ماذا حدث للفتاة أحلام والعين الخفية.. الجزء الثاني

الجزء الثاني: الشيخ علي والشيخة أحلام والإزن الروحاني

في الحلقة الماضية حكى أحمد أخو أحلام الأكبر والوحيد عن أخته أحلام وما رأت من عين لم يشاهدها هو ولا ابيه كما ذكر أحمد الشيخ علي الذي جاء المنزل وطلب اخته وهو يناديها بالشيخة أحلام وكأنه يعرفها من زمن، كما ذكر أيضاً تغير اخته من بعد ما شاهدت تلك العين الخفية حيث أصبحت دائمة الفكر وشاردة الزهن، تغلق عليها الباب بالساعات الطويلة يسمعها تسبح وتصلي، وفي هذه الحلقة يحكي فيها أحمد عن الشيخ علي والشيخة أحلام و الإزن الروحاني.

 مالك يا بابا؟

هه.. بتقول حاجة يا أحمد.

لا.. انت مش معايا خالص.. مش كفاية أحلام.. ايه اللي حصل في البيت ده يارب؟

بابا.. بابا .. انا بكلمك.

نعم يا أحمد .. انت بتكلمني؟

امال بكلم نفسي.

عايز ايه.

ماذا حدث للفتاه أحلام ؟ 

مش عارف.. مش عارف؟

طب استني رايح فين ؟

خارج اشم هوا.. سيبني يا أحمد الله يخليك.

ثم قال أحمد وهو يحكي .. واللهي موضوع أحلام ده تتكتب فيه مجلدات

ليه يا أستاذ أحمد

كمل ياعمو مالها أبله أحلام ايه اللي حصل؟

خلينا في الشيخ علي.. مين الشيخ علي ده؟ و عرف أحلام منين؟

اه.. الشيخ علي.. ثم سكت دقيقة وقال: الشيخ علي ده حكايته حكاية.

عارفين الشيخ اللي شال عرش بلقيس لسيدنا سليمان عليه السلام.. اهه حاجه زي كده وان كنت ماشفتش طبعاً الشيخ بتاع سيدنا سليمان( عليه السلام) بس أظن الشيخ علي له قدرات كبيرة وعجيبة

ياه .. للدرجة دي ..

ايوه امال ايه.. ثم تابع يقول:

ده انا لما خرج من الصالون وحده اتجننت ومسكت فيه اتكهربت.. ايو واللهي ولا ساعة ما جه وقال ان اختي جوه وما حدش يصحيها بابا كان عاوز يضربه لكن ولا كان بيحس، لا الضرب ما كنش بيوصل له أصلاً.. وبرده لما خرج من الصالون أول مره من غير أحلام كنا بندرب الهوا .. انا وبابا .. ده كان يوم ..

ياه.. للدرجة دي.

ايوه امال ايه احنا عرفنا اننا بنتعامل مع شيخ كده زي اللي كان مع رابعة العدوية في الفيلم، ومع ذلك كل مرة كنا بنسأل ونضرب و..

ايه ده هو جيه تاني؟

ايوه امال ايه؟.. كان بيجي كل حين، ده مرة بصيت من الشباك أول مادخلت أحلام عشان أشوف بيخرجو ازاي. ثم سكت أحمد وابتسم و شرد بزهنه.

ايوه.. وبعدين..

هه.. اه .. معلش أصلي جعت.

لا.. انت رايح فين كفاية سبتنا متعلقين أيام وانت مش فاضي.. انا ها اجيب الأكل. عامل حسابي، دقيفتين بس.

اهه الأكل جه ناكل ونشرب الشاي وبعدين تكمل.. بسم الله ياجماعة، اتجه معظم الجالسين إلي الطعام شاكرين العمدة صاحب الدوار والأخرون اعتذروا ثم خرجو في خجل وهم يقولون

سوف نعود.

أحمد يكمل حكايةالشيخ علي والشيخة  أحلام والإذن الروحاني في دوار العمدة

بعد حوالي ساعة  أو أكثر عادة جلسة الإستماع إلى قصة أحلام المختفية

ها قول يا أحمد كمل، شفت ايه لما وقفت في الشباك؟

اه صح يا أحمد كنت بتضحك ليه وانت سرحان ؟

باضحك على خبتي يا اسطى عابد.. ما كنش مفروض اقف أأصلاً بعد ماشفته مش بيضرب ولا بيتلمس.

يا خبر.. ايه اللي حصل؟

شفت نور لا نار في عيني كانت ها تضيعها والحمد لله ربنا ستر.. بس لغاية النهاردة مش بشوف بالليل حتي و النور والع.

يا خبر زي بعضة.. طب انت ما عرفتش لغاية النهاردة الشيخ علي ده كان بياخد أحلام الله يرحمها فين؟

الله يرحمها اية يا مخبول انت دي بتجيب لي الدواء كل لما انساه.

معلش يا أبو أحمد .. انا أسف..

 قام الجميع وتقدم الكثيرون حول أبو أحلام لمواساته، والدمع يملئ عيناه.

