صدفة(الحياة حلوة) قلب و روح 2

#صدفه 
#اسكربت_2

عبد الله عايزة اسألك سؤال 
= اسألي 
_ ليه بطلت تكلمنى وبععدين رجعت دلوقتي تكلمنى ؟! انا حتي قولت نسيتنى... 
منكرش ان لما سألت السؤال دا كنت عايزاه يقولى انه كان بيفكر فيا وانه حتي في اعجاب او استلطاف لكنه رده كان غير متوقع بالمرة  
= لان الكلام بينا بقا قليل خالص فاللي حصل نوع من العادى وغير كدا بجد ان مش عاجبنى النظام دا ومش راضي عليه لانه نتفق او نختلف فهو غلط تقدري تسميها ذله بني ادم لان احنا فعلا ضعاف 
قرأت الكلام ودموعي نزلت شويه... قلبي اتكسر انا كدا بزعل من اقل حاجه بس بينت انه مش فارق معايا ورديت 
_ انا فعلا مش عارفه ليه كلمتك 
كان عندى امل يعرف انه فعلا في حاجه جوايا ناحيته لما قولتله الجمله دى لكنه بردو زي الغبي مفهمش او ربما فهم وعامل مش فاهم وكان رده 
= انا فعلا شوفتك محترمه وارتاحتلك واعتبرتك اختي وانا والله مرضاش لاختى حاجه غلط 
استوب هنا بقا ... اول ما قرأت اختي هنا قلبي وجعنى بجد ...
كل دا اختك كل دا وتقولى اختى طب وقلبي اللي بقا بيدق باسمك لكن صحيح انا منفعوش انا عملت حاجات كتير غلط ولبسي كمان مش لبس حد عايز يرضي ربنا كاسيات عاريات وهو عارف ان بلبس ضيق اوى وبناطيل وقصير حتى البناطيل مش واسعه والتيشيرتات مش طويله وهو عمره ما هيقبل بكدا دموعي زادت وللحظه حسيت ان فقدت الامل ورديت عليه 
_ بس انت بعد ما بطلت كلمتنى تاني 
= اكيد دلوقتي بتقولى عليا انى منافق 
_ لي اقول منافق 
= لان بعترف ان غلطت ورغم كل اللي قولته دلوقتي بنتكلم ولما رجعت كان ضعف بردو  وبتمنى ان كل شخص يبقا للي يخصه وبس وميفتحش مساحه للي ميستاهلش عشان لما ييجي الشخص الصح نكون لسه بيور 
دموعي زادت اكتر ووجع قلبي زاد كلمته وجعتنى اوى كل شخص للي يخصه وميبقاش للي ميستاهلش يعنى هو مش بيفكر فيا غير اخت وبس عمري ما هلمس حتى حته صغيرة من قلبه ولا حتى اعجاب بسيط يعنى انا طول عمري بسمع عن الحب اللي من طرف واحد وعمري ما اتمنيت اكون منهم ودلوقتي بحب بحب شخص مش حاسس بوجودى اصلا هو ممكن اصلا يحب واحده وافقت تتكلم معاه عادى كدا وحسيت ان ندمانه اوى ودموعي علي خدي بس وجع قلبي معذبني ليه يارب يكون مصيري حب من طرف واحد جيت علي نفسي ودموعي بتزيد علي خدى وانا بكتبله 
_ طب وبعدين 
= اننا نعزم النيه ونعلنها توبه ونطلب من ربنا اننا نكون قد كدا ومن ترك شئيا لله عوضه الله خيرا منه 
عياطي زاد وكأن في سكينه اتغرزت في قلبي قلبي اللي في لحظه بقا شبه الارض البور ومفيش اللي يرويها خلاص كدا مش هكلمه تانى دا انا كنت بستنى الليل عشان احس انه معايا كنت بفرح اوي وقلبي يزغرد لما الاقي مسدچ منه هيوحشنى هزاره وكلامه ورخامته بس استنى دا بيقول من ترك شئيا لله عوضه الله خيرا منه يعنى لو بطلنا نتكلم عشان خاطر ربنا وانا دعيت ربنا وطلبته كتير واتمنيته في دعائي ربنا هيكافئني بيه مسحت دموعي وانا بكتب 
_ معنديش مانع انا حتي ممكن اقولك علي فكرة كويسه وهنا سالت دموعي انهار تاني لا انهار اي دا دموع بتألمنى دي مش دموع دي دماء قلبي اللي اتجرح وانا بكتبله 
