ضابط في حياتي - حلقة ١٢
قالت سلمي كلمتها و كأنها اشعلت نارا في قلب آسر !!!
عم الصمت لمدة دقيقة
كل منهم يحاول استيعاب ما يحدث حولة
قطعت سلمي هذا الصمت قائله : في ايه مالكوا ؟!!!
نظر اليها آسر كأنة غير مدرك لما قالت ! نظرة يرجوها فيها ان تقول له ان هذا كذب !!! تقول له انها له وحده و لن تكون لغيره !!
اعاد السؤال عليها مرة اخري آملا في تغيير الاجابه
آسر يعيد سؤاله ببطئ : خطوبة مين ؟؟؟؟؟
وضعت شهد يدها علي فمها و نظرت الي آسر
سلمي : خطوبتي !!
و نظرت الي شهد
سلمي : هو في حاجة يا شهد ؟!!
لم تنطق و ظلت انظارها معلقة ب آسر الذي اغمض عينيه ب آلم و تسارعت دقات قلبه و شعر بأنه غير قادر علي التنفس !!!
لحظات مرت عليه كانها دهر !!
فتح عينيه بتثاقل و نظر لها بآلم قائلا : مبروك يا سلمي
و تركهم و انصرف مسرعا الي غرفتة قبل ان تفضحه عينيه اكثر من ذلك !!!!!
______________________________________
داخل غرفة شهد..
سلمي : ممكن افهم بقا في ايه ؟!!
انتي و اخوكي مش طبيعيين انهردة !!!
نظرت شهد اليها و عجزت عن الكلام !!
سلمي : مالك يا بنتي بتبصيلي كدا ليييه ؟!!! انتي كويسه ؟؟؟؟!
شهد بصوت هادئ محاوله السيطره علي انفعالاتها : انا كويسه يا سلمي ، كنت مشغولة اوي الايام اللي فاتت دي بس معلش
سلمي : اسبوع بحاله مشغولة يا شهد !! مجاش ف بالك تكلميني 5 دقائق بس تطمنيني عليكي ولا تشوفيني محتاجة حاجة ف تحضيرات الخطوبة !!
و بعدين هو آسر مالوا بيبصلي بطريقة غريبة كدا ليه ؟!!!!
شهد بحدة: خلاااص يا سلمي بقااا مفيش حاجة
سلمي باندهاش : انتي بتكلميني كدا ليه ؟!!!!
زفرت شهد بضيق و حاولت التحدث بهدوء و قالت كاذبة : معلش يا سلمي مكنش قصدي هو بس آسر تعبان شوية و عنده مشاكل ف شغله مأثرة عليه و انا مضايقة عشانة مش اكتر .. متزعليش مني
و حاولت شهد اصلاح الامر و وعدت سلمي بانها سوف تذهب معها لشراء فستان الخطبه
و انصرفت سلمي بعد ان هاتفها مازن و اخبرها بأنه سوف يأتي لاصطحابها
______________________________________
اما عند آسر ..
دلف الي حجرتة و هو في حاله ذهول !!
وقف امام النافذة ليستنشق الهواء و عقله يكاد ينفجر من كثرة التفكير
ظل يشعل سيجارة تلو الاخري و هو في حالة توتر شديدة
رن هاتفه..
وجد اسم محمد
زفر بضيق و نظر للهاتف بغضب
الوووو
محمد بأندهاش : مالك يا ابني ؟!!
آسر : عاوز اييييه ؟!!!!
محمد : مفيش كنت بأكد عليك معاد النهاردة بس !!
آسر و هو يضحك بسخرية : لااا خلاص مفيش داعي المعلومة وصلتني من صاحبة الشأن نفسها
محمد بقلق : قصدك ايه ؟!!
آسر بغصب و صوت عاااالي : يعني عرفت ان سلمي هتتخطب يا محمد عرررررفت
محمد بأرتباك : آسر اا...ا..انااا
آسر بصوت عالي : انت و الهانم اختي كنتوا عارفيييين و مخبيين عليااااا صح
سبتوني زي الاهبل كل دااااااا برسم احلااااام ف الهواااا و هي هتبقي لغيري ف الاااااخر
عملتوا فيا كدا ليييه ؟!!!!!!
محمد : آسر اهدي بس اهدي والله احنا كنا خايفين عليك بس والله كنا هنقولك
آسر : اقفل دلوقتي يا محمد
محمد : بس.........
