رواية شهد الفصل الأول والثاني والثالث
رواية شهد البارت الاول 💙🌷
لو سمحتي
-نعم اتفضلي
=انا عاوزه ابيع دمي
الممرضه استغربت من طلبي ووقفت مصدومة شوية وبعدين قالت لي: عاوزة تبيعي دمك ليه؟
-رديت عليها وقولت لها ........ انا محتاجه فلوس ضروري عشان كده لو سمحتي ياريت بسرعة
الممرضه بصتلي بحزن وقالت لي: طيب ما تشتغلي احسن
رديت عليها وقولت لها:انا بشتغل بس انا محتاجه الفلوس النهارده ضروري
بصتلي بكل حزن وقالت لي: طيب خليكي هنا هروح اقول لدكتور وهجيلك تاني
رديت عليها وقولت لها.... ياريت متتأخريش عليا
__قالت لي بكل حب وحزن في ان واحد : حاضر يا حبيبتي مش هتأخر هقول لدكتور وهاجي علي طول
..............
الممرضه مشت وكانت حزينه جدآ وشوفت في عنيها نظره شفقه ودي اكتر حاجه بكرها في حياتي ان حد يبصلي علي اني ضعيفه او محتاجه عشان كده مستعده اعمل اي حاجه واشتغل ليل نهار بس محتاجش لحد
-------&&________
عند الممرضه.......
دكتور لو سمحت!؟
_خير ياساره في حاجه
=في بنت عاوزه تبيع دمها وواضح انها محتاجه فلوس ف انا بقترح عليك لو تساعدها بحاجه وانا كمان يعني ونساعدها
___حاضر ثواني
دخل فتح درج مكتبه وطلعلي مبلغ وقال لي: اتفضلي اديها دول وخليها تروح ولو احتاجت حاجه اديها رقمي وخليها تكلمني وانا هساعدها
=جزاك الله كل خير يادكتور ربنا يجعله في ميزان حسناتك
__وجزاك مثله
.............««٪•♡♡» •
خدت الفلوس وكنت فرحانه اووي ان جبتلها فلوس وهساعدها روحت عندها بس اتصدمت من اللي سمعته منها بعد كده
اول ما شافتني قالت لي: اتأخرتي اووي ليه مش قولت لك انا مستعجله ممكن يلا بسرعه تسحبي مني الدم عشان امشي
قولت لها: خلاص يا حبيبتي مافيش داعي خدي دول وروحي ولو احتاجتي حاجه تعالي وملوش لزوم انك تبيعي دمك
ردت عليا وقالت: انا متشكره جدا علي تعاطفك معايا بس انا مش بشحت انا جايه ادي واخد مش اخد بس رجعي فلوسك انا متشكره انا مش بشحت منكم ولو سمحتي هتسحبي مني ولا اروح مستشفى تانيه!
=طب خديهم وابقي رجعيهم بعدين
___لا بردو شكرا ليكي جدا
هتسحبي ولا امشي
=تعالي معايا
بعد شويه خلصنا وقالت لي: لازم ترتاحي وتشربي حاجه عشان ممكن يغمي عليكي دلوقت لان اتسحب منك دم كتير
رديت عليها وقولت: لا انا عاوزه امشي بسرعه
قالت لي: طيب استنيني برا عشر دقايق هجبلك الفلوس
مشيت وانا بشد في ركبي ومش شايفه قدامي قعدت علي كرسي بس قبل ما اقعد خبطت في واحد طويل عريض وده كان الحوار بينا
الشخص: مش تحاسبي يا حماره انت
_تصدق مفيش حمار غيرك بقي انا كنت لسه هعتذرلك بس طالما انت قليل ادب كده مش هعتذر
الشخص: هو مين اللي قليل الادب يا قليله الذوق انت انت مش عارفه انا مين!
_والله محصليش الشرف ولا يحصلي اصلا لما اعرف واحد زيك وياريت تغور من قدامي بوشك اللي شبه قطر عبدين ده
الشخص: هما ازاي يدخلو واحده زيك هنا مفروض البنأدمين بس اللي بتدخل
__زي انت ما دخلت بظبط
..............
