قصة البَِيْك_ الجزء الخامس عشر( مؤلفة من ١٨ جزء)

*«الـ بـيـك».*👨🏻

*الـجـزء الـخـامـس عـشـر.*

حمزة : شفتي قلتلك مارح يصرلا شيء
حياة صحت على عمر عم يفيقا
حياة: لك خلص تركوني نام حنان خدي أبنك عني
حنان: ليش قومي حاجتك نوم الساعة 1
حياة: ما بدي حلو عني ياااه
حنان: حياة شو فيكي تطلعي فيني
حياة: اختي ولا شيء ودفنت حالا تحت الحرام
حنان: قومي بنت حماي معنا بتتفقي انتي وياها وبتتسلو مسكت وجها وتطلعت كيف خدا منفوخ وشفتا نازفة
حنان: حيااااااة شبو وجهك
حياة: ولا شيء اختي
حمزة: كيف ولاشيء شوفي شلون خدك منفوخ
حياة: كيف قامت وقفت وتطلعت عالمراية شافت خدا منفوخ تذكرت عبد ولعنتو بقلبا منيح اللي خلصت منو وسلموا مازن للشرطة
حياة ل حنان: ولا شيء اختي لا تقلقي
حمزة: حياة ليكون رجع اللي ما بيتسمى
حياة: تطلعت فيه ورجعت مسكت عمر وصارت تبوسو وتحكيلو شتقتلك يا حلو
حنان: حست انو هربت من سؤال حمزة أخدت عمر منا عطتو لحمزة وقالت: حبيبي معلش تخلوني احكي معا لحالي
حمزة: اكيد يا روحي
حنان: بعد ما طلع حمزة وسكر الباب وجهت حكيا لحياة رجع مراد ما اجى لهون عالبيت
حياة: لاء
حنان: لكان
حياة ابتسمت : بتعرفي شو طلعت مرتو وصارت تضحك وتبكي سوا حنان انصدمت
حنان: كيف يعني
حياة حكتلا كل شيء
حنان: شوووو كيف يعني
حياة: يعني هو مو مافيا وزوجي وعيلتو طلعت عايشة قربت عليها حنان وحضنتا
حياة: أختي تركتو عم يترجاني نكسر قلبي عليه كيف ركض وراي وأنا بالتكسي حافي وصارت تبكي بهستيريا
حنان: اهدي مو أنتي هيك بدك
حياة: لاء ما هيك بدي أنا بحبو بدي ياه بس ما عم اقدر اتقبل اللي صار كل ما بكون قريبة منو بتذكر الشيء اللي عملو فيني مخليني بعد عنو
حنان: أختي بعرف بشو عم تفكري ليكي رح احكي شيء وصدقيني ما كنت متخيلة اني احكيه
حياة: شو
حنان: أنا رح احكيلك شيء بما اني برات القصة ف فهمتك انتي وفهمتو صدقيني زعلت عليه
حياة: احكي اختي بترجاكي قليلي شو اعمل شو ساوي مالي عرفانة
حنان: طيب رح احكي شوفي هو يمكن غلط معك بس مو ذنبو بابا وصالح وحاتم وحذيفة اللي خلوه هيك
حياة: كيف يعني
حنان: أول الشيء الحق على بابا وجماعتو وقت بعدوه عن اهلو كان هو مفكر أنو اهلو ميتين واهلو مفكرينو ميت وبيجي الحق الكبير على حذيفة رباه عالأنتقام والحقد شوفي هو مظلوم حرام يعني ما بعرف حسيت فيه هو ما بدو يصير هييك واكيد هو نصدم وكره حالو وقت عرف انو اهلو لسا عايشين كره حالو وقت عرف قديش وجعك كرمال ولا شيء صح وأنتي معك حق بس هو زوجك حياة فكري منيح يمكن انتي تقدري تغيري اللي صار هو بحبك انا متأكدة وقت اجى عالمشفى حسيت قديش بحبك وبغار عليكي لدرجة أنو حسام بس تدخل شفتي شو ساوا فيه بعدين بدي سمعك شيء وقت فات لعندك عالغرفة سجلتلوا صوتو
حياة: صوت مين
حنان: مراد وقت كنتي بالمشفى ترجاني حتى خليكي تشوفيه وقلي إذا بدك بتفوتي معي والله ما بساويلا شيء بس بدي شوفا
حياة: ترجاكي 😳😳هو هيك قال
حنان: ايي طالعت جوالا وسمعتا
مراد: ليش هيك عملتييي ليش تركتيني أنا بعرف انك كنتي عم تستني قلك ابقي بس هاد الشيء مو من حقي بعرف لو كنتي فايقة كنتي رح تقولي وقت بدك ياني بتعرف كيف تخليني وتحبسني بس وقتا ما قدرت ما قدرت قولا يمكن خفت اعترف لحالي أني تعلقت فيكي وصرتي جزء من حياتي بعرف أني ظلمتك كتير وغلطت بحقك كتير بس كان معمي على قلبي وقت كنتي تحاولي ترجعي مراد القديم كنت خايف كنت خايف ارجع ضعيف وكنت أنتقم منك انتي الوحيدة اللي شافت مراد من جوا مو من برا الوحيدة اللي كانت حاسة باللي جواتي وكنت انتقم منك لهاد السبب وقت بكيت قدامك وقتا كانت اول مرة بضعف بعد سنين وضعفت قدامك للمرة التانية مبارح كنت عم حاول بعد والله بس ما احسن أنتي متل المعصية ممتعة وأنا عاصي بدو التوبة كانت جواتي حرب طاحنة بين أنو بدي ياكي وبنفس الوقت مابدي استغل ضعفك بس للأسف ماقدرت توب عنك ماقدرت كنتي حلوة كتير لدرجة مو معقولة بتعرفي تمنيت لو كنت عرفتك بغير ظروف وماكنتي بنت شرف وقتا كنت رح افتحلك قلبي وحبك كتير بس لو كانت الظروف غير كنت ما أذيتك ولا جرحتك باسلا أيدا ألنا لقاء تاني يا حياتييي
اتجه لعند حنان وقال : بترجاكي ديري بالك عليها منيح انا صح غلطت بحقا بس...
حنان: أنت بتحبا ماا
مراد عم يطلع فيها بحيرة
حنان: انت بتحبا هاد الشيء مبين من عيونك طيب ليش قتلت أبنك إذا بتحبا
مراد: هي قالتلك
حنان: أنا شفت الأثر
مراد: كنت مجبور وهون بيوقف التسجيل
حياة : كانت عم تبكي أختييي مشان الله
حنان: اهدي يا روحي
حياة: شو ساوي أختي بعرف انو اللي صار مو ذنبو شو ساوي عم موت
حنان: عطي حالك فرصة فكري منيح وأنا معك شو ما قررتي تمام
حياة: طيب
_________________________