آسر : اقفل يا محمد مش قادر اتكلم ...و اغلق الهاتف
______________________________________
بعد ان رحلت سلمي
قررت شهد الذهاب الي اسر للتحدث معه مهما كانت عاقبة الامر
خرجت من غرفتها
الام : شهد هو اخوكي كان بيزعق كدا ليه ؟!!!
شهد : خليكي يا ماما متقلقش ، انا هشوفوا
طرقت باب غرفتة و دخلت
دلفت شهد الي غرفة آسر
وجدتة يقف امام النافذة و هو يلهث بشدة كأنة كان يعدو مسافة طويلة !!
اقتربت منه ببطئ و قالت بصوت هامس : آسر انت كويس ؟؟؟
لم يلتفت
آسر : عاوزة ايه يا شهد ؟؟
شهد : صدقتني انا حاسه بيك اووي و مكنش قصدي لا انا ولا محمد نخبي عليك بس خفنا عليك و خفنا من رد فعلك !!
آسر بضعف : و اديني عرفت
شهد : آسر بصلي
التفت اليها و ظل صامتا
شهد : يا حبيبي متعرفش ربنا شايلك الخير فين اصبر يا آسر و يا عالم بكرة هيحصل ايه
آسر : هي بتحبه يا شهد ؟؟؟؟
صدمت شهد من السؤال و ظلت صامتة لفترة ثم قالت بهدوء
لا ارتباط عادي قريب خطيبة اخوها
صمت و لم يعقب
شهد : انت حبتها امتي و ازاي يا آسر ؟؟!!! انت من اول لحظة شوفتها فيها و بينكوا مشاكل و بتعاملها وحش جدا ، ازااااي حبتها ؟!!
آسر بضحكة ساخرة : تعرفي اني حبتها من اول يوم شوفتها فيه
شهد بصدمة : ايييه ؟!!!
آسر : حبتها من اول لحظة شوفتها ، شوفت ف عنيها براءة و طيبة غريبة ، كنت حاسسها اوي بس عقلي كان رافض يقتنع ان في بنت بريئة كدا .. حتي كنت مصدق انها بريئة و متعرفش البنات اللي قبضت عليها معاهم دول بس كنت حاسس اني بعاقبها علي اعجابي بيها !!!!! بعاقبها بأني مرضتش اصدقها ، بعاقبها بأني خلتها تقعد في الحجز ، بعاقبها ب اني كنت بعاملها وحش حتي بعد ما ثبت انها بريئة مع اني كنت مصدق من البداية اصلا ، فضلت اعاقبها اعاقبها ف الاخر طلعت بعاقب نفسي !!!!!
اللي عملتوا هبه فيا خلاني اشوف كل البنات خاينين و استغلاليين
مبقتش اشوف ولا اي بنت كويسة ابدا ، ولا اي بنت تستاهل انها تشيل اسمي
بس سلمي غيرت كل حاجة جوايا
قولت هنساها بعد ما المحضر يتقفل و مش هشوفها تاني
تابع بمرارة : بس ف الاخر لقتها بقت صاحبة اختي الانتيم و اتفرض عليا اشوفها و اتعامل معاها
حاولت اتجاهلها و حاولت مفكرش فيها و حاولت اكرها !!! بس مقدرتش !! كنت كل ما بعمل كدا بحس اني بحبها اكتر !!
و يوم ما اتخلص من الاحساس اللي جوايا و اقدر اعترف اني بحبها يكون بعد فوات الاوان بعد ما بقت لغيري
نظر اليها و قال بأسي : شوفتي الدنيا دي ظالمة ازاي ؟؟؟!
شهد : يااااااة كل دا جواك يا آسر ؟!!! بس انت اتأخرت اووي علي ما قدرت تقول الكلام دا كله
آسر بأسي : عارف
شهد : طب انا ممكن اكلمها ....
قاطعها آسر بصرامة : تكلميها تقوليلها ايه ؟!!! ونبي حبي اخويا دا بيحبك و متتخطبيش ؟!!!
اسمعي يا شهد لو حرررف واحد من الكلام اللي انا قولتهولك دا وصل لسلمي لا هتبقي اختي ولا اعرفك ، سمعاااني ؟!!!
شهد : حاضر حاضرر
بس اهدي انت بس و بطل شرب سجاير انت من امتي بتشرب كل داا ؟!!!! صلي و ادعي لربنا هو الوحيد اللي قادر يفك كربك و يريح قلبك
خرجت و تركتة وسط همومه و احزانه التي لا تنتهي !!