شويه وحسيت ان الرؤيه قدامي بدأت تتلاشي والاصوات حواليا بتبعد وحاسه ان انا تحت الميه
وعاوزه حد يمسك ايدي كل حاجه بتختفي قدامي تدريجيآ حسيت نفسي هقع سندت علي الحيطه اللي قدامي بس قوتي خانتني ومحستش بنفسي#
رواية شهد الفصل الثاني البارت التاني 💙
_فتحت عيني شويه شويه وانا حاسه ان دماغي هتنفجر ببص حواليا ملاقتش حد ولاقيت الممرضه حاطه الفلوس جنبي خدتها بسرعه ومشيت وانا مش شايفه قدامي؛ مشيت بسرعه وانا مش شايفه بس غير امي اللي بتموت وعاوزه الحقها
طلعت من المستشفي وانا بشد نفسي وقفت تاكسي ووصلت عند ماما طلعت عندها لاقيت بابا قاعد جنبها وبيعيط حطيت ايدي علي ايده وطبطبت عليه وقولت له: متخافش يابابا ماما هتبقي كويسه ان شاء الله وانا جبت فلوس عشان نعملها الاشاعات اللي الدكتور طلبها مننا... بصلي بلهفه وحزن وقالي: جبتي فلوس جبتيهم منين؟
قولت له: انا اتبرعت بدمي في المستشفي وخدت تمنه
بصلي بحزن شديد وبصلي بصه عجز منه وبص في الارض وقالي: انا اسف يابنتي اسف ليكم كلكم اسف ان شغلي مش مكفي مصاريفك ولا حتي علاج امك انا اب فاشل يابنتي
قولت له: متقولش كده يا بابا انت بتشتغل ليل نهار انت احسن اب في الدنيا وان شاء الله هتتعدل وكل حاجه هتبقي كويسه وماما هتصحي وهترجع معانا البيت فضلت اتكلم معاه واديله امل وتفاؤل في الحياه* ومهما طال الليل بظلامه سيشرق الصبح متبسم *
بعد شويه قال لي: خليكي هنا جنبها وانا هروح اشوف الدكتور عاوز ايه عشان نعمله وبعدين طلع........
طلع وسابني جنبها مسكت ايدها وطبطت عليها وعيطت
فضلت اكلمها وهي مش سمعاني.. ماما بالله عليك قومي بقي اوعي تسبيني لوحدي انا وبابا احنا ملناش غيرك في الدنيا يلا اصحي بقي عشان تروحي معانا البيت ونضحك ونهزر زي زمان ماما انا نجحت وهدخل الجامعه مش كان نفسك تشوفيني وانا رايحه الجامعه ماما ابوس ايدك اوعي تسبينا انت روحي يا ماما اوعي تاخدي روحي وتمشي فضلت اتكلم معاها بحرقه؛ والم؛ وحسره؛ شعور العجز انك تشوف اعز الناس علي قلبك بتروح ما بين ايديك ومش قادر تعملهم حاجه مهما كنت قوي لازم هتكون ضعيف وذليل قدامه..
سبتها وخرجت وانا قلبي بيتفطر عليها خايفه ارجع قي مره ملقهاش مسحت دموعي وقعدت برا فضلت اطرد علي الافكار السلبيه من دماغي واقوي نفسي واصبر وادعي ربنا
بعد شويه لاقيت بابا جاي
هااا يا بابا عملت ايه
_روحي انت وانا هعمل التحاليل دي مع الدكتور وهرجع بالليل
وبعدين مش انت مفروض تسافري عشان كليتك
رديت عليه بكل حزن وقولت له: كلية ايه يابابا في الظروف اللي زي دي وبعدين هسيبك ازاي انت وماما