والله داليا بنتي بتحلف انها بتحس بيها لما يكون في امتحان أو تدريب، وبتفرح خالص وبتهدأ لما بتيجي.

صح صدق انا لما أفتكرها أحس بحركة في الفاظة أو الكوباية قلم أي حاجة تتحرك تقول انا هنا .

وانا كمان  زوجتي بتحس بيها كل لم تفتكر بنتها اللي ماتت في الحريق.

الحريق عارف يا ماجد لوصدقنا البنت كان زمان مريم  معانا النهاردة .

لا اله إلا الله إلا الموت ياجماعة ده يومه مكتوب .

صح.. صحيح..فعلاً ..لا اله إلا الله.

يا جماعة .. هدوء من فضلكم خلي أحمد يكمل.

كمل يا أحمد .. ما عرفتش اي حاجة عن العين الخفية اللي شافتها في الطريق؟

والله اللي فهمته بعد كدة انها كانت عين الشيخ علي اختارت أحلام علشان تديها القوة الربانية.. وكان ده أول يوم للشيخ علي والشيخة أحلام مع الإزن الروحاني.

معقول برده، بصراحة بنت كاملة عاشت بنا وفي المدينة آية من آيات الرحمن الكل بيحبها.. كنا بنسمع عنها وعن حب الناس والأصدقاء والجوايز اللى كانت بتاخذها.

ايوه وحفظت القرآن وعمرها سبع سنين، مش بس كده لا فضلت حافظاه و كنت بارجع لها لغاية أخر مرة شفتها فيها.

وحد الله يا أبو أحلام.. مش بتقول انها جنبك.. بختك يا عم البركة دي حد يزعل عليها طب ندر عليا لو  ربنا اداني بنت أسميها أحلام  واربيها واخليها زيها تمام.

ان شاء اللة يا عبد الله ربنا يرزقك بالزرية الصالحة.

ايوه كده ادعي لي ادعي لي. 

 زكريات عن قوة أحلام الروحانية

 ده انا مره شفتها بعيني قاعدة في الهواء وبتكلم السحاب.

ايه!!

اه و الله .. دعكت عيني وبصيت تاني ما شفتش حاجة.. افتكرت نفسي بحلم واستغفرة ربنا ورحت توضيت.

هاها .. هاها.. ياراجل ياعجوز.. هاها..

طب انا جت لزوجتي وبتحلف ان شافتها كده بعد آذان الظهر بساعة تقريباً بتصحيها وبتقول لها قومي رويحي المطبخ بسرعة .

اه ساعة ما كان سعيد فاتح باب الفرن وعايز يقعد عليه و بنتك بتطبخ.. البنات دول غير مسئولات بالمرة.

مهما كانت برده صغيرة، هي كانت حاطة الشربة على النار و الوز بياخد وقت دخلت تذاكر وحطت لعب لأخوها يلعب والمدام كانت تعبانه ونايمة، لولا أحلام  كان زمان الواد مشوي..  

لا اله إلا الله

فاكر يا استاذ مروان لما طلعت أحلام من الفصل تصرخ وتقول بلغو الشرطة.. اتصلو بالمطافي. الحفرة .. الحفرة

ايوه انا صراحة ما كنتش مصدق لكن الناس اتصلت والمطافي جت لحقت  والعربات وقفت دي كانت حفرة وسط الشارع.. ومع ذلك الحمد لله مافيش حد اتصاب

 انهيار ارضي مفاجيئ

  صراحة أحلام عملت كتير.. كتير وانقذت أرواح كتير

عارفين يوم الإنهيار اللي في الشارع، جاء لنا الشيخ علي وكانت أول مره نعرف فيها حقيقة بنتي، قالنا ساعتها أن ربنا حباها بهبة من عنده وانها بتشوف الحدث اللي قريب منها أو قريب من اللي بتحبهم  في حدود كيلو بحيث انها ممكن تبلغ أو تنقذ اللي ربنا اختارة.. لكن الهبة دي مش لازم حد يعرفها عشان فية خطر عليها وهي عارفة كدة ورغم ذلك بتتهور وبعدين بلغنا انها عيانة و سخنة روحو عالجوها وخلو بالكم منها وحزروها من التهور، فاكر يا أحمد.

ايوه يابابا فاكر يومها دخلنا عليها الغرفة لقيناها بتترعش وسخنة زي النار، جريت ساعتها وسخنت العربية ونقلناها المستشفي .. قعدت شهر كامل والدكاترة محتارة في علاجها لغاية ما ربنا أذن لها بالشفاء.  

اهه.. قال الراجل وعمل اللي عليه وحذر، صحيح لا يمنع الحذر القدر

صحيح ..خلاص يا جماعة سامحونا تعبنا وعايزين نرتاح الباقي انتم عارفينه

لا انا كل اللي اعرفة ان جاء لي الشيخ ده وقالي ادعي لبنته، انا صحيح باشكر ربنا وبشكركم على انقاذ عائلتي كلها .. لكن انا عايز أعرف فين الشيخة أحلام

حاضر  يا قديس.. بس بجد احنا تعبنا.

ماشي تمام خلينا على اتصال.

تمام حاضر.