عند مراد ومحمد وصلوا عالبيت
محمد: نزل وفتحلوا الباب لمراد نزيل أخي
مراد: بنزل لحالي لا تعذب حالك
محمد: نزيل تعال مالك حاسن
مراد: قلتلك بنزل لحالي ما صرلي شي بس راسي عم يوجعني ما اكتر
محمد: مراد خلصني انا اخوك الكبير ومجبور تسمع كلمتي
مراد: قلتلك مافيني شيء نزل اخد شنتايتو بس حس بدوخة رتكا عالسيارة
محمد: عم يقلدو قلتلك ما فيني شيء راح لعند مسكوا وخلا الحارس ياخد الغراض
محمد مشان يطري الجو : فوتي برجلك اليمين حبيبتي
مراد 😒😒: محمممد
محمد : يا عيونو لمحمد
مراد: حسبي الله ونعم الوكيل
فاتو لجوا كانت العيلة مجتمعة اليوم عاملين حفلة شوي
رهام: وقت شافت كيف محمد ماسك مراد سقط قلبا من الرعبة وركدت لعندن
رهام: أبني مراد شو فيه
مراد: ما في شيء امي لا تقلقي شوية دوخة
أحمد: متأكد أبني
مراد: أي ابي لا تقلقوا أنا مالي صغير وشوية دوخة ما رح تأثر علي متعود
رهام: كيف يعني متعود ابني
مراد: يعني أمي كل ما يجعني راسي بدوخ هيك
محمد: ما احلاك وما تدوخ وأنت نازل شرب بالخمر
هون مراد نكشو بكوعه على خصروا
محمد: آآآه
الجد: شو سمعت مراد أنت بتشرب
مراد: اي بشرب في مانع
احمد: ابني احكي منيح مع جدك
مراد: ليش شو حكيت محمد خدني على غرفتي
الجد: مافي روحة لمطرح أنت ما بتعرف أنو الخمر حرام وأنو نحنا عيلة محافظة وبما أنك فرد من العيلة بدك تتقيد بالقوانين
مراد: بعرف انو حرام وأنتو عيلة محافظة بس أنا ما كنت قبل وما فيك هلأ تجي تفرض قوانينك علي
الجد: تأدب يا ولد وعريف مع مين عم تحكي
أحمد: ابني شو عم تحكي جدك عم يحكي لأنو بخاف عليك
مراد بألم : ما بدي حدا يخاف علي عم تفهموا ما بدي انتو بظهوركن دمرتوا حياتي اللي بلشت تظبط بعد سنين بتعرفوا شو يعني عيش 20 سنة من حياتي وانا مفكر انكن ميتين وفجاة تطلعوا بعد ما اخدت انتقامي من الشخص الخطأ بتعرفوا وصار يرجف وقت تذكرا
رهام: اب...بني ...شو..ع..عم تحكي ....ان..انتقام شو
الجد: انتقام شو
مراد: انتقامي من يلي قتلوكن متل ما كنت مفكر
أحمد: ميين؟؟
مراد: صالح وشرف
أحمد: أنت اللي قتلتن
مراد: أي أنا 15 سنة وأنا عم خطط واحفر تحتن ووقت اجى الوقت المناسب قتلتن بدم بارد وشعلت فين النار بس الشء اللي عملتوا ما بينغفر أبداً لأن انتقمت من شخص تالت وهو ما دخلوا بس كرمال اوصلن
رهام مصدومة : ابني انت شو عم تحكي مراد ابني ما بيعمل هيك مالو قاسي مالو ظالم مالوووو حقود
أحمد: حط ايدو على قلبو
مراد: دمعو عيونو لاء يا امي انتي ما بتعرفي مين مراد انتي بتعرفي النسخة الصغيرة منو محمد خدني على الغرفة بدي ارتاح
__________________________