_ امسح رقمى عشان ميبقاش في حاجه توصلك بيا انا بردو كنت كان نفسي ابعتلك بس اللي منعنى انه رقمك مكنش معايا تفتكر لو كنت مسحت الرقم كنت هتكلمنى تانى ؟؟ 
= انا ذي ما قولتلك اللي مرضهوش علي نفسي مرضهوش علي غيري وانتى لانك انسانه كويسه ومحترمه هعمل كدا وامسح الرقم واكون عندك بصورة كويسه لان مرضاش اللي هتكون ليا تكون بتكلم حد 
يعنى هو عمره ما هيفكر فيا لان كلمته ياتري هو من الناس اللي فاكرة ان زي ما كلمتك هتكلم غيرك يارب يكون لا يارب انا قلبي وجعنى ومفيش ملجأ ليا غيرك مليش ملجأ الا رحمتك التي وسعت كل شئ 
_ علي فكرة انا مش متضايقه من وجودك لكن انا بساعدك وبساعدنى 
= تمام يا كيان انا هعمل كدا لله وبطلب من ربنا انه يثبتنا وذي ما قولتلك من ترك شيئا لله عوضه الله خيرا منه مع السلامه يا كيان اكيد هتفضل ذكري طيبه بينا وربنا يقدملك اللي فيه الخير 
_ انا وانت يارب 
وهنا بقا كانت صدمتى وانهياري وجرحي وآلمي والدموع اللي بتجري علي خدودى وكأنها انهار عارفه مجراها كويس لكنها انهار مبترويش لا انهار بتجرح وبتزيد علي الورد دبلان لكن جمله عبد الله من ترك شيئا لله عوضه الله خيرا منه انا لازم اعمل لاخرتى وافكر فيها واسيبنى من الدنيا ودا مش معناه انى اترهبن او اترك متاع الدنيا لا اتمتع بيها وكل حاجة بس وانا برضي ربنا عشان يعوضنى بالزوج الصالح اللي ياخد بايدى الي الجنه وعلي قد ما كنت حزينه علي قد ما فرحت ان عبد الله سابنى وبعد علي الرغم انه مرتاح للكلام معايا عشان خاطر يرضي ربنا يعنى هيكون امين عليا ويراعي ربنا فيا ويتقيه وهنا حبه زاد في قلبي واتطبع جواه كأن كل الرجاله خلصوا ومفيش غير عبد الله وعزمت النيه ان اتمناه في دعائي يوميا واطلبه في صلاتى ومن هنا حياتى اتغيرت ١٨٠ درجه ...  هل ربنا ممكن يجعل انسان سبب في انه يغير حياتك طب ربنا ممكن يقبل توبتك طب دعائك ربنا هيلبيه ويحقق امنيتك مكنتش اعرف ان داخله علي حياه جديدة وجميله وان كل اللي حصل دا رساله ربنا بعتها ليا وانه بياندينى بيقولى تعالي هقبلك وهحققلك كل امانيكي بس خليكى واثقه فيا وهنا بقا اخدت القرار قررت البس الخمار ايوا مفيش لبس ضيق تانى مفيش كاسيات عاريات هو طبعا اللبس يجوز انه يكون بنطلون ادام هو ساتر بس لا انا قررت البس الخمار فعلا وربنا يثبتنى اي دا ثواني كدا انا كنت بقول ان عمري ما هغير استايل لبسي دا اي دا انا بحبنى اوي في الكاجوال وغير كدا انى حلوة ليه اخبي جمالي طب انا كان حلم حياتى من ساعه ما دخلت كليه الاثار ان اكون تور جايد هو فيه تور جايد مختمرة ؟ طب وحلمى التانى انى اكون معيدة ؟ ايوا فيه معيدة مختمرة وطبعا لاننا في رمضان زي ماقولت والشياطين متسلسله فدلوقتى انت بتتحدى نفسك والحمد لله ان عرفت اتحدى سوء نفسي واطلع الخير اللي جوايا وان كان علي حلمى التور جايد فمفيش مشكله تور جايد مختمرة هيحصل اي يعنى ولا اي حاجه ولو منفعش فربنا هيعوضنى خيرا منها واكون معيدة ان شاء الله ولو محصلش بردو يبقا هيعوضنى عنهم بعبد الله ما دا بردو عوض من ربنا اللهم ثبتنى وارضني يا الله واعني علي رضاك اللهم اعنى اني مكلموش دا انا ملحقتش لسه ووحشنى ودموعي لسه علي خدى بس عشانك يارب هتحمل اللهم ان كان خيرا لي فاجعله نصيبي واجمعنى به في حلالك اللهم ان كان خيرا لي فاجعله نصيبي يا الله واتوسل اليك ان تجعله خيرا لي وان تجلعنى خيرا له وان كان شرا لي فأعنى علي تركه من قلبي وفكري وعقلي وكانت دى دعوتي قبل ما انام انا واثقه جدا في ربنا اصله مستحيل هيدخله قلبي عشان يتعبنى ربنا رءوف رحيم بعباده قومت صليت الفجر وقرأت ورد القرءان بتاعي واللي قررت ان بعد كدا يكون ليا ورد يوميا صباحى ومسائي صليت الفجر وقعدت كدا في سجدة طويله اشكي لربنا وادعيه ياااه علي الراحه النفسيه اللي انا فيها انا كنت دايما لما احس ان مخنوقه كنت اصلي واسجد السجدة المريحه دى مش بتكلم لكن بتتساقط دموعي وكأنها هي اللي بتطلب من ربنا العفو والمغفرة ساكته مش بتكلم يقينا منى بإن ربنا عارف ان من خنقتى ووجعي مش عارفه اتكلم ولا اوصفه خلصت صلاه وقرأت وردى وقومت نمت صحيت الصبح علي صوت مامتى واللي هي اقرب حد ليا كانت بتصحينى وبتقولى انا حاسه ان فيكى حاجه متغيره قولتلها متضايقه شويه يا ماما وكمان عايزة اقولك علي حاجه 
ماما: قولي يا بنتى 
_ انا قررت اجيب دريسات واشيل كل البناطيل دى 
ماما : وترجعي بعد كدا تركينهم زي اللي قبلهم ما تجيبي بناطيل واسعه وتلبسي عليها بلوزات طويله
_ لا يا ماما انا مش بحب الاستايل دا وكمان انى قررت البس خمار 
ماما : طب يا بنتى علي خيرة الله 
وروحت طلعت كل هدومى اداتها لاختى الاصغر منى واللي مقاسها زي مقاسي 
الحمد لله التزمت الفترة دى بالصلاه وقراءه القرءان ودعوتى الثابته ان عبد الله يكوني ليا باذن الله وكل يوم بتعلق بيه اكتر غريب اوي قلبنا دا  بيتعلق بناس ممكن تكون بعيدة او تكون مش بتبادلنا نفس التعلق وربما تكون بتحب حد تانى خالص اصلا وبردو غاوي تعب وبيتعبنا معاه لكن تأكدوا ان لو ليك نصيب في حاجه هتكون ليك مهما حصل وان الحاجه اللي بتبقا متعلق بيها وبتدعى ربنا اوي انك تنولها ومتنولهاش ربنا بيكون له حكمته فى كدا وانه عارف انك لو نلتها مش هتكون مرتاح فهو عايزك بس تصبر وهيعوضك بالاحسن منها يعنى مش حتى زيها لا دى احسن منها المهم اننا كالعادة غلبنى النوم وانا شاردة في تفكيري صحيت الصبح وقررت ان ابدا اروح لمحفظه قرءان والحمد لله روحت وعدا حوالي ٦ شهور وانا كل يوم تفكيري في عبد الله بيزيد وبدعي دعوتى الثابته الحمد لله خلال ال ٦ شهور دول حياتى بقت احسن لبست الخمار وكل اللي شافنى بيه فضل يدعيلي انه ربنا يثبتنى ويقولى اد اي انا حلوة فيه وكان فيه تشجيعات ليا جميله جدا من ناس معايا في الكليه علي الرغم انهم مش اصحابي وطبعا النهاردة يوم جمييييل جدا بالنسبالي النهاردة يوم كنت بحلم بيه من ٦ شهور لا مش اللي فهمتوه انا لسه معرفش حاجه عن عبد الله محاوتلش حتى اكلمه في الفترة اللي فاتت لكن النهاردة الحمد لله اتممت حفظ المصحف كله كنت فاكرة ان لما هتم حفظه هقدر انسي