رد عليا وقال لي: مالكيش دعوه بالظروف اللي احنا فيها لازم تكملي وتاخدي شهادة كويسه عشان نفتخر بيكي انا وامك لازم تبصي لمستقبلك ومتخليش الظروف تأثر عليك انا عارف انها صاعبه بس لازم تصبري وتبقي قوية لازم تخلي الناس يقولوا ان بنت سيد البواب بقت حاجه..... ارجوكي يابنتي ساعديني وابقي حاجه عشان تفتخري بنفسك بين الناس وافتخر بيكي بين الناس ومتشليش هم المصاريف انا هبعتلك مصاريفك وهعلمك عشان تبقي حاجة كبيره
بصتله بأسي وقولت له: بس
قال لي.... من غير بس
اعملي اللي بقول لك عليه
بصتله بحب وقولت له: حاضر يابابا انا هعمل اللي قولت لي عليه وهبقي حاجه كبيره تفتخر بيها دايما وسط الناس
=ان شاء الله يابنتي باس علي راسي بكل حب وحنان وقالي يا امشي انت
_حاضر.... وبعدين
سبته ومشيت بعد ما وصلت البيت
اللي هي شقه صغيره في بادروم العماره
دخلت البيت واترميت علي السرير... وجسمي كأنه اتخدر واستسلمت للنوم
..................... في المستشفي عند ساره كانت بتحضر شنطتها عشان تمشي وفجأه قالت :: او انا نسيت ادي الفلوس لدكتور حسام يارب الاقيه لسه مروحش فضلت ادور عليه وفي الاخر لاقيته
دكتور لو سمحت
-خير ياساره في حاجة
=دكتور دي الفلوس اللي انت ادتهاني اديها للبنت هي رفضت تاخدها
الدكتور باستغراب: ليه؟
_معرفش هي قالت انا مش بشحت ومش محتاجه مساعده وشكرتني واسرت انها تسحب دم وتاخد حسابه وبعدين للأسف تعبت حتي ملحقتش اطمن عليها ومشت
=هي البنت اللي تعبت وداخت دي!؟
_ايوه هي دي بتسأل ليه هو حضرتك تعرفها!؟
=اممم لا معرفهاش... امم طب ملهاش اي رقم تليفون هنا او حاجة؟
_لا للأسف بس ليه؟
=لا مفيش بس كنت عاوز اوصلها عشان اساعدها او حتي نطمنوا عليها لانها مشت تعبانه
عمومآ خلاص مفيش مشكله روحي انت
__اوك حاضر حضرتك مش عاوز حاجة
=لا مع السلامه
مشي حسام وساره من المستشفي
عند شهد......
شهد!
__ شهد بنعاس: بابا حمدالله علي السلامه ماما عامله ايه
=الحمدلله كويسه الدكتور قال في تحسن
__طب الحمدلله
=حضرتي حاجتك عشان تمشي بكرا!
_لا لسه انا جيت تعبانه اووي ونمت
=طب قومي حضري حاجتك عشان هتمشي بدري
انا كلمت استاذ ابراهيم معانا هنا وهو رايح اسكندريه وهيوصلك معاه
في طريقه
___حاضر
في اليوم التالي
تسارع في الاحداث
كنت واقفه قدام الكليه وشايفه البنات والشباب اشكال والوان قدامي وشايفه البنات لابسه احسن لبس واللي جايه بعربية والي...... الخ
بصيت لنفسي ولبسي وخدت نفس عميق ودخلت #
رواية شهد الحلقة الثالثة🌹💙
كنت واقفه قدام الكليه وشايفه البنات والشباب اشكال والوان قدامي شايفه البنات لابس احسن لبس واللي جايه بعربيه……. الخ
بصيت لنفسي ولبسي وخدت نفس عميق ودخلت
طبعآ روحت السيكشن لاقيت مفيش محاضرات وكده عشان لسه اول اسبوع وكله تعارف خدت بعضي وقعدت في الكافتريا الخاصه بالكليه كنت قاعده لوحدي بصيت حواليا..
