ماذا حدث للفتاة أحلام والعين الخفية؟ الجزء الثالث والأخير
ماذا حدث للفتاة أحلام والعين الخفية/ الجزء الثالث
لماذا اختفت أحلام؟
يكمل أحمد القصة والحكاية في هذا الجزء بعد أن ذكر عن اخته أحلام التي رأت عين خفية وسط الزرع على الجانب الأيسر من الطريق وهم عائدون إلى البلد، و كيف تحولت أحلام إلى شيخة عن طريق الشيخ علي، كما حكى أحمد وبعض سكان القرية عن بعض كرامات الشيخة أحلام، التي ميزت برؤية الخطر في منزل أو مكان يقرب منها بمسافة كيلو متر واحد، كما تكلم أحمد في الجزئين الثاني والثالث عن ماحزر منه الشيخ علي و أكد عليه و هو “عدم معرفة سر أحلام وما تراه لاحد سوانا” نحن فقط والا كان خطر عليها، وكيف مرت بمرض دام شهر احتارت الأطباء في علاجه، واليوم ينتظر أهل القرية هم و كل من ساهمت الشيخة أحلام في انقاذ حياتة وربما حياة اسرته من خطر مكتوب وقبل حدوثة ببضع دقائق، كما اجتمع بعض أحباء أحلام وأصدقاءها ليستمعو إلى إجابة السؤال الأساسي وهو لماذا اختفت وأين هي الآن؟
ينتظر الكثيرون عودة أحمد ووالده الآن وبعد أن وعد في دوار العمدة.
لماذا اختفت أحلام
ياه كل دول مستنين.
فين القديس؟
انا اهو ياحاج ..مستنيكم انا والمدام والأولاد عشان نعرف مين الشيخة أحلام دي اللي انقذتنا من غير ما تعرفنا ولا حتى احنا من دينها.
ايو والله.. فجاءة كدة شفنا المطافي على الباب مع حضرتك يا حاج.. واتعجبنا ولكن قبل أن يزول العجب شفنا السبب وشفنا السخان ضرب وطلع نار.. واحنا مركبين غاز طبيعي يعنى كانت ها تحصل كارثة واحنا نايمين.. لولا الشيخة أحلام ما بلغت أبوها كنا كلنا دلوقتي مش في الدنيا ..شكراً للرب وشكراً لاحلام.
الغريبة الكل اختفى بعد ما انطفت النار .. و ما عرفناش مين دول وايه الحكاية لغاية ما جاء الحاج أبو أحلام و قال ادعو لإحلام عشان هي في خطر.
أحمد يبدأ بالكلام عن أحلام الفتاة أحلام التقية فيحكي ويقول
من هي أحلام؟
الكثيرون هنا يعرفون من هي اختي؟
على الرغم من أنها تعلمت في المدينه وكنا نأتي هنا في الإجازات فقط، لكن يتكلم عني اللي يعرفها.
أحلام دي بنت ممتازة.. بنتي ميار صاحبتها وبتشكر فيها خالص .
أحلام دي بنت جدعة عمرها مشافت حد محتاج مساعدة وماتساعدهوش باللي تقدر علية.
والله انا كنت دايما بغير منها في ذوقها وادبها ودايماً بتخانق مع بنتي عشان تبقي زيها.
تمام هي فعلاً كانت كده انا كنت بغير منها، رغم ان والدي عمره ما فضلها عني كان بيعاملنا زي بعض.
انا مش من طبعي أني أميز حد من عيالي بس بصراحة هي ريحتني في تربيتها أكتر منك، زوجتي اتوفت زي ما انتم عارفين بعد صراع مع المرض الخبيث المزعج، كانت أحلام في ابتدائي طفلة 11 سنه لكن شالت البيت ومستلزماته من غسيل وطبيخ والحواديت دي وكان تعمل كمان أكل لماما مخصوص زي ما قال الدكتور، انا كنت شايل عنها المكوه، أما كابتن أحمد !!
عارف عارف كنت “أكل ومرعى وقلة صنعى” وياريت كنت ساكت..لا كنت كمان بعدل عليها في الأكل وفي الغسيل و ليه حاجتي ما جهزتش.. كان والدي بزعق لي ويزعل مني لما كان بيسمعني بعاتبها وازغق لها، لكن هي كانت تعترف بغلاطها بكل هدوء، والا عمرها ما حسستني اني مش من حقي اعاتبها أو انها تعبانة، عمرها مازعلة مني والا من حد كانت لما تنام تصحى عادي وتتكلم مع الكل عادي و تتعامل مع الكل بشكل طبيعي، لا تفشي سر ولا تخون آمانة والا عمرها ما كانت تكرة أو تحقد أو تحسد..
أحلام بنتي اتولدت شيخة بس احنا اللي كنا مش عارفين، زي ما قال أخوها وقالت الأقارب والأصدقاء عنها وفوق ده كلة كانت دائمة الصلاه والذكر، طول النهار شغل ومذاكرة وبالليل كان للقرآن والذكر، يمكن ده السبب الي يخلي ربنا يختارها بالوهبه دي، لكن عمري ما شفت الشيخة أحلام والشيخ علي الا من سنه.