عبد الله لان تعبت من كتر التفكير وخايفه بعد كل التعلق دا ميبقاش نصيبي وطبعا انا واثقه في كرم ربنا وانه لو مش نصيبي فنصيبي هيكون اجمل باذن الله بس انا فرحانه فرحانه اوووى النهاردة خلاص اتممت حفظ كتاب الله ولان اهلي كانوا فرحانين جدا بيا وعارفين ان بحب اسكندريه واد اي هي عزيزة علي قلبي قرروا يفاجأوني ونروح نقضي اسبوع هناك مش عارفه ليه ساعتها قلبي دق يمكن عشان انا بعشق اسكندريه في الاساس ولا عشان حسيت لوهله ان ممكن اقابل عبد الله هناك او يمكن اتمنيت ان اقابله صدفه  هو ممكن تحصل اصلا .. مش عارفه ..  المهم ان تانى يوم جهزنا كل حاجه وطلعنا علي اسكندريه بلد الاحباب وصلنا الشقه اللي هي اصلا بتاعت صاحب بابا واخدت شاور ونمت لان كنت تعبانه من الطريق صحيت تقرييبا قبل الغروب بساعتين فقررت ااغير هدومى وانزل اتمشي ع البحر لان بحب البحر ساعت الغروب وبحب اوووى وقت الغروب نزلت لوحدى طبعا لان اهلي عارفين ان بحب اكون لوحدى علي البحر نزلت وروحت لحد البحر ولاننا كنا في الشتا خلاص بس الجو لسه مش برد اوى بس البحر مكنش زحمه  قعدت علي الشط كدا بحب القاعدة دى اوووى 
= علي فكرة الخمار قمر عليكي اوووي 
ببص جنبي لقيته هو ايوا فعلا دا هو عبد الله اول مرة اشوفه علي الحقيقه دا طلع اجمل علي الحقيقه استغفر الله اي اللي بقوله دا طبعا وشي احمر من الكسوف ما انا مكنتش متوقعه ان الاقيه اينعم كنت حاسه لكن متوقعتش انه يكون دلوقتي 
= اييي روحتى فين بقولك بسم الله ماشاء الله اللهم بارك انت زي القمر  كنت واثق انك هتوسعي لبسك 
اخدت نفس واتشجعت ان ارد 
_ كنت واثق ازاي 
= كنت حاسس .... فاكرة لما  قولتلك هتوسعي لبسك ؟ 
_ اه 
= كنت ساعتها طلبتها من ربنا وانا بصلي الفجر 
بصتله بنظرة مخلوطه بين العتاب والاشتياق منكرش ان كان نفسي اقوله وحشتنى واسأله عن حاجات كتير لكن اكتفيت بالصمت 
= حلوة عيونى مش كدا 
_ ها 
= ها اي انتي شاردة كدا في اي 
_ مفيش بس اصل بحب منظر الغروب اووى 
بصلي بنظرة مفهتماش لكنى توهت في عيونه 
= الغروب حلو فعلا 
_ انا لازم امشي 
رد بسرعه = طب والغروب 
مردتش عليه وقومت مشيت وسمعته بيعلي صوته ويقول علي فكرة الغروووب دا حلو اوووى ابتسمت ومشيت وانا متوترة وقلقانه وخايفه مبسوطه منكرش وكنت اتمنى اشوفه لكن متوترة ضربات قلبي زايدة اوووى رجعت شقتنا ودخلت ومكلمتش حد واتوضيت وصليت وقعدت مع ربنا معرفش وقت اد اي لكنى بطمن اوووى وانا قاعدة بتكلم واشكيله همومى لو حزينه واشكره لو سعيدة وفرحانه ارتاحت شويه وهديت وقومت جبت موبايلي ولقيت ايدى بتروح لوحدها علي بروفايل عبد الله بفتح صوره واتأمل فيها اد اي هو حلو اوووى عيونه حلوين فعلا ملامحه هاديه وجميله يارب زي ما زرعت حبه في قلبي ورويته بفرحه لقايا به اجمعني به في حلالك يارب .... 
= ربنا له حكمه يجمعنا 
وعشان كدا كل ما نبعد بلاقيكي 
كل ما نتخاصم نتصالح 
لما توافقي .. 
هيبيع جواهرجي في يوم خاتم 
هيجيب مأذون عشا لولاده 
هيزيد مشروب وهيبقي اتنين
ونضيف لدنيا اتنين عشاق 
وان موافقتيش .. 
