صدفة(قلب و روح) حياة جميلة

#صدفه
#اسكربت٣
عبد الله انا جايلي عريس وبابا مصمم اشوفه النهاردة 
عمل سين ومردش 
بعت نقط 
علامات استفهام 
بردو مفيش رد  
بدأت اتوتر اتصلت عليه تاني لقيت تليفونه مغلق طب ليه بيعمل معايا كدا طب هو كويس ولا لا فيه اي يقولي بحافظ عليكي عشان متضعيش مني وفي اي اقوله جايلي عريس يعمل سين وميردش انا احترت وقلبي وجعني عليه يارب يكون كويس 
طلع النهار وانا مش عارفه انام من تفكيري ان النهاردة هشوف العريس خلاص بابا مصمم علي كدا وعبد الله مبيردش عليا يعنى خلاص بعد ما صدقت انه اعترف يروح مني كدا حسيت كأن روحي بتتسحب منى وكأن قلبي اتجرح ومش بس كدا لا دا حد بيحط ملح ع الجرح فآلامه تزيد وروحي بتصرخ صرخات مكتومه حتي الدموع عيوني مستكتراها عليا فقررت ان كالعادى اروح لملجآي الوحيد اتوضيت وصليت ركعتين بثيت فيهم كل همومي لربنا هو ملجآي ومسكنى وامان غربتي ومُطهر قلبي من قبح الحياه يارب انا مليش غيرك اللهم لك الحمد ولك الشكر علي جميع نعمك اللهم انك انت ربي وانا عبدك فافعل بي ما شئث فمن انا يا الله كي اعترض علي قضائك ومن انا كي اقف امام قرارتك فأنت تعلم وانا لا اعلم فعندك الخير كله وتعلم جيدا اين اجده فتُرسِلَني إليه او تبعثه لي واخر دعوانا ان الحمد لله رب العالمين وصلي الله وسلم على نبينا محمد وعلى اله وصحبه اجمعين .. قومت ومسحت دموعي بعد ما الحمد لله هديت ماهو فعلا ممكن يكون عبد الله مش خير ليا عسي ان تكرهوا شيئا وهو خير لكم وعسي ان تحبوا شئيا وهو شر لكم وانا راضيه بقسمتى ونصيبي ورزقي ف الدنيا وان شاء الله عوض ربنا مفيش من بعده عوض .. 
_ اي يا كيان انت كل دا لسه نايمه 
دا كان صوت امي اللي دخلت عليا وانا بقوم من علي سجادة الصلاه
= كنت بصلي بس يا ماما 
_ طب يلا يا حبيبتى الحقي البسي واتشيكي كدا وبعدين مال وشك اصفر كدا وشكلك حزين دا جاي تشوفيه ويشوفك مش هيخطفك ويجري 
ابتسمت ورديت = خلاص يا ماما هقوم البس اهو هو جاي امتي 
_ الساعه ٥ المغرب يا حبيبتي ودلوقتي الساعه 1 تعالي اتغدي الاول وبعدين البسي براحتك 
خرجنا وكان بابا برة ومتكلمش معايا ولا كلمه وكأنه زعلان مني انا مش عارفه اي بيحصل حوليا اتغدينا والساعه بقت ٣ دخلت اخدت شاور وروحت علي اوضتي عشان اجهز ولوهله سرحت في عبد الله حسيت انه وحشنى اووي بس غريبه انا قلبي مرتاح مش مقهور زي ما كان الصبح يبقا الحمد لله ربنا هداه وهداني معاه حتي كنت بفكر ادخل علي بروفايل عبد الله اشوف صوره لانه كان واحشني بس لقيتنى بروح ع الدولاب وبطلع اجمل حاجه عندي لبست وجهزت وماما ساعدتني طبعا بصيت ف المرايه لاخر مرة خمار ابيض سادة علي دريس بيبي بلو فيه ورود بيضا علي اد ما بحاول اخفي مفاتني لكن بردو باين اد اي انا كلي انوثه واكتملت الاناقه بالكوتشي الابيض الفلات مع اني قصيرة بس مش بحب البس هيلز ودايما بميل للكوتشيات الفلات طبعا حطيت كحل بعد ما ماما اثرت علي دا ودا ذادني جمال بل وفتنه خصوصا ان عيوني عسلية مع خدودي الوردية وشفايفي المرسومه طبيعي رغم ان كنت حزينه بعض الشئ الا اني حبيتنى اوي وحسيت اد اي انا ملكه لكن باحتشامي وحجابي الجميل اللي مقللش من حلاوتي بل زاد عليها اضعاف وهنا سمعت صوت بابا بيسلم علي حد وبيقوله اتقضل يا ابني نورتنا وهنا عزيزي القارئ لك ان تتخيل دقات قلبي المرتفعه ونبضاته الكهربيه المخيفه وخدودي اللي بقت شبه الفراولايه فراولايه ها مش طمطمايه عشان منزعلش من بعض لما كل دا ولسه مخرجتش امال لما اخرج هعمل اي وهنا دخلت ماما اللي ماتت علي نفسها من الضحك 
_ اي يا بنتي دا مال وشك جايب الوان كدا ليه 
= مش عارفه يا ماما انا مكسوفه 
_ ههههههههههه مكسوفه اي هي اول مرة يجيلك عريس مالك يا كيان اهدي كدا يا قلب ماما ها واحدة واحدة خدي نفسك 
_ ايوا كدا يا روحي هديتى اهو يلا تعالي بقا عشان تطلعي العصير وعلي فكرة هو جاي لوحده مش معاه اهله لسه وان شاء الله لما يحصل قبول المقابله الجايه هتكون مع اهله ودي احسن حاجه هو عملها 
خرجت مع ماما وانا قلبي بيدق وبحاول اخبي كسوفي اداتني العصير وخرجت وانا باصه ف الارض مش حكايه كسوف بس كان نفسي اللحظه دي تكون مع عبد الله وعشان كدا عيوني دمعت وانا ماشيه بخطوات بطئيه كأني مش عايزة اوصل وفعلا انا مش عايزة اوصل ولكن القدر له راي اخر وصلت عند العريس  ووقفت ادامه بالعصير لحد مالقيته اتكلم وقال 
_ اذيك يا كيان 
رفعت راسي وبصيت ولكن حدث ما لا يحمد عقباه وقعع مني العصير علي هدومه ودموعي زادت لكن المرة دي في شهقات بكاء مرتفعه ومش عارفه اسيطر علي اعصابي