ومع ذلك كانت متفوقة في الدراسة كانت بتجيب درجات عاليا.
تمام
عشان كدة اختارتها العين الخفية وأصبحت شيخة.
ممكن.
امال ايه حكاية الدعاء اللي طلبتوه منا، وهي فين أحلام عشان اشكرها.
الدعاء لانقاذ أحلام من الهلاك
وصلنا للنهاية.. بصو الموضوع ده بدأ من ساعة حفرة الأسفلت واللي جاء الشيخ علي بعدها وحزرنا من إن سر أحلام ينكشف، وزي ما حكيت لكم دخلت بعدها المستشفى وهي سخنة جداً وقاعدة شهر كامل من غير ما أحد عارف سبب السحونة لغاية ما خفت لوحدها.
ايوه عرفنا الحكاية دي.
طب فاكرين حكاية أبو فلفل، الواد اللي كان عامل صالون حلاقة ومن ورا الحيط كانت البلاوي كلها.
ايوه ماكنش حد فاكر أن المصايب اللي كانت بتيجي لولادنا من تحت راسه.. كان شكله طيب وابن حلال، لولا أحلام الله يسترها مافضحته.
لولا أحلام.. اه ساعتها فضل أبو فلفل وأعوانه الفاسدين يبدوروا وراء مين اللي كشف الموضوع لغاية ما عرفو من اللتتين اللي دايما بيحبو يتكلمو ويعملو نفسهم عارفين كل حاجة..منهم لله.
لماذا اختفت أحلام ؟
كانت عاملا صاحبتها وأحلام بردة قليلة الخبرة وماتعرفش تبقي بوشين زيها ..ما فهمتهاش.. حكت لها عن أبو فلفل واللي بيعمله لما كانت البنت بتشتكي هي ومامتها من تحول أخوها الغير مفهوم و أخلاقة اللي زادت سوء، وكمان في حاجات بتختفي من البيت وشاكين فيه، ساعتها شافت أحلام الولد فين وبيعمل ايه فحكت، والباقي انتم عارفينة.
ايوه ابن اللواء محمود
ايوه هو، ورغم من ان أحلام أكدت عليهم أن تكون بعيدة عن الموضوع وهم وعدوها بكدا، لكن مع الأسف فضحو السر بقصد أو بدون قصد.. لكن المهم اتعرف سر أحلام.
سكت أحمد والدموع ملئت عيناه.. فقال الأب في صوت يميل إلى البكاء.
يومها جاء الشيخ علي وهو حزين في يوم من أصعب أيام عمري رأيت منظره عرفت أن أحلام في مشكله.. بص عليا وقال قدر يا حاج .. "وساعة القدر يعمى البصر "بص عليه أحمد وهو يسأل خير في ايه.. رد الشيخ وهو بيمسح فوق رأسه وقال له انت راجل مؤمن والمؤمن لازم يكون قوي، وبعدين ضمه وقال ادعو للشيخة أحلام ادعو لها يمكن يخفف عنها البلاء.
ايوه ساعتها بكينا وانهرنا واحنا بنسأل مائه سؤال في نفس واحد، فقال الشيخ إن اختي سوف تصاب بمرض لمدة تسعة سنوات هم بعدد الأيام التسعة التي انتشر فيها الخبر، مرض يشبه المرض السابق ويمكن اقوي لن تخرج منه سليمة اذا أراد الله لها الشفاء.
ياحببتي يا بنتي .. ساااعتها..قال الشيخ علي وهو حزين ..لا وقت للبكاء عليكم بالدعاء لوكثر الدعاء ربما تعود وتختفي عن انظاركم فلا يصيبها المرض، عليكم بالدعاء..اذهب إلي كل من تعرفة ولا تعرفه وتمت مساعدته من خلالها، ليدعو لها، ربما تعود وتختفي.. ادعو لها عليكم بالدعاء.
حين اذاً رأيتك يا حاج وعرفت سر ابنتك؟
نعم.. لقد ذهبت إلى كل ما أعرف أو اتذكر ه حتى يدعو.
اتقوى على فراقها؟
مش بتوحشكم؟
بصو يا جماعة كدة احسن والا اتفرج عليها وهي بتتعزب تسع سنين.
لا طبعاً كدة أحسن.
لا كدة أحس الف مرة.
أين الشيخة أحلام؟
مش عارف.. بس لما أفكر في كلمة الشيخ علي لما قال تعود و تختفي عن انظاركم، أشعر انها مع الشيخ علي واللي زيه.
ليه هي اختفت قبل كده.
لا.. بس وهي صغيرة رضيعة كانت بتنام كتير وكانت بتضحك وهي نايمة ولو حد يصرخ جنبها كانت بتتخض وتصرخ.
يعني أحلام دلوقتي مع
لا.. اسكت ما تتكلمش في الغيبيات.. كل اللي نقدر نقوله انها ارتاحت من العذاب وانها معانا… ربنا يحفظها، ويجمعنا سوا في الجنة.
آمين
آمين
انت تستاهل كل خير يا أبو أحمد.
