايف حاجه تخوف بصراحه "
" ايه مش خايف من الموت ؟!"
" الموت دا شيء محتوم هيصيب الكل ، بس قبل ما اموت اعرف ايه السبب اللي يخليك تموتني ؟"
" الاسباب كتير اولهم السر اللي انت مخبيه ومش عاوز تعترف بيه "
"انت كمان عارف اسراري ؟ دانت طلعت خطير زي ماقال عليك جدي زمان "
" وهو انت كان عندك شك بعد اللي شفته وسمعته ؟"
" انت لسه عايش ازاي ؟! انا شفتك جثه قدامي من ٢٥ سنه"
" من اول مادخلت البلد دي وانا عارف ان اهلها ظالمين وغدارين ووراها خبايا كتير ، علشان كدا ربك كرمني اني ارجع وانضف العالم من امثالهم "
" وانت اللي بتنضف العالم ؟ دجال عجوز بيحتمي في جني ممكن يغدر بيه في اي وقت لو منفذش احكامهم وطلباتهم "
" بقالي سنين بخدمهم ويخدموني والنهايه خلاص قربت كلها كام شهر والحكايه تنتهي "
" انت اللي هتنتهي يا ايوب ومفيش حكايات هتكمل كفايه عليك الي انت عملته واظن انك انتقمت منهم بما فيه الكفايه "
" هههههههه انت جاي تتشفع لهم ؟ للدرجادي انا عملهم رعب ؟! "
" للاسف الرعب دا هما اللي عملوه ، عملوك اسطوره تتورثها الاجيال ، كفايه ياايوب الدم بيجيب خراب عمره ما كان حل "
" الخراب اللي انت بتتكلم عليه جدك اللي عمله لما اتفق مع عيله سالم وعيله السلاموني انهم يحرقوني مع البيت بس ربك كرمني وقدرت انجوعلشان اطلع لهم شبح في كوابيس يعيشهم في مرار "
" انت عارف ان جدي ملوش في الاذيه وكلمك كتير انك تسيب البيت والبلد وتمشي لكن انت فضلت قاعد تمارس فيه شغل الجن والعفاريت بتاعتك ، كنت عاوز مصيرك يبقي ازاي وانت قاعد في ارض مش ارضك وبتاذي كل اللي حواليك "
" جدك عوف حفظك كتير جدا قبل مايبعتك مصر مع عمامك ، الحقيقه غير كدا يابني ، جدك هو سبب كل اللي احنا فيه دلوقتي ، هو اللي جبني من الجبل وقعدني في البيت دا علشان افتحله كل الابواب المقفوله ولما عيله سالم عرفت وجهته بالحقيقه وكالعاده خرج نفسه منها واتفق معاه ومع محمود السلاموني انهم يحرقوني ويحرقوا البيت مقابل ان ارض البيت تتوزع عليهم هما التلاته ، بس يشاء القدر ان اللي يتحدق واحد من جوا عيله السلاموني وانا اللي اخرج وطبعا كتموا علي الخبر وقالوا انه سافر برا مصر يعيش هناك ، ومن وقتها خدت عهد على نفسي ان اعيشهم كلهم في جحيم "
" مشكلتك كانت معاهم ايه ذنب اللي راحوا ؟"
" الارض الخبيثه مبطلعش زرعه صالحه ياحضره الظابط"
" انا عاوز اساعدك وانت عارف اني مليش يد في كل اللي حصل "
" احسن حاجه عملها جدك انه بعدك عن هنا علشان كدا طلعت نضيف ومش هأذيك "
" ولا تأذي حد تاني كفايه كدا يا ايوب ، الجدود ماتوا والشباب اتعلموا يعني وصلت للانت عاوزه سيب الباقي يعيش "
" لسه مهمتي مخلصتش وانت لازم تمشي لان اللي جاي مش هيبقي كويس علشانك "
فلاش باك
انا "محمود سليمان عوف"ظابط مباحث ومتكلف بقضيه جرائم البيت الملعون ااقصد "منزل ايوب" .
الحكايه لسه مخلصتش وايوب لسه منتهاش والبيت لسه بينور احمر قاتم لما الساعه تدق ١:٣٠ بعد نص الليل .