بعد 3 سنين عند حياة
حنان: شو اختي جاهزة
حياة : اي اختي
تطلعت عليها حنان وعلى جمالا بفستانا الأزرق بورود سود طويل على قد جسما بتلت ارباع الكم مع كندرة سودة عالية ورفعت شعرا رفعة ناعمة كتير وحطت عرق باللون الأسود والازرق ومكياج خفيف مخليها بتجنن
حنان: ما شاء الله الله يحميكي يا روحي طالعة بتجنني
حياة : وانتي اختي بتجنني
حنان كانت لابسة متلا بس الفستان اسود وعليه وردات زهر مع كندرة زهر
حنان : إذا خلصتي حمزة عم ينتظرنا برا هو وعمر بالسيارة
حياة : خلصت يلا نمشي
بعد ما طلعوا كان حمزة لابس طقم اسود والغرافة من لون الوردات تبع فستان حنان كان حمزة أبيض وشعراتو بني فاتح وعيونوا رمادي وألو دقن خفيفة ومرتبة
حياة: أووووه صهري شو هالوسامة هي
حمزة : أكيد مالي بجمالك شو هاد يا بنت والله لتخطفي قلوب الشباب
حياة: ضحكت بنعومة ميرسي خجلتني ضربا بمزح على راسا اي خلصينا يلا 😂😂😂 أنتي والخجل سوا ما بتنحطوا بنفس الجملة
حنان: 😂😂😂😂لك خلصنا بقا انتو التنين
حياة : مسكت أبن اختا اللي طالع نسخة من أبوه بس بعيون خضر لحنان حنان كانت بتشبه حياة بس اقصر منا (ما هو معروف الأخت الصغيرة دائماً اطول من الأخت الكبيرة 😅😂) وبشرتا حنطية بعيون خضر وشعرات سود طوال كانت حنان طالعة بتشبه ابوها وحياة بتشبه امها كتيير
حنان: يلا امشو مشان ما نتأخر