______________________________________
الوو
ايوة يا محمد
محمد : آسر عامل ايه ؟؟؟
قصت له كل ما دار بينها و بين آسر
محمد بدهشة : يااااه معقولة دا كله كان بيحبها !!!! انا مش قادر اصدق ، يا عيني عليك يا آسر
استغفر الله العظيم يا رب ، انا شوية كدا يكون هدي و هكلموا
شهد : خليك جانبة يا محمد اوعي تسيبوا
محمد : مش محتاجة توصيني يا شهد ، بس يعني انتي ...
شهد : في ايه يا محمد ؟
محمد : هتتعاملي ازاي مع سلمي بعد كدا عشان آسر يعني ...
شهد : والله ما عارفة !! و المصيبة اني مش عاوزة احسسها بأي حاجة و لازم اكون معاها ، انا مش هنسالها انها جت كتب كتابي ف عز خلافتها مع آسر عشان متسبنيش لوحدي ف يوم زي دا ، انا مقدرش اسيبها لوحدها !! و ف نفس الوقت مقدرش اجرح اخويا !!
بجد مش عارفة اعمل ايه
محمد : بصي حاولي تكوني معاها من غير ما آسر يحس و انا هحاول علي قد ما اقدر اشغله الفترة دي و ربنا يستر بقا
______________________________________
انقضت الايام و كانت شهد بجانب سلمي و تساعدها ، و كانت تحاول ان تخفي هذا الامر حتي لا يلحظ آسر
تبقي يوم واحد فقط علي الخطبة
كان آسر بصحبة محمد في احد الكافيهات
محمد : الوو الوووو
انا هطلع ارد برة يا آسر مش سامع من الدوشة هنا
اومأ برأسه دون ان يتكلم
كان صوت الاغاني عاليا ف الكافية
انتهت اغنية و بدأت اغنية اخري
عندما سمعها آسر شعر انها توصف حاله تماماا !!!
......
سامحنى انا فعلا مش هقدر اكون قدامك ومحبكش
انا دلوقتى بحبك اكتر ياريتنى اصلا معرفتكش
انا تعبان موجوع من بعدك انا صعبان على نفسى بجد
هو انا ينفع اعيش من بعدك هو اصلااااا فيه بعدك حددددد
محمد : انا جيت
وجدة شاردا : آسر آسرر
بدأ محمد يركز مع كلمات الاغنية و علم ما هو سبب شروده
بعد ان اتتهت الاغنية
آسر : يلا نمشي يا محمد
محمد باستسلام : يلاا
ايه يا ابني انت رايح فييين ؟؟؟!
آسر : سبني عاوز اتمشي مع نفسي شويه
محمد : لا انا هاجي معاك
آسر : لااا يا محمد انا عاوز اكون لوحدي
تركه و سار بمفرده ..
ظل يسير و يسير الي ان احس بالتعب .. جلس علي مقعد في احد الحدائق العامة
( اه ه ه لو تعرفي بحبك قد ايه يا سلمي و قلبي موجوع قد ايه انك هتكوني لغيري ، ياااااا رب انت العالم بحالي ريح قلبي ياااا رب )
______________________________________
في صباح اليوم التالي ظلت سلمي تحاول مهاتفه شهد علي هاتفها و كان مغلق .. فاتصلت بها علي هاتف المنزل
الام : شوف ميين يا آسر عشان بعمل الاكل و ايدي مش فاضية
آسر : حاضر
الوووو
ايوة يا آسر ، ازيك ؟؟؟
دقات قلبة ظلت تتسارع بشدة عند سماعة لصوتها ، حاول التماسك و رد
آسر : الحمدلله تمام
سلمي : هتيجي الخطوبة بليل مع شهد و طنط طبعا مش كدا ؟؟
آسر بألم : ان شاء الله
سلمي : ان شاء الله ، امال هي شهد فين ؟؟؟؟؟! انا بكلمها من الصبح موبيلها مقفول و انا عوزاها ضروري
آسر : خرجت مع محمد تلاقي الموبايل فصل شحن
كلميها علي مويايل محمد ، معاكي ؟
سلمي : اه معايا ، مرسي يا آسر
.. اشوفكوا بالليل بقا سلام !
______________________________________
في المساء ..
تفاجأت شهد بآسر و هو يخبرهم انه سوف يذهب معهم الي خطبه سلمي !!!!