لاقيت كل واحده معاها واحد وكل واحد معاه واحده وقاعدين يضحكوا ويهزروا…. كان في شله بنات وولاد قدامي وواضح انهم من طبقه عاليه جدآ وباين العز عليهم…. عملت نفسي مش واخده بالي منهم بس اللي استفزني انهم كانوا بيتكلموا عليا وكان صوتهم عالي وواضح جدآ بالنسبه لي ده غير ان انا كمان كنت قريبه منهم جدآ وسمعتهم والحوار كان كالتالي:
بنت: بصوا بصوا عروستك هناك اهي يا يوسف
الجميع:ههههه
يوسف: لا دي عروستك انت يا عمر
عمر: لا ياعم دي عروستك انت من الاول هو تلزيق وخلاص ولا ايه
البنت: خلاص يا جماعه ده هزار هتتخانقوا ولا ايه…. ماتيجوا نروحلها ونروش عليها شويه بصراحه عاوزه اضحك وزهقانه ايه اليوم الممل ده
الجميع يلا
____كنت قاعده والدم بيغلي في عروقي وزعلت اووي من كلامهم بس ميفرقش معايا وخدت نفس عميق ومهتمتش وبعدت نظراتي عنهم بعد شويه لاقيتهم جاين عندي وبيقعدوا معايا وبيقولوا لي …. ازيك يا حلوه مش نتعرف بالزميله الجديده!؟
مهتمتش ومبصتش علي اللي بيتكلم
لاقيت واحد فيهم بيقول: بس تصدق يا يوسف شكلها حلو من قريب الا اسمك ايه يا شاطره
رد عليه وقال له: اه فعلا حلوه بس شكلها مبتسمعش
ردت البنت وقالت: انت مبتسمعيش بجد يا حلوه ولا بتستعبطي وشوحت بأيدها ليا
كنت بحاول اتمالك اعصابي واسكت قولت في دماغي ابعد عن الشر وغنيله
خدت حجاتي وقومت عشان امشي قدام نظراتهم ليا بس وانا بقوم البنت كعبلتني ووقعت…وكلهم ضحكوا عليا
قومت وعدلت هدومي ولميت حاجتي وكنت هعيط بس مسكت نفسي بصتلها من فوق لتحت وقولت لها: ضحكتي واتبسطي دلوقت ياريت يكون يومك اتعدل
بصولي كلهم بإستغراب وقالوا في نفس واحد
بتتكلمي….
رديت عليهم وقولت: ايوه بتكلم بس في مثل بيقول الرد علي السفهاء الصمت
وانا بصراحه شيفاكم شويه سفهاء عشان كده مردتش عليكم
ردت عليا البنت بعصبيه وقالت لي: لا وكمان عندك لسان طويل ماشاء الله انت مش عارفه نفسك بتكلمي مين!؟
ردت عليها بكل برود وقولت: ايوه طبعآ عارفه نفسي بكلم مين بكلم واحده تافهه… وقليله ادب..
ردت عليا بكل عصبيه وقالت: انا هعرفك مين اللي تافهه وقليله ادب يافلاحه يا متسوله انت
بصتلها بكل بردو وسبتها ومشيت وهي مولعه
خدت بعضي ومشيت من الجامعه روحت السكن الجامعي كان معايا بنت واحده في االاوضه اتعرفنا واتكلمنا بس محكتلهاش عن اي حاجه عني ولا عرفتها ايه اللي حصل معايا لان مش بأمن لناس بسهوله
فضلنا نتكلم شويه وقالت لي: انا بشتغل بعد الجامعه في شركة عشان اجيب مصاريفي واساعد اهلي عشان لما اخرج متقلقيش عليا
قولت لها بلهفه: طب معاكيش شغل ليا
قالت لي: ايوه ممكن… الراجل صاحب الشركه كان عاوز سكرتيره عشان اللي عنده رجلها اتكسرت وهو عاوز واحده فتره لما تصحي
وممكن تيجي معايا النهارده كمان لو عاوزه وتقابيليه
رديت عليها بفرحه وقولت لها: ياريت والله انا عاوزه الشغل ده ضروري
قالت لي: ماشي اجهزي وحضري ورق اثبات شخصيه وتروحي معايا النهارده
قولت لها: ماشي
…………………….. في كافيه
عمر: بس البنت دي حطت عليكي جامد يا هند
هند بعصبيه: هي مين دي يابني انا بس سكتلها عشان منعملش مشكله من اول يوم بس وربنا ما هسيب حقي وهعرفها مين اللي قليله ادب الفلاحه دي
عمر: مالك يا يوسف انت كمان سرحان في ايه
يوسف!!!
‘__هاااا
عمر: لا ده انت مش معانا خالص مالك سرحان في ايه
يوسف: لا مفيش انا هستأذن انا عشان بابا عاوزني هعدي عليه في الشركه واتأخرت
عمر: ماشي خلاص ابقي كلمنا ومتنساش
يوسف: اوك يلا سلام
……..
عند. شهد
مريم: باس ياستي هي دي الشركه
شهد: ماشاء الله دي كلها ده ولا مغاره علي بابا
مريم بضحك: وانتي شوفتي مغاره علي بابا قبل كده
شهد بضحك: لا بس الشركه دي شبها
تسارع في الاحداث
دخلنا الشركه والحمدلله صاحب الشركه طلع راجل محترم جدا وشاغلني وبمرتب كويس جدا كنت مبسوطه اووي وفرحانه
واستلمت الشغل بس بعد شويه اللي شوفته ضيع كل فرحتي.....