عند مراد كانو قاعدين عم يفطروا كل العيلة
كان مراد قاعد ومهموم صرلن تلت سنين بعاد عن بعض كل فترة بينزل بيراقبا بيتمعن فيها واحياناً وقت تكون بالعجقة بيقرب عليها بشم ريحة شعرا اليوم رح تتخرج من الفنون فعلاً فنانة وقت شاف رسما ما صدق بترسم بواقعية يعني الرسمة واقعية حقيقة كتير ولا كأنو رسم رح تتخرج وهو مو معا ومو جنبا عم يتخيل قديش رح تكون حلوة ومستحية وقت تاخد الشهادة قدام الكل لهلأ بيتذكر خجلا منو وقت كان يحكي معا بجرأة كانت تحاول تخفي خجلا بأنو تعصب بس الدور ما كان يظبط معا بيعرف من خدودا أنو خجلانة وقت يتوردوا وتوترا كان يتعمد يحكي معا بجرأة كرمال يشوف تخبطا وهي خجلانة
الجد: شو مراد وين صافن
مراد: تنحنح ولا شيء جدي
قاسم: أبني مراد شو صاير معك
مراد بلش يمل منن هو مو متعود على الأهتمام الزايد: ولا شي عمي ولا شيء
الجد: كيف ولا شيء صفناتك كترانين وأنت بتحكي ولا شيء
مراد اتدايق: دايمة الحمدلله شبعت قام وقف وراح على غرفتو
أحمد: أبي بترجاكن تركوه بحالو
الجد: شو نتركوا بحالو عم نحكي لامطن خايفين عليه
رهام: بنعرف يا عمي بس هو مو متعود على الأسئلة الكتيرة
العمة خلود: كيف مو متعود يا رهام ما بصير يضل هيك بعدين صرلو 3 سنين حلو يتعود هاد الشيء لمصلحتوا ما بصير يضل يخبي بقلبو
العم الصغير خالد: ما بعرف حاسس اليوم في شيء غير
الجد: شيء متل شو
خالد: ما بعرف يا ابي
الجد: صار لازم يتزوج ما بصير يضل هيك هي صار عمروا 35
أحمد: بس مراد رافض الفكرة يا أبي
الجد: لييش بقا
رهام: فتحت معو السيرة يا عمي بس ما قبل ودغري سكر على الموضوع
محمد: كان عم يسمع ويقول وليي شو هالورطة بس اكيد مراد مارح يسمحلن يزوجوه
الجد: هي أخوه تزوج وهلأ دوروا رح يتزوج بنت قاسم ليليان
ليليان كانت عاملة حالا خجلانة بس من جوا عم ترقص وقلبا عم يقول حق بق من أول ما اجى مراد حبتو وصارت تتقرب منو مشان يلاحظا وهو ولا يرد
محمد:😳 تطلع على مرتو ليان وتطلع على ليليان بس يا جدي مو لازم نسأل مراد بالأول وليليان
مراد: كان نازل على شو بدكن تسألوني
الجد : رح تتزوج أنت وليليان
تطلع مراد بليليان بلا مبالاة وتذكر كيف الليلة الماضية فاتت على غرفتو وصارت تتقرب منو وعرضت حالا عليه يا لطيف شو بيكرها :مارح اتزوجا..

#يتبع..