فيه رزق هيبقي انتهي مقطوع 
وانتي مترضيش تقطعي ارزاق 
ببص لقيتها مسدج من عبد الله تلقائي قلبي فرح ومسكت الفون ارد 
_ عمرو حسن تاني قولتلك بحبه وبغير عليه وبعد اذنك ملكش دعوة بيه لان بضعف 
= بس انا عايزك تضعفي ادامي انا ومتغيريش علي حد غيري ها.. موافقه يجيب مأذون عشا لولاده ؟
قرأت المسدج وانا مش عارفه هو بيهزر ولا بيتكلم جد فرديت بلهفه 
_ انا مش فاهمه حاجه 
= افهمك ... طبعا انتي عارفه ان خلصت كليه الحمد لله بس عندى جيش طبعا بس الحاج والحاجه مصرين ان اتجوز وقالولي لو مشوفتش عروسه في ظرف ٢٤ ساعه هنختارلك احنا .. فناويه تكسبي فيا ثواب وتوافقي ولا تسيببنى ليهم يجوزوني علي مزاجهم وممكن تطلع عورة ولا حاجه 
قرأت المسدج وعيوني دمعت بس طبعا مش دموع حزن لا المرادى دموع الفرح واخيرا ابو الهول نطق اللهم لك الحمد يارب اد ايه ربنا عوضه جميل فعلا انا قلبي بيدق اووي اد اي ربنا جميل وبيختار لينا الوقت المثالي فعلا عشان يورينا كرمه خلاص اللي بتمناه حصل واعترف وان شاء الله ربنا هيجمعنا في بيت واحد بس استنى يا كيان بعد كل اللي حصل دا ممكن تغضبي ربنا وتكلميه من غير ما يكون في بينكم حاجه رسمي وخطوة شرعيه ! رديت علي عقلي بسرعه وقولتله لا مش ممكن اعمل كدا 
= ها يا كيان روحتي فين موافقه ؟ 
رديت عليه 
_ لو هتاخد خطوة رسمي اه 
= طبعا هتكون رسمي انا اخدت عهد علي نفسي اني احافظ عليكي عشان ربنا يجمعنا في الحلال وميغضبش علينا وابص الاقيكي مش معايا انا غلطت قبل كدا ومش عايز اكررها تاني 
قرأت المسدج وانا مش مستوعبه ولا فاهمه انت بتقول اي بالظبط رديت عليه 
_ مش فاهمه حاجه 
عمل سين ومردش 
بعت علامه استفهام 
مفيش رد 
بعت نقط 
بردو مفيش 
_ عبد الله انت روحت فين مش بترد عليا ليه 
بردو مفيش رد 
طب ارن عليه انا كدا قلقت هو اونلاين لكن مش بيرد عليا 
_ عبد الله انت روحت فييين 
دموعي نزلت مش عارفه لييه وقلبي اتقبض وحسيت بخوف فضلت صاحيه ببص علي الشات علي امل انه يرد لحد ما طلع النهار واهلي صحيوا ولقيت بابا بيندهني 
_ نعم يا بابا 
= بصي يا كيان امبارح يا بنتي جالك عريس وانا بصراحه شايفه مناسب جدا ومحترم وعايزك تقابليه هو اتفقنا انه ييجي النهاردة لان هو مسافر بكرا وانا حابب تقعدي معاه 
_ عريس ! يعنى انا اعرفه ؟ 
= لا يا بنتى مفتكرش انك تعرفيه 
_ بس يا بابا انا مش بفكر في الجوا
ملحقتش اكمل الكلمه لقيت بابا بيقولي بعصبيه 
= انا قولت هتشوفيه النهاردة مقولتلكيش هتتجوزيه النهاردة 
وسابني ومشي 
اتصدمت ومبقتش عارفه اعمل ايه يعنى بعد ما اخيرا قولت عبد الله اعترف وحصل تقدم حتي لو خطوة فجأه ميردش عليا ويطلعلي عرييس معرفش جه منين وبابا مصمم اشوفه هو انا ممكن اقعد مع واحد اصلا غير عبد الله ! لا مش ممكن لازم اقوله 
دخلت مسكت فونى اتصلت عليه لكن مفيش رد كلمته ١٥ مرة بردو مش بيرد بعتله مسدج 
_ عبد الله انا جايلي عريس وبابا مصمم اشوفه النهاردة 
عمل سين ومردش 
بعت نقط 
علامات استفهام 
بردو مفيش رد  
بدأت اتوتر اتصلت عليه تاني لقيت تليفونه مغلق طب ليه بيعمل معايا كدا طب هو كويس ولا لا فيه اي يقولي بحافظ عليكي عشان متضعيش مني وفي اي اقوله جايلي عريس يعمل سين وميردش انا احترت وقلبي وجعني عليه يارب يكون كو